SOG‘LOM TURMUSH TARZI

Harbiy xizmatchilarning tibbiy madaniyatini shakllantirish, kasallanishlarni oldini olish maqsadida, kuni kecha Akademiyaning “Ma’naviyat va ma’rifat markazi”da “Sog’lom turmush tarzi va sog’lom ovqatlanish” mavzusida davra suhbati boʻlib oʻtdi.

Tadbirda Toshkent sog‘liqni saqlash boshqarmasi boshlig‘i Onalik va bolalik bo‘yicha muovini Muattar Abdullaeva va Toshkent shahar 59-sonli oilaviy poliklinika bosh shifokori Nigora Bozorova, Akademiya rahbariyati, harbiy xizmatchilar ishtirok etdi.

Tadbirni Akademiya boshlig‘i yuridik fanlari doktori, professor, polkovnik Muzaffarjon Mamasiddiqov ochib, sog’lom ovqatlanish e’tibor, sport bilan shug’ullanish, ortiqcha vazn yig’ilishidan saqlanish, qandli diabetni oldini olish hatti-harakatlari harbiy xizmatchilar faoliyati uchun zarurligini alohida ta’kidladi.

Shundan so‘ng, Muattar Abdullayeva so‘z olib, tibbiyot yo‘nalishida Respublikamizda bo‘lim o‘tayotgan yangiliklar, inson tanasi uchun sport bilan shug’ullanishning foyidali tomonlari, kunlik “o‘n ming qadam” yurish tushunchasi haqida, shuningdek dori-darmonlardan bilib bilmay foyidalanish, oilaviy poliklinikalarda bo’layotgan profilaktik tadbirlar va potronajlar haqida so‘zlab,  hozirgi kunda oilaviy shifokorlar bilan oson va qulay muloqotda bo‘lish maqsadida yaratilgan “DMED” platformasi aholi uchun ham qulay ekanligini qayd etdi.

Nigora Bozorova o‘z nutqida harbiy xizmatchilarga sog‘lom turmush tarzi va sog‘lom ovqatlanish mavzusiga oid zarur ma’lumotlar berish bilan birga o‘zining tavsiyalarini berib o‘tdi. Ovqatlanish ratsionini to‘g‘ri tuzish va undagi meva-sabzavotlarning o‘rni, inson organizmiga semizlikning zararli tomonlari, uning oqibatida kelib chiqadigan yurak qon-tomir va boshqa organlar tizimi kasalliklari, qandli diabet kelib chiqish sabablari va ularning profilaktikasi muhim ekanligini alohida aytib o‘tdi.

Tadbir yakunida ma’ruzachi ishtirokchilar bilan dolzarb mavzu yuzasidan samimiy muloqot orqali o‘zaro fikr almashib, harbiy xizmatchilarning qiziqtirgan savollariga atroflicha javob berdi.


Obuna bo‘lishni unutmang:

🌐 Boshqa yangiliklar 👇

🖥 Veb-sayt| 📱 Telegram|‌‌‌‌