Қўштепа туманидаги икки корхона “Намунали солиқ тўловчи” сифатида эътироф этилди

Хабарингиз бор, айни пайтда мамлакатимизда давлат солиқ хизмати органлари “Солиқ идораси – тадбиркорга кўмакчи” тамойили асосида иш олиб бормоқдалар. Ушбу шиор остида солиқ тўловчилар билан яқиндан ҳамкорлик фаолияти тўхтаб қолган тадбиркорларнинг фаолиятини қайта йўлга қўйишдан тортиб, мавжуд муаммоларни тезкорлик билан бартараф этиб, ҳар томонлама кўмаклашишда намоён бўлмоқда. Пировардда эса солиқ тўловчилар билан самарали тизим йўлга қўйилганлиги давлат бюджетига тушумларнинг барқарор бўлишига хизмат қилмоқда.

Мисол учун, биргина Қўштепа туманида солиқ ва бошқа мажбурий тўловлар бўйича 2020 йил 9 ойлик белгиланган режа амалда 103 фоизга бажарилишига эришилди. Бунда, албатта, давлат бюджетига барча солиқлар ва бошқа мажбурий тўловларни ўз вақтида тўлаб келаётган тумандаги инсофли солиқ тўловчиларнинг ҳиссаси каттадир.

Сармозор маҳалласида жойлашган автомобилларга сиқилган газ қуйиш фаолияти билан шуғулланувчи “Автогаз сервис” хусусий корхонаси ана шундай инсофли солиқ тўловчилардан. Эътироф этиш жоиз, давлат бюджетига белгиланган солиқларни ўз вақтида тўлаб келаётган ушбу корхона бошқаларга ҳам ўрнак бўлмоқда. Айни пайтда мазкур корхонада 60 нафардан ортиқ фуқаронинг бандлиги таъминланган.

Қўштепа туманида жойлашган яна бир корхона "SHARQ RAVON" МЧЖ ҳам инсофли солиқ тўловчилардан эканлигини эътироф этиш жоиз. Пойабзал кийимлари ишлаб чиқарувчи ушбу корхонада хам 30 нафардан ортиқ фуқаро меҳнат қилмоқда.

“Автогаз сервис” ва "SHARQ RAVON" корхоналари бюджет тўловларини ўз вақтида камчиликларсиз амалга ошираётганлиги сабабли Фарғона вилояти давлат солиқ бошқармаси томонидан “Намунали солиқ тўловчи” сифатида эътироф этилдилар.

Тошлоқ тумани давлат солиқ инспекцияси, 4-сектор томонидан амалга оширилаётган ишлар

"Фарғона ТВ"

#Солиқ_ҳисоботлари

❗Эслатма! 2020 йил 15 октябрь

2020 йил учун:

🔹Жисмоний шахслардан олинадиган ер ва мол-мулк солиқларини тўлашнинг охирги куни.

III чорак учун:
🔹 айланмадан олинадиган солиқ ҳисоботини тақдим этиш ва солиқни тўлашнинг охирги куни
(СКнинг 470-моддаси учинчи ва тўртинчи қисмлари);

сентябрь ойи учун:
🔹меҳнатда майибланиш ва касб касаллиги оқибатида тайинланган боқувчисини йўқотганлик ва ногиронлик пенсиялари бўйича амалга оширилган харажатлар тўғрисида маълумотларни Пенсия жамғармаси туман (шаҳар) бўлими ҳисобда турган жой бўйича давлат солиқ хизмати органларига етказишнинг охирги куни
(рўйхат рақами 2836, 2016 йил 3 ноябрь, 16-банди);

сентябрь ойи учун:
🔹ҳисобланган ва амалда тўланган даромадлар суммалари ҳамда жисмоний шахслардан олинадиган даромад солиғининг ушлаб қолинган суммалари тўғрисидаги маълумотларни тақдим этиш, шунингдек ижтимоий солиқ ҳисоб-китобини тақдим этиш ва тўлашнинг охирги куни
(СКнинг 389-моддаси биринчи қисми, 407-моддаси тўртинчи ва бешинчи қисмлари);

‼️Бугун, 1⃣5⃣ октябрь жисмоний шахсларнинг ер ва мол-мулк солиғи тўловининг охирги куни.

#Биласизми

Солиқ органига декларация топшириш орқали контракт тўловида солиқ чегирмасидан фойдаланиш мумкин

📌 Олий ўқув юртларида таълим олиш (ўзининг, 26 ёшга тўлмаган фарзандларининг ёки эрининг (хотинининг) таълим олиши) учун тўлов амалга оширилганда, тўлов қилинган қисми даромад солиғидан озод этилади.

🔰 Бунда солиқ чегирмаси ўқиш учун тўлов қуйидагилар ҳисобидан амалга оширилганда тақдим этилади:

🔸 ўз маблағлари;
🔸 жисмоний шахсга тижорат банклари томонидан берилган таълим кредитлари;
🔸 юридик шахслар томонидан жисмоний шахсларга қайтариш шарти билан берилган маблағлари (ссудалар).

❗️Тўлов ойлик иш ҳақидан эмас, мустақил амалга оширилганда, солиқ органига жами йиллик даромад тўғрисидаги декларацияни топширган ҳолда солиқ чегирмасидан фойдаланиш мумкин.

✅ Солиқ чегирмасига бўлган ҳуқуқни тасдиқлаш учун қуйидагилар тақдим этилади:

🔹талаба билан олий ўқув юрти ўртасида тўловли-контракт асосида ўқитиш тўғрисида тузилган шартнома нусхаси;

🔹тижорат банки билан таълим кредитини олиш учун тузилган шартнома (шартномалар) нусхаси;

🔹олий ўқув юртлари ҳисоб рақамига пул маблағларини мустақил тўлаганлигини тасдиқловчи ҳужжатлар нусхаси;

🔹паспорт нусхаси ва таълим олувчининг туғилганлик тўғрисидаги гувоҳномаси нусхаси.

#онлайн_брифинг

📹Бугун АОКА штабида Давлат солиқ қўмитаси бошқарма бошлиғи ўринбосари Музаффар Юсуф Назаров иштирокида брифинг бўлиб ўтди.

📣Унда ♻️ортиқча солиқ тўловларини ҳисоблашнинг янги тизими,📊солиқ имтиёзлари ва бошқа мавзулар юзасидан келиб тушган саволларга жавоб берилди.

Тelegram | Facebook | Youtube| Instagram

#солиқ_ҳисоботлари

Бугун, 2020 йил 20 октябрь

III чорак учун:

🔹ҚҚС ҳисоботини тақдим этиш ва солиқни тўлашнинг охирги куни (Ўзбекистон Республикаси Президентининг 03.04.2020 й ПФ-5978-сонли Фармони 4-бандининг б) кичик банди);

🔹фойда солиғи ҳисоботини тақдим этиш ва солиқни тўлашнинг охирги куни (СКнинг 339-моддаси бешинчи қисми);

сентябрь ойи учун:

🔹ер қаъридан фойдаланганлик учун солиқнинг ҳисоб-китобини тақдим этиш ва тўлашнинг охирги куни
(СКнинг 454-моддаси учинчи ва тўртинчи қисмлари);

🔹солиқ даврида сув ресурсларидан фойдаланганлик учун солиқ суммаси базавий ҳисоблаш миқдорининг икки юз бараваридан кўпроқни ташкил этадиган юридик шахслар томонидан (бундан айланмадан олинадиган солиқни тўловчилар мустасно) йиллик солиқ суммасининг ўн иккидан бир қисми миқдорида тўлашнинг охирги куни (СКнинг 448-моддаси учинчи қисми);

🔹норезидентларнинг даромадларидан олинадиган фойда солиғи суммалари бўйича солиқ ҳисоботи солиқ агенти томонидан тақдим этишнинг охирги куни
(СКнинг 355-моддаси биринчи қисми);

🔹агар сентябрь ойида дивидендлар ва фоизлар ҳисобланган бўлса, дивидендлар ва фоизлардан олинадиган солиқ суммаси бўйича солиқ ҳисоботини тақдим этишнинг охирги куни (СКнинг 345-моддаси бешинчи қисми).

🔹ҚҚС ҳисоботини тақдим этиш ва солиқни тўлашнинг охирги куни (СКнинг 273-моддаси биринчи ва иккинчи қисмлари);

Фарғонада ўзини ўзи банд қилганлар сони қарийб 54 минг нафарга етди

Аввал хабар қилинганидек, ўзини ўзи иш билан таъминлашни хоҳловчилар учун иш стажи ва пенсия ҳисобланиши мумкин бўлган, қонуний бандликнинг янги мақоми – “ўзини ўзи банд қилган шахс” тартиби жорий этилди.

Унга кўра, 2020 йил 1 июлдан бошлаб сартарошлик, дурадгорлик, чилангарлик, миллий нон ва патирларни тайёрлаш ва сотиш, репититорлик қилиш, ижтимоий тармоқларда фаолият олиб бориш, видео ва фотосуратга олиш хизматлари каби 67 хил фаолият турлари билан шуғулланувчилар ўзини ўзи банд қилган шахс сифатида рўйхатдан ўта бошладилар.

Қонуний мақомга эга бўлиш учун ҳеч қандай меҳнат шартномаси керак эмас, диплом ҳам аҳамиятсиз – 67 турдаги иш ёки хизматдан бирортасини уддалай олишнинг ўзи етарли. Ягона талаб – ўзини ўзини банд этган шахс сифатида рўйхатдан ўтиш.

Ўзини ўзи банд этган шахс йилига бир марта ижтимоий солиқ тўлайди. Бу миқдор 2020 йил учун 111 500 сўмга тенг бўлиб, ушбу сумма тўлиқлигича бюджетдан ташқари Пенсия жамғармасига йўналтирилади ва пенсия миқдорига таъсир кўрсатади. Яна бир муҳим жиҳат, ўзини ўзи банд этганлар даромад солиғидан ҳам озод этилади.

Ўзини ўзи банд қилганларни рўйхатдан ўтказиш мутлақо бепул. “Soliq” мобил иловасидан фойдаланган ҳолда масофадан туриб ўзини ўзи банд қилган шахс мақомини олиш мумкин. Бунда фойдаланувчи жисмоний шахснинг шахсий идентификация рақамини (ПИНФЛ) киритиши ёки электрон рақамли имзо (ЭРИ) калити ёрдамида шахсини тасдиқлаши керак. Шундан сўнг фаолият тури танланади. Мобил иловада ўзини ўзини банд қиладиган шахслар учун қонунчиликда белгиланган 67 фаолият тури автоматик тарзда шаклланади. Фойдаланувчи бир вақтнинг ўзида улардан бир нечтасини танлаш имконига эга. Рўйхатдан ўтишда фаолият олиб борадиган ҳудуд (вилоят, туман, шаҳар)ни ҳам белгилаш муҳим.

Якунловчи босқич – фойдаланувчига рўйхатга олинганини тасдиқловчи** матрицали штрих код (QR код) юборилади.** Ўзини ўзи банд қилганлик тўғрисидаги маълумотлар Солиқ тўловчиларнинг ягона реестрига киритилади.

Бундан ташқари, электрон солиқ хизматлари портали – my.soliq.uz орқали ҳам ўзини ўзи банд қилган шахс сифатида рўйхатдан ўтиш мумкин.

Жорий йилнинг 16 октябрь ҳолатига Фарғона вилоятида ўзини ўзи банд қилганлар сони 53 669 нафарга етди. Ўзини ўзи банд қилганлар сони энг юқори бўлган учта ҳудуд қуйидагилар👉

✅Қува тумани – 4 742 нафар;
✅Олтиариқ тумани – 4 064 нафар;
✅Бувайда тумани – 3 950 нафар.

Соҳалар кесимида қарайдиган бўлсак, ўзини ўзи банд қилган шахс сифатида рўйхатдан ўтганларнинг энг кўпи қуйидаги фаолият турларига тўғри келмоқда👉

🔵Маиший хизматлар соҳасини (сартарошлик, маникюр, косметолог, педикюр, уйда кир ювиш ва дазмоллаш, калитлар тайёрлаш, пойабзал тикиш, таъмирлаш, бўяш ва бошқалар) танлаганлар – 16 048 нафар;

🔵Қишлоқ хўжалиги соҳасида (чорва молларини ўтлатиш, уларни парвариш қилиш, қишлоқ хўжалик ўсимликларини экиш ва парвариш қилишда томорқа эгаларига ёрдам бериш) – 9 358 нафар;

🔵Ижтимоий хизматлар соҳасида (уйда репетиторлик қилиш, болаларга қараб туриш ва уларни парвариш қилиш, уй хўжалигини юритиш, хоналарни тозалаш, халқ табобати) – 9 278 нафар фуқаро банд.

21-oktabr – O`zbek tili bayrami kuni munosabati bilan barchangizni tabriklaymiz!

Qadring baland bo`lsin, ona tilim!

Farg`ona viloyati davlat soliq boshqarmasi