#валюта

⚡️АҚШ долларининг расмий курси ошди

Марказий банк 2 майдан хорижий валюталарнинг ўзбек сўмига нисбатан янги қийматини белгилади.

🇺🇸 USD 12 632,22 сўм (+22,05)
🇷🇺 РУБ 134,39 сўм (–0,85)
🇪🇺EUR 13 478,58 сўм (–48,35)

@haqiqatonline_24

#диққат

❗️Таъмирлаш ишлари туфайли Ўрта Чирчиқ, Қибрай, Бўка туманлари ва Чирчиқ шаҳрининг айрим ҳудудларига 2 май куни соат 09:00 дан 17:00 гача табиий газ етказиб бериш вақтинча тўхтатилади

Бу ҳақда "Ҳудудгаз Тошкент" таштилоти маълум қилди.

Ўрта Чирчиқ тумани: “Боёвул” ва “Янгиобод” МФЙлари
Аҳоли хонадонлари сони – 996 та
Улгуржи истеъмолчилар сони – 6 та

Қибрай тумани: “Маърифат” МФЙ
Аҳоли хонадонлари сони – 201 та
Улгуржи истеъмолчилар сони – 8 та

Бўка тумани: “Наврўз” МФЙ
Аҳоли хонадонлари сони – 113 та

Чирчиқ шаҳри: 4-кичик нохия
Аҳоли хонадонлари сони – 1104 та
Улгуржи истеъмолчилар сони – 5 та

Таъмирлаш ишлари тугатилгандан сўнг, табиий газ таъминоти қайта тикланади.

@haqiqatonline_24

⚡️ Бироздан сўнг Халқаро конгресс марказида Президент Шавкат Мирзиёев иштирокида учинчи Тошкент халқаро инвестиция форуми бошланади.

Давлатимиз раҳбарининг форум ялпи мажлисидаги нутқини Президент Матбуот хизматининг Facebook ва YouTube даги расмий саҳифаларида жонли эфирда томоша қилинг.

@haqiqatonline_24

⚡️⚡️ Ўзбекистонда визасиз режим жорий этилган давлатлар сони – 90 дан ортиқ

Президент Шавкат Мирзиёев иштирокида учинчи Тошкент халқаро инвестиция форуми бошланди. Айни вақтда давлатимиз раҳбари нутқ сўзламоқда.

⬆️Низоларни адолатли ҳал этиш мақсадида Тошкент халқаро арбитраж маркази муваффақиятли фаолият олиб бормоқда. Унинг таркибида Америка Қўшма Штатлари, Буюк Британия, Италия, Швеция, Хитой, Бирлашган Араб Амирликлари каби мамлакатлардан 90 дан ортиқ нуфузли ҳакамлар ўрин олган.

⬆️Инвесторлар учун яна бир муҳим кўрсаткич. Охирги етти йилда олий таълим қамрови 9 фоиздан 42 фоизга ошди, олий ўқув юртлари сони 200 тадан ортди.

⬆️Ўзбекистонда 90 дан ортиқ давлатларга визасиз режим жорий этилди.

@haqiqatonline_24

#диққат

❗️“Асакабанк” хусусийлаштирилади

Европа тикланиш ва тараққиёт банки билан Ўзбекистоннинг йирик банкларидан бири бўлган “Асакабанк”ни хусусийлаштириш бўйича битим имзоланди –президент.

@haqiqatonline_24

#хушхабар

⚡️⚡️Энди бола пули ва моддий ёрдам тайинлаш онлайн ариза орқали амалга оширилади

My.gov.uz орқали кўрсатиладиган ушбу қулайликдан кам таъминланган, жумладан, оиласида 18 ёшгача фарзанди бор ижтимоий нафақа олиш истагида бўлган талабгорлар фойдаланиши мумкин.

Маълумот учун, болалар нафақаси 12 ой (бола 18 ёшга тўлганга қадар), моддий ёрдам 6 ой муддатга тўланади.

@haqiqatonline_24

#жиноят

❗️Зангиотада 400 минг долларга ер олиб бермоқчи бўлган фуқаро ушланди

У келишилган суммадан 40 минг долларини олаётган вақтда қўлга олинган.

Бош прокуратура ҳузуридаги Департамент ҳамда ДХХ томонидан ўтказилган тезкор тадбирда ер майдонлари олиб беришни ваъда қилган юрисконсульт ва фуқаро ушланди.

Хабар берилишича, Департаментнинг Зангиота туман бўлими томонидан ўтказилган тезкор тадбирда фуқаро Ш.И. фуқаро З.Ж.га Юқори Чирчиқ туманидаги 260 гектар ер майдонини 400 000 АҚШ доллари эвазига унинг номига расмийлаштириб олиб беришини айтган ва ундан 40 000 АҚШ долларини олаётган пайтда маъсуллар томонидан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

@haqiqatonline_24

#диққат
#айтишларича

⚡️Қибрай тумани "Маданият" МФЙда дахшатли авария содир бўлгани ҳақида видеолар тарқалди (видео)

Тасдиқланмаган маълумотларга кўра, бугун, 2 май куни содир бўлган ЙТҲ оқибатида 2 нафар инсон халок бўлган.

@haqiqatonline_24

#даҳшат

❗️Қирғизистондаги байрам вақтида тепаликда турган юк машинаси ҳаракатланиб кетган ва 29 нафар мактаб ўқувчисини босиб кетган

Маълумотларга қараганда, воқеа оқибатида жароҳат олган 18 нафар ўқувчи шифохонага ётқизилган. Уларнинг етти нафари реанимацияда, уч нафари эса оғир аҳволда.

Вазирлик воқеа рўй берганда туманда "Manas" епосига бағишланган тадбир бўлиб ўтаётганини маълум қилган.

P/S. Ҳурматли мутасаддилар! Ўқувчиларни "ихтиёрий-мажбурий" тарзда оммавий тадбирларга жалб қилманг.

@haqiqatonline_24

#хушхабар

⚡️⚡️Уй-жой шароитини яхшилашга муҳтож бўлганларга 120 млн сўмгача ипотека кредити берилади

“2024 йилда ипотека кредитларини ажратиш механизмларини такомиллаштириш ва аҳолининг уй-жой шароитларини яхшилашга оид қўшимча чора-тадбирлар тўғрисида”ги президент фармони қабул қилинди.

Ҳужжатга кўра, бозор тамойилларига асосланган ипотека кредитлари орқали аҳолини уй-жой билан таъминлаш дастури (Дастур) доирасида, қуйидагилар амалга оширилади:

➖ ҳудудларда 100 мингта квартирадан иборат бўлган кўп қаватли уй-жойлар қурилади;

➖ қурилиш ташкилотларига бозор тамойиллари асосида ажратилган кредитлар бўйича компенсация ва кафилликлар ича тақдим этилади;

➖ кўп қаватли уй-жойлар қуриш жараёнларига “яшил” уй-жой стандартлари жорий қилинади;

➖ ипотека кредитларини молиялаштиришга камида 17 триллион сўм маблағ йўналтирилади;

➖ камбағалликдан чиқариш дастурига киритилган ва уй-жой шароитини яхшилашга муҳтож бўлган шахсларга якка тартибдаги уй-жой қуриш, реконструкция қилиш ва таъмирлаш учун 120 миллион сўмгача ипотека кредитлари ажратилади;

➖ банкларнинг ўз маблағлари ҳисобидан ажратилган ипотека кредитларини Иқтисодиёт ва молия вазирлиги томонидан қайта молиялаштириш механизмларидан кенг фойдаланилади.

@haqiqatonline_24

#долзарб

❗️Кунлар исий бошлаган сари барча ҳайдовчиларни қийнайдиган савол:

Машина олд ойнасига қуёшдан ҳимоя қилувчи плёнкалар ёпиштириш мумкинми?

@haqiqatonline_24

#об_ҳаво

☀️🌥🌧Бугун Тошкент вилоятининг айрим ҳудудларида ёмғир ёғиши кутилмоқда

Гидрометеорология марказининг хабар беришича, бугун, 3 май куни Тошкент вилоятида ҳаво ўзгариб туради, кечқурун баъзи жойларда ёмғир ёғиб, момақалдироқ бўлиши мумкин. Шарқдан секундига 7-12 метр тезликда шамол эсади.

Ҳарорат кечаси 12-17, кундузи 22-27 даража илиқ бўлади.

✔️Тезкор янгиликларни биз билан кузатинг!
Telegram I Facebook I Instagram