Президент Шавкат Мирзиёев раислигида ижтимоий ҳимоя соҳасида амалга оширилган ишлар ва 2025 йилдаги устувор вазифалар юзасидан видеоселектор йиғилиши бўлиб ўтди.

✅ Унда;

↪️ Жорий йилда 102 та ижтимоий хизмат маҳалла даражасига туширилгани қайд этилди.

↪️ Маҳалладаги ижтимоий ходимлар уйма-уй юриб, шу йил реестрда бўлмаган яна 95 минг муҳтож одамга ёрдам кўрсатди. 51 минг одамга ногиронлик белгиланди, 26 минги протез олди, ногиронлиги бор 5 минг бола боғча-мактабга жойлашди.

↪️ Йиғилишда ҳамма раҳбарлар ҳам эҳтиёжманд аҳолини ишли қилиб, даромадини кўпайтириш, уларга манзилли ижтимоий хизмат ва ёрдамлар кўрсатишни тўғри ташкил қила олмаётгани кўрсатиб ўтилди.

↪️ Президент бу йил ижтимоий ҳимоя бўйича қилинган 34 та муҳим янгиликка қўшимча 28 та янги ташаббусни илгари сурди.

↪️ Камбағал оила фарзандларини чет тили, IT ва касб-ҳунарга ўқитиш учун қўшимча имкониятлар яратилади.Мутасаддиларга 1 мартгача тўгараклар очиб, камбағал оиладаги 118 минг ёшларни ўқитишни бошлаш топширилди. Тўгарак харажати 80 фоизгача бюджетдан қопланади.

↪️ Камбағал оиладаги 460 минг одам тиббий ёрдамга, 6 мингта оила эса уй-жой шароитини яхшилашга муҳтож. Шу боис 2025 йилда муҳтож одамларнинг жарроҳлик амалиёти учун Тиббий суғурта жамғармасига қўшимча 185 миллиард сўм ажратилади.

↪️ Президент барча ҳужжатларни ўрнини босадиган битта – ижтимоий карта жорий этилишини эълон қилди. Ижтимоий карта билан автобус ва метрода бепул юриш, электр, газ ва ўқиш харажатига компенсация олиш мумкин бўлади, нафақа ва ёрдам пуллари ҳам шу картага тушади. Бу тизим 1 июлгача Тошкент шаҳри ва Янгийўл туманида синовдан ўтказилади, йил якунигача ҳамма жойда ишга туширилади.

↪️ 12 та ногиронлик реабилитация марказида эрготерапия, физиотерапия, даволаш-гимнастика хизматлари қамрови 5 карра оширилади.

↪️ Ногиронлиги борларга бериладиган протез ва реабилитация воситалари рўйхати 18 тадан 30 тага, маблағи эса 1,5 баробарга оширилди. Бунинг эвазига йил бошидан 100 минг одамни эҳтиёжи таъминланди.

↪️ Президент фармонига мувофиқ, йиғилишда Дилором Йўлдошевага “Мардлик” ордени тантанали топширилди. Келгуси йилда бундай инсонлар ҳақида камида 5 та мотивацион ҳужжатли ва бадиий фильмлар суратга олиш муҳимлиги таъкидланди.

↪️ Жойлардаги 130 та спорт мактаби, 90 та махсус таълим муассасаси ва 29 та “Мурувват” уйидаги спорт объектлари адаптив спорт турларига мослаштирилади. Жойларда 300 та янги “воркаут” майдончалари қурилади, уларда ҳам худди шундай шароитлар бўлади.

↪️ Яна бир тажриба – шу йили ногиронлиги бор болалар учун 73 та кундузги парваришлаш ва “Ғамхўрлик” гуруҳлари ташкил қилинди.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿
❗️KORRUPSIYAGA QARSHI MUROSASIZ KURASHISH MUHIM MASALA

⭐️ Kadastr agentligi va 🌟 Davlat kadastrlari palatasi Farg‘ona viloyati boshqarmalarida “9 dekabr – Xalqaro korrupsiyaga qarshi kurash” kuniga bag‘ishlangan Aksilkorrupsiya haftaligi doirasida davra suhbati tashkil qilindi.

⭕️ Tadbir ishtirokchilariga Birlashgan Millatlar Tashkiloti tomonidan 2003-yil 9-dekabr kuni Meksikada korrupsiyaga qarshi konvensiyasi imzolanganligi va ushbu kun “Xalqaro korrupsiyaga qarshi kurashish kuni” sifatida e’lon qilinganligi, 2004-yildan boshlab 9-dekabr butun dunyoda Xalqaro korrupsiyaga qarshi kurashish kuni sifatida nishonlanib kelinayotganligi yuzasidan ma’lumotlar berildi.

⭕️ Shuningdek, tadbirda korrupsiya jamiyat taraqqiyoti dushmani ekanligi, shu sababli xodimlarga o‘z faoliyatini amalga oshirishda korrupsiya, tamagirlik, firibgarlik va hujjatlarni qalbakilashtirish bilan bog‘liq huquqbuzarliklarining kelib chiqishiga imkoniyat yaratib berayotgan shart-sharoitlarni bartaraf qilishga barcha zaruriy choralarni ko‘rgan holda murosasiz kurashishi, bunday holatlarga yo‘l qo‘ymasliklari, javobgarlikning muqarrarligi yuzasidan tushuntirishlar berildi.

Rasmiy sahifalarimizga obuna bo'ling!
🎬YouTube | 🚀Telegram | 📷Instagram| 🔵Facebook