Buvayda tumani 4-sektor hududidagi ehtiyojmand oilalarga ko‘mak ko‘rsatilmoqda

Farg‘ona viloyati soliq boshqarmasi rahbariyati, 4-sektor vakillari tomonidan Buvayda tumani Jov MFY aholisi uchun xonadonbay tarzida sayyor qabul tashkil etildi.

Unda asosiy e’tibor “Temir daftar”, “Yoshlar daftari” va “Ayollar daftari”da turuvchi fuqarolarga moddiy yordam ko‘rsatish, ularning bandligini ta’minlash masalalariga qaratildi.

O‘rganishlar natijasida o‘zini o‘zi band qilish orqali doimiy daromad topishni maqsad qilgan Binafsha ko‘chasida yashovchi 3 nafar ayollarga zamonaviy tikuv mashinasi subsidiya asosida yetkazib berildi. Bundan tashqari, ijtimoiy ko‘makka muhtoj oilalarga kundalik oziq-ovqat mahsulotlari berildi.

#sayyor_qabul #4_sektor

Telegram I Facebook I Instagram I Veb-sayt

#korrupsiya #uchrashuv

“Korrupsiya – kelajagimizga tahdid” mavzusida Farg‘ona viloyati soliq xizmati organi xodimlari uchun o‘tkazilayotgan tadbirlar davom etmoqda.

Navbatdagi muloqotlar Quvasoy, Qo‘qon va Marg‘ilon shaharlari, Bag‘dod hamda Buvayda tumanlari soliq inspeksiyalarida bo‘lib o‘tdi.

Tadbirlarda huquqni muhofaza qiluvchi organlar vakillari hamda boshqarmaning Shaxsiy xavfsizlik bo‘limi xodimlari tomonidan korrupsiya holatlarini barvaqt aniqlash va oldini olish, manfaatlar to‘qnashuviga yo‘l qo‘ymaslik hamda korrupsiyaga nisbatan murosasiz kurash borasida amalga oshirilayotgan ishlar xususida axborot berildi.

Shu bilan birga, bugungi kunda soliq tizimida ko'p uchrayotgan qonunbuzilish holatlari va ularning kelib chiqish sabablari muhokama qilindi.

Telegram I Facebook I Instagram I Veb-sayt