Наманганда суд фермернинг ерини аукционга чиқариш тўғрисидаги қарорни бекор қилди

Наманган вилояти Янгиқўрғон туманидаги “Бекзодбек Шахзод Шерзодбек” фермер хўжалиги ер майдонини электрон аукционга чиқариш билан боғлиқ қарор суд томонидан бекор қилинди. Бу ҳақда Фермерлар кенгаши Effect.uz'га хабар бермоқда.

Маълум бўлишича, фермер хўжалигининг солиқ қарздорлиги сабабли Мажбурий ижро бюроси томонидан ер майдонини онлайн-аукционга чиқариш тўғрисида қарор қабул қилинган. Бироқ мазкур қарор фермер хўжалигига юборилмаган ва расман таништирилмаган.

Қонунчиликка кўра, ижро ишида иштирок этувчи шахслар давлат ижрочиси чиқарган қарорлар ва мажбурий ижро чоралари ҳақида албатта хабардор қилиниши шарт.

Кенгаш томонидан киритилган шикоят асосида иш Наманган туманлараро маъмурий судида кўриб чиқилиб, Мажбурий ижро бюроси ижрочисининг 2025 йил 10 ноябрдаги қарори ҳақиқий эмас деб топилган. Натижада фермер хўжалигининг ер майдони унинг ихтиёрида қолдирилган.

Telegram I Facebook I YouTube I Instagram

Тахиатош туманига ҳоким тайинланди

Жорий йилнинг 4 март куни халқ депутатлари Тахиатош туман Кенгашининг навбатдан ташқари 21-сессияси бўлиб ўтди.

Унда Қорақалпоғистон Республикаси Жўқорғи Кенгесининг Раиси Аманбай Оринбаев иштирок этди ва сўзга чиқди.

Сессияда Тахиатош тумани ҳокими лавозимига Сдиков Исламбек Муратбаевични тайинлаш масаласи кўриб чиқилди. Сессия якунига кўра, Сдиков Исламбек Муратбаевич Тахиатош тумани ҳокими этиб тайинланди.

У бугунги кунга қадар Қорақалпоғистон Республикаси Жўқорғи Кенгесининг Саноат қурилиш, транспорт ва ахборот технологиялари масалалари қўмитаси раиси лавозимида ишлаб келган.

Маълумот ўрнида, И.Сдиков фаолияти давомида Қорақалпоғистон Республикаси Вазирлар Кенгашининг Саноатни ривожлантириш, капитал қурилиш ва коммуникациялар масалалари бўйича котибият бошлиғи, Хўжайли тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодий тараққиёт ва камбағалликни қисқартириш бўлими бошлиғи лавозимларида фаолият олиб борган.

Telegram I Facebook I YouTube I Instagram

Бугун қандай об-ҳаво кузатилади?

“Узгидромет”га кўра, бугун кундузи билан ёмғир ёғади. Баъзи жойларга туман тушиши мумкин. Шамол 7-12 м/с тезликда эсади. Ҳарорат 5-10° илиқ бўлади.

Пойтахтда ёмғир ёғади. Шамол 3-8 м/с тезликда эсади. Ҳарорат 6-8° илиқ бўлади.

Тоғ олди ва тоғли ҳудудларда ёғингарчилик (ёмғир, қор), баъзи жойларда кучли бўлади. Туман тушиши мумкин.

Тоғли ҳудудларда қор кўчиши хавфи бор. Сел-сув тошқин ҳодисалари юзага келиши мумкин. Шамол 7-12 м/с тезликда эсади. Ҳарорат 1-6° илиқ бўлади.

Telegram I Facebook I YouTube I Instagram

“Қамчиқ” довонида қор ёғмоқда

“Тошкент-Оҳангарон-Ангрен-Қўқон-Шаҳрихон-Андижон” автомобиль йўлининг 80—142, 158—201 км лар оралиғида ёмғир, 142—158 км лар оралиғида қор ёғмоқда. Бу ҳақда Автомобил йўллари қўмитаси хабар берди.

Маълум қилинишича, йўллар туман, ҳаво ҳарорати 0 даража, йўлларда кўриш масофаси 400 метрни, намлик 90 фоизни ташкил этмоқда.

“Қор ёғиб турган пайтда довонда автотранспорт воситаларининг тўхтовсиз икки томонлама ҳаракатланишини таъминлаш мақсадида “Қамчиқавтойўл ИЙФК” ДМ томонидан йўл қопламасида сирпанчиқ бўлмаслиги учун туну-кун машина-механизмлар ёрдамида қум-туз аралашмаси сепиш ва йўлларни қордан тозалаш ишларини амалга оширишмоқда. Автотранспорт воситалари икки томонлама хавфсиз ҳаракатланмоқда”, - дейилади хабарда.

Telegram I Facebook I YouTube I Instagram

20 ёшли аёл молхонадан осилган ҳолда топилди.

Қирғизистоннинг Ноқат тумани Кўк-Бел қишлоғида 20 ёшли аёлнинг жасади молхонадан осилган ҳолда аниқланди. Ҳодиса юзасидан 20 февраль куни ички ишлар органларига хабар келиб тушган ва тергов бошланган.

Қариндошлари эса буни ўз жонига қасд қилиш деб ҳисобламай, марҳума турмуш ўртоғи томонидан мунтазам калтакланганини айтмоқда. Уларнинг сўзларига кўра, аёл ҳомиладор бўлган ва ўлимидан олдин онасига ёрдам сўраб хабар юборган.

Ҳозирда ҳолат бўйича тергов ҳаракатлари олиб борилмоқда.

Telegram I Facebook I YouTube I Instagram

Фарғонадаги мактабда она ва бола аёвсиз калтакланди

Фарғона вилояти Марғилон шаҳрида мактаб ҳудудида аёл ва унинг ўғлини калтаклаган эркакка нисбатан жиноят иши қўзғатилди.

Маълум қилинишича, 2 март куни фуқаро М.К. Истиқлол маҳалласидаги 25-мактабга 5-синфда ўқийдиган ўғлини кўргани борганида, фуқаро Ж.Х. унинг фарзандини ураётганини кўриб, ажратмоқчи бўлган. Бироқ у безориликни давом эттириб, она ва болага тан жароҳати етказган.

Ҳолат юзасидан Ж.Х.га нисбатан Жиноят кодексининг 277-моддаси (безорилик) билан жиноят иши қўзғатилиб, у ушланган.

Telegram I Facebook I YouTube I Instagram

Исроилда ўзбекистонлик мигрант ҳибсга олинди

Исроилда ракета огоҳлантириши пайтида олинган видео ижтимоий тармоқларда тарқалиб кетгач, ўзбекистонлик муҳожир полиция томонидан ҳибсга олинди.

Видеода у «Ҳеч ким қолмади, каламушлар қочиб кетди», деган гапларни айтган. Тасвирлар тарқалганидан сўнг бир исроиллик эркак уни кўчада таниб, полицияга хабар берган.

Полиция муҳожирни ишхонасидан олиб кетиб, сўроқ қилган. У эса сўзлари исроилликларга эмас, танишларига қаратилганини айтган. Ҳолат юзасидан тергов давом этмоқда.

Telegram I Facebook I YouTube I Instagram

Бугун метан “заправкалар” 16:00 гача ишлайди — Энергетика вазирлиги

Бугун, 5 март куни, Фарғона водийсидаги “метан заправка”лар соат 16:00 гача фаолият юритади.

Энергетика вазирлигининг маълум қилишича, газ босими пасайган вақтларда биринчи навбатда аҳоли, жамоат транспорти ва ижтимоий соҳадаги объектларни табиий газ билан таъминлаш устувор ҳисобланади.

Шу сабаб, газ босими ва истеъмол ҳажмидан келиб чиқиб, “метан заправка”ларнинг иш вақти маҳаллий ҳокимликлар билан келишилган ҳолда белгиланмоқда.

Бу чоралар вақтинчалик бўлиб, газ босимини меъёрга келтириш ишлари олиб борилмоқда.

Telegram I Facebook I YouTube I Instagram

Эрон Форс кўрфазидаги АҚШ танкерига ҳужум қилди

Эрон ҳарбийлари Форс кўрфазидаги америкалик танкерга зарба берди. Бу ҳақда Ислом инқилоби қўриқчилари корпуси (КСИР) хабар қилди.

IRIB давлат телерадиокомпанияси келтирган маълумотга кўра, танкер бугун эрталаб Форс кўрфазининг шимолий қисмида КСИРнинг ҳарбий-денгиз кучлари томонидан нишонга олинган.

Қайд этиш лозим, АҚШ ва Исроилнинг операцияси бошланганидан бери Эрон армияси уларнинг денгиздаги объектларига мунтазам ҳужумлар уюштирмоқда.
Кеча КСИР ҳарбий-денгиз кучлари Ҳинд океанида америкалик эсминецга зарба берганини ҳам маълум қилган.

Эрон расмийлари Ормуз бўғози улар назорати остида эканини таъкидлаб, АҚШ, Исроил ва Европа давлатларига тегишли савдо кемаларига бу ердан ўтишга рухсат берилмаслигини билдирган.

Ўз навбатида, АҚШ президенти Дональд Трамп Америка ҳарбий-денгиз кучлари танкерларни қўриқлаб бора бошлашини маълум қилди.

Шунингдек, у Форс кўрфазидаги барча денгиз савдосини суғурталаш бўйича топшириқ берган.

Telegram I Facebook I YouTube I Instagram

Ироқда тўлиқ блэкаут: бутун мамлакат электрсиз қолди

Ироқда барча ҳудудларда электр энергияси узилиб, бутун мамлакат бўйлаб блэкаут юз берди. Бу ҳақда мамлакат Энергетика вазирлиги маълум қилди.

Вазирликка кўра, электр узилишига узатиш тармоқларидаги йирик техник носозлик сабаб бўлган. Мутахассислар электр таъминотини тиклаш учун зудлик билан таъмирлаш ишларини бошлаган.

Маълумотларга кўра, электр таъминотини яқин соатлар ичида қайта тиклаш режалаштирилмоқда.

Telegram I Facebook I YouTube I Instagram

АҚШ ва Форс кўрфази давлатлари Эронга қарши Украина дрон-тутқичларидан фойдаланмоқчи

АҚШ ва Форс кўрфази давлатлари Эронга қарши олиб борилаётган “Эпик ғазаб” операциясида фойдаланиш учун Украина ишлаб чиқарган дрон-тутқичларни харид қилиш масаласини муҳокама қилмоқда. Бу ҳақда Financial Times нашри манбаларга таяниб хабар берди.

Нашрнинг ёзишича, Пентагон ҳамда Форс кўрфази давлатларидан бири Эрон дронлари ҳужумларини қайтариш мақсадида Украина саноати томонидан ишлаб чиқарилган дрон-тутқичларни сотиб олиш бўйича музокаралар олиб бормоқда.

Маълум қилинишича, 4 март куни Украина президенти Владимир Зеленский Яқин Шарқ давлатларига шундай дрон-тутқичларни таклиф қилган. Шу билан бирга, у дрон-тутқичлар эвазига Patriot зенит-ракета тизимларини беришни сўраган.

Telegram I Facebook I YouTube I Instagram

“Ҳеч ким Исроил учун урушмоқчи эмас!” — МакГиннис

АҚШ Конгрессидаги қўшма қўшинларнинг жанговар тайёргарлиги бўйича қуйи қўмита эшитувлари вақтида кескин воқеа юз берди.

Мажлис вақтида Шимолий Каролина штатидаги “Яшиллар” партиясидан Сенатга номзод, Денгиз пиёдалари корпуси ветерани Брайан МакГиннис ҳарбий кийимда мажлисга кирди.

У тўсатдан ҳарбийлар нутқини тўхтатиб, баланд овозда: “Ҳеч ким Исроил учун урушмоқчи эмас!” дея қичқирди.

Шунингдек, у Пентагон можаронинг ҳақиқий сабабларини яшираётганликда айблади.

Ижтимоий тармоқларда тарқалган видеоларда Капитолий полицияси уни қуршаб олиб, залдан чиқаришга урингани кўринади.

Шу пайт Монтана штатидан сенатор Тим Шихи ҳам полицияга ёрдамга келиб, МакГиннисни қўлини синдирган.

Натижада Брайан МакГиннисга тиббий ёрдам кўрсатилган.
Капитолий полицияси унга олти модда бўйича айблов қўйилганини тасдиқлади.

Улар орасида полиция ходимларига ҳужум қилиш ва ҳибсга қаршилик кўрсатиш каби айблар бор.

Тўқнашувда уч нафар полиция ходими ҳам жароҳат олган. Полиция вакили Конгресс бинолари ичида норозилик акциялари ўтказиш тақиқланганини, бунинг учун махсус жойлар ташқарида ажратилганини таъкидлади.

Telegram I Facebook I YouTube I Instagram

Мактaб спорт зали қурилишида қоидабузарликлар аниқланди

Самарқанд вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан ҳудудларда амалга оширилаётган қурилиш ишлари устидан тизимли назорат тадбирлари олиб борилмоқда.

Навбатдаги ўрганишлар доирасида Пастдарғом тумани "Каттанайман" маҳалласида жойлашган мактaб ҳудудида барпо этилаётган спорт зали қурилиши атрофлича кўздан кечирилди.

Назорат давомида бинодаги темир-бетон устунлар тасдиқланган лойиҳага мувофиқ эмаслиги аниқланди. Мазкур қоидабузарлик жойида бартараф этилди, лойиҳа талаблари асосида бажарилмаган қисмлар буздирилди ва лойиҳа талабларига мувофиқ қайта бажарилиши белгиланди.

Шунингдек, объектда меҳнатни муҳофаза қилиш талабларига тўлиқ амал қилинмагани — ишчилар махсус кийим-бош ва бошқа ҳимоя воситалари билан таъминланмагани, қурилиш материалларини сақлаш қоидаларига риоя қилинмагани ҳам аниқланди.

Telegram I Facebook I YouTube I Instagram

Хоманаий ўлимидан олдин Яқин Шарқда кескинликни кучайтириш режасини тайёрлаган — FT

Эроннинг олий раҳбари бўлган Оятолллоҳ Али Хоманаий ўлимидан олдин АҚШ ва Исроилга босим ўтказишга қаратилган махсус режа тайёрлаган. Бу ҳақда Financial Times нашри Эрон ҳукуматидаги манбаларига таяниб хабар берди.

Нашр маълумотига кўра, мазкур режа Яқин Шарқда кескинликни кучайтириш, жаҳон бозорларида беқарорлик юзага келтириш ва шу орқали АҚШ ҳамда Исроилга босим ўтказишни назарда тутади.

Манбаларнинг айтишича, режа доирасида энергетика инфратузилмасига ҳужумлар уюштириш, шунингдек минтақадаги ҳаво қатновига таъсир кўрсатиши мумкин бўлган объектларни нишонга олиш кўзда тутилган.

Financial Times ёзишича, Хоманаий ушбу режани ўтган йил июнь ойида АҚШ томонидан амалга оширилган ҳужумлардан кейин ишлаб чиқишни бошлаган.

86 ёшли Али Хоманаий АҚШ ва Исроил томонидан ўлдирилиши мумкинлигини тахмин қилган ва шу сабабли Теҳрондаги қароргоҳини тарк этмаган.

Нашрнинг қайд этишича, Хоманаий ва бир қатор юқори лавозимли ҳарбийлар ҳалок бўлганига қарамай, мазкур режа амалга оширилмоқда.

Хоманаий вафотидан кейин тузилган уч кишилик вақтинчалик кенгаш аъзоларидан бири — Алиризо Арофий 2 март куни мурожаатида “бу уруш режа асосида кетмоқда” дея таъкидлаган.

Эрон сўнгги кунларда Форс кўрфази ҳудудидаги энергетика объектларига ҳужумларни кучайтирган.

Жумладан, Қатардаги йирик газ мажмуасига дронлар орқали зарба берилгани айтилмоқда. Бу эса дунёдаги йирик суюлтирилган табиий газ экспортчилари қаторидаги Қатарда газ етказиб беришни вақтинча тўхтатишга олиб келган.

Ормуз бўғозида кемалар ҳаракатининг амалда тўхташи нефть ва газ нархларининг кескин ошишига сабаб бўлган. Бу бўғоз орқали жаҳон энергетика таъминотининг тахминан бешдан бир қисми ўтади.

Шунингдек, Эрон дронлари БАА, Қувайт, Ироқ, Уммон ва Баҳрайндаги айрим меҳмонхоналар, аэропортлар ва портларга ҳам ҳужум қилгани маълум қилинган.

Бундан ташқари, минтақадаги АҚШ ҳарбий базалари ҳам ракета ва дронлар билан нишонга олинган.
Эрон расмийларига кўра, бу ҳаракатлар мамлакат учун тирик қолиш кураши сифатида баҳоланмоқда.

Telegram I Facebook I YouTube I Instagram

“80 кунда укамни топдик ёлғонларга ишонманг” –Марҳумнинг акаси

Марҳум Бердиёр Умматқуловнинг акаси укасининг жасади топилганини маълум қилди. У барча қутқарувчиларга ва дуо қилган инсонларга миннатдорлик билдирди.

Эслатиб ўтамиз, Бекобод туманида 11 декабрь куни 43 ёшли фуқаро Бердиёр Умматқулов йўл-транспорт ҳодисаси оқибатида ҳалок бўлган эди. Дастлабки маълумотларга кўра, туман ИИБнинг катта тезкор вакили маст ҳолатда Nexia русумли автомашинада уни уриб юборган эди.

Telegram I Facebook I YouTube I Instagram