“Bolalik ertagim” nomli yangi publitsistik kitob nashrdan chiqdi

Efir: 17.07.2025 | 12:00
#Toshkent
Muxbir : Qumrixon Baxtiyorova

🚀TELEGRAM | 🌐INSTAGRAM
🌐FACEBOOK | 📹YOUTUBE

Бугун Миллий матбуот марказида бўлиб ўтган Фозил Фарҳоднинг "Болалик эртагим" китоби тақдимотида иштирок этдим. Зал тўлди. Ўриндиқлар етишмагани боис кўпчилик тик оёқда турди. Тадбир ажойиб бўлди. Буни устига Жонубий Кореяга уч ойлик “ижодий сургун”дан сўнг Фозил Фарҳоднинг ўзи ҳам анча жиддийлашибди.
Ўзбекистон Халқ ёзувчиси устоз Эркин Аъзам бир яхши гап айтдилар. “Бундан 40 йил аввал ҳам китоб чиқарилган. Аммо ёзувчи ва шоирлар китоб чиқарарди. Журналистлар китоб чиқармасди”. Нафақат радио-тележурналистлар, балки ОАВда ишлайдиган журналистларнинг ҳам китоб чиқариши янгилик.
“Болалик эртагим” китобига Фозил Фарҳоднинг 2011-2025 йилларда “Янги Ўзбекистон”, “Халқ сўзи”, “Ҳуррият”, “Ишонч” каби нашрларда эълон қилинган мақолалари киритилган.
Амирқул Каримовнинг тан олиб айтишича, “Қанот” рукнида нашр қилинган аввалги китоблар билан бир хил ҳажмда бўлиши учун Фозилнинг кўплаб мақолалари олиб ташланган. Бу мақолалар яна бир китобга жо бўлади.
Янги китоб муборак бўлсин.Табриклайман.
https://t.iss.one/tnews247

ТИРИК КИТОБ

Фозил Фарҳод сўзи

Шоҳиста Файзиева ўқиди

Барчага Ассалому алайкум, қадрлиларим!

16 июль куни Ўзбекистон Миллий матбуот марказида, Ўзбекистон Журналистлар ва Ёзувчилар уюшмалари аъзоси Фозил Фарҳоднинг "Қанот" лойиҳасида чоп этилган "Болалик эртагим" номли китоби тақдимотига қатнаша олмаганимдан хафа эдим, чунки тақдимот олди танлов ғолибларидан бири эдимда, лекин бугун совринларим етиб келганидан бениҳоя хурсандман, бунинг учун журналист Нурхон Элмирзаевага катта раҳмат, Аллоҳ сизни фақат яхшиликлар билан сийласин, илоҳим.

Китобларни кўриб кўзим қувнади, бир-биридан ажойиб!

Тақдимот ва танлов учун ҳам, совринлар ва китоблар учун ҳам, сизга катта раҳмат Фозил Фарҳод.

Келгусидаги иш ва ижодингизга улкан зафарлар тилайман!

Шоҳиста Файзиева

t.iss.one/shohistafayziyeva

СИМЁҒОЧ ДОДИ

Мен каттакон шаҳарда
Оғоч эдим кўк, барра.
Ғафлат босган саҳарда
Танамни кесди арра.

Қанотларим қайрилган,
Йиқилиб, гурсиллайди.
Хўжасидан айрилган
Томирларим туллайди.

Яраланган дарахтман,
Юрак-бағри қон бўлган.
Аҳволимдан карахтман,
Ичим зардобга тўлган.

Баҳайбат қайрағочман,
Олма, беҳи, ўрикман.
Афсус, ўзимга хочман,
Ўликлардан ўликман.

Қани, барг ёзсам бирров,
Мева солса шохларим.
Дардим тингламас биров,
Учиб юрар оҳларим.

Томирларимни отиб,
Кўп бинолар қуришди.
Ходаларимни сотиб,
Пулин ёнга уришди.

Ям-яшил дара эдим,
Бунда чанглар бўлмасди.
Ўтмишга қаранг дедим:
Бевақт баргим сўлмасди.

Энди керак ҳаво деб,
Кент бағрин тиғлаяпти.
Тоза ҳаво — даво деб,
Гўдаклар йиғлаяпти.

Бугун келса-да кўклам,
Гулламайди оғочлар.
Бизлар на кўк, на ўктам,
Шунчаки симёғочлар.

Фозил Фарҳод

Эскартма: Бир оғайнимизнинг айтишича, шеър ёзиб табиатни ҳимоя қилиб бўлмас экан. Шундайми, дўстлар?

Мен шу ердаман: 👇
https://t.iss.one/fozilfarhod