#Avtomobilsiz_kun

✅Har oyning toʻrtinchi chorshanba kuni “Avtomobilsiz kun” boʻladi

Avval xabar berganimizdek, har oyning toʻrtinchi chorshanba kuni “Avtomobilsiz kun” boʻladi.

Bu Oʻzbekiston Respublikasi Prezidentining “Oʻzbekiston — 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida“gi Farmonida koʻrsatib oʻtilgan.

Avtomobilsiz harakatlanishni targʻib qilishdan koʻzlangan asosiy maqsad, eng avvalo, sogʻlom turmush tarzini targʻib qilish, shuningdek, atrof-muhitni avtomobillardan chiquvchi zararli gazlardan himoya qilish, avtomobil tirbandligini kamaytirish, jamoat transporti tizimini rivojlantirish masalalariga jamoatchilik eʼtiborini qaratish va atrof-muhitni muhofaza qilish har bir insonning fuqarolik burchi ekanligini taʼkidlashdir.

Ushbu kun munosabati bilan Sirdaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi xodimlari xam ish joyiga piyoda, jamoat transportida va velosipedda kelishlari tashkil etildi.

✅Fursatdan foydalanib, barcha yurtdoshlarimizni ushbu loyihada faol ishtirok etishga chorlab qolamiz!

Sirdaryo viloyati Ekologiya boshqarmasi matbuot xizmati

Web-site | Telegram | Face book | You tube