#Рўза. Тасаввурдан ҳис сари

Уламоларнинг таъкидлашларича рўза тутишнинг ҳикматларидан бири бошқа оч инсонларнинг ҳолатини ҳис қилишдир. Зеро очлик, ҳаётининг аксар қисмини оч-наҳор ҳолда ўтказадиган инсонларнинг ҳолини ҳис қилиш учун одам уларнинг ҳолатини ўз бошидан ўтказиши даркор. Барча очлик бу қийинчилик ва машаққат, оч инсон ўта қийналаётган одам эканини билади ва ўзича тасаввур қила олади. Лекин бир нарсани тасаввур қилиш билан уни ҳис қилиш ўртасида катта фарқ бор.
Масалан, бир дўстингизни оиласида сал келишмовчилик бўлиб келин болаларини олиб уйига кетиб қолганини эшитсангиз унга раҳмингиз келади ва ҳолатини ўзингизча тасаввур қилиб унга ачинасиз. Бироқ сизнинг тасаввурингиз билан уйига келганда ҳеч ким пешвоз чиқиб чиқиб кутиб олмаётган, куни совуқ овқатга қолган ва кийимлари дазмолсиз ҳолда кўчага чиқиб кетувчи дўстингиз ҳис қилаётган нарсалар ўртасида катта фарқ бор.
Зеро 10000000 сўм пулим бор деб тасаввур қилиш билан унга эга бўлиш ҳиссиёти бир-биридан тубдан фарқ қилиши ҳеч кимга сир эмас. Демак рўза тутаётган инсон атрофдаги одамларнинг очлик қисматини ўзида ҳис қилади ва бу орқали уларга нисбатан меҳр-шафқати янада зиёда бўлади. Бу эса Ислом арконларидан бўлмиш рўза ибодати ҳикматларидан бири одамлар орасида инсонпарварлик ғояларини тарқатиш эканини намоён қилади.

@habib_uz каналига обуна бўлинг!
батафсил 👇👇👇
https://t.iss.one/joinchat/AAAAAEFoUFQvAvFm2AlCVA

#Рўза_ҳикматларидан

Тасаввурдан ҳис сари

@habib_uz

РЎЗАДОРНИНГ ТИШ ПАСТАСИДАН ФОЙДАЛАНИШИ
#рўза

❓173-CАВОЛ:
Рўза одам тишини тиш пастаси билан ювса бўладими?

💬 ЖАВОБ:
Бисмиллаҳир Роҳманир Роҳим.
Рўзадор киши тишларини тозалашда тиш пасталаридан фойдаланиши макруҳ саналади. Агар пастадан ҳосил бўлган кўпикларни ютиб юборса, рўзаси очилади. Чунки паста билан тиш тозалаш бирор нарсани татиб кўришга ўхшайди. Фиқҳий китобларимизда шундай дейилган:

"وَمَنْ ذَاقَ شَيْئًا بِفَمِهِ لَمْ يُفْطِرْ لِعَدَمِ الْفِطْرِ صُورَةً وَمَعْنًى وَيُكْرَهُ لَهُ ذَلِكَ لِمَا فِيهِ مِنْ تَعْرِيضِ الصَّوْمِ عَلَى الْفَسَادِ"

“Рўзадор бирор нарсани татиб кўрса, рўзани очувчи сурат ва моҳият топилмагани учун рўза очилмайди. Лекин бундай қилиш макруҳ ҳисобланади. Чунки бунда рўзани бузувчи омилга яқин келтириш бор” (“Ҳидоя”).

Шунга кўра кўпчилик замонамиз уламолари рўзадор ҳолда тиш пастасидан фойдаланмасликни балки, уни саҳарликдан аввал ёки ифтордан кейинга қолдиришни тавсия этадилар. Зеро, ибодат масаласида эҳтиётини олиш авло саналади.

Қолаверса, Рамазон ойининг кундузлари тишларни тоза сақлаш учун мисвокдан фойдаланиш ҳам мумкин. Чунки, мисвок ишлатиш билан рўза очилмайди. Бунга Расулуллоҳ соллаллоҳу алайҳи васалламнинг рўзадор ҳолларида ундан кўп марта фойдаланганлари далил бўлади.

عَنْ عَامِرِ بْنِ رَبِيْعَةَ رضي الله عنه قَالَ : "رَأَيْتُ رَسُولَ اللهِ صلى الله عليه وسلم مَا لاَ أَعُدُّ وَمَا لاَ أُحْصِي يَسْتَاكُ وَهُوَ صَائِمٌ" (رَوَاهُ أَحْمَدُ)

Омир ибн Рабийъа розияллоҳу анҳудан ривоят қилинади: “Мен Набий соллаллоҳу алайҳи васалламнинг рўзадор ҳолларида мисвок қилаётганларини санаб саноғига, ҳисоблаб адоғига ета олмайдиган даражада кўп кўрганман” (Имом Аҳмад ривоят қилган).

Бунда, милклар қонаса ёки оғизга сув тўпланса, ютиб юбормаслик шарт қилинади. Валлоҳу аълам.

Ўзбекистон мусулмонлари идораси
фатво ҳайъати. @diniysavollar

Каналга уланиш ва обуна бўлиш учун ⤵️

@habib_uz