RASMIY MUNOSABAT

Internet tarmoqlarida “Quvasoyda yerni narxi qancha hokim buva?” mavzusida xabarlar tarqaldi.

Unda bayon etilishicha Quvasoy shahar “Pakana” MFY Gullola ko‘chasidagi yer uchastkasida yer maydoni noma’lum fuqarolar tomonidan o‘zboshimchalik bilan egallab olinganligi bildirilgan.

Holat o‘rganilganda “Pakana” MFY, Gullola ko‘chasida joylashgan davlat zaxirasida bo‘lgan, qishloq xo‘jaligida foydalanilmaydigan jami 190 kv.m yer maydoni Quvasoy shahar “Pakana” MFY, Gullola ko‘chasida yashovchi fuqaro D.N. tomonidan o‘zboshimchalik bilan egallab olinib, ushbu yerning 70 kv.m qismiga qurilish ishlarini amalga oshirilganligi aniqlandi.

Aniqlangan holat yuzasidan kadastr agentligining Quvasoy shahar bo‘limi tomonidan O‘zbekiston Respublikasi Ma’muriy javobgarlik to‘g‘risida kodeksning 60-moddasi 3-qismi bilan ma’muriy bayonnoma rasmiylashtirilib, bazaviy hisoblash miqdorining 150 baravari miqdorida jarima jazosi qo‘llash yuzasidan qaror qabul qilingan.

Shuningdek, D.N. tomonidan qurilgan noqonuniy qurilmani 15 kun muddatda ixtiyoriy ravishda bartaraf etilishi, aks holda noqonuniy qurilmani majburiy tartibda buzdirish yuzasidan sudga daьvo ariza kiritilishi haqida ogohlantirish xati berildi.

https://t.iss.one/fargonakadastr