#rasmiy_munosabat

Ijtimoiy tarmoqlarda tarqalgan Farg‘ona shahar davlat soliq inspeksiyasi bilan bog‘liq videomurojaatda qayd etilgan holatlar Farg‘ona viloyati davlat soliq boshqarmasi rahbariyati tomonidan shaxsan nazoratga olinganligini ma’lum qilamiz.

E’lon qilingan xabarlar qanchalik asosli ekanligi boshqarma rahbariyati tomonidan batafsil o‘rganib chiqiladi va qisqa fursatlarda qo‘shimcha axborot taqdim etiladi.

Farg’ona viloyati DSB matbuot xizmati

Telegram I Facebook I Instagram I Veb-sayt

#rasmiy_munosabat

Ijtimoiy tarmoqlarda yuridik shaxslarning mol-mulk solig‘ini hisoblab chiqarishda bino va inshootlar soliq bazasi bo‘yicha kiritilgan o‘zgarishlar yuzasidan turli fikr va xulosalar bildirilmoqda.

👉 kiritilgan o‘zgartirishlar yuzasidan izoh

Тelegram | Facebook | Youtube| Instagram

#rasmiy_munosabat

Huquqbuzarliklar haqidagi har bir murojaat batafsil o‘rganiladi

Davlat soliq qo‘mitasi aholi murojaatlari asosida o‘tkazilayotgan soliq tekshiruvlari bo‘yicha ijtimoiy tarmoqlarda bildirilayotgan ayrim munosabatlar yuzasidan quyidagilarni maʼlum qiladi.

“Soliq” mobil ilovasi orqali yo‘llangan murojaatlar asosida nazorat tadbirlari o‘tkazilishidan avval, har bir murojaat batafsil o‘rganib chiqiladi.

Onlayn nazorat-kassa texnikalari orqali chop etilgan har bir chek soliq organlari maʼlumotlar bazasiga avtomatik kelib tushadi, murojaatchining xabari bevosita ushbu subyektga o‘rnatilgan onlayn nazorat-kassa texnikasi maʼlumotlari bilan solishtiriladi.

Bunda avtomatik rejimda ushbu obyektdagi nazorat-kassa texnikasidan chek chop etish davri, summasi, murojaatda ko‘rsatilgan tovar nomenklaturasi, yaʼni har bir detalga alohida eʼtibor qaratiladi.

Murojaatda keltirilgan huquqbuzarlik tasdiqlansa, ushbu huquqbuzarlik uchun qonunchilikda belgilangan miqdorlarda jarima belgilanadi. Jarima tadbirkorlik subyekti tomonidan 10 kunlik muddatda ixtiyoriy ravishda to‘langanda jarima miqdori ikki baravarga kamaytiriladi.

❗️Chek talab qilish faqatgina moddiy rag‘bat uchun, taqdim etish esa jarimadan xalos bo‘lish uchungina amalga oshirilmasligi lozim.

Bu jarayonlarda o‘z haq-huquqlarimiz va majburiyatlarimizni to‘la anglab yetgan holda, ularni o‘z vaqtida ado etishni odatga emas madaniyatga aylantirishimiz lozim.

👉Batafsil

Тelegram | Facebook | Youtube| Instagram

#rasmiy_munosabat

"Soliq hamkor" bo‘yicha ijtimoiy tarmoqlarda tarqalgan xabarlar yuzasidan munosabat

👉Chek bermaslik bo‘yicha murojaat tushganda tekshiruv qanday o‘tkaziladi?

👉Onlayn-NKM foydalanuvchilariga qanday imtiyozlar taqdim etilgan?

📹Youtube orqali ko‘rish
_________________________
#официальная_информация

Официальная информация в отношении публикаций, распространившихся в социальных сетях о системе "Налоговый партнёр"

👉Как проводится проверка, если поступило обращение о невыдаче чека?

👉Какие льготы предоставлены для использующих онлайн-ККМ?

📹 Смотреть в YouTube

Тelegram | Facebook | Youtube| Instagram

#rasmiy_munosabat

Xarid cheklarini berish bilan bog‘liq tekshirishlar to‘g‘risida

Davlat soliq qo‘mitasi oxirgi vaqtlarda xarid cheklarini berish bilan bog‘liq o‘tkazilayotgan sayyor soliq tekshirishlari bo‘yicha ijtimoiy tarmoqlarda bildirilayotgan ayrim postlar yuzasidan quyidagilarni maʼlum qiladi.

Soliq organlari maʼmurchilikni amalga oshirishda quyidagilarga tayanadi:
🔸tadbirkorlar uchun bir xil sharoitdagi muhitni yaratishga erishish;
🔸“yashirin iqtisodiyot”ga barham berish.

Shuningdek, Xalqaro moliya institutlari va professional ekspertlarning tahlil va xulosalari respublikamizda yashirin iqtisodiyotning ulushi 50 foizdan yuqori bo‘lib, savdo va xizmat ko‘rsatish sohasida bu ko‘rsatkich 70 foizgacha yetishi maʼlum qilingan.

Shu munosabat bilan xufiyona iqtisodiyotni jilovlashga qaratilgan soliq maʼmurchiligining zamonaviy instrumentlari qatorida, chek bermaslik, plastik kartalarga savdo qilishdan bosh tortish, plastik kartalarga tovarlarni narxini oshirib sotish va boshqa qonunbuzilishlari ustidan keng jamoatchilik nazorati instituti ishga tushirilib, fuqarolardan murojaatlarni qabul qilish uchun “Soliq” mobil ilovasi amaliyotga kiritildi.

Ushbu o‘zgarishlarga fuqarolarning faol ishtiroki kuzatilib, yil boshidan buyon 13 mingga yaqin fuqarodan 66 mingdan ortiq murojaat kelib tushdi.

Mazkur murojaatlar asosida nazorat tadbirlarini o‘tkazishdan oldin, ijtimoiy tarmoqlarda keltirilganidek hech qanday tahlillarsiz emas, ularning har biri sinchkovlik bilan o‘rganib chiqilmoqda:

Onlayn kassa mashinalari orqali urilgan har bir chek soliq organlari maʼlumotlar bazasida aks ettirilib, murojaatchining xabari asosliyligi bevosita ushbu subyektga o‘rnatilgan onlayn nazorat kassa mashinasi ko‘rsatkichlari bilan solishtiriladi.

Aynan shunday tahlillar natijasi bilan 30 mingga yaqin murojaat bo‘yicha tekshirish o‘tkazish rad etilgan.

Lekin, qolgan qismi tekshirilganda - afsuski 97 foizida haqiqatda chek urilmaganligi bo‘yicha murojaatchilarning xabari tasdig‘ini topdi.

Amalga oshirilayotgan tadbirlar soliq to‘lovchilarni jazolash emas, belgilangan soliq siyosati asosida budjetga to‘lov intizomini mustahkamlashga qaratilgan.

Soliq to‘lovchilarga soliq to‘g‘risidagi qonun hujjatlarini ijro etishida yordam berish hamda “Soliqchi – ko‘makchi” tamoyili asosida chora qo‘llashdan oldin bartaraf etishga imkoniyat yaratish talabidan kelib chiqib Davlat soliq qo‘mitasi quyidagilarni eʼlon qiladi.

Joriy yil 1-iyundan boshlab:
Birinchidan, “Soliq” mobil ilovasi orqali mulkchilik shaklidan qatʼiy nazar, birinchi marotaba kelib tushgan murojaat bo‘yicha soliq to‘lovchi huzuriga borgan holda, profilaktik suhbat o‘tkazilib, tadbirkorlik subyektining qonun talablarida ish yuritishi to‘g‘risida rasman ogohlantiriladi. Unga nisbatan taʼsirchan moliyaviy jazo choralari ko‘rilmaydi.

Mazkur ogohlantirishdan keyin ham xulosa qilinmasdan, qonun buzilishlari davom ettirilib, ushbu tadbirkorlik subyekti bo‘yicha ikkinchi marotaba murojaat kelib tushsa belgilangan tartibda o‘rganish o‘tkaziladi va natijasi bo‘yicha soliq tekshiruvi tashkil etiladi.

Ikkinchidan, murojaat bo‘yicha sayyor soliq tekshiruvi o‘tkazilayotgan yoki o‘tkazilgan tekshiruv natijasi bo‘yicha qaror qabul qilish jarayonida ushbu subyekt bo‘yicha takroriy tushgan murojaatlar ko‘rib chiqilmaydi.

Uchinchidan, jamoatchilik nazoratini kengaytirish maqsadida, bir fuqaro tomonidan 24 soat ichida 2 tadan ortiq hamda 30 kalendar kuni davomida 1 ta shoxobcha bo‘yicha 1 martadan ko‘p murojaat yuborilishiga cheklov o‘rnatiladi.

To‘rtinchidan, davlat soliq xizmati organlari xodimlarining huquqbuzarliklar to‘g‘risidagi murojaatlari, mukofot to‘lanmaydigan murojaatlar sifatida qayd qilinadi.

Davlat soliq qo‘mitasi ushbu o‘zgartirishlarni inobatga olgan holda, chek talab qilib, yashirin iqtisodiyotga qarshi kurashishda faol ishtirok etayotgan fuqarolarimizni rag‘batlantirishni va noqonuniy ishlash yo‘lini tanlagan ayrim subyektlarga nisbatan taʼsirchan nazorat tadbirlari izchil davom ettiradi.

Тelegram | Facebook | Youtube| Instagram

#rasmiy_munosabat
#QQS

Ijtimoiy tarmoqlarda tashkilotlarning sotib olingan va keyinchalik sotilgan yengil avtomobil uchun takroran QQS to‘lashi haqidagi murojaatlari e’lon qilinganligi munosabati bilan Davlat soliq qo‘mitasi quyidagilarni ma’lum qiladi.

Realizatsiya qilish joyi O‘zbekiston bo‘lgan tovar(xizmat)larni realizatsiya qilish bo‘yicha aylanma QQS soliq solish obyekti hisoblanadi.
👉 Soliq kodeksi 238-modda 1-qism 1-band

Tovarga bo‘lgan mulk huquqini pullik asosda o‘tkazish ushbu aylanmaga kiradi.
👉 Soliq kodeksi 239-modda 1-qism 1-band

Agar QQS to‘lovchisi bo‘lgan tashkilot avtosalondan 300 mln so‘mga yengil avtomobil sotib olsa (egalik huquqini ro‘yxatdan o‘tkazsa), avtosalonga ushbu summadan 15% QQS – 45 mln so‘m (jami 345 mln so‘m) to‘laydi. Avtosalon ham o‘z navbatida QQS to‘lovchisi bo‘lgani uchun bu 45 mln so‘mni budjetga o‘tkazishi shart.

Yengil avtomobil sotib olgan tashkilot QQSni (45 mln so‘m) hisobga olish huquqiga ega, agar:
🔸 soliq to‘lovchining tovarlarni ishlab chiqarish va (yoki) realizatsiya qilish (xizmat ko‘rsatish) bilan bog‘liq faoliyatini amalga oshirish chog‘ida ushbu avtomobildan foydalanilganda realizatsiya qilish bo‘yicha aylanmasiga soliq solinishi lozim bo‘lganda;

🔸 Ushbu avtomobil uchun avtosalondan QQS summasi alohida ajratilgan hisobvaraq-faktura olingan bo‘lsa.
👉 Soliq kodeksi 266-modda

Soliq to‘lovchida avtomobil uning tadbirkorlik faoliyati bilan bog‘liq qatnovlarni amalga oshirishda foydalanganligini tasdiqlovchi hujjatli dalillar bo‘lishi kerak.
Agar ushbu yengil avtomobil soliq to‘lovchining faoliyat turiga bog‘liq bo‘lmagan boshqa maqsadlarda foydalanilayotganligi soliq organi tomonidan dalilar bilan isbotlansa, avtomobilni sotib olish chog‘ida to‘langan QQS summalari hisobga olinmaydi.
👉Batafsil tushuntirish bu yerda

Agar tashkilot kelgusida yengil avtomobilni 200 mln so‘mga sotishga qaror qilsa, u holda avtomobilni sotib oluvchi ham unga ushbu summadan 15 % QQS – 30 mln so‘m (jami 230 mln so‘m) to‘laydi.

Agar tashkilot avval avtosalonga o‘tkazib bergan 45 mln so‘mni hisobga olgan bo‘lsa, ushbu summadan 30 mln so‘m QQS chegirib tashlanadi va natijada 15 mln so‘m hisobda qoladi.

Agar tashkilot avval QQSni hisobga olmagan bo'lsa yoki hisobga olish rad etilgan bo'lsa, u holda avtomobilni sotishda soliq to'lovchi sifatida yangi egasi tomonidan unga o'tkazilgan 30 mln so'm QQS summasi budjetga to'lanishi shart.

Demak, soliq to'lovchi tomonidan avtomobil sotib olingan va sotilganda, ushbu operatsiya bo'yicha bir marta QQS to'lanadi.

Тelegram | Facebook | Youtube| Instagram

#rasmiy_munosabat

✅Ижтимоий тармоқларда электрон тўлов ташкилотларининг Давлат солиқ қўмитаси билан интеграцияси туфайли уларнинг хизматларида узилишлар кузатилиши мумкинлиги ҳақида хабарлар тарқалди.

Давлат солиқ қўмитаси ушбу хабарларга аниқлик киритган ҳолда қўйидагиларни маълум қилади.

Тўлов тизимлари операторлари ўз тўлов тизимларини онлайн-НКМга мажбурий равишда улаш ва шу орқали солиқ органларининг ахборот тизимларига 2022 йил март ойидан интеграциялашни таъминлаш талаби ўрнатилган.

Ушбу мақсадда тўлов ташкилотлари билан тизимли ишлар амалга оширилиб, жорий йилнинг март ойидан шу кунга қадар 12 маротаба учрашув ташкиллаштирилган.

Аҳоли билан пулли ҳисоб-китобларни амалга оширишда электрон тўлов тизими орқали электрон фискал чек тақдим қилиш тартиби белгиланган.

Хусусан, мавжуд 48 та электрон тўлов ташкилотидан 25 таси фискал маълумотлар операторига интеграцияни тўлиқ якунлаган.

Айтиш жоизки, ҳозирги кунда харидлар учун тўловларни аксарият ҳолларда P2P (картадан картага ўтказиш) қилиш кузатилмоқда.

Мамлакат иқтисодиётини узоқ муддатли ривожлантириш борасида кенг кўламли ислоҳотлар амалга оширилаётган шароитда ахборот технологиялари воситасида истеъмолчилар, тадбиркорлик субъектлари ва давлат солиқ хизмати органларининг уйғунлашган фаолияти алоҳида аҳамият касб этади.

Рақамлаштириш билан боғлиқ амалий тажриба иқтисодий фаолликни ошириш ва қонуний фаолиятни амалга ошираётган тадбиркорларни ҳимоя қилиш таъминланганлигини кўрсатди.

Ўтган йилнинг мос даврига нисбатан харид чеклари сони 185%га харид суммаси эса 176% га ошди. Бу рақамларни яширин иқтисодиётни соядан чиқариш натижалари деб қайд этиш мумкин.

Шу ўринда 1,5 млн нафардан ошиқ фуқаролар ҳуқуқлари кафолатланиши таъминланди (ярим трлн сўм дан ортиқ кешбэк тўланди).

Тelegram |Facebook |Youtube| Instagram |Twitter

#rasmiy_munosabat

Ijtimoiy tarmoqlarda yer va mol-mulk solig‘i haqida yuborilgan xabarnomaning havolasiga bosilganda foydalanuvchi bank kartasidan pul yechib olinishi to‘g‘risida asossiz xabarlar tarqalmoqda.

Aslida Soliq qo‘mitasi soliq toʻlovchilarga qulaylik yaratish maqsadida ularning uyali telefonlariga 6079 raqamidan hisoblangan va to‘lanishi lozim boʻlgan yer va mol-mulk soliqlari toʻgʻrisidagi maʼlumotlarni SMS koʻrinishida yubormoqda.

❗️Havola bosilganda soliq to‘lovchi bank kartasidan pul yechib olinmaydi.
"Batafsil" yozuvidagi havola orqali toʻlov xabarnomasi yuklanadi.

"To‘lash" yozuvi bosilganda esa “Soliq” mobil ilovasi joylangan platforma (Play market) ochiladi. Agar ilova foydalanuvchi qurilmasiga oʻrnatilgan boʻlsa ilovaning “Soliqlarni toʻlash” oynasidan toʻlovni tez va oson amalga oshirish mumkin.
____________
#официальное_сообщение

В социальных сетях распространяются необоснованные сообщения о том, что при переходе по ссылкам SMS-уведомления о необходимости уплаты налогов на имущество и землю, отправленного с номера 6079, с банковской карты граждан снимаются денежные средства.

Налоговый комитет действительно рассылает на мобильные телефоны налогоплательщиков уведомления о необходимости уплаты налога на имущество и земельного налога в виде SMS с номера 6079.

❗️При переходе по ссылке с банковской карты налогоплательщика не списываются средства.

При нажатии по ссылке с текстом “Batafsil”(«Подробнее») будет загружено платёжное уведомление. При нажатии на "Toʻlash" («Оплатить») откроется платформа мобильного приложения Soliq, через которое и можно произвести оплату.

Если на мобильном устройстве пользователя уже установлено данное приложение, то произвести платёж можно в разделе «Оплата налогов»; если же не установлено, то оно будет загружено через платформу приложений.

Тelegram |Facebook |Youtube| Instagram |Twitter

#rasmiy_munosabat

Ijtimoiy tarmoqlarda kartadan kartaga (P2P) pul o'tkazmalari uchun soliq joriy etilgani haqida xabarlar yuzasidan Soliq qoʻmitasi quyidagilarni ma'lum qiladi.

Jismoniy shaxslarning boshqa jismoniy shaxsdan meros yoki hadya tartibida, shuningdek tekinga olgan pul shaklidagi daromadlari soliqqa tortilmaydi.
👉Soliq kodeksi 378-modda

Ya'ni, bir jismoniy shaxsdan boshqa jismoniy shaxsga pul o'tkazish (P2P) operatsiyalari soliqqa tortilmaydi.
_____________
#официальная_информация

В связи с тем, что в социальных сетях распространяются сообщения о введении налогообложения для денежных переводов с карты на карту (P2P), Налоговый комитет сообщает следующее.

Доходы в денежной форме, полученные физическими лицами от других физических лиц в порядке наследования, дарения или безвозмездно, не подлежат налогообложению.
👉ст. 378 НК

То есть операции по переводу денежных средств (P2P) от одного физического лица другому физическому лицу не облагаются налогом.

Тelegram |Facebook |Youtube| Instagram |Twitter

Ijtimoiy tarmoqlarda tarqalgan xabarlar yuzasidan munosabat

Farg‘ona shahar soliq inspeksiyasida kuzatilgan holat yuzasidan Farg‘ona viloyati soliq boshqarmasi quyidagilarni ma’lum qiladi.

Ijtimoiy tarmoqlarda tarqalgan xabarlarga asosan shahar soliq inspeksiyasidagi holat boshqarma mutaxassislari tomonidan o‘rganib chiqildi.

Joriy yil 8-iyun kuni soat 22.00 hamda 12-iyun soat 20.00 larda mustaqil blogerlar Farg‘ona shahar soliq inspeksiyasi ma’muriy binosiga tashrif buyurishgan. Ular ma’muriy binoda ish vaqtidan tashqari yig‘ilish o‘tkazilayotganligi va mehnat qonunchiligiga rioya qilinmayotganligini iddao qilishgan.

Boshqarma mas’ullari tomonidan o‘tkazilgan o‘rganishlarda ma’lum bo‘lishicha, yuqorida ko‘rsatilgan vaqtlarda inspeksiya rahbariyati tashabbusi bilan yoki ular boshchiligida hech qanday yig‘ilish tashkil etilmagan.

Eslatib o‘tish joiz, soliq xizmati organlari ma’muriy binolardagi hujjatlar, muhrlar, maxsus vositalar va boshqa tovar-moddiy boyliklarning asrab-avaylanishini ta’minlash, tashrif buyuruvchi davlat organlari, tashkilotlar xodimlari, shuningdek, jismoniy va yuridik shaxslar hamda ularning vakillariga sifatli xizmat ko‘rsatish maqsadida Soliq qo‘mitasining tegishli buyrug‘i qabul qilingan hamda ma’muriy binoga kirib-chiqish tartiblari belgilangan.

Shuningdek, ijtimoiy tarmoqlarda tarqalgan xabarlarda blogerlarga tosh otilganligi iddao qilingan. Ma’lum bo‘lishicha, soliq xizmati organlari xodimlari tomonidan hech kimga hech qanday tosh otilmagan. Agar tosh otish holati kuzatilgan bo‘lsa, mazkur jarayon ishtirokchisi kim ekanligi haqida soliq organlarida aniq ma’lumot mavjud emas hamda soliq organlari bunday holatni qoralaydi.

Ta’kidlash joizki, soliq xizmati organlari ommaviy axborot vositalari vakillari bilan hamkorlikni hamisha qo‘llab-quvvatlaydi, axborotni moneliksiz izlash va olishlari uchun sharoit yaratadi.

“Ommaviy axborot vositalari to‘g‘risida”gi hamda “Davlat hokimiyati va boshqaruvi organlari faoliyatining ochiqligi to‘g‘risida”gi O‘zbekiston Respublikasi Qonunlariga muvofiq, ommaviy axborot vositasi davlat hokimiyati va boshqaruvi organlarining faoliyati to‘g‘risida axborot olishga doir, shuningdek, mansabdor shaxslarning intervyusini tashkil etish to‘g‘risida so‘rov bilan og‘zaki, yozma va elektron tarzda murojaat etish huquqiga ega ekanligi belgilangan. Shuningdek, so‘rov ko‘pi bilan yetti kunlik muddatda ko‘rib chiqilishi ko‘rsatib o‘tilgan.

Axborot asrida tarqatilayotgan xabar uchun har daqiqaning muhimligini hisobga olgan holda soliq orqanlari tomonidan OAVning so‘roviga 7 kunlik muddatni kutmasdan imkon qadar tezroq javob berish amaliyoti yo‘lga qo‘yilgan.

OAV vakillari o‘zlarini qiziqtirgan savollar yuzasidan og‘zaki, yozma va elektron ravishda so‘rov yuborishlari mumkin, ochiq ma’lumotlarning barchasi belgilangan tartibda taqdim etilishi ta’minlanadi.

#rasmiy_munosabat

Telegram I Facebook I Instagram I Veb-sayt

#rasmiy_munosabat

Soliq organlari tomonidan soliq bazasini kengaytirish va yashirin iqtisodiyot ulushini qisqartirish boʻyicha tizimli ishlar davom ettirilmoqda. Ushbu chora-tadbirlardan biri taksi va yoʻlovchi tashish bozorini tartibga solishdir.

Avval xabar qilinganidek, joriy yilning 1-dekabridan boshlab Yandex Go xizmati Oʻzbekistonda oʻz faoliyatini mahalliylashtirib, soliq rezidentiga aylandi. Shu bilan birga, mazkur servis Soliq axborot tizimlari bilan integratsiya qilinishi natijasida har bir tashish xizmati uchun fiskal chek shakllantirish imkoniyati yaratildi.

Oʻtgan kunlar davomida (1 – 6-dekabr) 13,5 mlrd soʻmlik 800 483 ta chek shakllantirildi.

Oʻz navbatida, mazkur sohada bir qator yechimini topishi lozim boʻlgan masalalar saqlanib qolmoqda:

birinchidan, taksi xizmati (Yandex Go va boshqalar) uchun naqd pul orqali toʻlov qilinganda chek berilishi yoʻlga qoʻyilmagan.

Bu borada amaliyotga tatbiq etish uchun bir nechta yechimlar ishlab chiqildi va bozor ishtirokchilariga taklif qilindi, yaqin kunlarda naqd pul orqali toʻlov qilinganida ham chek berilishi taʼminlanadi;

ikkinchidan, qolgan agregatorlarda, xususan – MyTaxi, Uklon va boshqalarda fiskal chek bugungi kungacha shakllantirilmayapti.
Ushbu agregatorlar bilan texnik integratsiyalash ishlari yakunlangan va yaqin kunlarda yoʻlovchilar ushbu xizmatlardan foydalanganda fiskal cheklarni olishni boshlashi kutilmoqda.

Bundan tashqari, respublikaning barcha hududlarida agregatorlar va taksi xizmatlarini fiskallashtirish koʻzda tutilgan;

uchinchidan, bugungi kunga qadar shakllantirilgan 13,5 mlrd soʻmlik 800 483 ta cheklarning 13,4 mlrd soʻmlik 791 100 tasi 232 ta yuridik shaxslar (Yandex Go hamkorlari va taksi kompaniyalari), 163,9 mln soʻmlik 9 383 tasi esa 1 821 nafar oʻzini oʻzi band qilgan shaxslar hissasiga toʻgʻri keladi.

Bunda, tashish xizmati oʻzini oʻzi band qilgan haydovchi tomonidan koʻrsatilgan boʻlsada, tashishning barcha summasi taksopark (hamkor) aylanmasida aks etish holatlari Soliq qoʻmitasi tomonidan kuzatilmoqda.

Mazkur yoʻnalishda taksoparklar va oʻzini oʻzi band qilgan haydovchilar oʻrtasida soliq toʻlovchining shaxsiy kabinetida komissioner va komitentni toʻgʻri belgilash boʻyicha tushuntirish ishlari agregatorlar bilan birgalikda olib borilmoqda.

Shuningdek, ushbu sohada oʻzini oʻzi band qilgan fuqarolarga qulaylik yaratish maqsadida mazkur funksiyani Soliq mobil ilovasiga qoʻshish orqali soddalashtirish boʻyicha ishlar olib borilmoqda.
Maʼlumot uchun: yuridik shaxslar oʻzlarining shaxsiy kabinetida fiskal cheklarni tahrirlash mexanizmidan foydalanishlari mumkin. Shuningdek, Soliq kodeksining 369-moddasi 9-bandiga muvofiq, oʻzini oʻzi band qilgan shaxslar barcha turdagi soliqlardan ozod qilingan.

Taksi faoliyatidan rasmiy daromad shakllantirish imkoniyatining paydo boʻlganligi oʻzini oʻzi band qilgan shaxslar uchun alohida bir qator afzalliklarni keltirib chiqaradi. Jumladan, daromad toʻgʻrisidagi maʼlumotlar keyinchalik ularga boshqa iqtisodiy harakatlarda (ipoteka, isteʼmol kreditlari, tovarlarni boʻlib-boʻlib toʻlash va hokazo) imkoniyatlarini kengaytiradi. Bu oʻz navbatida aholining iqtisodiy faolligi oshishiga xizmat qiladi.

Soliq qoʻmitasi taksi xizmatini koʻrsatishda agregatorlar va ularning hamkorlari biznes jarayonlarini monitoring qilib bormoqda va aniq yechimlarni taklif etadi.

Shu bilan birga yoʻlovchi tashish bozorida, turli baholashlarga asosan 500 mingdan 1 mln nafargacha fuqaro toʻliq yoki qisman bandligini, shuningdek, taksilarning kundalik logistika va harakatlanishdagi ahamiyati katta ekanini hisobga olib, mazkur sohadagi munosabatlarni avtomatlashtirish va fiskallashtirish jarayonini bosqichma-bosqich va ehtiyotkorlik bilan amalga oshirish zarur, deb hisoblaymiz.

Bunda, soliq qonunchiligiga rioya etilishi, soliqlarning toʻgʻri hisoblanishi va oʻz vaqtida toʻlanishi ustidan nazorat hamda Oʻzbekiston Respublikasi Davlat byudjetiga soliqlarning toʻliq tushishini taʼminlash soliq organlarining asosiy vazifalari boʻlib qoladi.

#rasmiy_munosabat

Soliq qoʻmitasining Yandex Go, MyTaxi, Uklon va boshqa taksi xizmatlari toʻlovlarini fiskallashtirish toʻgʻrisidagi xabarida o‘zini o‘zi band qilgan haydovchilar cheklari uchun keshbek berish to'g'risidagi ma'lumotlar e'lon qilinmagan.

Vazirlar Mahkamasining 5252-son qaroriga muvofiq avtomobil sotib olganlik uchun, temir yo‘l va avia chipta xaridi, kommunal va aloqa xizmati uchun to‘lov hamda o‘zini o‘zi band qilgan shaxslar tomonidan berilgan xarid cheklariga 1% keshbek berilmaydi.

Shu munosabat bilan, ijtimoiy tarmoqlarda 135 mln so‘m keshbek berilishi haqidagi ma’lumotlar haqiqatga to‘g‘ri kelmasligini ma'lum qilamiz.
————-
#официальная_информация

В сообщении Налогового комитета о фискализации платежей за поездки в сервисах Yandex Go, MyTaxi, Uklon и других служб такси, не упоминается возможность получения кешбэка за чеки, выданные самозанятыми водителями.

Согласно ПКМ №5252 – 1% возврат от суммы покупок не предусмотрен за покупки автомобилей, авиа и железнодорожных билетов, оплаты коммунальных услуг и услуг связи, а также чеков, выданных самозанятыми лицами.

Таким образом, информация в социальных сетях о возврате 135 млн сумов кешбэка не является достоверной.

Тelegram |Facebook |Youtube| Instagram |Twitter| Threads

#rasmiy_munosabat

Farg‘ona viloyati soliq boshqarmasi ijtimoiy tarmoqlarda tarqalgan videomurojaat yuzasidan quyidagilarni ma’lum qiladi

Murojaatda fuqaro 2020-yil may oyida ipoteka krediti asosida Marg‘ilon shahar, Turon MFY, Yangi Farg‘ona ko‘chasida joylashgan ko‘p qavatli uylardan sotib olganligi, ushbu uylar QQSdan ozod qilingan bo‘lsada, quruvchi tomonidan uylar QQS bilan sotilganligini ma’lum qilinib, tekshiruv o‘tkazib berish so‘ralgan.

Murojaatda qayd etib o‘tilgan holatlar boshqarma mutaxassislari tomonidan o‘rganib chiqilganda, fuqaro bilan “O‘zshahar qurilish invest” MChJ o‘rtasida uy-joy sotish yuzasidan tuzilgan 03.02.2020-yildagi 009-sonli shartnomada ko‘p kvartirali uy-joyning boshlang‘ich taxminiy narxi qo‘shilgan qiymat solig‘i (QQS) bilan 357 701 058 so‘m etib belgilanganligi ma’lum bo‘lgan.

Yuqorida qayd etib o‘tilganlardan kelib chiqib, shartnomaviy munosabatlarda yuzaga keladigan nizolarni hal etish uchun sud organlariga murojaat qilinishi maqsadga muvofiq ekanligini ma’lum qilamiz.

Telegram I Facebook I Instagram I Veb-sayt

#rasmiy_munosabat

Soliq qoʻmitasi har bir Soliq toʻlovchining fikr va mulohazalarini hurmat qiladi!

So‘nggi vaqtlarda amaliyotda ishlab turgan normalarga bir necha yengillik va oʻzgartirishlar kiritilganini buning dalili deyish mumkin.

Soliq qoʻmitasi bundan keyin ham Soliq toʻlovchilarga xizmat koʻrsatishni oʻzining muhim vazifasi deb hisoblaydi.

“Yashirin iqtisodiyotga qarshi kurashish boʻyicha kompleks chora-tadbirlarni amalga oshirish toʻgʻrisida”gi qaror loyihasi Hukumatga kiritilishidan oldin amaldagi qonunchilikda belgilangan tartibda regulation.gov.uz portali orqali jamoatchilik fikr-mulohozasini oʻrganish va takliflarini olish uchun keng jamoatchilik muhokamasidan oʻtkaziladi.

Jamoatchilik muhokamalari (tadbirkorlar, fuqarolik jamiyati institutlari, olimlar, ekspertlar va mutaxassislarning maslahatlari hamda tavsiyalari) asosida loyiha toʻliq qayta koʻrib chiqiladi va tadbirkorlik faoliyatiga salbiy taʼsir etuvchi tartib-taomillar va talablar bartaraf etilgandan soʻng loyiha Hukumatga koʻrib chiqish uchun kiritiladi.
————-
#официальная_информация

Налоговый комитет уважает мнение и позицию каждого налогоплательщика!

Тому свидетельством служит ряд послаблений и изменений, внедренных в действующие нормы в последнее время.

Клиентоориентированность во взаимодействии с налогоплательщиками считаем своей наиболее значимой задачей.

Прежде чем проект постановления "О реализации комплексных мер по борьбе с теневой экономикой" будет внесен в Правительство, состоится его широкое общественное обсуждение через портал regulation.gov.uz в порядке, установленном действующим законодательством, для изучения общественного мнения и получения предложений.

На основе этих общественных обсуждений (советов и рекомендаций предпринимателей, институтов гражданского общества, ученых, экспертов и специалистов) проект будет полностью пересмотрен и после внесения правок в нормы и требования, оказывающие негативное влияние на предпринимательскую деятельность, проект будет представлен на рассмотрение Правительства.

#rasmiy_munosabat

Davlat soliq xizmati organlari Qashqadaryo viloyatida joylashgan maktablardan birida bo‘lgan holatni noo‘rin xatti-harakat deb hisoblaydi va keskin qoralaydi.

Kamchiliklarga yo‘l qo‘ygan xodimlarga nisbatan xizmat tekshiruvi tayinlandi.
____________
#официальная_информация

Органы государственной налоговой службы считают недопустимой и резко осуждают ситуацию, сложившуюся в одной из школ Кашкадарьинской области.

По данному факту назначена служебная проверка.

Тelegram |Facebook |Youtube| Instagram |X| Threads