#soliq_hisoboti

Soliq hisoboti va to‘lov topshiriqnomalarini o‘z vaqtida taqdim etmaslik javobgarlikka sabab bo‘ladi

Soliq hisobotini o‘z vaqtida taqdim etmaganlik uchun soliq to‘lovchi bo‘lgan yuridik shaxsning mansabdor shaxsi yoki soliq to‘lovchi bo‘lgan jismoniy shaxs ma’muriy javobgarlikka tortiladi.
👉 Soliq kodeksi 220-modda

Soliq hisobotlarini o‘z vaqtida taqdim etmaslik:
🔹YTTlarga – BHM*ning 3 baravari miqdorida,
🔹Yuridik shaxsning rahbariga – BHMning 10 baravari miqdorida jarima solishga sabab bo‘ladi.
👉 MJTK 175-modda 2-qism

Soliqlar va yig‘imlarni to‘lash uchun to‘lov topshiriqnomasini xizmat ko‘rsatayotgan bankka taqdim etmaslik yoki o‘z vaqtida taqdim etmaslik yuridik shaxsning rahbari va YTTga – BHMning 5 baravari miqdorida jarima solishga sabab bo‘ladi.
👉 MJTK 175-modda 5-qism

Soliq organlarining axborot tizim orqali qayd etilgan ma’muriy huquqbuzarliklar uchun jarima solish to‘g‘risidagi qaror mazkur qaror chiqarilgan kundan e’tiboran 3 kun ichida soliq to‘lovchining shaxsiy kabinetiga yuboriladi.
👉 MJTK 309-prim 3-modda / Soliq kodeksi 56-modda

*2024-yil 1-oktabrdan boshlab BHM 1 baravari = 375 000 so‘m

Telegram I Facebook I Instagram I Veb-sayt

#elon

Hurmatli soliq to'lovchilar!

Soliq mobil ilovasining "Soliqlarni to‘lash" hamda "Ota-onam soliqlarini to‘lash" bo‘limlari hamda my3.soliq.uz sayti soliq to'lovchilar shaxsiy kabinetining "Jismoniy shaxslarning soliqlarini to‘lash" bo‘limida profilaktik ishlari o‘tkazilmoqda.

Bu vaqtda jismoniy shaxslar soliqlarni boshqa elektron toʻlov tizimlari yoki tijorat banklarining kassalari orqali toʻlashlari mumkin.

Soliq ilovasida va shaxsiy kabinetda ushbu xizmatning qayta tiklanishi haqida qo‘shimcha ravishda ma'lumot beriladi.
_________
#объявление

Уважаемые налогоплательщики!

В разделе "Оплата налогов" и "Оплата налогов родителей" в мобильном приложении Soliq и в разделе "Оплата налогов физических лиц" в персональном кабинете налогоплательщика на сайте my3.soliq.uz проводятся профилактические работы.

В данное время физические лица могут производить оплату по налогам через другие электронные платежные системы или в кассах коммерческих банков.

О возобновлении работы данной услуги в приложении Soliq и в персональном кабинете будет сообщено дополнительно.

Тelegram |Facebook |Youtube| Instagram |X| Threads

#yer_soligi #imtiyoz

❓Jismoniy shaxslardan olinadigan yer solig‘i bo‘yicha qanday imtiyozlar bor?

📌Soliq kodeksining 436-moddasiga muvofiq, jismoniy shaxslardan olinadigan yer solig‘idan quyidagilar ozod qilinadi 👉👉👉

✅ «O‘zbekiston Qahramoni», Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi Shuhrat ordeni bilan taqdirlangan fuqarolar;

✅ urush nogironlari va qatnashchilari, shuningdek doirasi qonun hujjatlari bilan belgilanadigan ularga tenglashtirilgan shaxslar;

✅ I va II guruh nogironligi bo‘lgan shaxslar;

✅ yolg‘iz pensionerlar. Yolg‘iz yoki voyaga yetmagan bolalari bilan yoxud nogiron bolasi bilan birga alohida uyda yashovchi pensionerlar yolg‘iz pensionerlar deb tushuniladi;

✅ boquvchisini yo‘qotgan ko‘p bolali oilalar. Ota-onasidan biri yoki ota-onasi vafot etgan hamda oilada o‘n olti yoshga to‘lmagan beshta va undan ortiq bolalari bo‘lgan oilalar soliq solish maqsadida boquvchisini yo‘qotgan ko‘p bolali oilalardir;

✅ Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar (shu jumladan vaqtincha yuborilgan yoki xizmat safariga yuborilgan) fuqarolar;

✅ energiya resurslarining amaldagi tarmoqlaridan to‘liq uzib qo‘yilgan turar joylarda qayta tiklanadigan energiya manbalaridan foydalanuvchi shaxslar – qayta tiklanadigan energiya manbalari o‘rnatilgan oydan e’tiboran uch yil muddatga.

Telegram I Facebook I Instagram I Veb-sayt

#bilasizmi

Jinoyat Kodeksining 179-moddasiga asosan, soxta tadbirkorlik, ya’ni ustavida ko‘rsatilgan faoliyatni amalga oshirish maqsadini ko‘zlamasdan

➖ssudalar, kreditlar olish;
➖foydani (daromadni) soliqlardan ozod qilish (soliqlarni kamaytirish);
➖boshqacha mulkiy manfaat ko‘rish maqsadida korxonalar va boshqa tadbirkorlik tashkilotlari tuzish 👉

BHM*ning 100 baravaridan 200 baravarigacha miqdorda jarima yoki besh yilgacha muayyan huquqdan mahrum qilish yoxud uch yilgacha axloq tuzatish ishlari yoki bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

*2024-yil 1-oktabrdan boshlab BHM 1 baravari = 375 000 so‘m

Telegram I Facebook I Instagram I Veb-sayt

#EHF #MXIK

Elektron hisobvaraq-fakturalarda paxta xom ashyosi tonnada realizatsiya qilinishi lozim

Vazirlar Mahkamasining qaroriga muvofiq, paxta yetishtiruvchilar tomonidan birja savdolari orqali realizatsiya qilingan (elektron hisobvaraq-faktura asosida) bir tonna paxta xom ashyosi uchun Qishloq xo‘jaligini davlat tomonidan qo‘llab-quvvatlash jamg‘armasi mablag‘lari hisobidan 1 mln so‘m miqdorida subsidiya beriladi.
❗️Paxta-to‘qimachilik korxonalari tomonidan yetishtirilgan paxta xom ashyosi hamda urug‘lik paxta bundan mustasno.

Shundan kelib chiqib, paxta xom ashyosi va paxta tolasi uchun MXIKga yagona o‘lchov birligi sifatida - tonna biriktirildi.

Endilikda, ushbu mahsulotlar uchun elektron hisobvaraq-fakturalarni rasmiylashtirishda tonna o'lchov birligi avtomatik ravishda shakllanadi.

Telegram I Facebook I Instagram I Veb-sayt

Jismoniy shaxslardan undirilgan mol-mulk va yer soliqlarining 10 foizi “Mahalla budjeti”da qoladi

📃“Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi Prezident Farmoni (PF-209-son, 25.12.2023)ga ko‘ra,

🗓2024-yil 1-yanvardan boshlab barcha tuman va shaharlarda “Mahalla budjeti” tizimi amaliyotga joriy etildi.

Unga ko‘ra, jismoniy shaxslardan olinadigan mol-mulk solig‘i va yer solig‘i bo‘yicha undirilgan mablag‘larning (noturar joylar bo‘yicha undiriladigan mol-mulk solig‘i va yer solig‘i bundan mustasno) 10 foizi har bir mahalladagi Mahallaning ijtimoiy-iqtisodiy muammolarini hal etish jamg‘armasiga yo‘naltirilishi belgilab qo‘yilgan.

Batafsil infografikada.

#yer_soligi #mol_mulk_soligi

Telegram I Facebook I Instagram I Veb-sayt

Bayramingiz muborak boʻlsin, aziz ustozlar!

Muhtaram ustoz va murabbiylar! Sizlarni, ta’lim-tarbiya sohasining barcha jonkuyar xodimlari va faxriylarini umumxalq bayrami – O‘qituvchi va murabbiylar kuni bilan chin qalbimdan tabriklayman.

Biz ustoz zotini azaldan otaday ulug‘ deb biladigan, hamisha boshiga ko‘tarib e’zozlaydigan ma’rifatparvar xalq farzandlarimiz.

Har birimiz qaysi sohada, qanday martabada boʻlsak ham biz erishgan yutuq va muvaffaqiyatlarimiz ustozlarimiz bergan taʼlim-tarbiya samarasidir. Buning uchun, albatta, sizlarning oldingizda hamisha taʼzimdamiz.

Hurmatli ustoz va murabbiylar, soliq tizimi faxriylari! Bugungi umumxalq bayrami munosabati bilan barchangizga sihat-salomatlik, baxt-u saodat, olijanob faoliyatingizda ulkan muvaffaqiyatlar, xonadonlaringizga fayz-u baraka tilayman.

Sharafli kasbingiz tufayli hamisha xalqimiz va shogirdlaringiz ardogʻida yuring!

Hurmat bilan,
Maqsudxon Mamatxanov,
Farg‘ona viloyati soliq boshqarmasi boshlig‘i

Telegram I Facebook I Instagram I

#ijtimoiy_soliq

1-oktabrdan yakka tartibdagi tadbirkorlar va o'zini o'zi band qilganlar uchun ijtimoiy soliq miqdori o‘zgardi

❗️2024-yil 1-oktabrdan bazaviy hisoblash miqdori (BHM) oyiga 375 000 so‘mni tashkil etadi.

Ushbu oydan boshlab ijtimoiy soliq quyidagi miqdorlarda to'lanadi:

🔹yakka tartibdagi tadbirkorlar (YTT) – oyiga 375 000 so‘m;

🔹savdo majmualari va bozorlarda faoliyat yurituvchi YTTlarning yollanma xodimlari uchun – oyiga 187 500 so‘m;

🔹boshqa YTTlarning yollanma xodimlari uchun – yiliga 375 000 so'm;

🔹oilaviy tadbirkorlar (yuridik shaxs tashkil etmagan):
▫️YTT sifatida ro‘yxatdan o‘tgan oila a’zosi – oyiga 375 000 so‘m;
▫️oilaning boshqa a’zolari (18 yoshga to‘lmaganlar bundan mustasno) – oyiga 187 500 so‘m.

🔹 o‘zini o‘zi band qilgan shaxslar 1-dekabrga qadar ixtiyoriy asosda – yiliga 375 000 so'm.

👉 Soliq kodeksi 408-modda

Telegram I Facebook I Instagram I Veb-sayt