#Furqat_tumani
#Najot_talimda
#Najot_tarbiyada

Furqat tumani hokimi Elyorbek Asronqulov "Mehribon qalb" va "Murg‘ak qalblar" nomli oilaviy bolalar uylarida bo‘lib, ushbu muassasalarda yashovchi bolalar bilan uchrashib, ularga yaratilgan shart-sharoitlar, qiziqishlari, kelajakdagi orzu-umidlari haqida qizg‘in va samimiy suhbatlashdi.

Tuman hokimi bolalarga o‘zbek va jahon adabiyoti durdonalaridan sovg‘a qildi. Tabiiyki, kitob mutolaasi, ta’lim va yaxshi xulq-atvor egasi bo‘lish lozimligi xususida boshlangan suhbat Olimpiada o‘yinlari chempionlari erishgan g‘alabalar, vakillarimiz qayd etgan yuksak natijalar bayoniga ulandi.

Ta’kidlash lozimki, mazkur muassasalarda yashovchilar orasida ham xalqaro ko‘rik-tanlovlarda munosib ishtirok etgan bolalar bor. Ularning yutuqlari barchani birdek quvontirib, boshqalarga ruhiy dalda bo‘lmoqda.

Uchrashuv yakunida bolalar ham yaxshi o‘qish va kelajakda ona Vatan uchun munosib farzand bo‘lishga va’da berdilar.

🌐Rasmiy sahifalarimiz:
Telegram | Instagram | Facebook