#Qoʼshtepa_tumani_hokimligi
#oila_va_hotin_qizlar_boʼlimi
#hush_kelding_bahor

Qoʻshtepa tumanidagi mahallalarda bahorgi tadbirlar oʻtkazilmoqda

Bahor… Naqadar yoqimli, qalblarga iliqlik, koʻngillarga orzu-umid bagʻishlovchi soʻz bu. Fasllar nomlari orasida eng nafis, eng goʻzal, talaffuz etilishida ham oʻzgacha maʼno borday goʻyo. Nazarimizda inson ona tabiat bilan yaqinligini aynan shu damda yaqqol his etadi.
Har yili bahor fasli kelishi bilan yurtimizda Navroʻz taomi hisoblanuvchi sumalak tayyorlanadi.

Bahorning ilk kunlaridayoq, sumalakning xushboʻy hidi esa tevarak atrofni zabd etadi. Odamlar samimiyat bilan bir birlarini tabriklashadi. Bunday tarovat faqat Oʻzbekistonimizga xos.

Ayni kunlarda Qoʻshtepa tumanidagi mahallalarda bahorgi tadbirlar boʻlib oʻtmoqda. Shunday tadbirlardan biri Yoʻldoshobod mahallasida istiqomat qiluvchi opa-singillarimiz ishtirokida oʻtkazildi. Mahalla ayollari milliy anʼana va qadriyatlarimizni davom ettirib, doshqozonda sumalak qaynatishdi. Tadbirda mahalla ayollari bilan birga tuman hokimligining masʼul xodimlari hamda mahallalardagi xotin-qizlar faollari ham ishtirok etishdi.

@fargonamanaviyhayoti