#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 23 ноябрь куни Тошкент вилоятида ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади.

Ҳарорат кечаси 2-7, кундузи 10-15 даража илиқ бўлади.  

Республикамизнинг тоғли туманларида ҳаво ўзгариб туради, айрим туманларда вақти-вақти билан ёмғир ёғади, баланд тоғли жойларда ёғингарчилик бўлади (ёмғир, қор), туман тушиши мумкин. Шарқдан секундига 7-12 метр тезликда шамол эсади. Кечаси 2 даража совуқ, 3 даража илиқ, кундузи 3-8 даража илиқ бўлади.

@haqiqatonline_24

#Тошкент_ҳақиқати_минбари

⚡️⚡️ ҚИБРАЙ: БИРДАМЛИК БИЛАН ЯНГИ МАРРАЛАР САРИ

Тошкент вилояти ҳокими Зойир Мирзаевнинг тавсиясига  биноан, "Тошкент  ҳақиқати" газетасида вилоят ташкилот ва бошқарма раҳбарлари ҳамда туман-шаҳар ҳокимларининг тегишли соҳа ва ҳудудлар истиқболига доир таҳлилий мақолаларини чоп этилиши белгиланган эди.

Газетанинг 2024 йил 23 ноябрдаги сонида Қибрай тумани ҳокими  Музаффар Рашидовнинг ҳудудда амалга оширилаётган ислоҳотлар ва уларнинг аҳоли ҳаётида акс этаётган реал натижаларига доир  " ҚИБРАЙ: БИРДАМЛИК БИЛАН ЯНГИ МАРРАЛАР САРИ" сарлавҳали мақоласи эълон қилинди.

👉МАҚОЛАНИ ЎҚИШ👈

@haqiqatonline_24

#ўзгача_кун

⚡️⚡️Бугун, 24 ноябрь - халқаро ДЎСТЛАР куни!

Худо умрин берса, яшайверса тўқ,
Айтгин, кимнинг юз йил яшагиси йўқ.
Лек кўнгил тубида юз очар бир чўғ,
Бир кунда бир соат дўст учун яша.

@haqiqatonline_24

#кун_тарихи

⚡️⚡️25 ноябрь – Аёлларга нисбатан зўровонликка барҳам бериш куни

1981 йилдан бери дунё бўйлаб фаол аёллар 25 ноябрда Зўравонликка қарши кунни нишонлайдилар. 1999 йил 17 декабрда БМТ Бош ассамблеяси резолюцияси билан 25 ноябрни Халқаро Аёлларга нисбатан зўровонликка барҳам бериш куни деб эълон қилди.

Сўнгги йилларда унинг мавжудлиги аста-секин кўпроқ мамлакатларда маълум бўлди. Aммо аёлларга нисбатан зўравонлик глобал муаммо бўлиб қолмоқда. Aёлларнинг 70 фоизигача оиладаги зўравонликдан азият чекмоқда.

Аёлларни қадрланг!

📍 Тезкор янгиликларни биз билан кузатинг!

@haqiqatonline_24

#об_ҳаво

⚡️Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 25 ноябрь куни Тошкент вилоятида ҳаво бироз булутли бўлади, баъзи жойларда ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 7-12 метр тезликда шамол эсади.

Ҳарорат кечаси 0-5, кундузи 12-17 даража илиқ бўлади.  

Республикамизнинг тоғли ҳудудларида ҳаво ўзгариб туради, ёғингарчилик бўлмайди. Баъзи жойларда туман тушиши мумкин. Шарқдан секундига 7-12 метр тезликда шамол эсади. Кечаси 0-5, кундузи 7-12 даража илиқ бўлади. 

@haqiqatonline_24

#диққат

❗️25—26 ноябрь кунлари антициклон чеккаси таъсирига яқин жойлашган Самарқанд, Жиззах, Сирдарё, Тошкент вилоятлари ва Фарғона водийсида Қуёш чиқиши ва ботишидан сўнг қалин туман ҳодисалари кузатилиши мумкин.

Антициклон водийдан тўлиқ чекингач, чоршанбадан бошлаб ҳатто водий вилоятларида ҳам қалин туман тушиши камая бошлайди.

Қалин туман омили водийда хароратни юқори кўтарилиб кетиши олдини олиб, дов—дарахтларга бўлган иссиқлик стрессини камайтирса-да, аммо юқори намлик омили вирус ва бактериялар учун айни муддао бўлиб, водийда грипп сингари касалликни кўпайтиради.

Шу билан биргаликда, бу каби водийнинг катта қисмидаги туман ҳодисалари энергетик тармоққа яхшигина юкламани оширади ҳам.

@haqiqatonline_24

#диққат

⚡️⚡️Онкологик касалликка чалинган аёллар бепул даволанади — Президент қарори.

“Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида”ги Президент қарори қабул қилинди.

Қарорга кўра, тиббиётнинг бирламчи бўғинида 30–65 ёшдаги аёлларнинг электрон базаси (рўйхати) шакллантирилади, уларни тиббий кўрикка таклиф қилиш тизими яратилади.

Ҳар йили 30–50 ёшдаги аёлларда бачадон бўйни саратони скрининги одам папилломаси вирусини полимераза занжирли реакция текшируви усули орқали аниқлаш ҳамда суюқлик цитологияси усулида текшириш йўли билан амалга оширилади.

30–65 ёшдаги аёллар ҳар 2 йилда бир маротаба тиббиёт ходимлари томонидан бирламчи саралашдан ўтказилади.

Скрининг натижасида онкологик касалликка чалинганлиги аниқланган беморларни ташхислаш ва даволаш билан боғлиқ харажатлар бюджет ҳисобидан молиялаштирилади.

@haqiqatonline_24

#об_ҳаво

❗️Бугун Тошкент вилоятида қандай об-ҳаво кузатилади?

Гидрометеорология марказининг хабарига кўра, бугун, 26 ноябрь куни Тошкент вилоятида ҳаво ўзгариб туради, кечаси ва эрталаб бироз ёмғир ёғиши мумкин. Кундузи ёғингарчилик бўлмайди. Айрим жойларда туман тушиши кутилмоқда. Шарқдан секундига 7-12 метр тезликда шамол эсади.

Ҳарорат кечаси 2-7, кундузи 15-20 даража илиқ бўлади.

Тошкент вилоятининг тоғли ҳудудларида ҳаво ўзгариб туради, айрим жойларда ёғингарчилик бўлиши мумкин. Шарқдан секундига 7-12 метр тезликда шамол эсади. Кечаси 0-5, кундузи 7-12 даража илиқ бўлади. 

@haqiqatonline_24

#диққат

❗️“Тошкентда жамоат транспорти учун йўлкира нархи 3000 сўм этиб белгиланмоқда

Тошкентда автобусларда йўлкирани нақд пулда тўлашдан воз кечилади.

Бу ҳақда пойтахт ҳокимининг тегишли қарори лойиҳаси эълон қилинди.

Унга кўра, 2025 йил 1 январдан Тошкентда жамоат транспорти (автобус ва метро) учун янги тарифлар жорий этилади:

👉Битта қатнов учун йўлкира – 3 000 сўм;
👉Электрон шаклда тўласа – 1 700 сўм (ўзгаришсиз).
👉Юк ташиш – 4 000 сўм;
👉Қатновлар сонига боғлиқ тариф – 1 600 сўм.

Имтиёзли ва бепул тарифлар нархи ўзгаришсиз қолади.

@haqiqatonline_24