#ЕвангелиеДня #ЧитаемНовыйЗавет

О́нъ же речé емý: человѣ́къ нѣ́кiй сотвори́ вéчерю вéлiю, и звá мнóги: и послá рабá своегó въ гóдъ вéчери рещи́ звáннымъ: гряди́те, я́ко ужé готóва сýть вся́. И начáша вкýпѣ отрицáтися вси́. Пéрвый речé емý: селó купи́хъ, и и́мамъ нуждý изы́ти и ви́дѣти é. Молю́тися, имѣ́й мя́ отречéна. И другíй речé: супрýгъ волóвъ купи́хъ пя́ть, и грядý искуси́ти и́хъ: молю́ тя, имѣ́й мя́ отречéна. И другíй речé: женý поя́хъ, и сегó рáди не могý прiити́. И пришéдъ рáбъ тóй повѣ́да господи́ну своемý сiя́. Тогдá разгнѣ́вався дóму влады́ка, речé рабý своемý: изы́ди скóро на распýтiя и стóгны грáда, и ни́щыя и бѣ́дныя и слѣпы́я и хромы́я введи́ сѣ́мо. И речé рáбъ. Гóсподи, бы́сть я́коже повелѣ́лъ еси́, и ещé мѣ́сто éсть. И речé господи́нъ къ рабý: изы́ди на пути́ и халýги, и убѣди́ вни́ти, да напóлнится дóмъ мóй: глагóлю бо вáмъ, я́ко ни еди́нъ мужéй тѣ́хъ звáнныхъ вкýситъ моея́ вéчери: мнóзи бо сýть звáни, мáло же избрáнныхъ.

Евангелие от Луки:
https://days.pravoslavie.ru/bible/z_lk_14_16_24.html#z

#СвященноеПисание

 #ЕвангелиеДня #ЧитаемНовыйЗавет

И изыдóша фарисéе и начáша стязáтися съ ни́мъ, и́щуще от негó знáменiя съ небесé, искушáюще егó. И воздохнýвъ Дýхомъ свои́мъ, глагóла: чтó рóдъ сéй знáменiя и́щетъ? ами́нь глагóлю вáмъ, áще дáстся рóду семý знáменiе. И остáвль и́хъ, влѣ́зъ пáки въ корáбль, и и́де на о́нъ пóлъ. И забы́ша ученицы́ егó взя́ти хлѣ́бы и рáзвѣ еди́наго хлѣ́ба не имя́ху съ собóю въ корабли́. И прещáше и́мъ, глагóля: зри́те, блюди́теся от квáса фарисéйска и от квáса И́родова. И помышля́ху, дрýгъ ко дрýгу глагóлюще, я́ко хлѣ́бы не и́мамы. И разумѣ́въ Иисýсъ, глагóла и́мъ: чтó помышля́ете, я́ко хлѣ́бы не и́мате? не ý ли чýвствуете, нижé разумѣ́ете? ещé ли окаменéно сéрдце вáше и́мате? óчи имýще не ви́дите? и ýшы имýще не слы́шите? и не пóмните ли, егдá пя́ть хлѣ́бы преломи́хъ въ пя́ть ты́сящъ, коли́ко кóшъ испóлнь укрýхъ прiя́сте? Глагóлаша емý: дванáдесять. Егдá же сéдмь въ четы́ре ты́сящы, коли́ко кóшницъ исполнéнiя укрýхъ взя́сте? Они́ же рѣ́ша: сéдмь. И глагóла и́мъ: кáко не разумѣ́ете?

Евангелие от Марка:
https://days.pravoslavie.ru/bible/z_mk_8_11_21.html#z

#СвященноеПисание

#ЕвангелиеДня #ЧитаемНовыйЗавет

И прiи́де въ Виѳсаи́ду: и приведóша къ немý слѣ́па, и моля́ху егó, да егó кóснется. И éмь за рýку слѣпáго, изведé егó вóнъ изъ вéси: и плю́нувъ на óчи егó, и возлóжь рýцѣ нáнь, вопрошáше егó, áще чтó ви́дитъ? И воззрѣ́въ глагóлаше: ви́жу человѣ́ки я́ко дрéвiе ходя́щя. Потóмъ же пáки возложи́ рýцѣ на óчи егó и сотвори́ егó прозрѣ́ти: и утвори́ся и узрѣ́ свѣ́тло всé. И послá егó въ дóмъ егó, глагóля: ни въ вéсь вни́ди, ни повѣ́ждь комý въ вéси.

Евангелие от Марка:
https://days.pravoslavie.ru/bible/z_mk_8_22_26.html#z%20

#СвященноеПисание

#ЕвангелиеДня #ЧитаемНовыйЗавет

И запрети́ и́мъ, да ни комýже глагóлютъ о нéмъ. И начáтъ учи́ти и́хъ, я́ко подобáетъ Сы́ну человѣ́ческому мнóго пострадáти, и искушéну бы́ти от стáрецъ и архiерéй и кни́жникъ, и убiéну бы́ти, и въ трéтiй дéнь воскрéснути. И не обинýяся слóво глагóлаше. И прiéмь егó пéтръ, начáтъ прети́ти емý. О́нъ же обрáщься и воззрѣ́въ на ученики́ своя́, запрети́ Петрóви, глагóля: иди́ за мнóю, сатанó: я́ко не мы́слиши, я́же сýть Бóжiя, но я́же человѣ́ческа. И призвáвъ нарóды со ученики́ свои́ми, речé и́мъ: и́же хóщетъ по мнѣ́ ити́, да отвéржется себé, и вóзметъ крéстъ свóй, и по мнѣ́ грядéтъ.

Евангелие от Марка:
https://days.pravoslavie.ru/bible/z_mk_8_30_34.html#z

#СвященноеПисание

#ЕвангелиеДня #ЧитаемНовыйЗавет

И слóво удержáша въ себѣ́, стязáющеся, чтó éсть, éже изъ мéртвыхъ воскрéснути. И вопрошáху егó глагóлюще: кáко глагóлютъ кни́жницы, я́ко илiи́ подобáетъ прiити́ прéжде? О́нъ же отвѣщáвъ речé и́мъ: илiá ýбо пришéдъ прéжде, устрóитъ вся́: и кáко éсть пи́сано о Сы́нѣ человѣ́честѣмъ, да мнóго пострáждетъ и уничижéнъ бýдетъ: но глагóлю вáмъ, я́ко и илiá прiи́де, и сотвори́ша емý, ели́ка хотѣ́ша, я́коже éсть пи́сано о нéмъ. И пришéдъ ко ученикóмъ, ви́дѣ нарóдъ мнóгъ о ни́хъ и кни́жники стязáющяся съ ни́ми. И áбiе вéсь нарóдъ ви́дѣвъ егó ужасéся, и прири́щуще цѣловáху егó. И вопроси́ кни́жники: чтó стязáетеся къ себѣ́?

Евангелие от Марка:
https://days.pravoslavie.ru/bible/z_mk_9_10_16.html#z%20

#СвященноеПисание

 #ЕвангелиеДня #ЧитаемНовыйЗавет

И прiи́де въ капернаýмъ: и въ домý бы́въ, вопрошáше и́хъ: чтó на пути́ въ себѣ́ помышля́сте? Они́ же молчáху: дрýгъ ко дрýгу бо стязáшася на пути́, ктó éсть бóлiй. И сѣ́дъ пригласи́ обанáдесяте и глагóла и́мъ: áще ктó хóщетъ стáрѣй бы́ти, да бýдетъ всѣ́хъ мéншiй и всѣ́мъ слугá. И прiи́мь отрочá, постáви é посредѣ́ и́хъ: и объе́мь é, речé и́мъ: и́же áще еди́но таковы́хъ отрочáтъ прiи́метъ во и́мя моé, менé прiéмлетъ: и и́же менé прiéмлетъ, не менé прiéмлетъ, но послáвшаго мя́. Отвѣщá емý Иоáннъ, глагóля: учи́телю, ви́дѣхомъ нѣ́коего и́менемъ твои́мъ изгоня́ща бѣ́сы, и́же не хóдитъ по нáсъ: и возбрани́хомъ емý, я́ко не послѣ́дуетъ нáмъ. Иисýсъ же речé: не брани́те емý: никтóже бо éсть, и́же сотвори́тъ си́лу о и́мени моéмъ, и возмóжетъ вскóрѣ злослóвити мя́. И́же бо нѣ́сть на вы́, по вáсъ éсть. И́же бо áще напои́тъ вы́ чáшею воды́ во и́мя моé, я́ко Христóвы естé, ами́нь глагóлю вáмъ, не погуби́тъ мзды́ своея́.

Евангелие от Марка:
https://days.pravoslavie.ru/bible/z_mk_9_33_41.html#z

#СвященноеПисание

 #ЕвангелиеДня #ЧитаемНовыйЗавет

И бы́сть егда́ вни́ти ему́ въ до́мъ нѣ́коего кня́зя фарисе́йска въ суббо́ту хлѣ́бъ я́сти, и ті́и бя́ху назира́юще его́. И се́ человѣ́къ нѣ́кiй, имы́й водны́й тру́дъ, бѣ́ предъ ни́мъ. И отвѣща́въ Иису́съ рече́ къ зако́нникомъ и фарисе́омъ, глаго́ля: а́ще достои́тъ въ суббо́ту цѣли́ти? Они́ же умолча́ша. И прiе́мъ исцѣли́ его́, и отпусти́. И отвѣща́въ къ ни́мъ рече́: кото́раго от ва́съ осе́лъ или́ во́лъ въ студене́цъ впаде́тъ, и не а́бiе ли исто́ргнетъ его́ въ де́нь суббо́тный? И не возмого́ша отвѣща́ти ему́ къ си́мъ. Глаго́лаше же къ зва́ннымъ при́тчу, обдержя́, ка́ко предсѣда́нiя избира́ху, глаго́ля къ ни́мъ: егда́ зва́нъ бу́деши ки́мъ на бра́къ, не ся́ди на пре́днемъ мѣ́стѣ: еда́ кто́ честнѣ́е тебе́ бу́детъ зва́нныхъ, и прише́дъ и́же тебе́ зва́вый и о́наго, рече́тъ ти́: да́ждь сему́ мѣ́сто: и тогда́ на́чнеши со студо́мъ послѣ́днее мѣ́сто держа́ти. Но егда́ зва́нъ бу́деши, ше́дъ ся́ди на послѣ́днемъ мѣ́стѣ, да егда́ прiи́детъ зва́вый тя́, рече́тъ ти́: дру́же, пося́ди вы́ше: тогда́ бу́детъ ти́ сла́ва предъ зва́нными съ тобо́ю. Я́ко вся́къ вознося́йся смири́тся, и смиря́яйся вознесе́тся.

Евангелие от Луки:
https://days.pravoslavie.ru/bible/z_lk_14_1_11.html#z

#СвященноеПисание

 #ЕвангелиеДня #ЧитаемНовыйЗавет

Кни́га родствá Иисýса Христá, Сы́на Дави́дова, Сы́на Авраáмля. Авраáмъ роди́ Исаáка. Исаáкъ же роди́ Иáкова. Иáковъ же роди́ Иýду и брáтiю егó. Иýда же роди́ Фарéса и Зáру от Ѳамáры. Фарéсъ же роди́ Есрóма. Есрóмъ же роди́ Арáма. Арáмъ же роди́ Аминадáва. Аминадáвъ же роди́ Наассóна. Наассóнъ же роди́ Салмóна. Салмóнъ же роди́ воóза от Рахáвы. Воóзъ же роди́ ови́да от рýѳы. Ови́дъ же роди́ Иессéа. Иессéй же роди́ Дави́да царя́. Дави́дъ же цáрь роди́ соломóна от урíины. Соломóнъ же роди́ ровоáма. Ровоáмъ же роди́ Авíю. Авíа же роди́ áсу. А́са же роди́ Иосафáта. Иосафáтъ же роди́ Иорáма. Иорáмъ же роди́ Озíю. Озíа же роди́ Иоаѳáма. Иоаѳáмъ же роди́ Ахáза. Ахáзъ же роди́ езекíю. Езекíа же роди́ Манассíю. Манассíа же роди́ Амóна. Амóнъ же роди́ Иосíю. Иосíа же роди́ Иехóнiю и брáтiю егó, въ преселéнiе Вавилóнское. По преселéнiи же Вавилóнстѣмъ, Иехóнiа роди́ Салаѳíиля. Салаѳíиль же роди́ зоровáвеля. Зоровáвель же роди́ Авiýда. Авiýдъ же роди́ Елiаки́ма. Елiаки́мъ же роди́ азóра. Азóръ же роди́ садóка. Садóкъ же роди́ Ахи́ма. Ахи́мъ же роди́ Елiýда. Елiýдъ же роди́ Елеазáра. Елеазáръ же роди́ Матѳáна. Матѳáнъ же роди́ Иáкова. Иáковъ же роди́ Иóсифа, мýжа Марíина, изъ нея́же роди́ся Иисýсъ, глагóлемый Христóсъ. Всѣ́хъ же родóвъ от Авраáма до Дави́да рóдове четыренáдесяте: и от Дави́да до преселéнiя Вавилóнскаго рóдове четыренáдесяте: и от преселéнiя Вавилóнскаго до Христá рóдове четыренáдесяте. Иисýсъ Христóво Рождествó си́це бѣ́: обручéннѣй бо бы́вши Мáтери егó Марíи Иóсифови, прéжде дáже не сни́тися и́ма, обрѣ́теся имýщи во чрéвѣ от Дýха свя́та. Иóсифъ же мýжъ ея́, прáведенъ сы́й и не хотя́ ея́ обличи́ти, восхотѣ́ тáй пусти́ти ю́. Сiя́ же емý помы́слившу, сé, áнгелъ Госпóдень во снѣ́ яви́ся емý, глагóля: Иóсифе, сы́не Дави́довъ, не убóйся прiя́ти Марiáмъ жены́ твоея́: рóждшеебося въ нéй, от Дýха éсть свя́та: роди́тъ же Сы́на, и наречéши и́мя емý Иисýсъ: тóй бо спасéтъ лю́ди своя́ от грѣ́хъ и́хъ. Сié же всé бы́сть, да сбýдется речéнное от Гóспода прорóкомъ, глагóлющимъ: сé, Дѣ́ва во чрéвѣ прiи́метъ и роди́тъ Сы́на, и нарекýтъ и́мя емý Емманýилъ, éже éсть сказáемо: съ нáми Бóгъ. Востáвъ же Иóсифъ от снá, сотвори́ я́коже повелѣ́ емý áнгелъ Госпóдень, и прiя́тъ женý свою́, и не знáяше ея́, дóндеже роди́ Сы́на своегó пéрвенца, и наречé и́мя емý Иисýсъ.

Евангелие от Матфея:
https://days.pravoslavie.ru/bible/z_mf_1_1_25.html#z

#СвященноеПисание

 #ЕвангелиеДня #ЧитаемНовыйЗавет

И и́же а́ще соблазни́тъ еди́наго от ма́лыхъ си́хъ вѣ́рующихъ въ Мя́, до́брѣе е́сть ему́ па́че, а́ще облѣжи́тъ ка́мень же́рновный о вы́и его́, и вве́рженъ бу́детъ въ мо́ре. И а́ще соблажня́етъ тя́ рука́ твоя́, отсѣцы́ ю́: до́брѣе ти́ е́сть бѣ́днику въ живо́тъ вни́ти, не́же о́бѣ ру́цѣ иму́щу вни́ти въ гее́нну, во о́гнь неугаса́ющiй, идѣ́же че́рвь и́хъ не умира́етъ, и о́гнь не угаса́етъ. И а́ще нога́ твоя́ соблажня́етъ тя́, отсѣцы́ ю́: до́брѣе ти́ е́сть вни́ти въ живо́тъ хро́му, не́же двѣ́ но́зѣ иму́щу вве́ржену бы́ти въ гее́нну, во о́гнь неугаса́ющiй, идѣ́же че́рвь и́хъ не умира́етъ, и о́гнь не угаса́етъ. И а́ще о́ко твое́ соблажня́етъ тя́, исткни́ е́: до́брѣе ти́ е́сть со еди́нѣмъ о́комъ вни́ти въ Ца́рствiе Бо́жiе, не́же двѣ́ о́цѣ иму́щу вве́ржену бы́ти въ гее́нну о́гненную, идѣ́же че́рвь и́хъ не умира́етъ, и о́гнь не угаса́етъ. Вся́къ бо огне́мъ осоли́тся, и вся́ка же́ртва со́лiю осоли́тся. Добро́ со́ль: а́ще же со́ль не слана́ бу́детъ, чи́мъ осоли́тся? Имѣ́йте со́ль въ себѣ́, и ми́ръ имѣ́йте между́ собо́ю.

И отту́ду воста́въ пре́йде въ предѣ́лы Иуде́йскiя, объ о́нъ по́лъ Иорда́на. И снидо́шася па́ки наро́ди къ Нему́: и я́ко обы́чай имѣ́, па́ки уча́ше и́хъ.

Евангелие от Марка:
https://days.pravoslavie.ru/bible/z_mk_9_42_0_10_0_1.html#z

#СвященноеПисание

#ЕвангелиеДня #ЧитаемНовыйЗавет

И глаго́ла и́мъ: и́же а́ще пу́ститъ жену́ свою́ и оже́нится ино́ю, прелюбы́ твори́тъ на ню́: и а́ще жена́ пу́ститъ му́жа и пося́гнетъ за ино́го, прелюбы́ твори́тъ. И приноша́ху къ Нему́ дѣ́ти, да ко́снется и́хъ: ученицы́ же преща́ху принося́щымъ. Ви́дѣвъ же Иису́съ негодова́ и рече́ и́мъ: оста́вите дѣте́й приходи́ти ко Мнѣ́ и не брани́те и́мъ, тацѣ́хъ бо е́сть Ца́рствiе Бо́жiе: ами́нь глаго́лю ва́мъ: и́же а́ще не прiи́метъ Ца́рствiя Бо́жiя я́ко отроча́, не и́мать вни́ти въ не́. И объе́мь и́хъ, возло́жь ру́цѣ на ни́хъ, благословля́ше и́хъ.

Евангелие от Марка:
https://days.pravoslavie.ru/bible/z_mk_10_11_16.html#z

 #ЕвангелиеДня #ЧитаемНовыйЗавет

Бы́сть же во дни́ ты́я, изы́де повелѣ́нiе от ке́саря А́вгуста написа́ти всю́ вселе́нную. Сiе́ написа́нiе пе́рвое бы́сть владя́щу Сирі́ею Кирині́ю. И идя́ху вси́ написа́тися, ко́ждо во сво́й гра́дъ. Взы́де же и Ио́сифъ от Галиле́и, изъ гра́да Назаре́та, во Иуде́ю, во гра́дъ Дави́довъ, и́же нарица́ется Виѳлее́мъ, зане́ бы́ти ему́ от до́му и оте́чества Дави́дова, написа́тися съ Марі́ею обруче́ною ему́ жено́ю, су́щею непра́здною. Бы́сть же, егда́ бы́ста та́мо, испо́лнишася дні́е роди́ти Е́й: и роди́ Сы́на своего́ Пе́рвенца, и пови́тъ Его́, и положи́ Его́ въ я́слехъ: зане́ не бѣ́ и́мъ мѣ́ста во оби́тели. И па́стырiе бѣ́ху въ то́йже странѣ́, бдя́ще и стрегу́ще стра́жу нощну́ю о ста́дѣ свое́мъ. И се́ А́нгелъ Госпо́день ста́ въ ни́хъ, и сла́ва Госпо́дня осiя́ и́хъ: и убоя́шася стра́хомъ ве́лiимъ. И рече́ и́мъ А́нгелъ: не бо́йтеся: се́ бо благовѣству́ю ва́мъ ра́дость ве́лiю, я́же бу́детъ всѣ́мъ лю́демъ: я́ко роди́ся ва́мъ дне́сь Спа́съ, И́же е́сть Христо́съ Госпо́дь, во гра́дѣ Дави́довѣ: и се́ ва́мъ зна́менiе: обря́щете Младе́нца пови́та, лежа́ща въ я́слехъ. И внеза́пу бы́сть со А́нгеломъ мно́жество во́й небе́сныхъ, хва́лящихъ Бо́га и глаго́лющихъ: сла́ва въ вы́шнихъ Бо́гу, и на земли́ ми́ръ, во человѣ́цѣхъ благоволе́нiе. И бы́сть, я́ко отидо́ша от ни́хъ на не́бо А́нгели, и человѣ́цы па́стырiе рѣ́ша дру́гъ ко дру́гу: пре́йдемъ до Виѳлее́ма и ви́димъ глаго́лъ се́й бы́вшiй, его́же Госпо́дь сказа́ на́мъ. И прiидо́ша поспѣ́шшеся, и обрѣто́ша Марiа́мь же и Ио́сифа, и Младе́нца лежа́ща во я́слехъ. Ви́дѣвше же сказа́ша о глаго́лѣ глаго́ланнѣмъ и́мъ о Отроча́ти Се́мъ. И вси́ слы́шавшiи диви́шася о глаго́ланныхъ от па́стырей къ ни́мъ. Марiа́мь же соблюда́ше вся́ глаго́лы сiя́, слага́ющи въ се́рдцы Свое́мъ. И возврати́шася па́стырiе, сла́вяще и хва́ляще Бо́га о всѣ́хъ, я́же слы́шаша и ви́дѣша, я́коже глаго́лано бы́сть къ ни́мъ.

Евангелие от Луки:
https://days.pravoslavie.ru/bible/z_lk_2_1_20.html#z

#СвященноеПисание

 #ЕвангелиеДня #ЧитаемНовыйЗавет

Иисýсу же рóждшуся въ Виѳлеéмѣ Иудéйстѣмъ во дни́ И́рода царя́, сé, волсви́ от востóкъ прiидóша во Иерусали́мъ, глагóлюще: гдѣ́ éсть рождéйся Цáрь Иудéйскiй? ви́дѣхомъ бо звѣздý егó на востóцѣ и прiидóхомъ поклони́тися емý. Слы́шавъ же И́родъ цáрь смути́ся, и вéсь Иерусали́мъ съ ни́мъ. И собрáвъ вся́ первосвящéнники и кни́жники людскíя, вопрошáше от ни́хъ: гдѣ́ Христóсъ раждáется? Они́ же рекóша емý: въ Виѳлеéмѣ Иудéйстѣмъ, тáко бо пи́сано éсть прорóкомъ: и ты́, Виѳлеéме, землé Иýдова, ни чи́мже мéнши еси́ во влады́кахъ Иýдовыхъ: изъ тебé бо изы́детъ вóждь, и́же упасéтъ лю́ди моя́ Изрáиля. Тогдá И́родъ тáй призвá волхвы́, и испы́товаше от ни́хъ врéмя я́вльшiяся звѣзды́, и послáвъ и́хъ въ Виѳлеéмъ, речé: шéдше испытáйте извѣ́стно о отрочáти: егдá же обря́щете, возвѣсти́те ми́, я́ко да и áзъ шéдъ поклоню́ся емý. Они́ же послýшавше царя́, идóша. И сé, звѣздá, ю́же ви́дѣша на востóцѣ, идя́ше предъ ни́ми, дóндеже пришéдши стá верхý, идѣ́же бѣ́ отрочá. Ви́дѣвше же звѣздý, возрáдовашася рáдостiю вéлiею зѣлó, и пришéдше въ хрáмину, ви́дѣша отрочá съ Марíею Мáтерiю егó, и пáдше поклони́шася емý: и отвéрзше сокрóвища своя́, принесóша емý дáры, злáто и Ливáнъ и сми́рну. И вѣ́сть прiéмше во снѣ́ не возврати́тися ко И́роду, ины́мъ путéмъ отидóша во странý свою́.

Евангелие от Матфея:
https://days.pravoslavie.ru/bible/z_mf_2_1_12.html#z

#СвященноеПисание

 #ЕвангелиеДня #ЧитаемНовыйЗавет

Отше́дшымъ же и́мъ, се́, А́нгелъ Госпо́день во снѣ́ яви́ся Ио́сифу, глаго́ля: воста́въ поими́ Отроча́ и Ма́терь Его́, и бѣжи́ во Еги́петъ, и бу́ди та́мо, до́ндеже реку́ ти: хо́щетъ бо И́родъ иска́ти Отроча́те, да погуби́тъ Е́. О́нъ же воста́въ, поя́тъ Отроча́ и Ма́терь Его́ но́щiю, и отъи́де во Еги́петъ, и бѣ́ та́мо до уме́ртвiя И́родова: да сбу́дется рече́нное от Го́спода проро́комъ, глаго́лющимъ: от Еги́пта воззва́хъ Сы́на Моего́. Тогда́ И́родъ ви́дѣвъ, я́ко пору́ганъ бы́сть от волхво́въ, разгнѣ́вася зѣло́ и посла́въ изби́ вся́ дѣ́ти су́щыя въ Виѳлее́мѣ и во всѣ́хъ предѣ́лѣхъ его́, от двою́ лѣ́ту и нижа́йше, по вре́мени, е́же извѣ́стно испыта́ от волхво́въ. Тогда́ сбы́стся рече́нное Иеремі́емъ проро́комъ, глаго́лющимъ: гла́съ въ Ра́мѣ слы́шанъ бы́сть, пла́чь и рыда́нiе и во́пль мно́гъ: Рахи́ль пла́чущися ча́дъ свои́хъ, и не хотя́ше утѣ́шитися, я́ко не су́ть. Уме́ршу же И́роду, се́, А́нгелъ Госпо́день во снѣ́ яви́ся Ио́сифу во Еги́птѣ, глаго́ля: воста́въ поими́ Отроча́ и Ма́терь Его́ и иди́ въ зе́млю Изра́илеву, изомро́ша бо и́щущiи души́ Отроча́те. О́нъ же воста́въ, поя́тъ Отроча́ и Ма́терь Его́ и прiи́де въ зе́млю Изра́илеву. Слы́шавъ же, я́ко Архела́й ца́рствуетъ во Иуде́и вмѣ́сто И́рода отца́ своего́, убоя́ся та́мо ити́: вѣ́сть же прiе́мь во снѣ́, отъи́де въ предѣ́лы Галиле́йскiя. И прише́дъ всели́ся во гра́дѣ нарица́емѣмъ Назаре́тъ: я́ко да сбу́дется рече́нное проро́ки, я́ко Назоре́й нарече́тся.

Евангелие от Матфея:
https://days.pravoslavie.ru/bible/z_mf_2_13_23.html#z

#СвященноеПисание

#ЕвангелиеДня #ЧитаемНовыйЗавет

Бы́сть же егда́ прибли́жишася во иерихо́нъ, слѣпе́цъ нѣ́кiй сѣдя́ше при пути́ прося́: слы́шавъ же наро́дъ мимоходя́щь, вопроша́ше: что́ у́бо е́сть се́? Повѣ́даша же ему́, я́ко Иису́съ назаряни́нъ мимохо́дитъ. И возопи́, глаго́ля: Иису́се Сы́не Дави́довъ, поми́луй мя́. И предъиду́щiи преща́ху ему́, да умолчи́тъ: о́нъ же па́че мно́жае вопiя́ше: Сы́не Дави́довъ, поми́луй мя́. Ста́въ же Иису́съ повелѣ́ привести́ его́ къ себѣ́: прибли́жшуся же ему́ къ нему́, вопроси́ его́, глаго́ля: что́ хо́щеши, да ти́ сотворю́? О́нъ же рече́: Го́споди, да прозрю́. Иису́съ же рече́ ему́: прозри́: вѣ́ра твоя́ спасе́ тя. И а́бiе прозрѣ́, и вслѣ́дъ его́ идя́ше, сла́вя Бо́га. И вси́ лю́дiе ви́дѣвше возда́ша хвалу́ богови.

Евангелие от Луки:
https://days.pravoslavie.ru/bible/z_lk_18_35_43.html#z%20

#СвященноеПисание

#ЕвангелиеДня #ЧитаемНовыйЗавет

И прiидóша во иерихóнъ. И исходя́щу емý от иерихóна, и ученикóмъ егó, и нарóду мнóгу, сы́нъ тимéовъ Варти́мей слѣпы́й сѣдя́ше при пути́, прося́. И слы́шавъ, я́ко Иисýсъ назоряни́нъ éсть, начáтъ звáти и глагóлати: Сы́не Дави́довъ Иисýсе, поми́луй мя́. И прещáху емý мнóзи, да умолчи́тъ: óнъ же мнóжае пáче звáше: Сы́не Дави́довъ, поми́луй мя́. И стáвъ Иисýсъ, речé егó возгласи́ти. И возгласи́ша слѣпцá, глагóлюще емý: дерзáй, востáни, зовéтъ тя́. О́нъ же отвéргъ ри́зы своя́, востáвъ прiи́де ко Иисýсови. И отвѣщáвъ глагóла емý Иисýсъ: чтó хóщеши, да сотворю́ тебѣ́? Слѣпы́й же глагóла емý: учи́телю, да прозрю́. Иисýсъ же речé емý: иди́: вѣ́ра твоя́ спасé тя. И áбiе прозрѣ́ и по Иисýсѣ и́де въ пýть.

Евангелие от Марка:
https://days.pravoslavie.ru/bible/z_mk_10_46_52.html#z

#СвященноеПисание

 #ЕвангелиеДня #ЧитаемНовыйЗавет

И вни́де во Иерусали́мъ Иисýсъ и въ цéрковь: и согля́давъ вся́, пóздѣ ужé сýщу часý, изы́де въ Виѳáнiю со обѣманáдесяте. И наýтрiе изшéдшымъ и́мъ от Виѳáнiи, взалкá: и ви́дѣвъ смокóвницу издалéча, имýщу ли́ствiе, прiи́де, áще ýбо чтó обря́щетъ на нéй: и пришéдъ къ нéй, ничесóже обрѣ́те, тóкмо ли́ствiе: не ý бо бѣ́ врéмя смóквамъ. И отвѣщáвъ Иисýсъ речé éй: да не ктомý от тебé во вѣ́ки никтóже плодá снѣ́сть. И слы́шаху ученицы́ егó. И прiидóша пáки во Иерусали́мъ. И вшéдъ Иисýсъ въ цéрковь, начáтъ изгони́ти продаю́щыя и купýющыя въ цéркви: и трапéзы торжникóмъ и сѣдáлища продаю́щихъ гóлуби испровéрже: и не дая́ше, да ктó мимонесéтъ сосýдъ сквозѣ́ цéрковь. И учáше, глагóля и́мъ: нѣ́сть ли пи́сано, я́ко хрáмъ мóй хрáмъ моли́твы наречéтся всѣ́мъ язы́комъ? вы́ же сотвори́сте егó вертéпъ разбóйникомъ. И слы́шаша кни́жницы и архiерéе, и искáху, кáко егó погубя́тъ: боя́хубося егó, я́ко вéсь нарóдъ дивля́шеся о учéнiи егó. И я́ко пóздѣ бы́сть, исхождáше вóнъ изъ грáда. И ýтро мимоходя́ще, ви́дѣша смокóвницу изсóхшу изъ корéнiя. И воспомянýвъ пéтръ глагóла емý: равви́, ви́ждь, смокóвница, ю́же прокля́лъ еси́, ýсше. И отвѣщáвъ Иисýсъ глагóла и́мъ: имѣ́йте вѣ́ру Бóжiю: ами́нь бо глагóлю вáмъ, я́ко, и́же áще речéтъ горѣ́ сéй: дви́гнися и вéрзися въ мóре: и не размы́слитъ въ сéрдцы своéмъ, но вѣ́ру и́метъ, я́ко éже глагóлетъ, бывáетъ: бýдетъ емý, éже áще речéтъ:

Евангелие от Марка:
https://days.pravoslavie.ru/bible/z_mk_11_11_23.html#z

#СвященноеПисание

#ЕвангелиеДня #ЧитаемНовыйЗавет

Имѣ́йте вѣ́ру Бóжiю: ами́нь бо глагóлю вáмъ, я́ко, и́же áще речéтъ горѣ́ сéй: дви́гнися и вéрзися въ мóре: и не размы́слитъ въ сéрдцы своéмъ, но вѣ́ру и́метъ, я́ко éже глагóлетъ, бывáетъ: бýдетъ емý, éже áще речéтъ: сегó рáди глагóлю вáмъ: вся́ ели́ка áще моля́щеся прóсите, вѣ́руйте, я́ко прiéмлете: и бýдетъ вáмъ: и егдá стоитé моля́щеся, отпущáйте, áще чтó и́мате на когó, да и Отéцъ вáшъ, и́же éсть на небесѣ́хъ, отпýститъ вáмъ согрѣшéнiя вáша: áще ли же вы́ не отпущáете, ни Отéцъ вáшъ, и́же éсть на небесѣ́хъ, отпýститъ вáмъ согрѣшéнiй вáшихъ.

Евангелие от Марка:
https://days.pravoslavie.ru/bible/z_mk_11_23_26.html#z

#СвященноеПисание

#ЕвангелиеДня #ЧитаемНовыйЗавет

И прiидóша пáки во Иерусали́мъ. И въ цéркви ходя́щу емý, прiидóша къ немý архiерéе и кни́жницы и стáрцы и глагóлаша емý: кóею о́бластiю сiя́ твори́ши? и ктó ти́ о́бласть сiю́ дадé, да сiя́ твори́ши? Иисýсъ же отвѣщáвъ речé и́мъ: вопрошý вы и áзъ словесé еди́наго, и отвѣщáйте ми́: и рекý вáмъ, кóею о́бластiю сiя́ творю́: крещéнiе Иоáнново съ небесé ли бѣ́, или́ от человѣ́къ? отвѣщáйте ми́. И мы́сляху въ себѣ́, глагóлюще: áще речéмъ, съ небесé, речéтъ: почтó ýбо не вѣ́ровасте емý? но áще речéмъ, от человѣ́къ: боя́хуся людíй: вси́ бо имѣ́яху Иоáнна, я́ко вои́стинну прорóкъ бѣ́. И отвѣщáвше глагóлаша Иисýсови: не вѣ́мы. И отвѣщáвъ Иисýсъ глагóла и́мъ: ни áзъ глагóлю вáмъ, кóею о́бластiю сiя́ творю́.

Евангелие от Марка:
https://days.pravoslavie.ru/bible/z_mk_11_27_33.html#z

#СвященноеПисание

 #ЕвангелиеДня #ЧитаемНовыйЗавет

И возврати́шася па́стырiе, сла́вяще и хва́ляще Бо́га о всѣ́хъ, я́же слы́шаша и ви́дѣша, я́коже глаго́лано бы́сть къ ни́мъ. И егда́ испо́лнишася о́смь дні́й, да обрѣ́жутъ Его́, и нареко́ша и́мя Ему́ Иису́съ, нарече́нное А́нгеломъ пре́жде да́же не зача́тся во чре́вѣ.

Отроча́ же растя́ше и крѣпля́шеся ду́хомъ, исполня́яся прему́дрости: и благода́ть Бо́жiя бѣ́ на Не́мъ. И хожда́ста роди́теля Его́ на вся́ко лѣ́то во Иерусали́мъ въ пра́здникъ Па́схи. И егда́ бы́сть двоюна́десяти лѣ́ту, восходя́щымъ и́мъ во Иерусали́мъ по обы́чаю пра́здника, и сконча́вшымъ дни́, и возвраща́ющымся и́мъ, оста́ О́трокъ Иису́съ во Иерусали́мѣ: и не разумѣ́ Ио́сифъ и Ма́ти Его́: мнѣ́вша же Его́ въ дружи́нѣ су́ща, преидо́ста дне́ пу́ть, и иска́ста Его́ во сро́дницѣхъ и въ зна́емыхъ: и не обрѣ́тша Его́, возврати́стася во Иерусали́мъ, взыска́юща Его́. И бы́сть по трiе́хъ дне́хъ, обрѣто́ста Его́ въ це́ркви, сѣдя́щаго посредѣ́ учи́телей, и послу́шающаго и́хъ, и вопроша́ющаго и́хъ: ужаса́хуся же вси́ послу́шающiи Его́ о ра́зумѣ и о отвѣ́тѣхъ Его́. И ви́дѣвша Его́, диви́стася: и къ Нему́ Ма́ти Его́ рече́: Ча́до, что́ сотвори́ на́ма та́ко? Се́ оте́цъ Тво́й и А́зъ боля́ща иска́хома Тебе́. И рече́ къ ни́ма: что́ я́ко иска́ста Мене́? Не вѣ́ста ли, я́ко въ тѣ́хъ, я́же Отца́ Моего́, досто́итъ бы́ти Ми́? И та́ не разумѣ́ста глаго́ла, его́же глаго́ла И́ма. И сни́де съ ни́ма, и прiи́де въ Назаре́тъ: и бѣ́ повину́яся и́ма. И Ма́ти Его́ соблюда́ше вся́ глаго́лы сiя́ въ се́рдцы Свое́мъ. И Иису́съ преспѣва́ше прему́дростiю и во́зрастомъ и благода́тiю у Бо́га и человѣ́къ.

Евангелие от Луки:
https://days.pravoslavie.ru/bible/z_lk_2_20_21_2_40_52.html#z

#СвященноеПисание