«Кыым» хаһыат аатынан ааттаммыт Кыымчаан тугутчаан кыһалҕатын кэпсээтэ💦

Бэҕэһээ бар дьон дьокутаата Мария Христофорова Хабаровскай Ньылханыттан Саха сиригэр көһөн кэлбит табалары көрө, туох кыһалҕа баарын билсэ Карамзиннар уонна Ильиновтар тохтообут сирдэригэр тиийэ сырытта. Табалар барахсаттар, ыам ыйыттан саҕалаан, сэттэ тугуту этэҥҥэ төрөтөн хаһаайыттар үөрүүлэрэ улахан.

Ол курдук, ыам ыйын 3 күнүгэр бастакынан тыһы тугут төрөөбүтэ. Киниэхэ «Кындыкан» бырайыак салайааччыта Илан Кындыкан аатын биэрбиттэрэ. Кини кэнниттэн, Кыайыы күнүн иннинэ, төрөөбүт атыыр тугуту «Кыым» хаһыат аатынан Кыымчаан диэн ааттаабыттара. Кини хараҥа өҥнөөх уонна, доҕорун - хаһыаты батан, сүрдээх элбэх саҥалаах уонна хоодуот майгылаах.

Мария Николаевна кырдьаҕас табаһыттары Евгения уонна Николай Карамзиннары кытта кэпсэтэн, табалары уулатыыга улахан уустуктар үөскээбиттэрин биллэ. Онон суһаллык күөлтэн уу хачайдыыр турбаны тардыы ирдэнэр. Манна көмөлөһүөн баҕалаах урбаанньыттары ыҥырабыт.

https://t.iss.one/kyymsakha