Беларуская рэперка Мэйбі Бэйбі, якая нядаўна запісала адказ на абразу Беларусі з боку Інстасамкі, выпусціла новы альбом. У ім нуль згадак Беларусі, затое шмат "кручкоў" расійскага культурнага коду. Некалькі цытат:

"Мои транзакции с вкладами крутятся в банке, я типа молодого Тинькова"

"Ярославль и Хабаровск, нету лучше городов"

"Мой рэп — элитный продукт, это Азбука Вкуса"

Калі паслухаць — дык увогуле нельга здагадацца, што спявачка не з якога-небудзь Томску. І "Сіліконавы гном" з абаронай Беларусі выглядае як нешта неўласцівае для Мэйбі Бэйбі. Дык, атрымліваецца, гэты нечаканы ўсплёск патрыятызму здарыўся выпадкова? Ці па замове?

Пішыце свае версіі ў каментары!

Збіраем партфель да школы! Колькі гэта насамрэч каштуе ў Беларусі?

@euroradio вырашыла праверыць рэальныя цэны, а не тыя, што называюць чыноўнікі: https://euroradio.fm/zbiraem-partfel-da-shkoly-kolki-geta-kashtue

Спасылка, якая працуе без VPN

Што цяпер адбываецца з прасторай “Робім разам”? Свой погляд на канфлікт з варшаўскімі ўладамі агучыў Сяргей Бульба.
 
“На дадзены момант сітуацыя застаецца без зменаў: хаб працягвае працу ў штатным рэжыме”, — сказаў @euroradio Бульба.

Ён падаў позву на гарадскую адміністрацыю праз рашэнне аб непадаўжэнні дамовы.

Падрабязней: https://euroradio.fm/syargey-bulba-raspavyou-shto-zaraz-adbyvaecca-z-prastoray-robim-razam

Спасылка, якая працуе без VPN

Беспілотнік, які ўпаў у Літве, заляцеў праз Беларусь з Украіны. У літоўскіх ВПС кажуць: калі гэта была расійская "Гербера", выбухоўкі там быць не павінна.

"Па нашай ацэнцы, ён заблудзіўся на Украіне, яго галоўнай задачай, верагодна, было збіць з толку ўкраінскія СПА", — сказаў журналістам прадстаўнік літоўскіх ВПС падпалкоўнік Арунас Чэряўка.

Адказаў падпалкоўнік і на пытанне пра тое, як дрон змог даляцець да вайсковага палігона. Аказалася, што там няма радараў.

Мінулым разам расійская "Гербера" залятала ў Літву 10 ліпеня.

"Кіраванне Беларуссю такім бясталентным складам палітыкаў скончылася б грамадскай катастрофай і канчатковай анексіяй краіны". Так Аляксандр Апейкін кажа пра Офіс Святланы Ціханоўскай і Аб'яднаны пераходны кабінет.

Былы кіраўнік Фонду спартовай салідарнасці крытыкуе лідараў дэмсіл за адсутнасць праграмаў развіцця краіны.

"А як і за што людзей лячыць будзем? Будаваць інфраструктуру, карміць насельніцтва? Дзе браць рэсурсы і куды прадаваць тавары?  Два тыдні рабілі заявы пра чыйсьці чэлес. Поўная адарванасць ад жыцця, ад рэальных патрэбаў людзей".

Апейкін заклікае да роспуску ОСЦ і АПК і да правядзення кангрэсу дэмсіл і абрання там "новага легітымнага прадстаўніцтва".

У снежні 2024 у эфіры @euroradio Апейкін агучваў сцэнар самароспуску дэмсілаў і іх звароту да Лукашэнкі.

Колькі беларусаў трапілі пад рэпрэсіі? Прадстаўнік BELPOL Уладзімір Жыгар у эфіры @euroradio сказаў, што мінімальная лічба — паўмільёна.

Глядзець цалкам: https://www.youtube.com/watch?v=swH7eVcsgbM

Чаканая працягласць жыцця ў Беларусі ў 2024 годзе склала 74,7 гадоў, паведамляе Белстат. Побач з еўрапейскімі краінамі гэта маленькая лічба.

Прыклады некалькіх краін:

Латвія — 76 гадоў

Літва — 77 гадоў

Польшча — 79 гадоў

Чэхія — 80 гадоў

Швецыя — 83 гады

Гэты паказчык — ацэнка таго, колькі ў сярэднім будуць жыць тыя, хто нарадзіўся ў 2024 годзе.

Расія страціла з пачатку года 112,5 тысяч вайскоўцаў. Пра гэта заявіў прэзідэнт ЗША Дональд Трамп. Па яго словах, толькі за ліпень страты расіян склалі 20 тысяч чалавек.

"Украіна, аднак, таксама моцна пацярпела. З 1 студзеня 2025 года яны страцілі каля 8000 салдат, і гэты лік не ўключае іх зніклых без вестак. Украіна таксама страціла мірных жыхароў, але ў меншай колькасці, паколькі расійскія ракеты падаюць на Кіеў і іншыя населеныя пункты Украіны.

Гэта вайна, якой не павінна было здарыцца — гэта вайна Байдэна, а не Трампа", — напісаў ён у сваёй сатсетцы Truth ("Праўда").

Трамп паставіў ультыматум Расіі: да 8 жніўня Масква мусіць дамовіцца з Кіевам пра спыненне вайны. Гледзячы па сённяшнім заявам Пуціна, ён не прыслухоўваецца да патрабаванняў прэзідэнта ЗША.

Чыноўнікі знайшлі вінаватых у вясновым дэфіцыце бульбы. Па іх версіі, гэта шэраг сельскагаспадарчых арганізацый, якія недастаткова пастаўлялі тавар крамам.

Вядома, пра тое, чаму большасць вытворцаў вырашыла больш прадаць на экспарт, чым беларускім крамам, у Міністэрстве антыманапольнага рэгулявання і гандлю не згадалі.

Падказка чыноўнікам: рэгуляванне цэн.

Важныя падзеі і сэнсы пятніцы, 1 жніўня, у праграме ЕЎРАЗУМ:

01:03 Лукашэнка кажа, што гатовы выпусціць тысячы людзей: што з гэтым не так

16:14 Навіны спорту

18:50 Чаму Латушка мяркуе, што Мельнікава нежывая

29:08 Навіны шоу-бізу

31:51 Як новы завод дронаў у Мінску дапаможа беларускай эканоміцы