#кун_тарихи

⚡️4 февраль - Халқаро инсоният биродарлиги куни

2019 йилнинг 4 февраль куни Абу-Дабида Рим папаси Франциск II ва Аль-Азҳар олий имоми Аҳмад ат-Тойиб ўртасидаги учрашувда “Инсон биродарлиги” ҳужжати имзоланди.

Ушбу ҳужжатда, чинакам эътиқод инсоннинг ички дунёсида ҳам, унинг атрофидаги дунёда ҳам уйғунликни таъминлаши, яқинлашувга ёрдам бериши, адоват, нафрат ва ундан ҳам зўравонликка сабаб бўлмаслиги каби жиҳатлар устувор мақсад қилиб белгиланди.

2020 йил 21 декабрда БМТ Бош Ассамблеяси резолюцияни қабул қилди. Унга кўра, 4 февраль – Халқаро инсонлар биродарлиги куни сифатида белгиланди.

@haqiqatonline_24

#ташриф

⚡️⚡️Шавкат Мирзиёев Малайзияга жўнаб кетди

Бугун, 4 февраль куни давлат раҳбари Малайзия Бош вазири Анвар Иброҳимнинг таклифига биноан, расмий ташриф билан ушбу мамлакатга жўнаб кетди.

Ташриф дастурига кўра, Куала-Лумпур шаҳрида олий даражадаги музокаралар, қатор ишбилармонлик ва маданий тадбирлар бўлиб ўтади.

@haqiqatonline_24

#диққат

❗️Барча давлат органлари ва ташкилотларининг веб-сайтлари ягона платформага ўтказилади

Бу бўйича Вазирлар Маҳкамасининг қарори қабул қилинди.

Қарор билан, 2025 йил 1 мартдан бошлаб давлат органларининг расмий веб-сайтлари gov.uz ягона платформасида юритилади.

Вазирлик ва идоралар ҳукумат доирасидаги ишлар ва тадбирлар тўғрисидаги ахборотларни чоп этишдан олдин Бош вазир матбуот хизмати билан келишиши талаб этилади.

@haqiqatonline_24

#халқаро

❗️Тожикистонда маҳкумлар қўриқчиларга ҳужум қилиб, колониядан қочишга уринди

Бу ҳақда "Ховар" агентлиги Тожикистон Адлия вазирлигига таяниб хабар берди.

Маълумотга кўра, ҳодиса 3 февраль куни 3/2-сонли ахлоқ тузатиш муассасасида содир бўлган.

Ҳужум натижасида колониянинг уч ходими оғир тан жароҳати олган. Қўриқчилар ҳужум қилган маҳкумларга қарши ўқотар қурол ишлатган, натижада уч маҳкум ҳалок бўлган.

Жароҳатланганларга тиббий ёрдам кўрсатилди.

@haqiqatonline_24

#қулоққоқди

❓БЕКОБОДДА ФУТБОЛ ТАМОМ...МИ?

"Мен нима деган эдим?" деган китобни фақат уламои жаҳон Аброр Мухтор Алий эмас, биз ҳам бемалол ёзаверсак бўларкан...

Ёдингизда бўлса, ўтган йили икки бора "Тошкент ҳақиқати"да танқидий мақола бериб, Бекободдаги футбол мутасаддиларига юзланар эканмиз, "Ҳой, кўзингизни очинг, Бекободда футбол тугаяпти!!" деганнамо гап қилувдик.

Бу чиқишларимизга на жавоб бўлди, на ҳаракат!

Охир-оқибат "Металлург" футбол клуби Олий лигадан шармандаларча қулади!

Тафсилотлар билан яқиндан танишмоқчи бўлсангиз, "Тошкент ҳақиқати"нинг эртанги сонида чоп этилаётган "Бекободда футбол тамом!" сарлавҳали мақолани албатта ўқинг!!

@haqiqatonline_24

#Диққат

❗️Энди ўзбекистонликлар хорижий интернет-дўконлардан маҳсулот харид қилишда божхона тўловларини тўлашлари керак

Wildberries, Temu, Ozon, AliExpress, Globbing, Amazon ва бошқалардан буюртмалар учун ҳар бир кг учун 7500 сўм (БҲМнинг 2%) тўлаш керак бўлади. Илгари 1000 доллардан кам бўлган буюртмалар учун божхона расмийлаштируви талаб этилмаган.

@haqiqatonline_24

#диққат

⚡️⚡️ 22 300 сўм – бир кунга етади!

Ўзбекистонда бир киши учун минимал истеъмол харажатлари 669 минг сўмни ташкил қилди. Мазкур қиймат орқали камбағаллик чегараси белгиланади.

2025 йил учун ҳисобланган минимал истеъмол харажатлари қиймати 1 ойда киши бошига 669 минг сўмни ташкил этди (2024 йил 1 майда 648 сўмни ташкил этган).

Жаҳон тажрибасида минимал истеъмол харажатлари кўрсаткичидан камбағаллик чегараси сифатида фойдаланиш кенг тарқалган бўлиб, мазкур кўрсаткичдан:

— давлатнинг моддий ва бошқа ижтимоий кўмакларига муҳтож аҳолининг мақсадли (таргет) гуруҳини аниқлаш;

— камбағалликка қарши курашиш стратегияси ва дастурларида белгиланган вазифа ва чора-тадбирларнинг натижадорлиги ҳамда манзиллилигини ошириш, шунингдек, уларнинг доимий мониторингини юритиш;

— нафақалар ва нафақаларнинг энг кам миқдорини белгилаш, шунингдек, камбағал оилаларга бериладиган бошқа турдаги моддий кўмакларни кўрсатишда мезон сифатида фойдаланилади.

@haqiqatonline_24

#ўзгача_кун

💥Бугун, 5 февраль - “Яқин инсонларга (ЖИГАРЛАРГА) мақтов айтиш ва эҳтиром кўрсатиш“ куни нишонланмоқда

Бугун турмуш ўртоғингиз, яқин дўст ва дугоналарингиз, ишдаги ҳамкасбларингиз ва танишларингизга илиқ сўзлар билан муносабатда бўлиш, уларнинг ажойиб кўриниши, ёқимли характери ва оиладаги муҳим ролини айтиб, мақташ учун яхши баҳона.

@haqiqatonline_24

#об_ҳаво

☀️🌥🌧 Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 5 февраль куни Тошкент вилоятида  ҳаво ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 7-12 метр тезликда шамол эсади.

Ҳарорат кечаси 3 даража совуқ, 2 даража илиқ, кундузи 8-13 даража илиқ бўлади.

Тоғолди ва тоғли ҳудудларда ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади.

Кечаси 3-8 даража совуқ, кундузи 3-8 даража илиқ бўлади.

📍 Тезкор янгиликларни биз билан кузатинг!

@haqiqatonline_24

#диққат

❗️2025 йилнинг 1 майидан электромобиллар учун 45 млн сўмдан 78,7 млн сўмгача утилизация йиғими ундирилади.

@haqiqatonline_24

#диққат

⚡️⚡️Тошкент вилоятининг Оққўрғон туманида 12 млрд. сўмга янги “Ором” дам олиш маскани қурилади

Бу ерда сузиш ҳавзаси, аттракционлар, болалар майдончалари, тарихий бинолар макетлари ва бошқа кўнгилочар инфратузилмалар барпо этилади, деб хабар беради вилоят ҳокимлиги.

Мажмуа туманга кираверишда қурилади, ҳудуд ташриф қоғозига айланади.

@haqiqatonline_24

#диққат
#расман

⚡️⚡️ "Самарқанд нони" фақат Самарқандга хос нон сифатида тан олинди

4 февраль куни Адлия вазирлиги уни давлат рўйхатидан ўтказди.

Бу нимани англатади? Географик кўрсаткич – бу маҳсулотнинг муайян ҳудудга хос эканини тасдиқловчи мақом. Яъни, "Самарқанд нони" фақат Самарқандга хос нон сифатида тан олинди.

@haqiqatonline_24

#диққат

😷Тошкент ҳавоси “носоғлом” даражага етди

Пойтахт ҳавосида PM2.5 заррачалари миқдори ЖССТ тавсия қилганидан 24,4 баравар ортиқ.

Фарғонада эса бу кўрсаткич деярли 2 баробар юқори.

Бошқа ҳудудлардаги ҳаво сифати билан инфографикада танишинг!

@haqiqatonline_24