Мактaб спорт зали қурилишида қоидабузарликлар аниқланди

Самарқанд вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан ҳудудларда амалга оширилаётган қурилиш ишлари устидан тизимли назорат тадбирлари олиб борилмоқда.

Навбатдаги ўрганишлар доирасида Пастдарғом тумани "Каттанайман" маҳалласида жойлашган мактaб ҳудудида барпо этилаётган спорт зали қурилиши атрофлича кўздан кечирилди.

Назорат давомида бинодаги темир-бетон устунлар тасдиқланган лойиҳага мувофиқ эмаслиги аниқланди. Мазкур қоидабузарлик жойида бартараф этилди, лойиҳа талаблари асосида бажарилмаган қисмлар буздирилди ва лойиҳа талабларига мувофиқ қайта бажарилиши белгиланди.

Шунингдек, объектда меҳнатни муҳофаза қилиш талабларига тўлиқ амал қилинмагани — ишчилар махсус кийим-бош ва бошқа ҳимоя воситалари билан таъминланмагани, қурилиш материалларини сақлаш қоидаларига риоя қилинмагани ҳам аниқланди.

Telegram I Facebook I YouTube I Instagram

Хоманаий ўлимидан олдин Яқин Шарқда кескинликни кучайтириш режасини тайёрлаган — FT

Эроннинг олий раҳбари бўлган Оятолллоҳ Али Хоманаий ўлимидан олдин АҚШ ва Исроилга босим ўтказишга қаратилган махсус режа тайёрлаган. Бу ҳақда Financial Times нашри Эрон ҳукуматидаги манбаларига таяниб хабар берди.

Нашр маълумотига кўра, мазкур режа Яқин Шарқда кескинликни кучайтириш, жаҳон бозорларида беқарорлик юзага келтириш ва шу орқали АҚШ ҳамда Исроилга босим ўтказишни назарда тутади.

Манбаларнинг айтишича, режа доирасида энергетика инфратузилмасига ҳужумлар уюштириш, шунингдек минтақадаги ҳаво қатновига таъсир кўрсатиши мумкин бўлган объектларни нишонга олиш кўзда тутилган.

Financial Times ёзишича, Хоманаий ушбу режани ўтган йил июнь ойида АҚШ томонидан амалга оширилган ҳужумлардан кейин ишлаб чиқишни бошлаган.

86 ёшли Али Хоманаий АҚШ ва Исроил томонидан ўлдирилиши мумкинлигини тахмин қилган ва шу сабабли Теҳрондаги қароргоҳини тарк этмаган.

Нашрнинг қайд этишича, Хоманаий ва бир қатор юқори лавозимли ҳарбийлар ҳалок бўлганига қарамай, мазкур режа амалга оширилмоқда.

Хоманаий вафотидан кейин тузилган уч кишилик вақтинчалик кенгаш аъзоларидан бири — Алиризо Арофий 2 март куни мурожаатида “бу уруш режа асосида кетмоқда” дея таъкидлаган.

Эрон сўнгги кунларда Форс кўрфази ҳудудидаги энергетика объектларига ҳужумларни кучайтирган.

Жумладан, Қатардаги йирик газ мажмуасига дронлар орқали зарба берилгани айтилмоқда. Бу эса дунёдаги йирик суюлтирилган табиий газ экспортчилари қаторидаги Қатарда газ етказиб беришни вақтинча тўхтатишга олиб келган.

Ормуз бўғозида кемалар ҳаракатининг амалда тўхташи нефть ва газ нархларининг кескин ошишига сабаб бўлган. Бу бўғоз орқали жаҳон энергетика таъминотининг тахминан бешдан бир қисми ўтади.

Шунингдек, Эрон дронлари БАА, Қувайт, Ироқ, Уммон ва Баҳрайндаги айрим меҳмонхоналар, аэропортлар ва портларга ҳам ҳужум қилгани маълум қилинган.

Бундан ташқари, минтақадаги АҚШ ҳарбий базалари ҳам ракета ва дронлар билан нишонга олинган.
Эрон расмийларига кўра, бу ҳаракатлар мамлакат учун тирик қолиш кураши сифатида баҳоланмоқда.

Telegram I Facebook I YouTube I Instagram

“80 кунда укамни топдик ёлғонларга ишонманг” –Марҳумнинг акаси

Марҳум Бердиёр Умматқуловнинг акаси укасининг жасади топилганини маълум қилди. У барча қутқарувчиларга ва дуо қилган инсонларга миннатдорлик билдирди.

Эслатиб ўтамиз, Бекобод туманида 11 декабрь куни 43 ёшли фуқаро Бердиёр Умматқулов йўл-транспорт ҳодисаси оқибатида ҳалок бўлган эди. Дастлабки маълумотларга кўра, туман ИИБнинг катта тезкор вакили маст ҳолатда Nexia русумли автомашинада уни уриб юборган эди.

Telegram I Facebook I YouTube I Instagram

Одилжон Тожиев Миллий медиа бирлашмаси бошқаруви раиси лавозимига сайланди

Одилжон Фотиҳжон ўғли Тожиев Ўзбекистон Миллий медиа бирлашмаси бошқаруви раиси лавозимига сайланди.

Одилжон Тожиев давлат бошқаруви тизимида турли масъул лавозимларда фаолият юритган.

Жумладан, у Тошкент вилояти ҳокими ўринбосари, Олий Мажлис Қонунчилик палатаси депутати, Қонунчилик палатаси Спикерининг рақамли ривожланиш ва ахборот сиёсати масалалари бўйича ўринбосари сифатида кўп йиллар самарали иш олиб борган.

У жамоатчилик билан фаол ишлайдиган, ОАВ соҳасидаги қонунчиликни чуқур биладиган, ахборот сиёсати ва рақамли ривожланиш йўналишларида катта тажрибага эга мутахассис сифатида танилган.

Шунингдек, Тожиев замонавий медиа майдонда очиқ мулоқот маданиятини ривожлантириш, медиа соҳасини такомиллаштириш масалаларига алоҳида эътибор қаратиб келган.

Telegram I Facebook I YouTube I Instagram

Алиев Эронга қарши жавоб қайтариш бўйича топшириқ берди

Озербайжон президенти Илҳом Алиев республика Қуролли Кучларига Нахичеван автоном республикаси ҳудудига Эрон томонидан қилинган ҳужумдан сўнг қатъий жавоб чораларини кўришни топширди.

“Биз бундай асоссиз террорчилик ҳаракатлари ва агрессияни ёқлай олмаймиз.

Қуролли кучларимизга жавоб чораларини тайёрлаш ва уни амалга ошириш топширилди”, — деди Алиев республика хавфсизлик кенгаши йиғилишида.

Эслатиб ўтамиз, бугун Эрон ҳудудидан Нахичеванга дронлар ҳужум қилиб, тўрт киши жабр кўрган эди.

Telegram I Facebook I YouTube I Instagram

Ўзбекистоннинг Исроилдаги элчихонаси ҳибсга олинган ўзбек мигранти юзасидан баёнот берди

Ўзбекистоннинг Исроилдаги элчихонаси ҳибсга олинган Н.Х юзасидан баёнот берди.

Элчихонанинг маълум қилишича, жорий йилнинг 28 февраль куни Ўзбекистон фуқароси Н.Х. ракета ҳужуми пайтида ижтимоий тармоққа видео жойлаштирган.

Видеодаги ножоиз сўзлар Исроил ижтимоий тармоқларида тарқалиб, норозиликка сабаб бўлган.

Элчихона консуллик бўлими фуқаро билан боғланиб, тушунтириш ишлари олиб борган. Ҳозирда у хавфсиз шароитда, ҳолат элчихона назоратида.

Элчихона Исроилдаги ўзбекистонликлардан маҳаллий қонунларга риоя қилиш ва хавфсизлик қоидаларига амал қилишни тавсия берди.

Telegram I Facebook I YouTube I Instagram

“Табиатга 1,5 млрд сўмга яқин зарар етказилди” — Тошкент вилоятида фермер 100 дан ошиқ дарахтларни кесиб юборди

Тошкент вилояти Экология ва иқлим ўзгариши бош бошқармаси давлат инспекторлари томонидан Оҳангарон туманида навбатдаги рейд ўтказилди. Экология ва иқлим ўзгариши миллий қўмитаси хабар берди.

Рейд давомида туманнинг “Қорасувёқа” МФЙ ҳудудида “Ф.А.Б.” фермер хўжалиги томонидан 11,5 гектар ер майдонида 100 дан ошиқ кўп йиллик манзарали дарахтлар ва буталар ғайриқонуний тарзда кесилганлиги ва илдиз қисми билан қўпориб кўмиб ташланганлиги маълум бўлди.

Ўрганиш давомида 59 туп дарахтнинг илдиз қисми аниқланган ва тегишли тартибда ҳудудга илдиз қисмлари йўқ қилиб юборилмаслиги учун фаоллар жалб қилиниб, навбатчилик ишлари ташкил қилинган.

Ҳуқуқбузарлик натижасида Вазирлар Маҳкамасининг 2022 йил 22 августдаги 464-сонли қарорига кўра, табиатга 1 миллиард 463 миллион 12 минг сўм зарар етказилган.

“Давлат ўрмон фондига кирмайдиган дарахтлар ва буталар қимматбаҳо навларининг кесилишига мораторий даврида дарахтлар ва буталарга етказилган зарар миқдори икки бараварга оширилади.

Ҳолатга ҳуқуқий баҳо бериш учун тўпланган ҳужжатлар ҳуқуқни муҳоза қилиш органларига юборилмоқда”, - дейилади хабарда.

Telegram I Facebook I YouTube I Instagram

⚡️Жинсий жиноятларга қарши жиддий чоралар: Ўзбекистон кескин бурилиш остонасида

👉 https://youtu.be/XgMI0HPLd_k

Шофирконга янги ҳоким тайинланди

4 март куни Мўмин Омонов Бухоро вилоятининг Шофиркон тумани ҳокими этиб тайинланди. Бу ҳақда вилоят ҳокимлиги матбуот хизмати хабар берди.

Маълум қилинишича, халқ депутатлари Шофиркон тумани Кенгашининг навбатдан ташқари сессиясида вилоят ҳокими Ботир Зарипов қарори ўқиб эшиттирилиб, депутатлар томонидан тасдиқланган.

Telegram I Facebook I YouTube I Instagram

⚡️«Нарпай Замин Савдо» атрофидаги можаро: улушлар, судлар ва очиқ қолган саволлар...

Самарқанд вилояти Нарпай туманида фаолият юритган «Нарпай Замин Савдо» МЧЖ атрофидаги тортишув йиллар давомида турли идоралар, суд инстанциялари ва ҳуқуқни муҳофаза қилувчи органлар иштирокидаги кўп қатламли можарога айланиб кетди.

Жамият улушлари тақсимоти, таъсисчилар таркиби, директор лавозими ва жиноят ишлари билан боғлиқ воқеалар бугунга қадар қатор саволларни кун тартибида қолдирмоқда. Effect.uz масала юзасидан журналистик суриштирувларни давом эттиради.

👉 Мақолани ўқиш

👉 Видеорепортаж

Сирли қурилиш: Қурилиш тақиқланган ерда «дом» қандай пайдо бўлди?

Effect.uz таҳририятига келиб тушган навбатдаги мурожаат оддий молиявий низо эмас. Бу — ер, ҳужжатлар, масъулияти чекланган жамиятлар, давлат идоралари ва турли қарорлар билан боғлиқ мураккаб ҳуқуқий жараён.

Мурожаат муаллифи Омон Агзамовнинг айтишича, 2021 йилда унга Тошкент туманида жойлашган 1,05 гектар ер майдони улуш асосида таклиф қилинган. Ушбу ерда фаолият юритаётган фермер хўжалиги масъулияти чекланган жамиятга айлантирилиши, у эса жамият улушдори сифатида мулкка эгалик қилиши ваъда қилинган. Шу асосда Агзамов 535 минг АҚШ доллари маблағини ишониб топширган, ва якунда...

Орадан беш йил ўтиб ҳам:

ер майдони расман берилмаган,

улушдорлик расмийлаштирилмаган,

топширилган пул тақдири ҳам ноаниқ, тергов ёпиш билан овора...

Қуриш мумкин эмас деган ерда уй қандай пайдо бўлди?

Мурожаатчи бир неча бор давлат идораларига мурожаат қилган. Расмий жавобларда эса ушбу ер Президент фармонига кўра суғориладиган қишлоқ хўжалиги ери экани, шу сабабли унда қурилиш ишларини амалга ошириш мумкин эмаслиги айтилган. Бу ҳолат ҳатто Олий суд қарорларида ҳам тасдиқлангани маълум қилинган.

Бу ерда энг катта савол айнан шу нуқтада пайдо бўлади.

Чунки бугун ушбу ҳудудда кўп қаватли турар-жой биноси қад кўтариб тургани айтилмоқда.

Шунда табиий савол туғилади:

Агар бу ерда қурилиш мумкин бўлмаган бўлса, у ҳолда кўп қаватли уй қандай қурилди?

Ёпилган ишлар ва жавобсиз қолган саволлар

Мурожаатчи айтишича, у бир неча бор:

ички ишлар органларига, прокуратурага, бошқа тегишли идораларга мурожаат қилган. Унинг таъкидлашича, айрим ҳолатларда ишлар турли моддалар асосида тўхтатилган.

👉 Мақола

👉 Видеорепортаж

535 минг долларли можаро: Effect.uz Тошкент туманидаги қурилиш юзасидан расмий идоралардан изоҳ сўради

Тошкент туманидаги ер майдони билан боғлиқ можаро юзасидан Effect.uz таҳририяти расмий идораларга мурожаат қилди. Масала фақат 535 минг АҚШ доллари ҳақида эмас, балки ер муносабатлари, давлат қарорлари ва назорат тизими қандай ишлаётгани билан ҳам боғлиқ экани таъкидланмоқда.

Мурожаатда қайд этилишича, ушбу ер майдонида қурилиш ишларини амалга ошириш мумкин эмаслиги ҳақида расмий жавоблар берилган. Бироқ ҳозирда мазкур ҳудудда турар-жой қурилиши амалга оширилгани айтилмоқда. Шу боис жамоатчилик бу ҳолат юзасидан расмий тушунтириш берилишини кутмоқда.

Масалага аниқлик киритиш мақсадида Effect.uz таҳририяти қуйидаги идоралардан расмий муносабат билдиришларини сўради:

— Тошкент тумани ҳокимлиги
— Кадастр органлари
— Қурилиш ва уй-жой коммунал хўжалиги соҳаси мутасаддилари
— Прокуратура органлари

Жумладан, қуйидаги саволлар юзасидан изоҳ берилиши сўралмоқда:

Ер майдонининг ҳозирги ҳуқуқий мақоми қандай?

Қурилиш ишлари қайси қарор ва ҳужжатлар асосида амалга оширилган?

Мурожаатчининг 535 минг АҚШ доллари бўйича даъвоси қай тартибда кўриб чиқилган?

Effect.uz ушбу масала бўйича тегишли идораларнинг расмий муносабатини кутиб қолади.

👉 Мақола

👉 Видеорепортаж

«DNA MOTORS» иши бўйича тергов якунланди: Яна бир собиқ мансабдор қамоққа олинган, Саидназирханованинг «зами» қидирилмоқда

Халқ депутатлари Янгиҳаёт туман кенгашининг собиқ депутати Наргис Саидназирханова ҳамда “Адолат” СДП марказий аппаратининг собиқ бошқарма бошлиғи Фазлитдин Зияевга нисбатан фирибгарлик моддаси билан айб эълон қилинган.

Тергов маълумотларига кўра, улар “DNA Motors” МЧЖ фаолияти билан боғлиқ ҳолатлар юзасидан жиноят иши доирасида жавобгарликка тортилмоқда. Жамият раҳбари ўринбосари Жамолиддин Мирсалихов катта эҳтимол билан Ўзбекистонни тарк этган.

👉 https://effect.uz/n/51

Telegram I Facebook I YouTube I Instagram

Олий таълим вазирлиги ходими 100 минг доллар пора олган вақтида ушланди

Олий таълим, фан ва инновациялар вазирлигининг Таълим ташкилотларини лицензиялаш бўлими етакчи мутахассиси қинғир ишга қўл урди.

У Қарши шаҳрида фаолият юритувчи нуфузли нодавлат олий таълим муассасасининг Сурхондарё вилоятида филиалини очиш бўйича вазирлик томонидан лицензия бериш масаласини қисқа муддатда ижобий ҳал қилиб бериш эвазига мазкур университетнинг мансабдор шахсидан 100 минг АҚШ доллари талаб қилган.

Давлат хавфсизлик хизматининг Қашқадарё вилояти бўйича бошқармаси ходимлари томонидан Тошкент шаҳрида ўтказилган тезкор тадбирда, вазирликнинг етакчи мутахассиси сўралган пул маблағини олган вақтида ашёвий далиллар билан ушланган.

Ҳолат юзасидан ДХХ Тергов бошқармаси томонидан мазкур шахсга нисбатан ЖКнинг 168-моддаси (фирибгарлик) 4-қисми “а” банди билан жиноят иши қўзғатилиб, “қамоқ” эҳтиёт чораси қўлланилган. Ҳозирда тергов ҳаракатлари олиб борилмоқда.

Telegram I Facebook I YouTube I Instagram

Суғоришда сув йўқотишлари камайтирилади — Президент қарори

“Суғоришда сув йўқотишларини камайтириш ва сув танқислигининг олдини олиш бўйича қўшимча чора-тадбирлар тўғрисида”ги Президент қарори (ПҚ–79-сон) қабул қилинди.

Қарорга кўра, қуйидагилар мазкур қарорни қабул қилишдан кўзланган асосий мақсадли кўрсаткичлар этиб белгиланди:

🔹 Сув хўжалиги вазирлиги тизимидаги сув йўқотилиши юқори бўлган 389 км каналларни реконструкция қилиш ва бетонлаштириш.

Бунда:

▪️ йилига ўртача 206 млн метр куб сув ресурсларини ҳамда 26 млн киловатт соат электр энергиясини иқтисод қилиш;

▪️ суғориладиган 158,4 минг гектар ерларнинг сув таъминотини яхшилаш;

🔹 сув танқислиги шароитида сув ресурсларидан оқилона фойдаланиш чораларини кўриш.

Суғориш тармоқларини таъмирлаш (бетонлаштириш) ишлари биринчи навбатда, “бир канал – бир тизим” тамойили асосида аввал бетонлаштирилган ёки бетонлаштириш бошланган каналлардан сув олувчи тармоқларда амалга оширилиши таъминланади.

Telegram I Facebook I YouTube I Instagram