خذني مثل  طفـل ٍ لقا راحـته  فيك
‏طفـلٍ  يتيـم … ولايع  الوقت  لاعـه

‏حتى ليا  شفته من  الشوق  يدعيك
‏تفرد له أحضانك … وترحم ضياعه

‏خله يذوب من الفرح  بيـن  اياديك
‏وينسى معك ضـيم الزمن والّتياعه

‏الوقت خلاني على وضع السكوت
‏ناويٍ على نيه ولا ادري وش نوى

‏ترجف عظامي مثل قلبي فالقنوت
‏ابكي من الطيش وملذات الهوى

‏باقي معي ضحكه لكن بدون صوت
‏حاول يشوهها الزمان ولا قوى

‏واللي سمع يونس وهو في بطن حوت
‏ماهو بناسيني . . وانا اشم الهوى

عليم الله بـ الصدر الرحيم الطيب المكشوف
على النية وكل اللي وسط قلبي على لساني

ملذات الحياة وزخرف الدنيا ملتني خوف
ياكثر اللي بعد ما زانت الايام خلاني

عسى طيبي معاهم بـ الحياة الفانية مخلوف
وعسى طيب الحظوظ تعزني عنهم وتنصاني

انا من كثر ماشفت الجحود وضيعة المعروف
حمدت الله ع طيب الاصل .. واطباع جداني

كريماً بـ العطا حتى وأنا بـ الواقع المألوف
عطيت ومارضيت اقول طيبي وين وداني ؟!

اساير هالسنين الممحلة والموعد المخلوف
اذا ما هو على شان الوفا فيني على شاني

يشق ( الصبر ) صفحات الخطايا والعيون تشوف
تجاهلت الخطا ( عنوة ) - مدام ان العمر فاني

تشين ايام وتعدي على بعض الظروف ظروف
وهتان الرضا يسقي وطن قلبي وريضاني