⚡️Япония бош вазирига суиқасд вақтидаги видео. Тансоқчи чақмоқ тезлигида реакция кўрсатган

Ижтимой тармоқларда Япония бош вазири Фумио Кисидага нисбатан уюштирилган суиқасднинг янги лавҳалари тарқалди. Хавфсизлик ходими жиноятчи томонидан ташланган портловчи мосламани ўз вақтида пайқаб, Кисидани четга суриб, унинг устини зирҳли дипломат билан беркитишга муваффақ бўлган.

@haqiqatonline_24

#об_ҳаво

☀️🌥🌧Бугун Тошкент вилоятида ҳаво ҳарорати +5 даражагача пасайиши кутилмоқда

Гидрометеорология марказининг хабар беришича, бугун, 17 апрель куни Тошкент вилоятида ҳаво ўзгариб туради, ёғингарчилик бўлмайди. Шимоли-шарқдан секундига 7-12 метр тезликда шамол эсади. Айрим жойларда шамолнинг тезлиги чанг-тўзонлари билан бирга секундига 17-22 метргача кучайиши мумкин.

Ҳарорат кечаси 5-10, кундузи 10-15 даража илиқ бўлади.    

✔️Тезкор янгиликларни биз билан кузатинг!

@haqiqatonline_24

#тонгги_кайфият

Урусни болалари ўсиб кетибди. Кичкина боласиям русча гапиряпти😂

Яхши кайфият кун давомида ҳамроҳингиз бўлсин!

@haqiqatonline_24

#саломатлик

⚡️Бананнинг инсон саломатлигига таъсири

✅ Банан депрессияга қарши курашда ёрдам беради. Чунки ундаги триптофан бахт гормони синтезида иштирок этади.

✅ Суякларни мустаҳкамлайди. Айниқса бу кофени яхши кўрадиганлар учун муҳим. Чунки кофе организмдан кальцийни чиқариб юборади, банан эса аксинча.

✅ Қабзият. Банан ич қотиши билан оғриганлар учун жуда фойдали. Мунтазам банан истеъмол қилиш бу муаммодан халос қилади.

✅ Ошқозон яраси. Банан ошқозон ярасини даволашда ёрдам беради.

@haqiqatonline_24

#валюта

⚡️Долларнинг расмий курси яна кўтарилди

Ўзбекистон Республикаси Марказий банки хорижий валюталарнинг ўзбек сўмига нисбатан жорий йилнинг 17 апрель куни амалда бўладиган қийматини белгилади.

Унга кўра, долларнинг расмий курси 20,96 сўмга ошди ва 11 441,96 сўмни ташкил қилди.

Евро курси 67,73 сўмга кўтарилди, 12 658,24 сўм этиб белгиланди.

Россия рублининг курси эса 0,42 сўмга баландлади, 140,37 сўмни ташкил этди.

@haqiqatonline_24

#диққат

❗️Қибрайда XIX асрга тегишли икки дона тангани 145 минг долларга сотмоқчи бўлганлар ушланди

Тошкент вилоятида 1876 йилда ишлаб чиқарилган олтин тангаларни 145 минг долларга сотаётган шахслар қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.

Маълум қилинишича, Департаментнинг Қибрай туман бўлими ва ДХХ ходимлари билан ҳамкорликда тезкор тадбир ўтказилган. Унда фуқаролар Б.А. ва М.У. 1876 йилда ишлаб чиқарилган “Государыня императрица Марыя Феодоровна” ва "25 рублей" ёзувлари туширилган умумий оғирлиги 76,2 грамм бўлган 2 дона олтин тангаларни 145 000 АҚШ долларига сотаётган вақтларида ашёвий далиллар билан ушланган.

Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

@haqiqatonline_24

#хориж

❗️Ҳиндистонда 20 киши ароқдан заҳарланиб вафот этди
 
Ҳиндистоннинг Бихар штатида камида 20 киши сифатсиз спиртли ичимлик ичиб вафот этди. Яна ўнлаб одамлар шифохонага етказилган. Қурбонлар сони ортиши мумкин.
 
Манбаларнинг айтишича, бир танкер қалбаки маҳсулот Мотихари қишлоғига олиб келинган ва маҳаллий савдогарларга тарқатилган.
 
Шифокорлар ичимликдан заҳарланганлар кўнгил айниши, ориентацияни йўқотиш, қорин оғриғи, нафас қисилиши ва ҳушини йўқотиш каби шикоятлар билан ётқизилганини айтмоқда.
 
Полиция еттита контрафакт сотувчини қўлга олди, таркибида алкоголь бўлган маҳсулотлар намуналари таҳлилга жўнатилди.

@haqiqatonline_24

✅ Муддатидан олдин овоз бериш тартиби

✔️ Референдум куни ўз яшаш жойида бўлиш имкониятига эга бўлмаган овоз берувчи муддатидан олдин овоз бериш ҳуқуқига эга.

🗓 Референдумда муддатидан олдин овоз бериш 19-26 апрель кунлари амалга оширилади.

@haqiqatonline_24

#кун_тарихи

⚡️16 Апрель - Жаҳон Овоз куни (World Voice Day).

Инсоннинг овозига бағишланган мазкур байрам Америка отоларингология Академияси ташаббуси билан 1990 йиллар сўнгида пайдо бўлди. Кейинчалик бошқа давлатлар ҳам қўшилди.
Байрамдан кўзланган асосий мақсад шифокор-мутахассислар, шунингдек, барча инсонларни одамзоднинг ўзаро мулоқотда фойдаланадиган овозига эътибор қаратишдан иборат.

Бугун шунингдек:

➖ Хайрли ишлар куни (Good Deeds Day)
➖ Чарли Чаплин куни
➖ Жаҳон нуқта,вергул куни (World Semicolon Day)
➖ Филни қутқариш куни (Save The Elephant Day)
➖ Дарчин шамоли куни
➖ Рақсга тушувчи сигирлар куни (Dancing Cow Day) - Дания
➖ Қўзиқорин куни (Day of the Mushroom) - АҚШ
• Фан ва билимлар куни (Youm El-Ilm) - Жазоир
➖Орхидея куни (National Orchid Day) -АҚШ
➖Тожик фани куни
➖ Варрак учириш куни (Go Fly a Kite Day) - АҚШ
➖ Ишхонадаги кастюм куни (National Wear Your Pajamas To Work Day) - АҚШ
➖ Кутубхоначилар куни (National Librarian Day) - АҚШ

@haqiqatonline_24

⚡️Рамазон ҳайити муносабати билан барча ходимлар кетма-кет 3 кун дам олиши мумкин

✅ 5 кунлик иш ҳафтасида ишлайдиган ходимлар дам олиш кунлари (6 кунликлар учун ҳали расман тасдиқланмаган):

▫️22 апрель —шанба;
▫️23 апрель — якшанба;
▫️24 апрель — душанба (кўчирилган дам олиш).

Яъни, 5 кун ишловчилар учун душанба куни дам, 29 апрель — шанба эса иш куни бўлади.

❗️Агар 22 апрель — шанба Ўзбекистон мусулмонлари идораси уламолари хулосаси асосида Ўзбекистонда Рамазон ҳайитининг 1-куни сифатида белгиланса, 21 апрель — жума куни кундалик иш (смена) муддати барча ходимлар учун камида 1 соатга қисқартирилади.

@haqiqatonline_24

#диққат

⚡️⚡️“Очиқ бюджет” ахборот порталида “Менинг йўлим” лойиҳасининг жорий йилги мавсумига старт берилди.

Туман (шаҳар) буджетларида ҳудудий ички йўлларни таъмирлаш учун режалаштирилган маблағларнинг камида 50% қисмини фуқаролар фикри асосида йўналтиришини таъминлаш мақсадида ташкил этилган “Менинг йўлим” лойиҳасининг жорий йилги мавсуми учун 312 млрд. сўмдан ортиқ маблағлар йўналтирилиши режалаштирилган.

Лойиҳа доирасида таклиф киритиш жараёни жорий йилнинг 27 апрель санасига қадар давом этади. Киритилган таклифлар учун овоз бериш жараёнлари 28 апрелдан 7 май кунига қадар ўтказилади.

@haqiqatonline_24

#порахўрлик

❗️Тошкент шаҳрида туман Мудофаа ишлари бўлимларидан бирининг бошлиғи пора олиб, қўлга тушди. Тергов жараёнини Республика Ҳарбий прокуратураси назоратга олди

Бу ҳақда Ҳарбий прокуратура ўзининг расмий саҳифасида маълум қилди. 

Келтирилишича, Тошкент шаҳридаги Мудофаа ишлари бўлимларидан бирининг бошлиғи фуқарони ҳарбий хизматга юбормасдан ҳарбий гувоҳнома расмийлаштириб бериши эвазига 600 АҚШ доллари миқдорида пора олган.

Мазкур ҳолат юзасидан туман мудофаа ишлари бўлими бошлиғи Х.Ш.га нисбатан Жиноят кодексининг 210-моддаси (пора олиш) 2-қисми “в” банди билан жиноят иши қўзғатилган.

@haqiqatonline_24

#ана_холос

❗️Ўзбекистон U-20 терма жамоаси аъзосидан допинг аниқланди

Осиё футбол конфедерацияси юртимизда бўлиб ўтган U-20 Осиё кубоги бўйича тиббий хулосасини тақдим этди. Унга кўра, Ўзбекистон — Австралия учрашувидан кейинги допинг текширувда терма жамоамизнинг бир нафар футболчиси – Шаҳриёр Жабборовда тақиқланган модда аниқланган. Ушу текшурив “А”, яъни биринчиси ҳисобланиб, ундан сўнг “Б” қўшимча текшируви ўтказилади. Айнан иккинчи текширувдан сўнг якинуй қарор чиқарилади.

Ўзбекистон футбол ассотсиацияси раҳбарияти бошчилигида мазкур ҳолатни тўлиқ ўрганиб чиқиш юзасидан ички текширув бошланган. Унда футболчи, тиббий қўмита мутахассислари, терма жамоа ҳамда клуб шифокорлари иштирок этишмоқда.

Дастлабки тахминларга кўра, Жабборов эҳтиётсизлик сабаб сифатсиз биологик фаол моддалар истеъмол қилган бўлиши эҳтимоли ўрганиб чиқилмоқда.

Турнир давомида Ўзбекистон U-20 терма жамоасининг аксарият футболчилари допинг текширувдан ўтган ва ҳеч кимда таъқиқланган воситалар аниқланмаган.

@haqiqatonline_24

#диққат
#Бекобод

⚡️Таъмирлаш ишлари бошқа кунга қолдирилгани боис ҳудудларда газ таъминоти тўхтатилмайди

Тошкент вилояти "Ҳудудгаз Тошкент" газ таъминоти филиали жорий йилнинг 18 апрель куни соат 14:00 дан 17:00 гача Бекобод шаҳри “Металлург” ва “Муқумий” МФЙлар ҳудудидаги Тинчлик, Боғишамол, Маданият ҳамда Муқумий кўчаларида табиий газ таъминоти вақтинча тўхталиши ҳақида огоҳлантирган эди.

Бироқ, таъмирлаш ишлари бошқа муддатга қолдирилганлиги сабабли, юқорида келтирилган манзилларда табиий газ таъминоти тўхтатилмаслиги маълум қилинди.

https://t.iss.one/haqiqatonline_24

#таъзия

❗️Ўзбекистонда хизмат кўрсатган журналист, Ўзбекистон Ёзувчилар уюшмаси аъзоси Мурод Хидир 84 ёшида вафот этди.

Бу ҳақида Ёзувчилар уюшмаси маълум қилди.

   Мурод Хидир 1939 йилда Қашқадарё вилояти Китоб тумани Олақўйлиқ қишлоғида туғилган. У “Қашқадарё ҳақиқати” ва “Келажак тонги” газеталаридаги публицистик мақолалари билан элга танилган. “Гулистон”, “Шарқ юлдузи” ва “Санъат” журналларида ҳам фаолият юритган. “Сирли олам” журнали, “Қалб кўзгуси” ва “Соҳибқирон юлдузи” газеталарида бош муҳаррирлик вазифасини бажарган. Шунингдек, Ўзбекистон Ёзувчилар уюшмасида турли лавозимларда ишлаган.

   Мурод Хидир “Қирғоқлар”, “Aму соҳиллар бўйлаб”, “Кўзача ва бўтача”, “Тошкўл”, “Кийикча ва бўйноқ”, “Ҳарф ўйини” каби китоблар муаллифи саналади.

@haqiqatonline_24

#об_ҳаво

☀️🌥🌧 Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 18 апрель куни Тошкент вилоятида  ҳаво ўзгариб туради, ёғингарчилик бўлмайди. Шимоли-шарқдан секундига 7-12 метр тезликда шамол эсади.

Ҳарорат кечаси 2-7, кундузи 12-17 даража илиқ бўлади.
 
@haqiqatonline_24

#БИЛГАНИНГИЗ_ФОЙДА

⚡️ҚОН БОСИМИ ТУШГАНДА:

Белгилари:

➖холсизлик, бош айланиши;
➖кўз хиралашиши;
➖кўнгил айниши ва қайт қилиш;
➖терлаш ва диққатни сусайиши;
➖коллапсда(совуқ, ёпишқоқ, ранги ўчган тери, тез саёз нафас, тахикардия).

✳️ Даволаш: Уй шароитида:

➖тузли сув истемол қилиш;
➖женшен ва занжабил ичиш;
➖кофе ичиш;
➖эластик пайпоқ (чулки) кийиш;
➖Йетарлича дам олиш.

@haqiqatonline_24

#валюта

⚡️Доллар курси кўтарилди

Ўзбекистон Республикаси Марказий банки хорижий валюталарнинг ўзбек сўмига нисбатан жорий йилнинг 18 апрель куни амалда бўладиган қийматини белгилади.
Унга кўра, долларнинг расмий курси 13,04 сўмга ошди ва 11 455,00 сўмни ташкил қилди.
Евро курси 79,50 сўмга тушди, 12 578,74 сўм этиб белгиланди.
Россия рублининг курси эса 0,51 сўмга баландлади, 140,88 сўмни ташкил этди.

@haqiqatonline_24

#коррупция

❗️Фарғонада ҳокимлик ходими 4 минг доллар пора билан қўлга олинди

У Ўзбекистон тумани ҳокимлиги балансидаги захира ерни сотишга уринган.

@haqiqatonline_24