✅30 yillik tajriba va umr bir chorrahada

Farg‘ona viloyati davlat soliq boshqarmasida davlatimiz Konstitutsiyasi qabul qilinganligining 30 yilligi munosabati bilan “30 yil va 30 yosh uchrashuvi” loyihasining viloyat bosqichi bo‘lib o‘tdi.

Davlat soliq qo‘mitasi tashabbusi bilan tashkil etilgan tadbirda viloyat DSB rahbariyati, boshqarma hamda hududiy inspeksiyalarda 30 yildan buyon samarali mehnat qilayotgan faxriylar hamda endigina 30 yoshni qarshi olayotgan yosh xodimlardan tashkil topgan jamoalar ishtirok etdi.

Tadbirda so‘zga chiqqanlar loyihaning asosiy maqsadi faxriylarning hayotiy malakasini yoshlarning kreativ fikrlari bilan uyg‘unlashtirish orqali shakllanadigan innovatsion yondashuv negizida davlat soliq xizmati organlari faoliyati samaradorligini kuchaytirish, globallashuv davrida “Ustoz-shogird” an’analaridan oqilona foydalanish va ularni sifat jihatdan yangi ko‘rinishda saqlab qolishdan iborat ekanligini ta’kidladilar.

Shundan so‘ng, jamoalar belgilangan shartlar bo‘yicha o‘z chiqishlarini namoyish etdilar. Yakunda g‘oliblikni Qo‘qon shahar DSI, faxrli 2-3 o‘rinlarni esa viloyat DSB hamda Quva tumani DSI jamoalari qo‘lga kiritdilar.

Tanlov so‘nggida g‘oliblarga tashkilotchilarning esdalik sovg‘alari topshirildi.

💬G‘olib jamoa “30 yil va 30 yosh uchrashuvi” loyihasining respublika bosqichida ishtirok etadi.

Telegram I Facebook I Instagram I Veb-sayt

🇺🇿Ko‘klarda hilpirayver Vatan bayrog‘i!

✅Farg‘ona viloyati davlat soliq boshqarmasida O‘zbekiston Respublikasi Davlat bayrog‘i qabul qilingan kun munosabati bilan ma’naviy-ma’rifiy tadbir tashkil etildi.

Madhiya sadolari ostida boshlangan tadbirda boshqarma rahbariyati hamda shaxsiy tarkib xodimlari ishtirok etdilar.

Tadbirda mamlakatimiz mustaqillikka erishgan ilk kunlardan davlatning suvereniteti ramzi hisoblangan bayroqni tasdiqlashga alohida e’tibor qaratilganligi hamda 1991-yil 18-noyabr Davlat bayrog‘i qabul qilingan kun sifatida mamlakatimiz tarixiga muhrlanganligi ta’kidlab o‘tildi.

So‘zga chiqqanlar Vatanimiz bayrog‘ining yaratilish tarixi, uni o‘rnatish, undagi timsollar haqida batafsil ma’lumot berdilar.

#bayroq31 #18_noyabr

Telegram I Facebook I Instagram I Veb-sayt