#TTY #elon

"Elektron tovar-transport yuk xati tizimi" test rejimida ishga tushirildi

2024-yil 1-apreldan yirik soliq toʻlovchilar uchun, 2024-yil 1-iyuldan barcha xoʻjalik yurituvchi subyektlar uchun tovar-transport yuk xatlarini elektron shaklda rasmiylashtirish tartibi joriy etiladi.
👉 VMQ-673-son 21.12.2023

Shunga asosan, Soliq qoʻmitasi huzuridagi “Yangi texnologiyalar” IAM tomonidan tizim operatorlari bilan birga "Elektron tovar-transport yuk xati tizimi" test rejimida ishga tushirildi.

Eslatma❗️"Elektron tovar-transport yuk xati tizimi" test rejimida ishga tushirilgan boʻlib, 2024-yil 1-aprelga qadar xoʻjalik yurituvchi subyektlar uchun hech qanday soliqqa oid oqibatlarni keltirib chiqarmaydi.

Maqsad – xoʻjalik yurituvchi subyektlarda koʻnikmalarni shakllantirish, yuzaga kelishi mumkin boʻlgan kamchiliklarni bartaraf etish hamda tizimdan foydalanish boʻyicha qulayliklarni birgalikda yaratish.

📢 Soliq qoʻmitasi barcha xoʻjalik yurituvchi subyektlarni "Elektron tovar-transport yuk xati tizimi"dan keng foydalanishga chaqiradi.

📹 Tizimdan foydalanish tartibi videoqo‘llanmada batafsil ko‘rsatib berilgan. 🎞 YouTube orqali ko‘rish

Qo‘shimcha ma'lumot uchun (71) 202 32 82 yoki 1198 qisqa raqami orqali Call-markaziga murojaat qilish mumkin.

👉 O‘zbekistonda tovar-transport yuk xati elektron bo‘ladi
👉 Elektron TTY tadbirkorlar bilan muhokama qilindi
👉 Elektron TTY bosqichma-bosqich joriy etiladi

Telegram I Facebook I Instagram I Veb-sayt

#QQS #onlayn_NKT

2024-yil 1-apreldan QQS bo‘yicha ayrim imtiyozlar bekor qilinadi

Joriy yil 1-apreldan quyidagilar bo‘yicha savdo aylanmasi QQSga tortiladi:

▫️ tibbiy xizmatlar;
▫️ veterinariya xizmatlari;
▫️ dori vositalari;
▫️ veterinariya dori vositalari, tibbiyot va veterinariya uchun moʻljallangan buyumlar.

O‘zbekiston hududiga olib kirishda:
▫️dori vositalari;
▫️veterinariya dori vositalari;
▫️tibbiyot va veterinariya uchun moʻljallangan buyumlar;
▫️shuningdek qonunchilikda belgilanadigan roʻyxat boʻyicha olib kiriladigan xomashyo.

Eslatib o‘tamiz, yuqorida sanab o‘tilgan sohalarda faoliyat ko‘rsatuvchi savdo va xizmat ko‘rsatish shoxobchalarida foydalanishda bo‘lgan onlayn-nazorat kassa texnikalari orqali chop etiladigan cheklarda 2024-yil 1-apreldan boshlab QQS aks ettirilishi lozim!

Telegram I Facebook I Instagram I Veb-sayt

#mol_mulk_soligi #yer_soligi

Jismoniy shaxslar mol-mulk va yer soliqlarini 15-aprel va 15-oktabrga qadar teng ulushlarda to‘lashi lozim

📲 Soliq mobil ilovasi orqali 2024-yil uchun hisoblangan mol-mulk va yer soliqlari haqida ma'lumot olishingiz hamda to‘lovlarni amalga oshirishingiz mumkin.

❗️Avvalgi yillarda to‘lanmay qolgan soliq summasi ilovada qarzdorlik sifatida ko‘rsatilgan.

👉Soliqlarini Soliq mobil ilovasida to‘lashning qanday qulaylik va afzalliklari bor?

Telegram I Facebook I Instagram I Veb-sayt

#imtiyoz #mol_mulk_soligi

❓Jismoniy shaxslardan olinadigan mol-mulk solig‘i bo‘yicha qanday imtiyozlar bor?

📌 Soliq kodeksining 421-moddasiga asosan quyidagi jismoniy shaxslarning egaligida bo‘lgan mol-mulk soliq solishdan❌ ozod etiladi👉

🔹“O‘zbekiston Qahramoni”, Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi Shuhrat ordeni bilan taqdirlangan🎖🏅fuqarolar;

🔹urush nogironlari va qatnashchilari🛂, shuningdek doirasi qonun hujjatlari bilan belgilanadigan ularga tenglashtirilgan shaxslar;

🔹sobiq SSSRni, O‘zbekiston Respublikasining konstitutsiyaviy tuzumini himoya qilish yoki harbiy xizmatning yoxud ichki ishlar organlaridagi xizmatning boshqa majburiyatlarini bajarish chog‘ida yaralanganligi, kontuziya bo‘lganligi yoki mayib bo‘lganligi oqibatida yoxud frontda bo‘lish bilan bog‘liq kasallik tufayli halok bo‘lgan harbiy xizmatchilarning hamda ichki ishlar organlari xodimlarining🛃 ota-onalari va beva xotinlari (beva erlari);

🔹energiya resurslarining amaldagi tarmoqlaridan to‘liq uzib qo‘yilgan turar joylarda qayta tiklanadigan energiya manbalaridan foydalanuvchi shaxslar qayta tiklanadigan energiya manbalari o‘rnatilgan oydan e’tiboran uch yil muddatga.

Quyidagi jismoniy shaxslarning mulkida bo‘lgan mol-mulk 60 kvadrat metr doirasida soliq solishdan ozod qilinadi👉

🔹 o‘n nafar va undan ortiq bolalari bor ota-onalaridan birining👨‍👨‍👧‍👧;

🔹pensionerlarning;

🔹I va II guruh nogironligi bo‘lgan shaxslarning♿️.

Telegram I Facebook I Instagram I Veb-sayt

❓Mol-mulkka bo‘lgan mulk huquqi kalendar yil mobaynida bir mulkdordan boshqasiga o‘tgan taqdirda mol-mulk solig‘i kim tomonidan to‘lanadi?

✅Soliq kodeksining 423-moddasiga muvofiq, mol-mulkka bo‘lgan mulk huquqi kalendar yil mobaynida bir mulkdordan boshqasiga o‘tgan taqdirda, soliq avvalgi mulkdor tomonidan shu yilning 1-yanvaridan e’tiboran u mol-mulkka bo‘lgan mulk huquqini yo‘qotgan oyning boshlanishiga qadar, yangi mulkdor tomonidan esa, unda mulk huquqi vujudga kelgan oydan e’tiboran to‘lanadi.

#savol_javob

Telegram I Facebook I Instagram I Veb-sayt

#elon

Hurmatli soliq to‘lovchilar!

Soliq qo‘mitasi veb-resurslari faoliyatini optimallashtirish va Ma’lumotlarni qayta ishlash markazi serverlari yuklamalarni qabul qilish imkoniyatini oshirish maqsadida 21-mart soat 21:00 dan 23-mart soat 09:00 gacha profilaktika ishlari olib boriladi.

Ushbu davr mobaynida soliq organlarining elektron xizmatlari vaqtinchalik ishlamaydi.

Qo‘shimcha ma’lumot uchun 1198 raqami orqali 24/7 rejimda faoliyat olib boruvchi Call-markazga murojaat qilish mumkin.
______
#объявление

Уважаемые налогоплательщики!

В целях оптимизации работы веб-ресурсов Налогового комитета и повышения пропускной способности серверов Центра обработки данных с 21:00 часов 21 марта до 09:00 часов 23 марта будут проводиться профилактические работы.

В этот период порталы электронных налоговых услуг будут временно недоступны.

За консультацией можно обратиться в круглосуточный Call-центр по номеру 1198.

Тelegram |Facebook |Youtube| Instagram |X| Threads

#soliq_taqvimi

🗓 Eslatma ❗️2024-yil 20-mart

2022-yil uchun:

- nazorat qilinadigan chet el kompaniyalari toʻgʻrisidagi xabarnoma nazorat qilinadigan chet el kompaniyasi foydasining ulushi nazorat qiluvchi shaxsda hisobga olinishi kerak boʻlgan soliq davridan keyingi yil uchun taqdim etishning oxirgi kuni;
(Soliq kodeksi 209-modda 3-qism).

fevral oyi uchun:

- QQS hisobotini taqdim etish va soliqni toʻlashning oxirgi kuni
(Soliq qodeksi 273-modda 1-2-qismlar);

- agar fevral oyida dividendlar va foizlar hisoblangan boʻlsa, dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni
(Soliq kodeksi 345-modda 5-qism);

- norezidentlarning daromadlaridan olinadigan soliq summalari boʻyicha soliq hisobotini soliq agenti tomonidan taqdim etishning oxirgi kuni
(Soliq kodeksi 355-modda 1-qism);

- yer qaʼridan foydalanganlik uchun soliqning hisob-kitobini taqdim etish va toʻlashning oxirgi kuni
(Soliq kodeksi 454-modda 3-4-qismlar);

- suv resurslaridan foydalanganlik uchun boʻnak toʻlovlar soliq davrida soliq summasi BHMning 200 baravaridan koʻproqni tashkil etadigan yuridik shaxslar tomonidan (AOS toʻlovchilar bundan mustasno) yillik soliq summasining 1/12 qismi miqdorida toʻlashning oxirgi kuni
(Soliq kodeksi 448-modda 3-qism).

I chorak uchun:

- AOS toʻlovchilar tomonidan mol-mulk soligʻi yillik summasining ¼ qismi miqdorida boʻnak toʻlovlarni toʻlashning oxirgi kuni
(Soliq kodeksi 417-modda 6-qism);

- AOS toʻlovchilar tomonidan yuridik shaxslar yer soligʻi yillik summasining ¼ qismi miqdorida boʻnak toʻlovlarni toʻlashning oxirgi kuni
(Soliq kodeksi 432-modda 1-qism);

- suv resurslaridan foydalanganlik uchun boʻnak toʻlovlar soliq davrida soliq summasi BHMning 200 baravaridan kamroqni tashkil etadigan, AOS toʻlovchi boʻlmagan yuridik shaxslar, shuningdek AOS toʻlovchilar va YTTlar tomonidan yillik soliq summasining 1/4 qismi miqdorida toʻlashning oxirgi kuni
(Soliq kodeksi 448-modda 3-qism).

Telegram I Facebook I Instagram I Veb-sayt