#Халқ_таълими
#Расмий

✍️Тошкент вилояти Халқ таълими бошқармаси вилоятда аввалги йилларда тендер аукцион, танлов ва бошқа савдоларни ташкил этиш тартибини бузиш ҳолатлари қайд этилганини инобатга олиб, 2020 йил 15 апрель куни 04-01/4-158-сонли хат чиқарган.

❗️Мазкур хат ижросини назорат қилиш мақсадида бошқарма бошлиғи ўринбосари Х.А. тизим ташкилотларига ваколатидан ташқари кўрсатма берган.

⚡️Тошкент вилояти Халқ таълими бошқармаси тавсияси асосида Халқ таълими вазирлигининг тегишли буйруғи билан Х.А. ишдан озод этилди.

❌Бундан ташқари, мазкур масала юзасидан Халқ таълими муассасаларини қуриш, таъмирлаш ва жиҳозлаш, бино ва иншоотлардан фойдаланишни мувофиқлаштириш, давлат хусусий шериклик бўлими етакчи мутахассиси С.А. билан тузилган меҳнат шартномаси бекор қилинган.

❕Ижтимоий тармоқларда мазкур ишга алоқаси бор деб бир бошқарманинг бир неча ходимлари айбланган. Ҳозирда уларнинг бу ишга алоқаси тасдиқланмади.

❇️Эслатиб ўтамиз, мамлакатимизда айбсизлик презумпцияси мавжуд (айбдорнинг жинояти қонуний тартибда исбот қилинмагунча, у айбсиз ҳисобланади ва айбсизлигини исботлаб бериши шарт эмас).

💠Ҳозирги кунда маҳаллий бюджет ҳисобидан(жами 2 млрд 479 млн сўм) Чиноз туман 4-сонли, Чиноз туман 5-сонли, Ангрен шаҳардаги 73-сонли мактаб-интернати ва Олмалиқ шаҳардаги 80-сонли мактаб-интернатида белгиланган тартибида қурилиш ташкилот аниқланган, маблағ ажратилган ва таъмирлаш ишлари олиб борилмоқда.

📃Олмалиқ шаҳридаги 80-сонли мактаб-интернат директоридан тендер савдоларини ўтказмасдан қурилиш-таъмирлаш ишларини бошлаб юборганлиги сабабли тушунтириш хати олинган.

📌Бундан ташқари, Тошкент вилояти Халқ таълими бошқармаси тасарруфидаги барча ташкилот ва муассасалар юридик мақомга эга бўлиб, эркин шартнома тузиш, давлат харидларида 4-гуруҳдан бўладиган ҳамма харажатлар, комиссия тузиб тендер танловларини ўтказиш ҳуқуқига эгалиги бошқарма томонидан эслатиб ўтилди.

⭕️Ушбу ҳолатлар Тошкент вилояти Халқ таълими бошқармаси раҳбариятини чуқур ташвишга солмоқда ва уни такрорланмаслиги учун Тошкент вилояти Молия бошқармаси билан ҳамкорликда чора-тадбирлар белгиланиб, назоратга олинди.

👉Каналга уланиш: https://t.iss.one/toshvilpressa

Web-site| Facebook| Instagram|Telegram