በጎንደር ከተማ ህዝባዊ ሰልፍ እየተካሄደ ነው

አዲስ አበባ፣ ታሕሣሥ 9፣ 2017 (ኤፍ ኤም ሲ) በጎንደር ከተማ በመንግስት እየተከናወኑ ያሉ የልማት ተግባራትንና የሰላምን መረጋገጥ የሚደግፍ ህዝባዊ ሰልፍ እየተካሄደ ነው።

ሰልፉ መንግስት ሰላምን ለማስፈን የሚወስዳቸውን እርምጃዎች በመደገፍና የልማት ተግባራትን ለማገዝ ታሳቢ ያደረገ ነው።

በሰልፉ ‘ክልላችን የሚያስፈልገው ጦርነት ሳይሆን ሰላምና ልማት ነው፤ ለሰላማችን ዘብ እንቆማለን፤ የተጀመሩ ልማቶችን እናስቀጥላለን፤ ሰላም የጋራ ሃብት ነውና ... https://www.fanabc.com/archives/275710

በአማራ ክልል በተለያዩ ከተሞች ሕዝባዊ ሰልፎች እየተካሄዱ ነው

አዲስ አበባ፣ ታሕሣሥ 9፣ 2017 (ኤፍ ኤም ሲ) በአማራ ክልል በተለያዩ ከተሞች ሕዝባዊ ሰልፎች እየተካሄዱ ነው፡፡

ህዝባዊ ሰልፎቹ በደብረ ታቦር፣ ደባርቅ፣ ደብረ ማርቆስ፣ ሀርቡ፣ መተማ ዮሃንስ፣ ወረታ፣ሊበን፣ ንፋስ መውጫ፣ ሰቆጣና ሌሎች ከተሞች ነው እየተካሄዱ የሚገኙት፡፡

በህዝባዊ ሰልፎቹ በክልሉ መንግሥት እያካሄደ ያለውን ሕግ የማስከበር ዘመቻ የሚደግፉ መልዕክቶችን እየተላለፉ ይገኛሉ፡፡

ሰልፈኞቹ የመንግስትን የሰላም ጥሪ እንደግፋለን፣ ፅንፈኛ ሃይሎች ለህግ ይቅረቡልን፣ ክልላችንን የሰላምና የልማት ማዕከል ለማድረግ ሁላችንም ለሰላም ዘብ እንቆማለን፣ መንግስት ለሰላም መስፈን የሚወስዳቸውን እርምጃዎች እንደግፋለን የሚሉና ሌሎች መልዕክቶችን እያስተላለፉ ነው።

የሌማት ትሩፋት በምግብ ራስን ለመቻልና ለተመጣጠነ ምግብ አቅርቦት ወሳኝ ሚና ይጫወታል - የጠቅላይ ሚኒስትር ጽ/ቤት

አዲስ አበባ፣ ታሕሣሥ 9፣ 2017 (ኤፍ ኤም ሲ) የሌማት ትሩፋት በምግብ ራስን ለመቻልና የተመጣጠነ ምግብ አቅርቦትን በቤትና በሀገር ደረጃ ለማረጋገጥ ወሳኝ ሚና እንደሚጫወት የጠቅላይ ሚኒስትር ጽሕፈት ቤት አስታውቋል፡፡

ጽ/ቤቱ ጠቅላይ ሚኒስትር ዐቢይ አሕመድ (ዶ/ር) በ2015 ዓ.ም ሀገር በቀሉን የሌማት ትሩፋት መርሐ ግብር ማስጀመራቸውን አስታውሷል፡፡

መርሐ ግብሩ በአራት አመታት የሥራ እቅድ የወተት እና ወተት ተዋፅዖ፣ ዶሮ፣ የእንቁላል፣ የማርና የአሳ ምርቶችን ምርት ብሎም ምርታማነት ማሳደግ ላይ ያተኮረ እንደነበር ጠቅሷል፡፡

መርሐ ግብሩ በትልቅ ደረጃ ከሚመረቱት ባሻገር በአነስተኛ የመኖሪያ ቤት ደረጃ የሚደረጉ እንደ የጓሮ ዶሮ ርባታ፣ አነስተኛ የአሳ ምርት ሥራና የንብ ማነብ እንቅስቃሴዎችን የመደገፍ ሥራ እንደሚሰራም አስገንዝቧል፡፡

በባሕር ዳር ከተማ የተካሄደው ሕዝባዊ ሰልፍ በምስል፡