​#Аллоҳ_макондан_беҳожат
#сохта_салафийларга_раддия

ИСТИВО МАСАЛАСИ

Табаа тобеинлардан, ҳанафий мазҳабини Мовароунаҳрга олиб кирган етук фақиҳ ва мужтаҳид имом Абу Ҳафс Аҳмад ибн Ҳафс Кабир Бухорий раҳматуллоҳи алайҳ (217-ҳижрий санада вафот этганлар) шундай деганлар:
الكيف مجهول لأن نفي العلم بالكيف لا ينفي إلا ما قد علم أصله كما نقول: إنا نقر بالله ونؤمن به ولا نعلم كيف هو
"(Истивонинг) қандайлиги номаълум. Чунки, қандайликни билишни инкор этиш унинг асли билинадиган нарсани инкор этади. Худди биз Аллоҳга иқрор бўламиз, Унга иймон келтирамиз, бироқ Унинг қандай эканини билмаймиз деб айтишимизга ўхшайди".

📚 Ибн Ошурнинг "Аҳкомул-муташабиҳот" китобидан.

Сохта салафийлар "Аллоҳ Аршга истиво қилди"мазмунидаги оятни "Аллоҳ Аршга ўрнашди", деб тафсир қилишади. Бунинг натижасида Аллоҳ таолони осмонда деган эътиқод қилишади. Аслида бундай эътиқод аҳли суннанинг соф эътиқодига зиддир. Аллоҳга маконни нисбат бериш тарихда Карромийлар ва мужассималар фирқасининг эътиқоди бўлган.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

Абу Дардо разияллоҳу анҳунинг ҳамёнларида ажва хурмосининг данаклари бўлар эди. У зот бомдод намозидан кейин уларни доналаб тасбеҳ айтардилар.

📚Аллома Абдулҳай Лакнавийнинг “Нузҳатул фикр фий субҳатиз зикр” рисоласидан

Изоҳ: Сохта салафийлар зикр қилишда тасбиҳ доналаридан фойдаланишни бидъат амал санашади ва ундан кескин қайтаришади. Аслида машҳур саҳобалар кундалик зикрларни айтишда майда тош доналаридан ёки хурмо данакларидан тасбиҳ сифатида фойдаланишгани саҳиҳ ривоятлар ила собит бўлган.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

Имом Аҳмад ибн Ҳанбал раҳимаҳуллоҳ: "Қабристонга кирсангиз "Фотиҳа", "Муъаввизатайн" (яъни, "Фалақ" ва "Наас" суралари) ва "Қул ҳуваллоҳу аҳад"ни ўқинг ва буни қабристон аҳлига бағишланг. Бунинг савоби уларга етиб боради", - деганлар.

📚 Ҳофиз Жалолиддин Суютийнинг "Шарҳус судуур бишарҳи ҳаалил мавта вал қубур" китобидан.

Муносабат: Сохта салафийлар қабристонда Қуръон тиловат қилишни бидъат деб қарайдилар. Ундай бўлса, Ислом уммати тан олган буюк мужтаҳид олим Имом Аҳмаддек зот қандай қилиб бидъатга тарғиб қилган эканлар?

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

Ҳашвия фирқаси. Зоҳирия мазҳаби
#сохта_салафийларга_раддия

Мусулмонлар орасида кейинги йилларда пайдо бўлган янги-янги фирқалар, хусусан сохта салафийлар ва уларга ҳамфикр бўлган тоифалар ўзларининг бузуқ эътиқодлари билан янгилик яратмадилар. Балки қадимги маслакдошлари бўлмиш ҳашвийлар ва зоҳирийларнинг изидан бормоқдалар холос. Буни аввалги адашган тоифалар билан ҳозиргиларининг ақидасини таққослаш орқали билиб олиш мумкин.

БАТАФСИЛ

#сохта_салафийларга_раддия

عن عمر رضي الله عنه قال : « كان رسول الله صلى الله عليه وسلم إذا مد يديه في الدعاء لم يردهما حتى يمسح بهما وجهه » أخرجه الترمذي.

Умар розияллоҳу анҳудан ривоят қилинади: "Расулуллоҳ соллаллоҳу алайҳи ва саллам дуода қўлларини кўтарсалар, токи уларни юзларига суртмагунча, туширмас эдилар".

📚 Имом Термизий ривояти

Изоҳ: Сохта салафийлар дуодан сўнг қўлни юзга суртишни бидъат санайдилар. Аслида жумҳур уламолар томонидан дуодан сўнг икки қўлни юзга суртиш мустаҳаб амал саналади. Бунга мазкур ҳадис ҳам очиқ далолат қилади.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

"Уламоларнинг ягона фикрига кўра, жавробнинг матоси сув сизиб кирадиган даражадаги юпқа бўлса, уларга масх тортиш мумкин эмас".

✍🏻 Аллома Алоуддин Косоний раҳимаҳуллоҳ

📚"Бадойи санойи" китоби

Изоҳ: Жавроб — араб тили луғатларида пайпоқ экани қайд этилган. Бугунги кундаги пайпоқларнинг барча турига хоҳ қалин хоҳ юпқа бўлсин масҳ тортиб бўлмайди. Агар кимдир ҳозирги юпқа пайпоқларга масҳ тортаётган бўлса, имом Абу Ҳанифа ва у зотнинг икки шогирдлари ҳамда имом Молик, имом Шофеий, имом Аҳмад ибн Ҳанбалнинг мазҳабларига кўра унинг таҳорати дуруст бўлмайди.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

Ҳанбалийларга кўра ҳам дуодан сўнг қўлларни юзга суртиш мустаҳаб амал ҳисобланади. Имом Муваффақуддин Ибн Қудома Ал-Ҳанбалий ўзларининг "Ал-Муғний" китобларида (1/449) бу борада шундай деганлар: “Бизнинг далилимиз эса Набий соллаллоҳу алайҳи васалламнинг мана бу сўзларидир: “Аллоҳга дуо қиладиган бўлсангиз, кафтларингизнинг ичи билан (яъни кафтларингиз ичини осмонга қилиб) дуо қилинг. Усти билан дуо қилманг (яъни дуода кафтларингиз устини тепага қаратманг) Дуодан фориғ бўлгач, қўлларингизни юзингизга суртинг!” (Имом Абу Довуд ва Имом Ибн Можа ривоятлари)”.

Изоҳ: Сохта салафийлар дуодан сўнг қўлни юзга суртишни бидъат санайдилар. Аслида жумҳур уламолар томонидан дуодан сўнг икки қўлни юзга суртиш мустаҳаб амал саналади. Бунга мазкур ҳадис ҳам очиқ далолат қилади.

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

Машҳур муҳаддис ва етук фақиҳ олим Имом Нававий раҳматуллоҳи алайҳ ўзининг “Ал-азкор” номли асарида: ”Тириклар дуосининг ўтганларга манфаъати бор, амалларнинг савоби ҳам етиб боради, деб уламолар ижмоъ қилганлар”, деганлар.

Муносабат: Кейинги даврларда янги чиққан айрим адашган тоифаларнинг талқин қилишича, Қуръон ўқиб савобини ўтганларга бағишлашнинг фойдаси йўқ эмиш. Ваҳҳобийларнинг раҳнамоларидан бири саналмиш, ибн Бознинг “Ал-фатава”, деб номланган китобида бу ҳақда қуйидаги маълумотни учратасиз:

“ان قراءة القرءان على أموات المسلمين ضلال”

Яъни, “мусулмонларнинг ўликларига Қуръон тиловат қилиб савобини бағишлаш залолатдир!”.

Тиловат савобининг мусулмон маййитларга етиб бориши уммати Муҳаммадиянинг ижмоси — иттифоқи экани таъкидлансаю, ваҳҳобийларнинг битта вакили буни залолат деса!

Аслида, ким кўпроқ залолатга яқин?! Залолатда жамланмаслиги ҳадисларда башорат берилган Ислом умматими ёки кечагина янги чиққан фирқами?!

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

ТАРОВЕҲЛАРДА ҚОРИНИНГ ҚУРЪОНГА ҚАРАБ ҚИРОАТ ҚИЛИШИ
#сохта_салафийларга_раддия

Телевиденияларда таровеҳ намозларида хатми Қуръон қилинаётганини Маккаи мукаррамадан тўғридан тўғри олиб кўрсатилади. Шунда баъзи бировларнинг Қуръонни кўтариб турганларини, имомнинг қироатини намозда туриб, Қуръонга қараб кузатиб боришаётганини кўриб қоламиз. Умрага борганлар ҳам бир неча марта бу ҳолатнинг гувоҳи бўлганлар. Биздаги таровеҳларда бундай нарсалар кузатилмаган. Кейинги вақтларда телевиденияга ва Маккаи мукаррамадаги воқеъликка кўр-кўрона тақлид ва ўзаро «билимдон»лик натижасида шу ишни қилаётганларни эшитиб қолмоқдамиз.

Хуллас, бу ишнинг шаръий ҳукми нима эканини билиш учун илмий изланишлар олиб боришга ҳамда унинг хулосаларини тақдим қилишга жазм этдик.

БАТАФСИЛ

#буюклар_эътиқоди #сохта_салафийларга_раддия

Буюк мажтаҳид олим, Имоми Аъзам Абу Ҳанифа раҳимаҳуллоҳ шундай деганлар:

" كان الله ولا مكان كان قبل أن يخلق الخلق كان ولم يكن أين ولا خلق ولا شئ وهو خالق كل شئ".

"Аллоҳ бор эди ва макон йўқ эди. У Зот махлуқотларни яратмасидан аввал ҳам бор эди. Қаерда (айна) йўқ эди, халқ ҳам йўқ эди, нарсалар ҳам йўқ эди. У Зот барча нарсаларнинг холиқидир".

📚 "Фиқҳул абсат", 57-бет.

Улашинг: @AhliSunnaValJamoaUz

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#буюклар_эътиқоди #сохта_салафийларга_раддия

Имом Аъзам Абу Ҳанифа раҳимаҳуллоҳ шундай деганлар:
" نقر بأن الله على العرش استوى من غير أن يكون له حاجة إليه واستقرار عليه وهو الحافظ للعرش وغير العرش من غير احتياج ، فلو كان محتاجا لما قدر على إيجاد العالم وتدبيره كالمخلوق ولو كان محتاجا إلى الجلوس والقرار فقبل خلق العرش أين كان الله تعالى ! تعالى الله عن ذلك علوا كبيرا ".

"Аллоҳ таоло аршга унга бирон бир эҳтиёжсиз ва ўрнашмай истиво қилганига иқрор қиламиз. Аллоҳ аршни ва аршдан бошқа махлуқотларни уларга бирон бир эҳтиёжсиз ҳофизи (сақловчисидир). Агар махлуқотларга эҳтиёжи бўлса эди, махлуқлар каби оламларнинг ийжоди ва тадбирига қодир бўлолмас эди. Агар ўтиришга ва қарор топишга муҳтож бўлса эди, аршни яратмасидан аввал қаерда бўлган эди! Аллоҳ таоло бундайин (арш устида бўлиш, аршга ўтириш ва осмонга жойлашиш)дан ўта олийдир!".

📚 Имом Абу Ҳанифа раҳимаҳуллоҳнинг "Ал-Васия" рисоласидан

Улашинг: @AhliSunnaValJamoaUz

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA

#сохта_салафийларга_раддия

Имом Шамсиддин Муҳаммад Ал-Жазарий раҳимаҳуллоҳ ўзларининг "Тасҳиҳул масобиҳ" китобларида шундай дейдилар: "Имом Муслимнинг қабрларини зиёрат қилдим. Зиёрат асносида яхшилик ва баракот умидида "Саҳиҳ тўплам"ларидан ўқидим. У ерда барака асарларини ҳамда У Зотнинг қабрлари сабабли дуойим ижобат бўлишини гувои бўлдим".

Муносабат: Имом Жазарий раҳимаҳуллоҳ Қироат ва тажвид илмида беназир олимдир. Имом Жазарий тафсир, ҳадис, фиқҳ, тарих ва араб тили илмлари каби турли фанларга доир етмишдан ортиқ илмий асар тасниф этган. Эй сохта салафийлар! Имом Жазарийдек олимни ҳам юқоридаги гаплари учун “Қубурий” дея мазаҳ қиласизларми?!

Улашинг: @AhliSunnaValJamoaUz

Дўстларингизга ҳам улашинг:
https://t.iss.one/joinchat/AAAAAEGj0hkBXGlopIDbXA