Екатеринбургская Епархия
3.62K subscribers
31.9K photos
3.55K videos
13 files
11.2K links
«Все о жизни Церкви на Среднем Урале»
Download Telegram
#ЕвангелиеДня

Отшéдшымъ же и́мъ, сé, áнгелъ Госпóдень во снѣ́ яви́ся Иóсифу, глагóля: востáвъ поими́ отрочá и Мáтерь егó, и бѣжи́ во Еги́петъ, и бýди тáмо, дóндеже рекý ти: хóщетъ бо И́родъ искáти отрочáте, да погуби́тъ é. О́нъ же востáвъ, поя́тъ отрочá и Мáтерь егó нóщiю, и отъи́де во Еги́петъ, и бѣ́ тáмо до умéртвiя И́родова: да сбýдется речéнное от Гóспода прорóкомъ, глагóлющимъ: от Еги́пта воззвáхъ Сы́на моегó…

От Матфея святое благовествование, глава 2
#ЕвангелиеДня

И прiидóша пáки во Иерусали́мъ. И въ цéркви ходя́щу емý, прiидóша къ немý архiерéе и кни́жницы и стáрцы и глагóлаша емý: кóею о́бластiю сiя́ твори́ши? и ктó ти́ о́бласть сiю́ дадé, да сiя́ твори́ши? Иисýсъ же отвѣщáвъ речé и́мъ: вопрошý вы и áзъ словесé еди́наго, и отвѣщáйте ми́: и рекý вáмъ, кóею о́бластiю сiя́ творю́: крещéнiе Иоáнново съ небесé ли бѣ́, или́ от человѣ́къ? отвѣщáйте ми́. И мы́сляху въ себѣ́, глагóлюще: áще речéмъ, съ небесé, речéтъ: почтó ýбо не вѣ́ровасте емý? но áще речéмъ, от человѣ́къ: боя́хуся людíй: вси́ бо имѣ́яху Иоáнна, я́ко вои́стинну прорóкъ бѣ́. И отвѣщáвше глагóлаша Иисýсови: не вѣ́мы. И отвѣщáвъ Иисýсъ глагóла и́мъ: ни áзъ глагóлю вáмъ, кóею о́бластiю сiя́ творю́.

От Марка святое Благовествование, глава 11
#ЕвангелиеДня

И начáтъ и́мъ въ при́тчахъ глагóлати: виногрáдъ насади́ человѣ́къ, и огради́ оплóтомъ, и ископá точи́ло, и создá стóлпъ, и предадé егó тяжáтелемъ, и отъи́де. И послá къ тяжáтелемъ во врéмя рабá, да от тяжáтель прiи́метъ от плодá виногрáда: они́ же éмше егó би́ша и отослáша тщá. И пáки послá къ ни́мъ другáго рабá: и тогó кáменiемъ би́вше, проби́ша главý емý и послáша безчéстна. И пáки инóго послá: и тогó уби́ша: и мнóги и́ны, о́вы ýбо бiю́ще, о́вы же убивáюще. Ещé ýбо еди́наго сы́на имѣ́ возлю́бленнаго своегó, послá и тогó къ ни́мъ послѣди́, глагóля, я́ко усрамя́тся сы́на моегó…

От Марка святое Благовествование, глава 12
#ЕвангелиеДня

Внемли́те себѣ́. А́ще согрѣши́тъ къ тебѣ́ бра́тъ тво́й, запрети́ ему́: и а́ще пока́ется, оста́ви ему́: и а́ще седми́щи на де́нь согрѣши́тъ къ тебѣ́, и седми́щи на де́нь обрати́тся, глаго́ля: ка́юся: оста́ви ему́. И реко́ша апо́столи Го́сподеви: приложи́ на́мъ вѣ́ру. Рече́ же Госпо́дь: а́ще бы́сте имѣ́ли вѣ́ру я́ко зерно́ гору́шно, глаго́лали бы́сте у́бо я́годичинѣ се́й: восто́ргнися и всади́ся въ мо́ре: и послу́шала бы ва́съ. Кото́рый же от ва́съ раба́ имѣ́я орю́ща или́ пасу́ща, и́же прише́дшу ему́ съ села́ рече́тъ: а́бiе мину́въ возля́зи? Но не рече́тъ ли ему́: угото́вай, что́ вечеря́ю, и препоя́сався служи́ ми́, до́ндеже я́мъ и пiю́: и пото́мъ я́си и пiе́ши ты́? Еда́ и́мать хвалу́ рабу́ тому́, я́ко сотвори́ повелѣ́нная? не мню́. Та́ко и вы́, егда́ сотворите́ вся́ повелѣ́нная ва́мъ, глаго́лите, я́ко раби́ неключи́ми есмы́: я́ко, е́же до́лжни бѣ́хомъ сотвори́ти, сотвори́хомъ.

От Луки святое благовествование, глава 17
#ЕвангелиеДня

Отшéдшымъ же и́мъ, сé, áнгелъ Госпóдень во снѣ́ яви́ся Иóсифу, глагóля: востáвъ поими́ отрочá и Мáтерь егó, и бѣжи́ во Еги́петъ, и бýди тáмо, дóндеже рекý ти: хóщетъ бо И́родъ искáти отрочáте, да погуби́тъ é. О́нъ же востáвъ, поя́тъ отрочá и Мáтерь егó нóщiю, и отъи́де во Еги́петъ, и бѣ́ тáмо до умéртвiя И́родова: да сбýдется речéнное от Гóспода прорóкомъ, глагóлющимъ: от Еги́пта воззвáхъ Сы́на моегó.

От Матфея святое благовествование, глава 2
#ЕвангелиеДня

И послáша къ немý нѣ́кiя от фарисéй и Иродiáнъ, да егó обольстя́тъ слóвомъ. Они́ же пришéдше глагóлаша емý: учи́телю, вѣ́мы, я́ко и́стиненъ еси́ и не ради́ши ни о кóмже: не зри́ши бо на лицé человѣ́ковъ, но вои́стинну пути́ Бóжiю учи́ши: достóитъ ли кинсóнъ кéсареви дáти, или́ ни́? дáмы ли, или́ не дáмы? О́нъ же вѣ́дый и́хъ лицемѣ́рiе, речé и́мъ: чтó мя искушáете? принеси́те ми́ пѣ́нязь, да ви́жу. Они́ же принесóша. И глагóла и́мъ: чíй о́бразъ сíй и написáнiе? Они́ же рѣ́ша емý: кéсаревъ. И отвѣщáвъ Иисýсъ речé и́мъ: воздади́те кéсарева кéсареви и Бóжiя богови. И чуди́шася о нéмъ.

От Марка святое Благовествование, глава 12
#ЕвангелиеДня

И возврати́шася пáстырiе, слáвяще и хвáляще Бóга о всѣ́хъ, я́же слы́шаша и ви́дѣша, я́коже глагóлано бы́сть къ ни́мъ. И егдá испóлнишася óсмь днíй, да обрѣ́жутъ егó, и нарекóша и́мя емý Иисýсъ, наречéнное áнгеломъ прéжде дáже не зачáтся во чрéвѣ. Отрочá же растя́ше и крѣпля́шеся дýхомъ, исполня́яся премýдрости: и благодáть Бóжiя бѣ́ на нéмъ. И хождáста роди́теля егó на вся́ко лѣ́то во Иерусали́мъ въ прáздникъ пáсхи...

От Луки святое благовествование, глава 2
#ЕвангелиеДня

И присту́пль еди́нъ от кни́жникъ, слы́шавъ и́хъ стяза́ющихся и ви́дѣвъ, я́ко до́брѣ отвѣща́ и́мъ, вопроси́ его́: ка́я е́сть пе́рвая всѣ́хъ за́повѣдiй? Иису́съ же отвѣща́ ему́: я́ко пе́рвѣйши всѣ́хъ за́повѣдiй: слы́ши, Изра́илю, Госпо́дь Бо́гъ ва́шъ Госпо́дь еди́нъ е́сть: и возлю́биши Го́спода Бо́га твоего́ всѣ́мъ се́рдцемъ твои́мъ, и все́ю душе́ю твое́ю, и всѣ́мъ умо́мъ твои́мъ, и все́ю крѣ́постiю твое́ю: сiя́ е́сть пе́рвая за́повѣдь...

От Марка святое Благовествование, глава 12
#ЕвангелиеДня

И глаго́лаше и́мъ во уче́нiи свое́мъ: блюди́теся от кни́жникъ, хотя́щихъ во одѣя́нiихъ ходи́ти, и цѣлова́нiя на то́ржищихъ, и преждесѣда́нiя на со́нмищихъ, и первовозлежа́нiя на ве́черяхъ: пояда́юще до́мы вдови́цъ и непщева́нiемъ надо́лзѣ моля́щеся, сі́и прiи́мутъ ли́шшее осужде́нiе. И сѣ́дъ Иису́съ пря́мо сокро́вищному храни́лищу, зря́ше, ка́ко наро́дъ ме́щетъ мѣ́дь въ сокро́вищное храни́лище. И мно́зи бога́тiи вмета́ху мно́га. И прише́дши еди́на вдови́ца убо́га, вве́рже ле́птѣ двѣ́, е́же е́сть кодра́нтъ. И призва́въ ученики́ своя́, рече́ и́мъ: ами́нь глаго́лю ва́мъ, я́ко вдови́ца сiя́ убо́гая мно́жае всѣ́хъ вве́рже вмета́ющихъ въ сокро́вищное храни́лище: вси́ бо от избы́тка своего́ вверго́ша: сiя́ же от лише́нiя своего́ вся́, ели́ка имѣ́яше, вве́рже, все́ житiе́ свое́.

От Марка святое Благовествование, глава 12
#ЕвангелиеДня

И бысть во о́нех днех, прии́де Иису́с от Назаре́та Галиле́йскаго и крести́ся от Иоа́нна во Иорда́не. И а́бие восходя́ от воды́, ви́де разводя́щася Небеса́ и Дух, я́ко го́лубь, сходя́щ Нань. И глас бысть с Небесе́: Ты еси́ Сын Мой возлю́бленный, о Не́мже благоволи́х. И а́бие Дух изведе́ Его́ в пусты́ню. И бе ту в пусты́ни дней четы́редесять, искуша́емь сатано́ю, и бе со зверьми́, и А́нгели служа́ху Ему́. По преда́нии же Иоа́ннове, прии́де Иису́с в Галиле́ю, пропове́дая Ева́нгелие Ца́рствия Бо́жия, И глаго́ля: я́ко испо́лнися вре́мя и прибли́жися Ца́рствие Бо́жие. Пока́йтеся и ве́руйте во Ева́нгелие.

От Марка святое Благовествование, глава 1