#bizning_ijod

MANIM

Kun botadi...
Oqaradi tong...
Oʻngdan kelar maʼnisiz tushlar.
Yakkatutning egik shoxida
Taqdiridan noliydi qushlar...

Kun keladi elning boshiga
Quyosh suzar soyning qoʻynida.
Men bir safar magʻlub boʻlayin
Siz kashf etgan hayot oʻynida...

Kun bitadi tundan ohista
Koʻk labida qolar kalima...
Umr boʻlsa...
Umr meniki...
Sizga nima?!

Muqaddas Muhammadaliyeva, Erkin Vohidov nomidagi ijod maktabi 10-sinf o'quvchisi.

🔎Erkin Vohidov nomidagi ijod maktabining ijtimoiy tarmoqdagi sahifalari👇

👉TelegramI OromgohI FacebookI YoutubeI O‘zbegim👈

#bizning_ijod

Muhammad Yusufga nazira
Mehringni yozmayman hech qachon
“Nega “deb so`rama faqat iltimos.
Kimdir she`rni o`qib havas-la seni,
Sevib qolishidan qo`rqaman xolos.

Gaplar, atrofdagi g`iybat o`tkinchi,
Axir bizni qo`llaydigan Haq mavjud.
Sezyapman har nafas kutayotganing,
Uchrashmoqchi bo`lsang manzil tahajjud.

Qo`y endi ularni o`ylama,
Odamlarga qo`ysang, nimalar demas.
Sen faqat hayotga muhabbat-la boq,
‘Sevish kerak…Yashash shart emas.”

✍️ Xushnoza Ahmadjonova
🏢 Erkin Vohidov nomidagi ijod maktabi 8-sinf oʻquvchisi

#bizning_ijod

Muhammad Yusuf she’riga nazira
,,Uxlamaydi tunlari,
Oy nurlari taralgan.
O‘zbekning ayollari,
Farzand uchun yaralgan’’.

Kimlar oshiq bo’lmagan
So’zlagan har so‘ziga.
Uyalib qarolmaydi,
Begonaning ko‘ziga.

Ta‘zim qilar gullar ham
Oydan go‘zal yuziga.
Shundoq ham chiroylidir
Oro bermas o‘ziga.

Sovchi kelsa uyiga,
Chiqolmay xonasidan.
Hatto bir so‘z aytishga
Uyalar onasidan.

Kulganda chehrasidan
Yorqin nurlar taralgan.
O‘zbegim ayollari,
Iqbol uchun yaralgan.

✍️ Mohlaroyim Xayrullayeva
🏢 Erkin Vohidov nomidagi ijod maktabi 8-sinf oʻquvchisi