#валюта

⚡️Доллар курси ошди, рубль эса пастлади

Марказий банк 18 сентябрдан хорижий валюталарнинг ўзбек сўмига нисбатан янги қийматини белгилади.

@haqiqatonline_24

#Диққат

❗️"Қамчиқ" довонида ҳаракат вақтинча чекланди

"Қамчиқ" довони ҳудудидан ўтувчи А-373 автомобиль йулининг 254,6 ва 258 километрлари оралиғида табиий офат оқибатларини бартараф этиш мақсадида бурғилаш ва портлатиш ишлари амалга оширилиши муносабати билан бугун, 2024 йил 18 сентябрдан бошлаб ушбу ҳудудда транспортлар ҳаракати вақтинча чекланди.

#диққат

❗️Олмалиқ шаҳри ва Бекобод туманида "электр ўғрилари" аниқланди. Етказилган умумий зарар қарийб 500 миллион сўм!

Бош прокуратура ҳузуридаги Департаментнинг Олмалиқ тумани бўлими томонидан ўтказилган терговга қадар текширувда “G.G.” МЧЖ раҳбари Д.С. Олмалиқ шаҳридаги умумий ўрта таълими мактаби ҳудудида эшик ром ишлаб чиқариш цехи ташкил этиб, умумий фойдаланишдаги тармоққа ўзбошимчалик билан тўғридан-тўғри уланиб, 355,7 млн сўмлик электр энергиясидан ноқонуний фойдаланганлиги аниқланган.

Шу каби, Департаментнинг Бекобод тумани бўлими томонидан ЭТК ходимлари билан ҳамкорликда ўтказилган терговга қадар текширувда фуқаро А.Д. ЯТТ “Д.Д.”нинг номидаги автомобилларни ювиш шохобчасида умумий фойдаланишдаги электр тармоғига тижорат мақсадида электр ҳисоблагичдан ташқари уланиб, 135,9 млн сўмлик электр энергиясидан ноқонуний фойдаланганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

@haqiqatonline_24

❗️Бойсундаги “Мустақилликнинг 25 йиллиги” газ конида яна водород сульфид гази сизиб чиқмоқда. Қурбонлар бор

Бош прокуратура бошқарма бошлиғи Ўктам Ўтаевга кўра, ҳодиса оқибатда 2 киши ҳалок бўлган, жароҳатланганлар ҳам бор. Ҳозирда терговолди текширув ҳаракатлари олиб борилмоқда.

@haqiqatonline_24

#ана_бўлмаса

❗️2024 йилнинг 6 ойида фуқаролар экологик қоидабузарликлар учун 35,5 млрд. сўм жаримага тортилган

Ҳозиргача белгиланган жарималарнинг28,5 млрд. сўми ундирилган.

Экология вазирлиги матбуот анжуманида маълум бўлишича, жами 33 мингдан ортиқ шахс маъмурий жавобгарликка тортилган.

Шунингдек, 75 та ҳолатда 160,6 млрд. сўмлик даъволар юзасидан материаллар прокуратурага юборилди ва 38 та ҳолат бўйича жиноий иш қўзғатилган.

@haqiqatonline_24

Ўзбекистонда спиртли ичимликлар улгуржи савдосига минимал нархлар жорий этилди.

17 сентябрь куни қабул қилинган қарорга кўра, улгуржи савдо корхоналари учун энг кам сотиш нархлари жорий этиладиган бўлди.

Ишлаб чиқарувчи корхоналар ва чакана сотувчилар учун нархлар 2023 йил май ойида тасдиқланган нархлардан деярли ўзгармади. Фақат коньякнинг энг кам чакана нархи 3000 сўмга кўтарилди.

@haqiqatonline_24

#диққат

❗️«Бойсундаги конда 4 киши ҳалок бўлган» – Президент матбуот котиби

Президент матбуот котиби Шерзод Асадовнинг тасдиқлашича, ҳалок бўлган 4 нафар одамнинг шахсига аниқлик киритилганида конда ишлаган пудратчи ташкилот ходимлари экани маълум бўлган.

Ҳозирда жабрланганлар сони аниқлаштирилмоқда.

@haqiqatonline_24

#диққат

❗️Коронавируснинг янги варианти ХЕC тарқалмоқда

Олимлар дунё бўйлаб ковиднинг XEC номли янги варианти тарқалаётганидан огоҳлантирди. У тез орада коронавируснинг асосий турига айланиши ва олдингиларини сиқиб чиқариши мумкин.

@haqiqatonline_24

#ўзгача_кун

Бугун, 19 Cентябрь – "Халқаро табассум куни" экан.

Илоҳим ҳеч қачон юзингизни табассум тарк этмасин!

@haqiqatonline_24

#об_ҳаво

☀️🌤🌧Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 19 сентябрь куни Тошкент вилоятида ҳаво ўзгариб туради, баъзи жойларда кечаси ва эрталаб қисқа муддатли ёмғир ёғиши мумкин. Шарқдан эсаётган шамол ўз йўналишини ўзгартириб, ғарбдан секундига 7-12 метр тезликда эсади. Кечаси 12-17 даража илиқ, кундузи 26-31 даража иссиқ бўлади.    

@haqiqatonline_24

#Расмий_хабар
⚡️Коллеж ва техникумларда ўқишни хоҳловчиларга қўшимча имконият берилмоқда. Бунинг учун 25-сентябрга қадар my.uzbmb.uz орқали онлайн ёки бевосита таълим муассасасининг ўзига мурожаат қилишлари лозим

🔰Ота-оналар ва абитуриентларнинг мурожаатларини инобатга олиб, шунингдек, касб эгаллаш истагида бўлган ёшларни қўллаб-қувватлаш мақсадида 2024/2025-ўқув йили учун коллеж ва техникумларга қабул қилиш бўйича қуйидаги имкониятлар тақдим этилмоқда:

➖ бўш ўринлари (вакант) мавжуд бўлган коллеж ва техникумларга абитуриентлар тест натижалари асосида иккита мутахассислик фани (фанлар кетма-кетлигидан қатъи назар) мос бўлган тегишли касб (мутахассислик)ни танлашлари мумкин;

➖ абитуриентлар таълим тилини ўзгартирган ҳолда коллеж ва техникумларнинг тегишли касб ва мутахассисликларини танлашлари ва танловда иштирок этишлари мумкин;

➖ кириш имтиҳонларида иштирок этиб, my.uzbmb.uz электрон платформаси орқали профессионал таълим муассасаларини танламаган абитуриентлар иш берувчилар билан тузилган шартномага мувофиқ коллеж ва техникумларга дуал таълим шакли бўйича тўғридан тўғри қабул қилинади;

➖ my.uzbmb.uz электрон платформаси орқали рўйхатдан ўтмаган ёки кириш имтиҳонларида иштирок этмаган, бироқ коллеж ва техникумларда кечки ёки сиртқи таълим шакли бўйича ўқиш истагидаги фуқароларга ёзма имтиҳонлар орқали тўлов-контракт асосида ўқишга қабул қилинади.

⚠️ Диққат! Коллеж/техникумларнинг кундузги таълим шакли касб ва мутахассисликлари учун танловда иштирок этмоқчи бўлганлар my.uzbmb.uz сайти орқали онлайн, кечки ва сиртқи таълим шаклларида ўқиш истагидагилар бевосита коллеж ва техникумнинг ўзига мурожаат қилишлари лозим.

✔️Шу муносабат билан, коллеж ва техникумларнинг 1-курслари учун ўқув жараёни 2024-йил 2-октябрдан бошланади.

@haqiqatonline_24

Ипотека кредитига давлат субсидиясини олиш хизмати

🖥Аризачи Давлат хизматлари маркази ёки my.gov.uz портали орқали ариза юборади;

👤Хизматдан фойдаланувчилар - жисмоний шахслар;

❌Хизматдан фойдаланиш учун ҳеч қандай ҳужжат талаб этилмайди;

Хизмат кўрсатиш муддати - 19 иш куни;

🪙 Хизмат нархи - БЕПУЛ.

@haqiqatonline_24

#Хушхабар
♻️Ўзбекистонда чиқиндиларни саралаб топшириш орқали пул ишлаш мумкин

✅Чиқиндиларни олиб чиқувчи компаниялардан бири шундай рағбатлантирувчи акцияни жорий қилди.

💠Тошкент вилояти Ангрен шаҳрида биринчи замонавий чиқинди йиғиш станцияси пайдо бўлган эди. Энди бу ташаббус Чирчиқ шаҳрида ҳам жорий этилди.

✳️Бу ерда уч турдаги чиқиндилар сараланади: қайта ишланадиган, озиқ-овқат ва қайта ишланмайдиган қаттиқ маиший чиқиндилар.

❇️Бир пакет чиқинди учун 500 дан 1500 сўмгача олиш мумкин.

@haqiqatonline_24

#об_ҳаво

☀️🌤🌧Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 20 сентябрь куни Тошкент вилоятида ҳаво бироз булутли бўлади, айрим жойларда ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади.

Ҳарорат кечаси 12-17 даража илиқ, кундузи 26-31 даража иссиқ бўлади.

@haqiqatonline_24

#сарҳисоб

⚡️⚡️Солиқ тўловчиларга охирги 8 ойда 15 трлн сўмга яқин ҚҚС қайтарилди

Энг кўп ҚҚС қайтарилган соҳалар:

👉Ишлаб чиқариш – 7 трлн. 192,9 млрд. сўм;
👉Хизмат кўрсатиш – 2 трлн. 131,3 млрд. сўм;
👉Савдо – 879,2 млрд. сўм.

Жами 6 821 та ариза бўйича 3 792 та ташкилотга 14 трлн. 963,5 млрд сўм ҚҚС қайтарилган.

@haqiqatonline_24

#бугун_футбол

Ўзбекистон учун ҳаёт-мамот учрашуви

Бугун юртимизда ўтаётган футзал бўйича Жаҳон чемпионати гуруҳ босқичининг сўнгги 3-тур ўйинларига старт берилади. Мазкур турда Ўзбекистон терма жамоаси Коста-Рикага қарши баҳс олиб боради. Вакилларимиз ортда қолган икки турдан сўнг 1 очко билан гуруҳда охирги ўринни эгаллаб турибди. Бугунги учрашувда ҳамюртларимизни фақат ва фақат ғалаба қаноатлантиради. Мабодо, дуранг ёки мағлубият қайд этилса, терма жамоамиз Жаҳон чемпионатидаги юришини тўхтатади.

Муҳим учрашувда футзалчиларимизга омад тилаб қоламиз.

🏆 FIFA Футзал Жаҳон чемпионати

🇨🇷 Коста-Рика 🆚 Ўзбекистон 🇺🇿
🗓 20 сентябрь | 20:00
📺 СПОРТ ТВ
🏟 “Ҳумо Арена”

@haqiqatonline_24

#коррупция

❗️Темир йўл станцияси бошлиғи пора олган вақтида ушланди
 
“Темирйўлинфратузилма” АЖнинг Жиззах вилояти Зомин туманидаги Даштобод станцияси бошлиғи Тожикистондан Ўзбекистонга олиб келинадиган кўмир маҳсулоти ортилган 100 та юк вагонларини ўз танишлари орқали божхона кўригидан навбатсиз ўтказиш, станцияда юкни туширишда вагонлар белгиланган вақтдан ортиқ туриб қолган тақдирда темир йўл жаримасини қўлламаслик ҳамда юк белгиланган вақтда тушириб олинганлиги бўйича ҳужжатни расмийлаштириб бериш эвазига МЧЖ вакилидан 10 минг АҚШ доллари талаб қилган.

Станция бошлиғи МЧЖ вакилидан 4 минг АҚШ доллари порани олган вақтида ашёвий далиллар билан ушланган.

@haqiqatonline_24

❗️Қайси вилоятда коррупция сабаб давлат манфатига энг кўп зарар етаётгани маълум қилинди

Сенатнинг Суд-ҳуқуқ масалалари ва коррупцияга қарши курашиш қўмитаси мажлисида коррупцияга қарши курашиш тўғрисидаги Миллий маъруза муҳокама қилинди.

Маърузага кўра, 2023 йилда давлат манфаатларига етказилган зарарнинг юқори улуши қуйидаги ҳудудларга тўғри келди:

🔸Андижон вилояти
🔸Наманган вилояти
🔸Қашқадарё вилояти
🔸Тошкент вилояти

@haqiqatonline_24