🇺🇿🇺🇿🇺🇿🇺🇿

Yangi bilimlar, kuchli tahlillar va professional o‘sish!

🌟 Kadastr agentligi tizimida faoliyat yuritayotgan Jamoatchilik bilan aloqalar xodimlari uchun tashkil etilgan 4 kunlik malaka oshirish seminari o‘z yakuniga yetdi.

😎 Mashg‘ulotlar davomida zamonaviy PR va kommunikatsiya vositalari, davlat axborot siyosatining ustuvor yo‘nalishlari, inqirozli vaziyatlarda tezkor axborot yetkazish, brend imidji va vizual kommunikatsiyani shakllantirish bo‘yicha nazariy va amaliy bilimlar berildi.

Treningda media sohasidagi tajribali ekspertlar va malakali trenerlar, shuningdek, Axborot va ommaviy kommunikatsiyalar agentligi mas’ullari — G. Nishonova, B. Alimov, I. Nasimova, N. Oripov, J. Aslonov, S. Ismoilov, Q. Nishonov, Sh. Abidovalar ishtirok etib, bevosita mashg‘ulotlar olib bordilar.

🔎 Seminar-treningning yakuniy kunida ishtirokchilar uchun O‘zbekiston Respublikasi Milliy gvardiyasi media-markazi faoliyati bilan tanishildi. Mutaxassislarga Milliy gvardiya Axborot xizmati rahbari, polkovnik Dovron Jumanazarov markaz faoliyati bilan tanishtirdi va savollarga batafsil javob berdi.

#Kadastr_agentligi #malaka_oshirish_2025

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿

🇦🇿Ozarbayjon delegatsiyasi bilan 🌟Kadastr agentligida o‘zaro tajriba almashish bo‘yicha uchrashuvlar bo‘lib o‘tmoqda

🇺🇿O‘zbekiston Respublikasi va 🇦🇿Ozarbayjon Respublikasi o‘rtasidagi idoralararo hamkorlikni mustahkamlash, kadastr va mol-mulkni ro‘yxatga olish sohalarida tajriba almashish maqsadida Ozarbayjon Respublikasi Iqtisodiyot vazirligi huzuridagi Mulk masalalari davlat xizmati delegatsiyasi Kadastr agentligiga keldi.

➡️ 2-iyun kuni delegatsiya a’zolari 🌟Kadastr agentligida bo‘lib, Agentlik faoliyati, axborot tizimlari, xususan, Yer-nazorat axborot tizimi bilan tanishtirildi. Shuningdek, mehmonlarga Agentlik tomonidan amalga oshirilayotgan raqamlashtirish ishlari, zamonaviy texnologiyalarni joriy etish yo‘nalishlari yuzasidan taqdimotlar o‘tkazildi.

😎 Ozarbayjon tomoni ham o‘z navbatida Mulk masalalari davlat xizmatining tashkil etilishi, funksiyalari va axborot infratuzilmasi haqida ma’lumot berib, o‘z tajribasini ulashdi.

🟪 Delegatsiya a'zolariga kadastr, ko‘chmas mulkni ro‘yxatga olish, yer va mulk munosabatlariga dour axborot tizimlari imkoniyatlari "Geoinfokom" DM tashkiloti tomonidan tanishtirildi.

➡️ 3-iyun kuni delegatsiya Kadastr agentligining Davlat kadastrlari palatasi faoliyati bilan yaqindan tanishdi. Tashrif davomida mehmonlarga ko‘chmas mulkni ro‘yxatga olish, kadastr xizmatlarini ko‘rsatish jarayonlari, ularning huquqiy va texnik asoslari, hamda zamonaviy texnologiyalar asosida tashkil etilgan ish tizimi haqida batafsil ma’lumotlar taqdim etildi.

📍Shuningdek, delegatsiya Chilonzor tumanidagi Davlat xizmatlari markaziga tashrif buyurib, ko‘rsatilayotgan xizmatlarning sifati, mijozlarga qulayliklar yaratish va avtomatlashtirilgan jarayonlar bilan tanishdi.

Mazkur tashrif doirasida tomonlar o‘rtasida o‘zaro manfaatli hamkorlikni yanada chuqurlashtirish, raqamli kadastr, ko'chmas mulkni ro‘yxatga olish tizimlarida ilg‘or tajriba almashinuvini davom ettirishlikka kelishib oldilar.

#Kadastr_agentligi #Xalqaro_hamkorlik

📩 Telegram   |  📩 Instagram    |  📩YouTube    | 📩 Facebook       | 📩 Web-sayt