"Mahallabay" ishlash tizimi bo‘yicha yuqori ko‘rsatkich qayd etgan xodimlar rag‘batlantirildi

Joriy yil avgust oyida “Mahallalarda soliq organlari faoliyati” axborot tizimida Farg‘ona viloyatidagi 1 063 ta mahallaga biriktirilgan 437 nafar soliq inspektorining samaradorlik ko‘rsatkichi (KPI) - respublikadagi eng yuqori natija - 89 ballni tashkil etdi.

Shu bilan birga, Yozyovon tumani soliq inspeksiyasi xodimlarining umumiy KPI ko‘rsatkichi ham 95,4 bo‘lib, respublikadagi 208 ta tuman va shaharlar ichida eng yuqorisi bo‘ldi.

Albatta, qilingan mehnatning samarasi o‘laroq yuqori natija qayd etgan xodimlar ham moddiy, ham ma'naviy tomondan rag‘batlantirib borilmoqda.

Shu munosabat bilan, Soliq qo‘mitasi raisi topshirig‘iga asosan, qo‘mita mas’ul xodimi M.Mamajonov Yozyovon tumani soliq inspeksiyasi jamoasini joriy yilning avgust oyida erishilgan ko‘rsatkichlar bilan samimiy tabriklab, minnatdorchilik bildirdi. Inspeksiya xodimlariga qo‘mita raisining tashakkurnomasi va esdalik sovg‘alarini yetkazdi.

Bundan tashqari, o‘tgan oylarda viloyatda eng yuqori ko‘rsatkich qayd etgan xodimlar ham taqdirlandilar:

🔹A.Abdusottarov – Bog‘dod tumani soliq inspeksiyasi;
🔹D.Eminov – Qo‘shtepa tumani soliq inspeksiyasi;
🔹H.Xodjayev – Rishton tumani soliq inspeksiyasi.

#mahallabay

Telegram I Facebook I Instagram I Veb-sayt