“Yong‘in xavfsizligi oyligi” doirasida seminar o‘tkazildi

Respublikamizda 2024-yil 15-noyabrdan 15-dekabrga qadar “Yong‘in xavfsizligi oyligi” o‘tkazilmoqda.

Mazkur oylik doirasida Farg‘ona viloyati soliq boshqarmasida viloyat favqulodda vaziyatlar boshqarmasi mas’ul xodimlari ishtirokida ko‘rgazmali o‘quv mashg‘uloti o‘tkazildi.

Unda mutaxassislar tomonidan kuz-qish mavsumini betalafot o‘tkazish bo‘yicha tavsiyalar berildi. Xususan, gaz uskunalari hamda dudburonlarning holati, ya’ni ularning to‘g‘ri o‘rnatilganligi, sozligi, pechlar (qozon) ning xavfsizligi, xonada gaz hidi sezilmasligi, nostandart shlang bilan gaz tarmog‘iga ulanish, xonaning ventilyatsiya tizimi mavjudligi, birinchi yordam ko‘rsatish kabi masalalarga to‘xtalib o‘tildi.

Shuningdek, tadbir davomida viloyat FVB xodimlari tomonidan maxsus texnika va vositalar namoyish etildi.

Telegram I Facebook I Instagram I Youtube

"Soliqchilar bog‘i" barpo etildi

“Yashil makon” umummilliy loyihasi doirasida soliq xizmati organlari xodimlari ham faol ishtirok etmoqda.

Farg’ona viloyati soliq boshqarmasi tashabbusi bilan Toshloq tumani Yuqori qishloq MFY hududidagi qarovsiz yotgan yer maydoni shudgor qilinib, “Soliqchilar bog’i” barpo etildi.

Daraxt ekish tadbirida viloyat soliq boshqarmasi boshlig’i Maqsudxon Mamatxanov va shaxsiy tarkib xodimlari ishtirok etdilar.

Yangi barpo etilayotgan 50 sotixli bog’da mevali ko‘chatlar ekildi.

#yashil_makon

Telegram I Facebook I Instagram I Youtube