Фуқарога сўкинган “Қўшработтумангаз” газ таъминоти бўлими бошлиғига чора кўрилди

“Ҳудудгаз Самарқанд” газ таъминоти филиали матбуот хизмати Қўшработ тумани “Навкат” маҳалласида яшовчи фуқаро ва “Қўшработтумангаз” газ таъминоти бўлими бошлиғи ўртасида юзага келган тортишув акс этган видео юзасидан муносабат билдирди.

Маълум қилинишича, мазкур мурожаат юзасидан “Ҳудудгаз Самарқанд” газ таъминоти филиали томонидан ўрганиш ишлари олиб борилган.

Ўрганиш натижаларига кўра, фуқаро ва туман газ таъминоти бўлими бошлиғи ўзаро ярашгани ҳамда фуқаронинг мурожаати ижобий ҳал этилган.

Шунингдек, “Қўшработтумангаз” газ таъминоти бўлими бошлиғининг хатти-ҳаракатлари юзасидан хизмат текшируви ўтказилиб, белгиланган тартибда интизомий жазо чораси қўлланилган.

Telegram I Facebook I YouTube I Instagram

Илҳом Алиев Эрондаги дипломатларни эвакуация қилиш бўйича топшириқ берди

Озарбайжон Теҳрондаги элчихонаси ва Табриздаги бош консуллигидан дипломатик ходимларни эвакуация қилишни бошлади.

Озарбайжон ташқи ишлар вазири Жейҳун Байрамовнинг маълум қилишича, президент Илҳом Алиев Эрон ҳудудидан дипломатик персонални тўлиқ олиб чиқиш ҳақида қарор қабул қилган.

“Бу жараён Теҳрондаги элчихона ҳамда Табриздаги бош консулликка тааллуқли. Ҳозирда бу йўналишда тегишли ишлар олиб борилмоқда”, — деди у.

Айни вақтда Озарбайжон-Эрон чегарасида юк машиналари ҳаракати ҳам тўхтатилган.

Эслатиб ўтамиз, кеча, 5 март куни Озарбайжонга иккита дрон ҳужум қилганди. Озорбайжон бу иш учун Эрондан тушунтириш талаб қилди.

Эрон ташқи ишлар вазирлиги эса дрон хужумини Эрон қилмаганини билдирди.

Telegram I Facebook I YouTube I Instagram

Маҳкум аёлларга олийгоҳларда ўқиш имконияти яратилади — Президент

Кўксарой қароргоҳида Халқаро хотин-қизлар куни муносабати билан байрам тадбири бўлиб ўтди.

Тадбир давомида Президент Шавкат Мирзиёев аёллар ва болаларни тазйиқ ва зўравонликдан ҳимоялашга қаратилган фармон юзасидан фикр билдирди.

“Аёллар ва болаларга нисбатан тазйиқ ва зўравонликка қарши муросасиз муҳит яратиш – биз учун стратегик вазифа.

Шу ҳафтада яна бир муҳим фармонни имзоладим. Энди хотин-қизлар ва болаларга нисбатан ҳар қандай зўравонлик ва тазйиқ ҳолатларига қарши қатъий тизим асосида кураш олиб борамиз”, – деди Президент.

Турли сабабларга кўра билиб-билмай жиноятга қўл урган аёллар ҳам шу юртнинг фуқаролари экани таъкидланди. Уларни ижтимоий ҳаётга қайтариш, жамиятнинг тўлақонли аъзосига айлантириш тўғрисида ҳам жиддий ўйлаш кераклиги қайд этилди.

Жазони ижро этиш муассасаларида жазони ўтаётган аёлларнинг кўпчилиги ўрта маълумотли, касби ёки ҳунари йўқ. Айримлари олий таълим муассасаларида ўқиш истагини билдирган.

Шу боис, бундай хотин-қизлар билан манзилли ишлаш бўйича “Янги ҳаёт” дастури бошланади. Улар 3-6 ой касб дастурларида ўқитилиб, сертификат олади.

Шунингдек, маҳкумаларга муассасаларнинг ўзида имтиҳон топшириб, олийгоҳларга кириш ва масофавий ўқиш имконияти яратиб берилади.

Контракт асосида ўқишга қабул қилинганларга жазони ўтаб, ишга жойлашгандан кейин қайтариш шарти билан фоизсиз ссуда ажратилади.

Telegram I Facebook I YouTube I Instagram

Магистратурада таълим олаётган талаба-қизларнинг контракт пуллари тўлаб берилади

Янги ўқув йилидан бошлаб эҳтиёжманд оилалардаги аёллар учун давлат гранти квотаси 2 карра оширилиб, 4 мингга етказилиши белгиланди.

Топ 300 таликдаги олийгоҳлар билан қўшма таълим асосида магистратура босқичида таълим олаётган талаба-қизларнинг контракт пуллари ҳам давлат томонидан тўлаб берилади.

Эндиликда ҳар йили хотин-қизларнинг инновацион ғояларини қўллаб-қувватлаш учун камида 10 та йўналиш бўйича стартап танловлари ўтказилади.

Бунда ҳар бир йўналиш ғолибига Инновация жамғармасидан 500 миллион сўмгача грант берилади.

Мактабнинг 11-синфини битириб, давлат техникумларига кирган қизларни касбга ўқитиш тўлиқ давлат гранти асосида бўлади.

Telegram I Facebook I YouTube I Instagram

“Агар фуқароларимдан бирига зарар етса урушга қўшиламиз” — Ким Чен Ин АҚШ ва Исроилни огоҳлантирди

Шимолий Корея етакчиси Ким Чен Ин АҚШ ва Исроилни огоҳлантириб, агар Эрон ҳудудида бўлиб турган КХДР фуқаролари ҳарбий ҳаракатлар давомида жабр кўрса, Пхеньян урушга аралашиши мумкинлигини билдирди.

Унинг сўзларига кўра, ҳозир Эронда Шимолий Корея фуқаролари бор ва уларнинг хавфсизлиги Пхеньян учун принципиал масала ҳисобланади.

“Эронда бўлиб турган Шимолий Корея фуқаролари ватанга қайтарилмайди. Агар улардан ҳатто бирига зарар етса ҳам, биз иккиланмасдан урушга қўшиламиз”, — деди Ким Чен Ин.

Турли баҳолашларга кўра, айни пайтда Эрон ҳудудида 2 минг нафаргача Шимолий Корея фуқароси бўлиши мумкин.

Telegram I Facebook I YouTube I Instagram

“Make Iran Great Again” — Трамп

АҚШ президенти Дональд Трамп Эрон билан можаро якунланганидан сўнг бу мамлакатни буюк келажак кутаётганини билдирди.

“Эронни буюк келажак кутяпти”, — деб ёзди у Truth Social ижтимоий тармоғида.

Трамп шунингдек ўз маъмурияти шиори — Make America Great Again (“Американи яна буюк қиламиз”)га ўхшатиб, янги иборани ҳам қўллади: Make Iran Great Again (“Эронни яна буюк қиламиз”).

Telegram I Facebook I YouTube I Instagram

Наманганда аёл жазмани билан эрини ўлдириш учун “киллер” ёллади

Наманган вилояти Давлатобод туманида одам ўлдириш билан боғлиқ жиноятнинг олди олинди.

Вилоят ИИБ тезкор ходимлари томонидан олиб борилган профилактик тадбирлар давомида жорий йилнинг 4 март куни Давлатобод туманида яшовчи аёл ўзининг жазмани билан олдиндан тил бириктириб турмуш ўртоғини нотаниш шахс орқали 6000 доллар эвазига ўлдиришни режалаштиргани тўғрисида маълумот келиб тушган.

Шундан сўнг, вилоят ИИБ, ДХХ ва вилоят прокуратураси ходимлари билан ҳамкорликда тезкор тадбир ташкил қилинган.

Маълум қилинишича, буюртмачилар “киллер” билан суҳбатлашиб ўлдирилиши керак бўлган эркак “Cobalt” машинасида кўпинча ўзи юришини айтиб, уни Наманган-Андижон йўлидаги овлоқ жойда ўлдириб, машинасини ёқиб юборишни буюришган ва буни эвазига 6000 доллар беришни ваъда қилишган.

Шундан кейин, тадбир иштирокчилари томонидан ўлим саҳнаси ташкил қилинган ва “киллер” аёл ва унинг жазманига буюртма муваффақиятли бажарилгани тўғрисида видео ташлаган.

Буюртмачилар келишилган суммадан 5500 долларини шартли қотилга бераётган вақтларида ашёвий далиллар билан ҳибсга олинган.

Ҳозирда уларга нисбатан ЖКнинг 97 моддаси 2 қисми жиноят иши қўзғатилиб, гумонланувчилар ЖПКнинг 221 моддасига асосан ушланганлар. Ҳозирда дастлабки тергов ишлари олиб борилмоқда.

Telegram I Facebook I YouTube I Instagram

⚡️Коррупцияга стоп: Вазирлик ходими, судья ва бозор раҳбарлари ушланди...

Ўзбекистонда ўтказилган тезкор тадбирларда бир қатор мансабдор шахсларнинг коррупциявий ҳаракатларига чек қўйилди.

🔹 Олий таълим, фан ва инновациялар вазирлигининг лицензиялаш бўлими ходими нодавлат университет филиали учун лицензия олиб бериш эвазига 100 минг АҚШ доллари олган вақтида қўлга олинди.

🔹 Самарқанд вилояти Пастдарғом туман суди судьяси эса фуқаролик ишини ижобий ҳал қилиб бериш эвазига 300 доллар пора олган вақтида ушланди.

🔹 Шунингдек, Қарши ва Бухоро шаҳарларида бозор раҳбарлари савдо жойларини ноқонуний ажратиш эвазига ўн минглаб доллар талаб қилиб, пул олган вақтларида қўлга олинган.

Барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Ҳурматли фуқаролар кундалик ҳаётда шу каби қонунбузилиш ҳолатларга дуч келсангиз Давлат хавфсизлик хизматининг 1520 қисқа рақамига қўнғироқ қилиб, хабар беринг. Шахсингиз сир сақланиши кафолатланади.

👉 https://youtu.be/0byokKDx3n4

“Enter Engineering” бўйича текширув: 12 мингдан ортиқ ходимга иш ҳақи ундирилди

Ижтимоий тармоқларда “Enter Engineering Pte. Ltd.” компанияси ишчиларига ойлик маош берилмаётгани ҳақида тарқалган хабарлар юзасидан Камбағалликни қисқартириш ва бандлик вазирлиги муносабат билдирди.

👉 https://effect.uz/n/53

Telegram I Facebook I YouTube I Instagram

⚡️Ер ҳам йўқ, пул ҳам: Қуриш тақиқланган ерда «дом» қандай пайдо бўлди?

Effect.uz таҳририятига келиб тушган навбатдаги мурожаат оддий молиявий низо эмас. Бу — ер, ҳужжатлар, масъулияти чекланган жамиятлар, давлат идоралари ва турли қарорлар билан боғлиқ мураккаб ҳуқуқий жараён.

Мурожаат муаллифи Омон Агзамовнинг айтишича, 2021 йилда унга Тошкент туманида жойлашган 1,05 гектар ер майдони улуш асосида таклиф қилинган. Ушбу ерда фаолият юритаётган фермер хўжалиги масъулияти чекланган жамиятга айлантирилиши, у эса жамият улушдори сифатида мулкка эгалик қилиши ваъда қилинган. Шу асосда Агзамов 535 минг АҚШ доллари маблағини ишониб топширган, ва якунда...

👉 Мақола

👉 Видеорепортаж

Тошкентда тадбиркорлар фаолиятига қаршилик кўрсатилмоқда: Бизнес-омбудсман текширув бошлади

Ижтимоий тармоқларда Тошкент шаҳрида зарядлаш станциялари тармоқдан узилаётгани ва бекатларда жойлашган тадбиркорлар фаолиятига тўсқинлик қилинаётгани ҳақида тарқалган хабарлар юзасидан Бизнес-омбудсман муносабат билдирди.

👉 https://effect.uz/n/54

Журналистлар уюшмасига раис тайинланди

Шуҳратжон Орипов Ўзбекистон Журналистлар уюшмаси раиси вазифасини бажарувчи этиб тайинланди. Бу қарор уюшма Бошқарувининг йиғилишида қабул қилинган.

Маълумот ўрнида, Шуҳрат Орипов меҳнат фаолиятини 1999 йилда журналист сифатида бошлаган. У турли газеталарда фаолият юритган.
Кейинчалик Республика Маънавият ва маърифат маркази ҳамда сиёсий партия — ЎзЛиДеП тизимида ахборот сиёсати ва матбуот хизмати йўналишларида ишлаган.

Маълум қилинишича, у журналистика ва ахборот соҳасида қарийб 27 йиллик тажрибага эга. Ориповнинг охирги иш жойи «Бизнесни ривожлантириш банки» бўлди.

Telegram I Facebook I YouTube I Instagram

Тошкент вилоятида дайди итлар галаси 8 ёшли болани ғажиб ташлади

Тошкент вилояти Ангрен шаҳрида 8 ёшли бола дайди итлар галаси ғажиб ташлаши натижасида ҳалок бўлди.

Маълум қилинишича, марҳум бола Ангрен шаҳрининг “Истиқлол” маҳалласида онаси билан вақтинча ижарада яшаётган бўлган, унинг отаси эса Россияда ишлайди.

Боланинг қўшнисини айтишича, у мактабдан қайтиб турган вақтида дайди итлар галаси ҳужумига учраган ва ўша заҳотиёқ жони узулган.

Ўғлини мактабдан кеч қолиб кетгани учун кўчага излагани чиққан аёл, уни жонсиз ҳолатда топган.

“Бир неча йилдан бери ушбу муаммонинг ичидамиз. Бу дайди итлар бизларга ҳам ҳамла қилади. “Биров ўлмагунча, биров кулмайди” дегани тўғрида, мана биров ўлди...”, - дейди аёл.

“Истиқлол” маҳалла фуқаролар раиси Ҳилола Умарова мазкур ҳолат туман ҳокимлиги ва ички ишлар томонидан назоратга олинганини айтди.

Telegram I Facebook I YouTube I Instagram

Нақд пулми ёки пластик карта?

Марказий банк ҳамда “Туронбанк” АТБ аҳолининг тўлов воситалари бўйича фикрларини ўрганиш мақсадида сўровнома ўтказди.

Сўров орқали фуқаролар кундалик тўловларда нақд пул ёки пластик карталардан қайси бирини кўпроқ афзал кўриши ҳақидаги фикрлар таҳлил қилинмоқда.

Тадқиқот аҳолининг тўлов маданияти ва тўлов воситаларидан фойдаланиш одатларини ўрганишга қаратилган.

Сиз учун қайси бири қулай — нақд пулми ёки пластик карта?

Telegram I Facebook I YouTube I Instagram

⚡️“UCHTEPA CITY” можароси: харидорларга ваъда қилинган "ҳаво"даги уйлар...

Effect.uz таҳририятига Тошкент шаҳри Учтепа тумани Боғобод маҳалласидан навбатдаги мурожаат келиб тушди.

Маълум қилинишича, ҳудудда қурилиши режалаштирилган “UCHTEPA CITY” турар-жой мажмуаси атрофида баҳсли ҳолатлар юзага келган. Дастлаб 5 қаватли уй сифатида режалаштирилган лойиҳа айрим харидорларга 16 қаватли уй сифатида сотилгани айтилади.

Маҳалла аҳолиси норозилиги ва бошқа омиллар сабаб лойиҳа амалга ошмаган. Айни пайтда ҳудудда фақат қурилиш катлавани қазилган ҳолатда қолган.

Лойиҳани амалга оширувчи “Great Vertex” МЧЖ вакилларига нисбатан Жиноят кодексининг 168-моддаси (фирибгарлик) билан жиноят иши қўзғатилган. Компаниянинг сотув офислари тергов органлари томонидан муҳрланган. Иш доирасида 500 нафарга яқин фуқаро жабрланган, келтирилган зарар эса 70 млрд атрофида эканлиги айтилмоқда.

Effect.uz мазкур ҳолат юзасидан яқин кунларда кенг қамровли журналистик репортаж эълон қилишини маълум қилади.

👉 https://youtu.be/SEDrNef9TRU

“Охиригача бораман, тўхтамайман!” — Омон Агзамов прокурор ва тергов бошқармасининг қарорларидан норози

Effect.uz таҳририятига фуқаро Омон Агзамов мурожаат йўллаган эди. У ўз мурожаатида айрим ҳуқуқий қарорлар ва текширув жараёнларидан норози эканини билдирган.

Агзамовнинг таъкидлашича, у бир неча бор тегишли давлат органларига мурожаат қилганига қарамай, айрим ҳолатлар бўйича қабул қилинган қарорлар уни қониқтирмаган. Хусусан, 2 март куни шаҳар прокурори 1-ўринбосари имзоси билан юборилган хатда иш ЖПКнинг 83-моддаси билан тугатилгани қайд этилган, фуқаро эса айнан ушбу қарордан кескин норози.

Шунингдек, Агзамов Тошкент шаҳар прокуратурасининг Инсон ҳуқуқлари бўйича вакили (Омбудсман) Ф.Эшматовага йўллаган ахборотида ноаниқликлар борлигини таъкидламоқда. Шу боис у масала юзасидан юқори инстанцияларга мурожаат қилишини билдирмоқда.

Агзамов ўз сўзларида: “Охиригача бораман, тўхтамайман”, дея таъкидлаб, иш бўйича холис текширув ўтказилишини талаб қилган.

Effect.uz таҳририяти мазкур масала юзасидан масъул идоралар позициясини ҳам ўрганиб, қўшимча маълумотларни эълон қилишини маълум қилади.

👉 https://youtu.be/JJwy74jwi8M

Тошкентда ҳокимликнинг икки ходими пора билан ушланди

Яшнобод тумани ҳокимлигида ишловчи мансабдор шахсларга нисбатан жиноят иши қўзғатилди. Маълум қилинишича, Давлат хавфсизлик хизматининг Тошкент шаҳар бўйича бошқармаси ходимлари Бош прокуратура ҳузуридаги Департамент билан ҳамкорликда тезкор тадбир ўтказган.

Тадбир давомида Яшнобод тумани ҳокимининг тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича маҳалла фуқаролар йиғинидаги ёрдамчиси 5 минг АҚШ долларини олган вақтида ашёвий далиллар билан ушланган.

Telegram I Facebook I YouTube I Instagram

BMW уриб кетган Йўл Патрул Хизмати ходими иши: авария тасвирлари пайдо бўлди

25-февраль куни пойтахтнинг Нукус кўчасида вояга етмаган Дониёр Тургунов бошқарувидаги BMW M4 автоматлида ЙПХ ходимини уриб кетган. Оқибатда олган тан жароҳатлари сабаб кичик сержант Ҳосилбек Эшназаров шифохонада вафот этган.

Ҳолат юзасидан автотранспорт воситасини олиб қочиш ҳамда одам ўлимига сабаб бўлган қасддан оғир тан жароҳати етказиш моддалари билан жиноят иши қўзғатилган ва Дониёр Тургунов эҳтиёт чораси сифатида қамоққа олинган.

Telegram I Facebook I YouTube I Instagram