Farg‘ona shahrida sayyor qabul o‘tkazildi

Aholi muammolarini joyida o‘rganish va ijobiy yechim topish maqsadida Farg‘ona viloyati huquqni muhofaza qiluvchi organlar rahbarlari ishtirokida ommaviy sayyor qabullar davom ettirilmoqda.

Navbatdagi qabul Farg‘ona shahrida bo‘lib o‘tdi, unda viloyat soliq boshqarmasi boshlig‘i Maqsudxon Mamatxanov ham bevosita ishtirok etdi va fuqarolar muammolarini yaqindan tingladi.

Qabul davomida QQS qaytarish, yer va mol-mulk soliqlari, korxona faoliyatini tugatishda amaliy yordam ko‘rsatish, uy-joy ta’mirlashda ko‘maklashish, moddiy yordam ajratish kabi masalalar yuzasidan murojaatlar kelib tushdi.

Shu kunning o‘zida aksariyat murojaatlarga ijobiy yechim topildi, qo‘shimcha o‘rganish talab etadigan masalalar esa mas’ullarga biriktirilib, ijrosi nazoratga olindi.

Telegram I Facebook I Instagram I Youtube

“OCHIQ ESHIKLAR KUNI” TASHKIL ETILDI

Joriy yilning 1-noyabridan 29-noyabriga qadar soliq organlarida o‘tkazilayotgan “Korrupsiyaga qarshi kurashish oyligi” doirasida Farg‘ona viloyati soliq boshqarmasida OAV vakillari hamda talabalar uchun “Ochiq eshiklar kuni” va matbuot anjumani tashkil etildi.

Tadbir doirasida viloyat soliq boshqarmasi boshlig‘ining birinchi o‘rinbosari A.Botiraliyev mehmonlar bilan uchrashib, soliq tizimida korrupsiyaning oldini olish borasida amalga oshirilayotgan ishlarga to‘xtalib o‘tdi. Shuningdek, Prezidentimiz tashabbusi bilan soliq organlarida "mahallabay" va "korxonabay" ishlash tizimining yo‘lga qo‘yilganligi, erishilayotgan natijalar va ish samaradorligidan kelib chiqib xodimlar rag‘batlantirilayotganligini ta’kidladi.

“Ochiq eshiklar kuni” jarayonida OAV vakillari hamda talabalar viloyat soliq boshqarmasi faoliyati, tizim xodimlarining ish jarayonlari, ular uchun yaratilgan shart-sharoitlar bilan tanishdilar.

#ochiq_eshiklar_kuni

Telegram I Facebook I Instagram I Youtube