MUROJAAT

Bas!
ovoz chiqarmng,
shovqin qilmang,
bas!
Tinchgina yashashni òrgangunimcha.
Sukunat...
jim bòldim,jimman hali ham,
Ishoning, taslimman dunyo kulguncha.

Bòldi. Faqat ta'na qilmang,iltimos,
Qarang,dunyo azob chekdi òrtada.
Nega anglamaysiz, òqlaringiz chun,
Mening toģdek kòksim yetib ortadi.
Dunyoni tinch qòying.

Òylang,sònib bòldi qancha yuraklar,
Boģbonsiz qurigan dushman boģidek.
Bugun ham kòchani kezib yuribman,
Telba ruhingizning qòģirchoģidek.
Kulmadingizmi?

✍ Gulzoda O'rinboyeva
@erkinvohidovmaktabi

ОҒРИҚЛИ САВОЛЛАР

Чойхонада ошхўрликни бахт деб билган оғайни,
Шу бир кунлик халоватни нақд деб билган оғайни,
Қумурсқадек тирикликдан ўзга ғами бўлмаган,
Дил олами, ишқ олами, руҳ олами бўлмаган,
Имонни ҳам, виждонни ҳам қурбон қилган ҳалқум деб,
Сени хаёл қилдимми мен куйганимда халқим деб?
Эл мулкини бир чеккада тинч кемириб ётган зот,
Беш тийинга қадрини ҳам, халқини ҳам сотган зот,
Кўкрагида на ҳиммату на ғайратдан асар бор,
Юрагида на орият, на шавқ бор, на кадар бор,
Умрида ҳеч қилган эмас мулкдан ўзга бир ният,
Сени дея тиладимми юракларга ҳуррият?
Эй, кўнгилда можаролар орзу қилиб ётган жон,
Тангринг — амал, мартабадир, пайғамбаринг — шуҳрат, шон.
Бу давлатга ўт кўясан, йўқотасан хилқатдан,
Гар ҳокимлик тегар бўлса сенга янги давлатдан.
Қуруқ гапдир сенга Ватан, халқу озод истиқбол,
Сенинг учун истадимми юртимга мен истиқлол?
Мудом кураш азобини фидойилар кўрганлар,
Инқилоблар ҳосилини муттаҳамлар ўрганлар.
Сиз ҳам бугун панадасиз, жангга бизни қайрайсиз,
Биз бу жангда шаҳид бўлсак, аввало сиз яйрайсиз.
Ғофил халким!
Тингларманми сенинг наъра
— унингни,
Кўрарманми зулуклардан озод бўлган кунингни?
1991
@erkinvohidovmaktabi

Ардоқли шоиримиз Эркин Воҳидов ноиб сифатида Олтиариқдаги бир учрашувга келганида, сайловчилардан бири маҳаллада ичимлик суви масаласи яхши эмаслигидан шикоят қилди. Эркин ака «сизларда умуман сув йўқми», деса, «борликка бор-у...» деб, «қувур керакми» деса, «қувур етарлику-я...» деб мужмал-мужмал жавоб қайтара бошлади. Тоқати тоқ бўлган Эркин ака: «Дадил гапираверинг, ё бирон-бир ташаббусингизга кимдир тўсқинлик қиляптими», деб сўраган эди, арзгўй: «Бизни-ку биров «кишт» дегани йўғ-у, ишни барибир у ёққаям, бу ёққаям силжитолмай турибмиз-да», дея яна дудмалланди.
Бу гапдан кейин, шахматнинг ашаддий мухлиси бўлган Эркин ака енгил нафас олиб, деди:
– Мана энди тушундим. Пот вазиятга тушиб қолдим демайсизми, азизим.
* * *
Шакарқишлоқ аҳолисининг кўпчилигини пучуқлар ташкил этгани учун, бу ўрамда бурундор кимсаларга алоҳида эҳтиром билан қарашади. Бошқа ерлардаги кирачи транспортларда ёши катталарни ҳурматлаш лозимлиги уқтирилса, Шакарқишлоқдаги автобусларнинг ичига «Бурни катталарга жой беринг!» деб ёзиб қўйилган.
* * *
Ширинқишлоқ аҳлининг аксарияти эса, бўйчан-бўйчан кишилардир. Шу боис, Тиркаш пакана кўчага чиқса, тепасига тахтача қоқилган таёқни баланд кўтариб юраркан. Тахтачага бундоқ сўзлар битилган экан: «Хўшшайма! Пастдаям одам бор!»
* * *
Олтиариқ бодринг ва турупдан ташқари новвоттаҳм узумлари билан ҳам донг таратган.
Абдулла қизиқ енгил машинасига ўн яшик узум босиб, Марғилон бозорига олиб борибди. Кўпга таниқли бўлгани учун гоҳ униси, гоҳ буниси қучоқ очиб келиб, у билан қуюқ кўришаверибди. Бунақа харидорлардан пул олишга кимнинг ҳам бети чидарди, ўн яшик узумдан тўққиз яшиғи «қадрдон»ларни сийлашга кетибди. Ёнидаги олмафуруш: «Худо берган йигитсиз-да, қаерга борманг, ҳурматдасиз», деса, Абдулла қизиқ лоҳас жавоб қилибди:
– Ҳа, ҳурмат қиладиганларнинг кўплиги катта бахт... агар узум сотмаётган бўлсанг.
Анвар Обиджон, Ўзбекистон халқ шоири.
@erkinvohidovmaktabi

БУ ЗАМОН ҒАЗАЛИ

Тиллашибдир бўри бирла тозилар,
Бирлашибдир ўғри бирла қозилар.

Не деб айтар ул баобрў анжуман?
Қўл кўтарсин ушбу ҳолга розилар.

Зўр баҳодирмиз, жасорат биздадир,
Пашша қонин тўккан эй мард ғозилар.

Биз чунон хизматга белни боғладик,
Борми ҳиммат ўлчагич торозилар?

Бизга нелар дер халойиқ бу замон?
Нелар айтар келгуси ҳам мозилар?

Мен ғазал ёзмоқчи эрдим, не қилай?
Бу замон тарихга шундоқ ёзилар.
1991
@erkinvohidovmaktabi

БУ ЗАМОН ҒАЗАЛИ

Тиллашибдир бўри бирла тозилар,
Бирлашибдир ўғри бирла қозилар.

Не деб айтар ул баобрў анжуман?
Қўл кўтарсин ушбу ҳолга розилар.

Зўр баҳодирмиз, жасорат биздадир,
Пашша қонин тўккан эй мард ғозилар.

Биз чунон хизматга белни боғладик,
Борми ҳиммат ўлчагич торозилар?

Бизга нелар дер халойиқ бу замон?
Нелар айтар келгуси ҳам мозилар?

Мен ғазал ёзмоқчи эрдим, не қилай?
Бу замон тарихга шундоқ ёзилар.
Эркин Воҳидов, Ўзбекистон халқ шоири.
1991
@erkinvohidovmaktabi

* * *
Олтиариқликлар меҳмон келса, ҳатто, жонларини беришади... лекин, бодринг уруғини эмас.
* * *
Олтиариқлик оталар ўғилларига шундай насиҳат қилишади: «Дўстингни сотма! Аммо, туруп дўст эмас».
* * *
Машҳур тадбиркор Ҳокимназарбек ёшлигида хусусий «КамАЗ»ига мева босибди-да, Мирзарасул билан Азизбекни ёнига ўтиргизиб, Россияга йўл олибди. Эртаси куни тунда яйдоқ чўлдан кетиб боришаётса, машинанинг чап ёнидан нимадир зувиллаганича қувиб ўтиб, қоронғида кўздан ғойиб бўлибди. «Ух! Тулки-ку!»– дебди Мирзарасул. «Тулки бунақа тез чополмайди, бўри бу», деб эҳтироз билдирибди Азизбек. Ҳокимназар эса, машинани шошмасдан тўхтатиб, дебди:
– Орқадаги жуфт балонлардан биттаси чиқиб, олдимизга ўтиб кетди. Қани, тушиб ғилдиракни қидиринглар.
Шакарқишлоқлик дурадгор семиз хотинини рандалашга уриниб кўрган экан.
* * *
Ширинқишлоқлик сартарош бичиқчи қўшнисининг ўзигамас, ўткир қайчисига ошиқ бўлиб уйланган экан.
Анвар Обиджон,Ўзбекистон халқ шоири.
@erkinvohidovmaktabi

Prezidentimiz tashabbuslari bilan Marg'ilon shahrida barpo etilgan RTM texnologiyalar markazida bugun 29 - iyun soat 10:00 da Marg'ilon shahar hokimi Adhamjon To'xtasinovich va O'zbekiston xalq shoiri Enaxon Siddiqovalar ishtirokida "Yoshlar Kuni"ga bag'ishlangan uchrashuv tashkillandi. "Hokim va yoshlar" uchrashuvida yig'ilgan yoshlar o'z tashabbus va loyihalari bilan qatnashdilar, ularning fikrlari mutasaddilar tomonidan qo'llab quvvatlandi. Yoshlar uchun yaratilgan shart-sharoitlarning yaqqol namunasi sifatida mana shu maskanni ham alohida ta'kidlab o'tishimiz zarur: eng so'ngi zamonaviy texnalogiyalar bilan ta'minlangan Raqamli Texnologiyalar markazi o'z ichiga elekron kutubxona, bir million dasturchi, mobil ilovalar yararish, web dizayn, startap tashabbuslari, coworking, data center, kiber sport, robotatexnika, masofaviy ta'lim, call center, sanoatni avtomatlashtirish, labaratoriya, art studio, video studio kabi bo'limlarni o'z ichiga oladi. Markazda faoliyat yuritib tanlovda ishtirok etgan g'olib yoshlar tanlov tashkilotchilari tomonidan munosib taqdirlandi. Yoshlar o'zlarini qiziqtirgan barcha savollarga javob oldilar.
Maktab
Matbuot xizmati xodimi Mohinur Siddiqova va 10-sinf o'quvchilar Qo'ziboyev Hojimurod, Ahrorbek To'xtasinov tomonidan maxsus Erkin Vohidov maktabi uchun tayyorlandi.

O‘zbekiston Respublikasi Vazirlar Mahkamasining 2020-yil 7-fevraldagi 56-F sonli Farmoyishi bilan tasdiqlangan “2020-yilda respublika miqyosida o‘tkaziladigan ilmiy va ilmiy-texnik tadbirlar rejasi”ga muvofiq 2020-yil 23-iyun kuni Farg‘ona davlat universitetida “Demokratik va huquqiy jamiyatni rivojlantirishda yoshlar ijtimoiy faolligini oshirish: muammolar va yechimlar” mavzusidagi respublika onlayn ilmiy – amaliy onlayn anjumanida maktab-internatimiz ustozi O‘ktamxon Soliyeva ma'ruza bilan ishtirok etdi.

ТУШ

Бир ой бўлди,
Такрор-такрор
Мен бир хил туш кўраман,
Тушларимда мудраб юрган
Эл ичида юраман.
Улар билан
Мен ҳаммудраб
Аста қадам судрайман.
Бу — туш, дейман,
Уйғон, дейман,
Уйғонолмай мудрайман.
Ҳар тун шу ҳол,
Фалак берган
Бу не бало қийнокдир!
Эй худойим,
Эй худойим,
Кечанг бунча узоқдир?!
Эркин Воҳидов,
Ўзбекистон халқ шоири.
1991
@erkinvohidovmaktabi