Лукашэнка трапіў у праграму “НМДНИ” Леаніда Парфёнава. У выпуску пра 2020 год расійскі журналіст прыводзіць яго мэмную цытату ў блоку пра кавід-дысыдэнтаў.

Звычайна ў аўтарскай праграме Парфёнава адзін выпуск прысвечаны аднаму году, але 2020 быў настолькі багаты на падзеі, што журналіст падзяліў яго на дзве часткі. У наступнай таксама не абыйдзецца без Лукашэнкі: у сваім анонсе Парфёнаў згадаў пратэсты ў Беларусі.

Гітарысту гурта “Ляпис Трубецкой” Руслану Уладыку ўсталявалі помнік на могілках у вёсцы Апчак Мінскага раёна. На помнік трапіў здымак з фотасэсіі прысвечанай выхаду альбома “Золотые яйцы”.

Руслан "Пан" Уладыка памёр 19 студзеня 2020-га. Летам 2019-га яго моцна збілі: музыка некалькі месяцаў прабыў у коме, з якой так і не выйшаў. Мужчыну, які збіў Уладыку, асудзілі на 5 гадоў калоніі строгага рэжыму.

Пластычнаму тэатру "ІнЖэст" — 40 гадоў!

Беларускі пластычны тэатр "ІнЖэст" сёлета адзначае сваё 40-годдзе. З гэтай нагоды 27 траўня ў ДК Чыгуначнікаў адбудзецца спектакль "Х-Традыцыя — ДА ДНА НАРАДЖЭННЯ".

Як змяніліся прынцыпы тэатра за 40 гадоў і разуменне цела ў публікі за гэты час, ці павінны спектаклі выхоўваць гледача, наколькі складана ствараць незалежна ад інтарэсаў публікі і дзяржавы — пра гэта і іншае гутарым з кіраўніком тэатра Вячаславам Іназемцавым.

Арт-мэнэджарка Ксенія Тырсікава атрымала 15 сутак арышту. Яе затрымалі дома ўвечары 14 траўня.

Дзяўчыну прызналі вінаватай ў “незаконным пікетаванні” і “непадпарадкаванні міліцыі” (артыкулы 24.23 і 24.3 КаАП адпаведна).

Тырсікава — аўтар часопіса пра сучаснае мастацтва Chrysalis Mag. Яна таксама вядзе онлайн-курс "Макіяж для сябе".

https://euroradio.pl/art-menedzharku-kseniyu-tyrsikavu-aryshtavali-na-15-sutak

З афішы “Славянскага базара” знікла яшчэ адна выканаўца — украінская спявачка Ірына Білык. Яе выступ заяўляўся на гала-канцэрце адкрыцця. Але ўжо 15 траўня імя спявачкі няма ў спісе ўдзельнікаў.

Пасля таго як арганізатары мерапрыемства апублікавалі праграму, беларусы сталі праз сацсеткі прасіць артыстаў не прыязджаць на фестываль у сувязі з палітычным крызісам у Беларусі. Некаторыя зоркі адмовіліся ехаць у Віцебск.

Анатоль Лябедзька атрымаў 30 сутак арышту. Апазіцыйны палітык быў затрыманы 14 траўня ля Дома правасуддзя, дзе разглядалася “Справа студэнтаў”.

Такіх дэматывуючых навінаў з прычудамі сёння будзе многа: цягам апошніх дзён у Мінску былі затрыманыя некалькі дзясяткаў чалавек: студэнты, раварысты, журналісты... Іх усіх судзяць сёння.

Забароненых БЧБ-прадметаў у Беларусі паболела. Студэнтку БДУ Віялету Людчык, затрыманую за БЧБ-налепку на ноўтбуку, суддзя Савецкага раёна Мінска Аляксандр Петраш аштрафаваў на 100 базавых велічыняў (2900 рублёў).

Неўзабаве дзяўчыну вызваляць з-за кратаў.

Журналістку TUT.BY Любоў Каспяровіч суддзя Маскоўскага раёна Сяргей Кацар прысудзіў да 15 сутак арышту. Ён палічыў, што Каспяровіч удзельнічала ў масавым мерапрыемстве ля будынку Дома Правасуддзя, дзе ў той час пачынаўся разгляд "Справы студэнтаў".

Крыху раней 30-цю суткамі арышту быў пакараны палітык Анатоль Лябедзька, таксама затрыманы ля Дома правасуддзя.

“Разбураюць лёсы дзяцей проста таму, што тыя вырашылі пакатацца на роварах”. @euroradio пагутарыла з маці веласіпедыста, затрыманага на гонцы вакол Цнянскага вадасховішча.

Некаторыя з затрыманых ужо атрымалі 11 і 12 сутак арышту.

https://euroradio.pl/razburayuc-lyosy-dzyacey-prosta-tamu-shto-tyya-vyrashyli-pakatacca-na-rovarah

Вакол ворагі: чым небяспечнае жыццё ў чаканні здрады і забойства?

Псіхіятр Дзмітрый Шчыгельскі стаў вядомы 20 гадоў таму — пасля таго як паставіў дыягназ Аляксандру Лукашэнку. Пасле гэтага ўрач быў вымушаны з’ехаць з Беларусі ў ЗША. І, здавалася, знікнуць з небасхілу грамадска-палітычнага жыцця Беларусі. Але падчас падзей вясны 2021 года, калі спецслужбы “перадухілі” спробу дзяржперавароту, уратавалі Лукашэнку ад “пограба ў Гомельскай вобласці” і расстрэлу Драздоў з кулямётаў 150 джыпаў, нечакана высветлілася, што “мозгам замаху” быў… Дзмітрый Шчыгельскі!

Чаго ў гісторыі з дзяржпераваротам больш: палітыкі ці псіхіятрыі? Як жыццё ў пастаянным чаканні забойства ўплывае на здароўе? Якія пагрозы здароўю грамадства нясе існаванне ў рэжыме рэпрэсій і запалохванняў? На гэтыя ды іншыя тэмы пагутарым у нашым эфіры ў 18:00.

Чаму даўно не чуваць пра "кіберпартызанаў"? Аказалася, "Сінія кібарпартызаны" сышлі, а "Чырвоныя" працягваюць па-свойму хістаць рэжым.

@euroradio паразмаўляла з прадстаўніком "Чырвоных" пра тое, што і як яны цяпер робяць:

https://euroradio.pl/admin-sinih-zliusya-chyrvonyya-zastalisya-kudy-padzelisya-kiberpartyzany

Студэнт Роберт Казак, якога затрымалі на BSU Fest за БЧБ-налепку на ноўце, асуджаны на 15 сутак арышту, перадае з суда карэспандэнт @euroradio

Хлопца звінавацілі ў пікетаванні, падчас якога ён нібыта выкрыкваў лозунг “Жыве Беларусь!”. Налепка 4х4 см фігуравала ў спісе адабранай маёмасці на ноўтбуку. Суду было вельмі цікава, навошта "Містар ФМА" (у Роберта ёсць такі тытул) наляпіў яе на свой MacBook.

Сваёй віны студэнт не прызнаў.

Беларусы змогуць паглядзець "Еўрабачанне" толькі анлайн: Белтэлерадыёкампанія "стала ў позу" і адмовілася ад трансляцыі.

Але гісторыяй з дыскваліфікацыяй "Галасоў ЗМеста" спіс скандалаў на "Еўрабачанні-2021" не абмяжоўваецца. @euroradio распавядае пра фаварытаў і іншыя спрэчкі конкурсу, які пройдзе без Беларусі:

https://euroradio.pl/eurabachanne-favaryty-i-skandaly-konkursu-yaki-proydze-bez-belarusi

Мінск. У “Кароне” на Кальвырыйскай — эвакуацыя. Як паведамляюць чытачы @euroradio, на вуліцы побач з гандлёвым цэнтрам зараз шмат людзей. На месцы прысутнічаюць супрацоўнікі міліцыі. Чарговае “мінаванне”?

Калі ў вас ёсць нейкія падрабязнасці пішыце ў @euroradio_minsk ці наўпрост у каментары 👇🏻👇🏻👇🏻

У Беларусі ў вышук абвешчаны 20-гадовы нігерыйскі футбаліст Задзі Чукву Емануел. Ён знік 10 дзён таму ў Брэсцкай вобласці.

"Звярнуўся прадстаўнік футбольнай каманды і паведаміў, што 7 траўня пасля спартовых збораў спартовец не вярнуўся ў гатэль. Мог адправіцца ў Мінск", — адзначаюць міліцыянты.

https://euroradio.pl/futbalist-z-nigeryi-znik-u-bresckay-voblasci-10-dzyon-tamu

У шклоўскай калоніі “палітычным” нашываюць жоўтыя біркі. Пра гэта ў лісце паведаміў палітвязень Вітольд Ашурак:

“Палітычных тут не бракуе. Так што сумаваць нагоды няма. Тым больш, што адміністрацыя выдала загад мець жоўты колер бірак на адзенні, і таму палітычных можна адрозніць здалёк”.

Хм, штосці нагадвае. Не?

(на здымку жоўтая зорка Давіда, якой у канцлагерах падчас Другой сусветнай вайны пазначалі габрэяў)

“Без каментароў”. Такі адказ атрымала @euroradio ад Белстата на пытанне аб пераносе публікацыі дадзеных па смяротнасці.

Інфармацыя пра колькасць памерлых за 2020 год жыхароў Беларусі года павінна была з'явіцца на сайце Нацыянальнага статыстычнага камітэта 17 траўня. Але за дзень да публікацыі тэрмін змянілі на нявызначаны: цяпер там напісана, што публікацыя будзе "па меры гатовасці".

https://euroradio.pl/belstat-ab-peranose-publikacyi-dadzenyh-pa-smyarotnasci-bez-kamentarou

Міліцыя правярае паведамленні пра мінаванне некалькіх гандлёвых цэнтраў у Мінску.

“Сёння ў 17 гадзін 30 хвілін у адзін з гандлёвых цэнтраў паступіла электроннае паведамленне з інфармацыяй аб закладзеных выбуховых прыладах ў некалькіх гандлёвых цэнтрах”, — піша тг-канал сталічнай міліцыі, не ўдакладняючы пра якія гандлёвыя цэнтры ідзе гутарка.

@euroradio вядома пра эвакуацыю людзей з “Кароны” на Кальварыйскай.

18-гадовы веласіпедыст Мацвей Лазар, якога з сябрамі затрымалі на Цнянскім водасховішчы, атрымаў 15 сутак арышту. Пра гэта @euroradio паведаміла яго маці Алена.

“Разбураюць лёсы дзяцей проста таму, што тыя вырашылі пакатацца на роварах”

У Мінску за год утрая вырасла плошча выстаўленых у арэнду офісаў, а стаўкі ўпалі на 20%. Рыэлтары пацвярджаюць: попыт на офісным рынку рэкордна ўпаў, такіх паказчыкаў за апошнія 6 гадоў не было. @euroradio разбіралася, з чым гэта звязана.

https://euroradio.pl/ploshcha-pustyh-ofisau-u-minsku-patroilasya-i-trend-na-pusty-ofis-zahavaecca

Важныя падзеі панядзелка, 17 траўня, у праграме ЕЎРАЗУМ

00:57 Лукашэнка падпісаў закон аб нацыянальнай бяспецы - што цяпер будзе

9:08 Навіны шоў-бізу

11:37 Суткі за катанні на роварах: аповед маці хлопца, затрыманага на Цнянцы

16:49 Навіны спорту

18:53 Што думаюць выкладчыкі ВНУ пра “справу студэнтаў”