#даҳшат

❗️Шаҳрисабзда юз берган ЙТҲ натижасида автомобиль ичида бўлган барча фуқаро вафот этди

Шаҳрисабз шаҳрида «Nexia-3» автомобили даҳшатли автоҳалокатга учради.

Маълумотларга кўра, автомобиль ичида бўлган 4 нафар йигит воқеа жойида ҳалок бўлган.

P/S. Машина бошқараётганда тезликни оширманг!

@haqiqatonline

#спорт

⚡️⚡️Айни пайтда Тошкент ҳамда Юқори Чирчиқ туманларида "Парламент ўйинлари" спорт мусобақаcининг 2-босқичи бўлиб ўтмоқда.

Унда мусобақанинг 1-босқичида ғолиб бўлган депутатлар спортнинг волейбол ва стол тенниси турлари бўйича ўзаро куч синашмоқда.

@haqiqatonline

#тезкор

❗️Ўзбекистон аҳолисидан жазирамада электр энергиясини тежаш сўралмоқда

Энергетика вазирлиги аҳолидан иссиқ кунларда имкон қадар электр энергиясини тежашни сўради. Маълум бўлишича, бу иссиқда юз бериши мумкин бўлган аварияларнинг олдини олишга ёрдам беради.

Айни пайтда Ўзбекистонда 5 кунлик +47° гача аномал иссиқлик бошланмоқда

@haqiqatonline

#тайинлов

Сардор Уктамович Умурзаков – Ўзбекистон Республикаси Президенти Администрацияси раҳбари лавозимига тайинланди.

Шу муносабат билан у Бош вазирнинг инвестициялар ва ташқи иқтисодий масалалар бўйича ўринбосари - инвестициялар ва ташқи савдо вазири лавозимидан озод этилди.

@haqiqatonline

#онлайн

⚡️⚡️⚡️

Бироздан сўнг Ўрта Чирчиқ тумани, "Қумовул" ҳудудидаги Халқ қабулхонасида тадбиркорлар ва вилоят сектор раҳбарлари, шунингдек, ташкилот-идоралар раҳбарлари иштирокида очиқ мулоқот бошланади

@haqiqatonline

#долзарб

❗️Бир ҳолатдагина барча тоифадаги талабалар ўқишини ўзининг вилоятига "перевод" қилиши мумкин

Ўқишни кўчириш ва қайта тиклаш бўйича 4 та хизматдан фойдаланган ҳолда талабалар ўз ўқишини кўчириши ва қайта тиклаши мумкин.

1) Ўқишни тиклаш;
2) Ўқишни кўчириб тиклаш;
3) Ўқишни кўчириш;
4) Таълим шаклини ўзгартириш.

❗️Эътибор қаратинг: "Ўқишни кўчириб тиклаш" хизматида ўқишдан четлатилган талабалар бошқа таълим муассасасига мос бўлган йўналишга перевод қилиб, ўз ўқишини тиклаши мумкинлиги айтиб ўтилган.

Яъни перевод вақтида белгиланган янги тартибнинг 2 тоифадаги талабалар рўйхатига кирмайдиган талабалар шу ҳолатдагина ўз ўқишини ўзининг вилоятига перевод қилиши мумкин экан.

Аниқроқ айтганда, талаба ўқишдан четлатилади, шундан кейин талаба ўз вилоятидаги олий таълим муассасаларига перевод қила олади!

@haqiqatonline

#онлайн

⚡️⚡️Ижтимоий тармоқларни кузатиш тадбиркор фаолияти учун фойдали - Зойир Мирзаев

"Ҳозирда тадбиркорлар томонидан энг кўп мурожаат қилинадиган мавзу ер билан боғлиқ. Бироқ, бу бўйича ижтимоий саҳифаларда доимий равишда эълон бериб бормоқдамиз. Айни вақтда вилоятда 5200 та ер участкаси аукционга қўйилган. Тадбиркор ижтимоий тармоқларни кузатса, бу ўзи учун ҳам фойдали бўлади", - дейди вилоят ҳокими вазифасини бажарувчи Зойир Мирзаев.

@haqiqatonline

#карикатура

Дунё тескари бўлиб қолганда...)

@haqiqatonline

#мутолаа_вақти

⚡️⚡️⚡️Аччиқ ҳақиқатлар

— 10000 сўмлик пулни эҳсон қилсак роса кўпга ўхшайди-ю, бозорда жуда камдек туюлади…

— Бир соатлик Аллоҳнинг зикри жуда узоқ чўзилганга ўхшайди-ю, телевизор олдидаги бир соат сезилмай ўтиб кетади;

— Дуо қилаётганда керакли сўзларни тополмай қийналамиз-у, оғайни-улфатлар билан гаплашганда сўзга чечан бўпкетамиз;

— Футболда қўшимча вақт камроқ берилса, жаҳлимиз чиқади-ю, Жума хутбаси озгина чўзилса, шикоят қиламиз;

— Қуръоннинг бир порасини ўқиш роса қийин бўлади-ю, бирорта романнинг 100 бетини бир пасда ўқиб чиқамиз;

— Концерт залларида одамлар биринчи қаторлардан жой олишга уринишади-ю, масжидда охирги сафга қочишади;

— Қуръоннинг бир оятини ёдлаш роса мушкул бўлади-ю, бекорчи миш-мишларни оқизмай-томизмай тарқатиб юрамиз;

— Олди-қочди сайтларда ёзилган нарсаларга ишонамиз-да, Аллоҳнинг каломи оятларига ишонишимиз қийин кечади;

— Кўпчилик ҳеч нима қилмай, ҳеч нарсага ишонмай, Жаннатга кириш истагида бўлади.

@haqiqatonline

⚡️Йил охирига бориб пандемия расман тугаши мумкин — Вирусолог

Мутахассиснинг таъкидлашича, пандемия бошланганидан буён вирусдан ўлим даражаси 5-6 фоиздан 0,5-0,4 фоизгача пасайган, айрим мамлакатларда эса бу кўрсаткич 0,3-0,1 фоиз даражасида.

@haqiqatonline

#тезкор

⚡️⚡️Афғонистондан Ўзбекистонга ракета ҳужумларини уюштирган гуруҳ қўлга олинди

Бу ҳақда Aфғонистоннинг расмий вакили Забиҳуллоҳ Мужоҳид Тwitter саҳифасида маълум қилди. Хабарга кўра, жиноий гуруҳнинг 3 нафар аъзоси ўлдирилган, 5 нафари ҳибсга олинган.

@haqiqatonline

⚡️⚡️Қачон ўқитувчиларнинг ойлиги 1000 доллар бўлади?

Ушбу саволга Халқ таълими вазири ўринбосари Темур Комилов жавоб берди.

Унинг айтишича, ҳамма ўқитувчиларга ҳам 1000 доллардан ойлик бериш кўзда тутилмаган.

"Дарҳақиқат, 2025 йилга қадар малакали, фидойи, ўз устида ишлайдиган ўқитувчиларнинг ойлигини 1000 долларга етказиш бўйича топшириқ бор. Бу ҳурматли Президентимизнинг қарорларида келтирилган топшириқ ҳисобланади. Олдиндан ҳаммага айтаман, бу барча ўқитувчиларнинг ўртача ойлиги 1000 доллар бўлади, дегани эмас. Ҳамманики ундай бўлмайди", деди вазир ўринбосари.

Таъкидланишича, май ойида эълон қилинган фармон ва қарорга кўра, ўқитувчиларнинг ойлик маоши шу суммагача кўтарилади. Аввал 10-12 миллионгача ойлик маош олиш имкони фақат чет тилидан C1 ёки IELTS сертификати мавжуд ўқитувчиларда бор эди. Эндиликда шу йилдан бошлаб барча фанлардан C1 сертификати жорий этилади ва қўшимча устама тўланади. Халқаро сертификатларга 50 фоизгача устама, миллий сертификатлар учун 20 фоиз устама берилади.

@haqiqatonline

#мутолаа_вақти

Бу ҳам бир ҳақиқат...

- Эшмат, нега вазифани бажармадинг?
- Ёшлар Иттифоқи билан тадбир қиляпмиз. Тайёргарликда эдим. Тавсия қилишса, Худо хоҳласа, талаба бўламан.
- Тушунарли, ўтир. Тошматова, вазифани бажардингизми?
- Нашриётга боргандим. Шеърий китобим чиқяпти. Зулфиячиларга имтиёз бор экан. Худо хоҳласа, талаба бўламан.
- Яхши, ўтир. Ҳа, Абдурайим, кеч қолибсан? Вазифаниям бажармагандирсан?
- Энди тергашингиз керакмас. Дадам ҳарбий. Биз талабамиз.
- Кир, жойинга ўтир. Солиев?
- Устоз, бошида айтганман. Битириб олсам, дадам билан Россияга бораман.
- Сенчи?
- Домла мен IELTS ўқияпман. Чет элга кетаман.
- Ҳеч ким вазифани бажармадими?
- Домла, талаба бўлишга жой қолмади. Ўқисанг одам бўласан, дейсиз. Ишониш қийин-да. Биз сиздан ўрнак оламиз. Сизнинг аҳволингиз эса маълум. Ойлигингиз, 100 - 200 доллардир? Бола-чақадан орттириб янги кийим ололасизми-йўқми? Бизга шуни раво кўряпсизми?! Қўлимдаги телефонни олиш учун 1 йил ишласангиз керак?! Бизга шундай келажакни хоҳлаяпсизми? Сиз яхшиси журналингизни тўлдиринг. Аслида дарсга келмасак ҳам бўларди-ю, давомат деб ойлигингизни қирқишмасин деймиз-да.
- Келишдик, шовқин қилмай ўтиринглар. Комиссия келаркан. Мана бу ҳужжатларни тўлдириб қўяй...

📝Санжар Шомуродов

@haqiqatonline

🌤 Aссалому алайкум!

Душанба тонги муборак бўлсин!

Соғ–саломат уйғотган Роббимизга ҳамдлар бўлсин.😇

@haqiqatonline

#об_ҳаво

Бугун Тошкент вилоятида ҳаво ҳарорати +43 даражагача кўтарилиши кутилмоқда

Гидрометеорология марказининг хабар беришича, бугун 18 июль куни Тошкент вилоятида ҳаво бироз булутли бўлади, ёғингарчилик бўлмайди. Шарқдан секундига 7-12 метр тезликда шамол эсади. Кечаси 22-27 даража илиқ, кундузи 38-43 даража иссиқ бўлади.

@haqiqatonline

#валюта

❗️Доллар курси тушди

Марказий банк валюталарнинг сўмга нисбатан 18 июлдаги қийматини эълон қилди. Унга кўра, 1 АҚШ доллари -11,75 сўмга пасайиб, 10 970,18 сўм этиб белгиланди.

@haqiqatonline