#FUTBOL
#AVTOMOBIL_YOʼLLARI_QOʼMITASI_RAISI_KUBOGI
#Farg‘onaga_ilk_g‘alaba_muborak!
      Avtomobil yo‘llari qo‘mitasi raisi kubogi musoboqalari qizg‘in va murosasiz tarzda davom etmoqda.Yaxshi an'anaga aylangan musoboqaning o‘tgan yilgi bosqichida Farg‘onalik yo‘lsozlar birinchi o‘rinni qo‘lga kiritgan edilar.Joriy yildagi ilk o‘yinni ham g‘alaba bilan qarshilashdi.  O‘yinda Farg‘ona viloyati Avtomobil yo'llari bosh boshqarmasi  hamda Buxoro viloyati Avtomobil yo'llari bosh boshqarmasi jamoalari maydonda to'p surdilar.
    O'yin yorqin lahzalarga boy bo‘ldi.
Yakunda 5:0 hisob bilan Farg‘ona viloyati yo‘lsozlari faxrli g‘alabani qo‘lga kiritdilar.
Keyingi bosqichda ular "O‘zyo‘lko‘prik klasteri" DM   jamoasiga qarshi maydonga tushadilar.

#FARG‘ONA
#Muddatidan_oldin_ovoz_berish
  Saylov kuni o‘z yashash joyida bo‘lmagan saylovchi muddatidan oldin ovoz berish huquqiga ega.
Bu saylovga o‘n kun qolganida boshlanadi va saylovga uch kun qolganida tugallanadi. Mamlakatimizda ham oldindagi siyosiy jarayonga muddatidan avval ovoz berish  16-oktabr sanasidan boshlanib, 23-oktabr sanasida yakunlandi. 27- oktabr kuni bo‘lib o‘tadigan O‘zbekiston Respublikasi Oliy majlis qonunchilik palatasi hamda mahalliy kengash deputatligiga bo‘ladigan saylovga Farg‘ona viloyati Avtomobil yo‘llari bosh boshqarmasi ishchi-xodimlari  ham befarq emas. 8 kunlik jarayonlarda Fargʼona viloyati Avtomobil yo‘llari bosh boshqarmasi va tizim korxonalaridagi 2323 nafar ishchi-xodimlardan 833 nafari muddatidan avval ovoz berishdi.
    Eslatib oʻtamiz, jamoa shartomasi hamda mehnat kodeksining 191-moddasiga asosan ish vaqti rejimi  oʻzgaruvchan jadval boʻyicha dam olish kunlari belgilanishidan kelib chiqib, 27-oktabr  kuni ishda boʻladigan xodimlar muddatidan oldin ovoz berishdi.

#Farg‘ona
   #Yo’llar sifati nazorati tadbirlari.
     Farg‘ona viloyati Avtomobil yo‘llari bosh boshqarmasi hamda Transport Vazirligi huzuridagi Transport nazorati inspeksiyasi Yo‘l-qurilish ishlari sifatini nazorat qilish inspeksiyasi Farg‘ona viloyati hududiy bo‘limi mas’ul xodimlari ishtirokida O‘zbekiston Respublikasi Prezidentining 2022-yil 13-sentabrdagi PQ-374-son “Tadbirkorlik subyektlari faoliyatida tekshiruvlar o‘tkazishni muvofiqlashtirish tartibini takomillashtirish chora-tadbirlari to‘g‘risida”gi Qarori bilan tasdiqlangan “Nazorat qiluvchi organlar tomonidan tadbirkorlik subyektlari faoliyatida tekshiruvlar va profilaktika tadbirlarini o‘tkazish tartibi to‘g‘risida”gi Nizom talablaridan kelib chiqib, avtomobil yo‘llari qoplamalari ostidan va yo‘l mintaqalarida kommunikatsiya tarmoqlarini tortish va ta’mirlashda noqonuniy qazish ishlarini oldini olishga qaratilgan  profilaktika tadbiri o‘tkazildi.
  Tadbirda avtomobil yo‘llarida qazish va sun’iy notekisliklar o‘rnatish yuzasidan atroflicha muhokamalar olib borilib, kelgusida mavzuga oid keng miqyosli qo‘llanma ishlab chiqib, Farg‘ona viloyati Avtomobil yo‘llari bosh boshqarmasi tarkibidagi tashkilotlarga va avtomobil yo‘llaridan foydalanuvchi jismoniy va yuridik shaxslarga yetkazishga kelishildi. 
  Shu o‘rinda avtomobil yo‘llaridan foydalanuvchi fuqarolar va tadbirkorlik subyektlariga eslatib o‘tamiz. O‘zbekiston Respublikasining “Avtomobil yo‘llari to‘g‘risida”gi qonuni va tegishli shaharsozlik to‘g‘risidagi qonunchilik hujjatlari va texnik jihatdan tartibga solish sohasidagi normativ hujjatlar talablariga zid ravishda ya’ni belgilangan tartibda ruxsat olmasdan avtomobil yo‘llari qoplamalari ostidan yoki yo‘l mintaqalarida kommunikatsiya tarmoqlarini tortish va ta’mirlash huquqbuzarlik hisoblanishi va O‘zbekiston Respublikasi “Ma’muriy javobgarlik to‘g‘risida”gi kodesning 147-moddasiga asosan fuqarolarga bazaviy hisoblash miqdorining ikki baravari miqdorida, mansabdor shaxslarga esa o‘n baravari miqdorida jarima solishga sabab bo‘lishi mumkin.