#oilaviy_tadbirkorlik

Xalqaro oila kunida oilaviy tadbirkorlik haqida

Oila a’zolari yuridik shaxs tashkil etgan yoki tashkil etmagan holda oilaviy tadbirkorlik bilan shug‘ullanishi mumkin.

Er, xotin, ularning bolalari va nabiralari, ota-onasi, mehnatga qobiliyatli yoshga to‘lgan boshqa qarindoshlari (bolalari va nabiralarining erlari (xotinlari), tug‘ishgan hamda o‘gay aka-uka va opa-singillari, ularning erlari (xotinlari) hamda bolalari, tog‘a va amaki hamda amma va xolalari) oilaviy korxona ishtirokchilari bo‘lishi mumkin.

Yuridik shaxs tashkil etmagan oilaviy tadbirkorlar qanday soliqlarni to'laydi?

Yuridik shaxs tashkil etmagan holda faoliyatni amalga oshirayotgan oilaviy tadbirkorlik subyektlari JShODS to‘lashning quyidagi turlaridan birini tanlashga haqli:
▫️qat’iy belgilangan miqdorda;
▫️jami yillik daromadi to‘g‘risidagi deklaratsiya asosida.

Bunday oilaviy tadbirkorlar 5 nafargacha doimiy xodimni ular bilan mehnat shartnomasini tuzgan holda yollashi va soliq agenti sifatida ularga to‘langan ish haqi bo‘yicha daromad solig‘ini to‘lashi mumkin.

Yuridik shaxs tashkil etmagan oilaviy tadbirkorlar quyidagi miqdorlarda ijtimoiy soliq ham to‘laydi:
▫️yakka tartibdagi tadbirkor sifatida ro‘yxatdan o‘tgan oila a’zosi – oyiga 340 000 so‘m;
▫️ oilaning boshqa aʼzolari (18 yoshga toʻlmaganlar bundan mustasno) – oyiga 170 000 soʻm;
▫️savdo majmualari va bozorlarda faoliyat yuritayotgan oilaviy tadbirkorlarning yollanma ishchilari – oyiga 170 000 so‘m;
▫️boshqa oilaviy tadbirkorlarning yollanma ishchilari uchun – yiliga 340 000 so'm.

Yuridik shaxs tashkil etgan oilaviy tadbirkorlar qanday soliqlarni to'laydilar?

Oilaviy tadbirkorlar davlat ro‘yxatidan o‘tkazilgandan so‘ng ixtiyoriy ravishda aylanma solig‘ini to‘lashni tanlashi yoki QQS va foyda solig‘i to‘lovchisi bo‘lishi mumkin.

Umumiy daromadi 1 mlrd so‘mdan ortiq bo‘lgan oilaviy tadbirkorlar QQS va foyda solig‘ini to‘lashga o‘tadi.

Shuningdek, ular JShODS va ijtimoiy soliq to‘laydi. Soliq solish obyekti bo‘lsa, ular quyidagilarni to‘laydi:
▫️mol-mulk solig'i,
▫️yer solig‘i;
▫️suv resurslaridan foydalanganlik uchun soliq.

Oilaviy tadbirkorlar faoliyatining xususiyatlari

Oilaviy korxona faoliyatning ayrim turlarini faqat maxsus ruxsatnoma (litsenziya) mavjud bo‘lganda amalga oshirishi mumkin.

Oilaviy korxona aksiz solig‘i to‘lanadigan mahsulotni ishlab chiqarishi va yer qa’ridan foydalanganlik uchun soliq solinadigan foydali qazilmalarni kavlab olishni amalga oshirishi mumkin emas.

Oilaviy korxona faoliyatida zaharli, radioaktiv moddalar va materiallardan, yuqori bosimli asbob-uskunalardan hamda inson va atrof-muhit uchun katta xavf tug‘diradigan boshqa asbob-uskunalardan foydalanishga yo‘l qo‘yilmaydi.

👉 Oilaviy korxona foydalanishi mumkin bo‘lmagan moddalar, materiallar va asbob-uskunalarning ro‘yxati

Oilaviy korxonalarga ko‘p kvartirali uyning turar joylarida sanoat tusidagi faoliyatni amalga oshirishga yo‘l qo‘yilmaydi.

👉 Batafsil maʼlumot “Oilaviy tadbirkorlik toʻgʻrisida”gi Qonunda

Telegram I Facebook I Instagram I Veb-sayt

Ta’ziya

Farg’ona viloyati soliq boshqarmasi jamoasi boshqarma boshlig’i Mamatxanov Maqsudxonning otasi Mamatxanov Mahmud Nabiyevichning vafot etganligi munosabati bilan marhumning yaqinlari va oila aʼzolariga chuqur hamdardlik bildiradi.

Farg’ona viloyati soliq boshqarmasi jamoasi

#onlayn_NKT

Xaridorlarga QR-kodli chek berilishi shart

Tadbirkorlik subyektlari onlayn-NKM va virtual kassalardan foydalanishi hamda mijozlarga QR-kod va fiskal belgili chek taqdim etishlari shart. Bunday cheklar xarid to‘lov terminal orqali yoki naqd pulda amalga oshirilishidan qat'i nazar xaridorga beriladi.
👉 PF-5813-son 06.09.2019-yil

Aholi bilan pulli hisob-kitoblarni amalga oshirishda elektron to‘lov tashkiloti va (yoki) elektron tijorat platformalari (marketpleys) orqali elektron fiskal chek taqdim qilinadi.
👉 VMQ-943 23.11.2019

Nazorat-kassa texnikasini qo‘llamasdan savdoni amalga oshirganlik va xizmatlar ko‘rsatganlik, xaridorga chek bermasdan tovarlarni realizatsiya qilganlik va xizmatlar ko‘rsatganlik soliq huquqbuzarligi sanaladi va belgilangan tartibda javobgarlikka tortishga asos bo‘ladi.
👉Soliq kodeksi 221-modda

Sotuvchi va xaridor o‘rtasida tovar yoki xizmatlar uchun xarid cheki bermasdan P2P o‘tkazmalari (bir jismoniy shaxsning kartasidan boshqa jismoniy shaxsning kartasiga) orqali hisob-kitob qilish noqonuniy hisoblanadi❗️

Chek berilmaganligi uchun Soliq mobil ilovasining “Soliq hamkor” bo‘limi orqali shikoyat yo‘llash mumkin.

Telegram I Facebook I Instagram I Veb-sayt

#mobil_ilova

Soliq mobil ilovasi “Yil brendi – 2023” tanlovi g'olibi bo'ldi

18-may kuni “Humo Arena” majmuasida O‘zbekiston Marketing Assotsiatsiyasi tomonidan tashkil etilgan “Yil brendi – 2023” VII mukofoti g‘oliblarini taqdirlash marosimi bo‘lib o‘tdi.

Soliq mobil ilovasi yana bir bor “Mobil ilovalar” nominatsiyasida eng yaxshi deb topildi. Unga 13 574 ta ovoz berilgan.

Ilova 2022-yilda ham "Yil brendi" mukofotiga sazovor bo'lgan edi.

Ilovaning foydalanish qulayligi va keng funksionalligi ortida katta jamoaning mashaqqatli mehnati yotadi. Soliq xizmatlarining sifat jihatidan yangi darajaga ko'tarilishiga har kim o‘z hissasini qo‘shmoqda.

Soliq mobil ilovasi foydalanuvchilariga ishonchi, qo‘llab-quvvatlagani va yuqori baho uchun minnatdorlik bildiramiz!

Biz birgalikda kuchlimiz!
______
#мобильное_приложение

Мобильное приложение Soliq стало победителем премии «Бренд года-2023»

18 мая в комплексе Humo Arena прошла церемония награждения победителей VII ежегодной премии «Бренд года 2023», организатором которой выступает Маркетинговая ассоциация Узбекистана.

Мобильное приложение Soliq в очередной раз стало лучшим в номинации «Мобильные приложения». За него было отдано 13 574 голоса.

Премией «Бренд года» приложение уже было удостоено и в 2022 году.

За удобством в использовании и широким функционалом приложения стоит усердная работа большой команды. Каждый вносит свой вклад в то, чтобы обеспечить качественно новый уровень оказания налоговых услуг.

Благодарим пользователей мобильного приложения Soliq за доверие, поддержку и высокую оценку!

Вместе - мы сила!

Тelegram |Facebook |Youtube| Instagram |X| Threads

#soliq_taqvimi

🗓 Eslatma ❗️2024-yil 20-may

aprel oyi uchun:

- QQS hisobotini taqdim etish va soliqni toʻlashning oxirgi kuni
(Soliq qodeksi 273-modda 1-2 qismlar);

- agar aprel oyida dividendlar va foizlar hisoblangan boʻlsa, dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni
(Soliq kodeksi 345-modda 5-qism);

- norezidentlarning daromadlaridan olinadigan soliq summalari boʻyicha soliq hisobotini soliq agenti tomonidan taqdim etishning oxirgi kuni
(Soliq kodeksi 355-modda 1-qism);

- yer qaʼridan foydalanganlik uchun soliqning hisob-kitobini taqdim etish va toʻlashning oxirgi kuni
(Soliq kodeksi 454-modda 3-4 qismlar);

- suv resurslaridan foydalanganlik uchun boʻnak toʻlovlar soliq davrida soliq summasi BHMning 200 baravaridan koʻproqni tashkil etadigan yuridik shaxslar tomonidan (AOS toʻlovchilar bundan mustasno) yillik soliq summasining 1/12 qismi miqdorida toʻlashning oxirgi kuni
(Soliq kodeksi 448-modda 3-qism).

Telegram I Facebook I Instagram

#QQS

QQSni qaytarib olish uchun ariza shart emas. Salbiy summani hisobotda ko‘rsatish kifoya

Soliq to‘lovchi QQS salbiy farq summasini qaytarib olish uchun alohida ariza taqdim etmasdan QQS hisobotini taqdim etish jarayonida ushbu summani ko‘rsatib o‘tish orqali soliq organlarini xabardor qilishi mumkin.

Buning uchun hisobot shaklining “Qo‘shilgan qiymat solig‘i to‘lovchisi to‘g‘risida ma’lumot” bo‘limida tegishli jadval joylashtirilgan. Sariq katakchalarda ma'lumotlar avtomatik ravishda to'ldiriladi. Ko'k kataklarga quyidagilar qo'lda kiritilishi lozim:
🔹qaytarilishi talab etiladigan soliq summasi;
🔹QQS salbiy farq summasini kelgusi to‘lovlar uchun hisobga olish talabi;
🔹qaytarishning tartibi: umumiy yoki tezlashtirilgan.

Soliq organlari murojaatlarni ma'lumot olingan kundan boshlab umumiy tartibda 30 kun ichida, tezlashtirilgan tartibda esa 7 kundan kechiktirmay ko‘rib chiqadi va salbiy farq summasi qaytarilishi (yoki qaytarish rad etilganligi) haqida soliq to'lovchining shaxsiy kabinetiga qaror nusxasini yuboradi.
👉Kimlar QQSni tezlashtirilgan tartibda qaytarib olishga haqli?

👉2024-yildan QQS bo‘yicha qonunchilikka qanday o‘zgarishlar kiritilgan?

Telegram I Facebook I Instagram I Veb-sayt

#deklaratsiya

2023-yilda chet eldan pul o‘tkazmasi olgan edim. Soliq organlari buning uchun soliq hisoblashga haqlimi?

Agar jismoniy shaxs jismoniy shaxsdan pul mablag'i olgan bo'lsa, unda bu daromad soliqqa tortilmaydi va jami yillik daromad to'g'risida deklaratsiya taqdim etilmaydi.

Agar jismoniy shaxs xorijiy yuridik shaxsdan daromad olgan bo'lsa, u holda ushbu daromad 1-aprelgacha taqdim etilishi kerak bo'lgan deklaratsiya asosida soliqqa tortiladi.

Tijorat banklari soliq organlariga xorijiy yuridik shaxsdan jismoniy shaxsning hisobvarag'iga chet eldan kelib tushgan mablag'lar to'g'risida umumlashtirilgan ma'lumotlarni taqdim etadi.

Agar soliq to'lovchi 1-aprelgacha ushbu daromad bo'yicha deklaratsiya taqdim etmasa, soliq organi o'zida mavjud ma'lumotlarga asoslanib soliq hisoblaydi va bu haqda soliq to'lovchini xabardor qiladi. Hisoblangan soliq to'g'risida batafsil ma'lumot aks ettirilgan xabarnomalar soliq to'lovchining shaxsiy kabinetiga yuborilgan. Bunda soliq summasi 1-iyungacha to'lanishi lozim.

Agar soliq to‘lovchining hisoblangan soliq summasiga e'tirozi bo‘lsa va tasdiqlovchi hujjatlarga ega bo‘lsa, u holda ushbu hujjatlarni ilova qilgan holda my3.soliq.uz sayti orqali qayta deklaratsiya taqdim etishi lozim.

Telegram I Facebook I Instagram I Veb-sayt