Президент марҳум кичик сержант Хосилбек Эшназаровни «Жасорат» медали билан мукофотлади

Президент Шавкат Мирзиёев марҳум кичик сержант Эшназаров Хосилбек Бекназар ўғлини «Жасорат» медали билан мукофотлаш тўғрисидаги фармонга имзо чекди.

Фармонда қайд этилишича, Ўзбекистон ички ишлар органларидаги фидокорона меҳнати, юртимизда жиноятчиликка қарши курашиш, жамоат хавфсизлиги ва халқимиз осойишталигини сақлаш, йўлларда ҳаракат хавфсизлигини таъминлаш, йўл-транспорт ҳодисаларининг олдини олиш, қоидабузарликлар профилактикасини самарали амалга ошириш борасидаги катта хизматлари, муқаддас қасамёдига содиқ қолган ҳолда ўз бурчини сидқидилдан ва юксак шараф билан адо этиб, мардлик ва фидойилик намунасини кўрсатгани, ёш авлодни Ватанга муҳаббат ва садоқат руҳида тарбиялашдаги фаол иштироки учун Тошкент шаҳар Ички ишлар бош бошқармасининг йўл ҳаракати хавфсизлиги бошқармаси йўл-патруль хизмати инспектори, марҳум кичик сержант Эшназаров Хосилбек Бекназар ўғли «Жасорат» медали билан мукофотланиши маълум қилинган.

Маълумот ўрнида, 25 февраль куни Тошкент кўчаларида тунги хизмат пайтида ЙПХ инспектори, кичик сержант Хосилбек Эшназаров хизмат вазифасини бажараётган вақтда “BMW” русумли автомашина томонидан уриб юборилди. Рулда — 10-синф ўқувчиси бўлган. Инспектор оғир тан жароҳатлари билан шифохонага ётқизилгач, уч кун ўтиб вафот этган.
Хосилбек Эшназаров 1993 йилда Қашқадарё вилояти Ғузор туманида туғилган. 2022 йилдан ички ишлар органларида хизмат қилган. Унинг ортидан қария ота-онаси, турмуш ўртоғи, икки нафар ўғил ва бир нафар қиз фарзанди қолди.

EFFECT.UZ марҳумнинг оила-аъзолари ва Ички ишлар вазирлигига чуқур ҳамдардлик билдиради.

👉 https://youtu.be/64wBHMl3y-s

Тошкент шаҳар ИИББнинг икки тезкор ходими пора олишда гумонланиб ушланди

Коррупцияга қарши курашиш доирасида Давлат хавфсизлик хизмати томонидан ўтказилган тезкор тадбирда Тошкент шаҳар ИИББнинг икки нафар тезкор ходимининг ноқонуний ҳаракатлари фош этилди.

Telegram I Facebook I YouTube I Instagram

Ўзбекистон мудофаа қобилиятини мустаҳкамлаш ҳамда ҳарбий хавфсизликни таъминлаш долзарб вазифа – Президент ҳузурида мудофаа қобилиятини мустаҳкамлаш масалалари кўриб чиқилди

3 март куни Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев ҳузурида мамлакат мудофаа салоҳиятини янада мустаҳкамлаш масалаларига бағишланган йиғилиш бўлиб ўтди. Йиғилишда жорий йил 13 январь куни ўтказилган Ўзбекистон Республикаси Хавфсизлик кенгаши кенгайтирилган йиғилишида белгиланган устувор вазифалар ижроси муҳокама қилинган.

Халқаро вазиятдаги кескинлик, геосиёсий рақобат ва янги таҳдидлар хавфи ортиб бораётгани қайд этилар экан, мамлакат мудофаа қобилиятини мустаҳкамлаш ҳамда ҳарбий хавфсизликни таъминлаш долзарб вазифа сифатида белгиланлиги айтилди.

Мудофаа вазири Шуҳрат Холмуҳаммедов Олий Бош Қўмондонга қўшинларнинг жанговар шайлигини ошириш, замонавий қурол-яроғ ва техника билан таъминлаш, ҳарбий-маъмурий секторлар инфратузилмасини ривожлантириш борасида амалга оширилаётган ишлар ҳақида ахборот берди.

Telegram I Facebook I YouTube I Instagram

Марҳум кичик сержант Хосилбек Эшназаров «Жасорат» медали билан мукофотлансин – Президент фармони

Президент Шавкат Мирзиёев марҳум кичик сержант Эшназаров Хосилбек Бекназар ўғлини «Жасорат» медали билан мукофотлаш тўғрисидаги фармонга имзо чекди.

Маълумот ўрнида, 25 февраль куни Тошкент кўчаларида тунги хизмат пайтида ЙПХ инспектори, кичик сержант Хосилбек Эшназаров хизмат вазифасини бажараётган вақтда “BMW” русумли автомашина томонидан уриб юборилди. Рулда — 10-синф ўқувчиси бўлган.

Инспектор оғир тан жароҳатлари билан шифохонага ётқизилгач, уч кун ўтиб вафот этган.
Хосилбек Эшназаров 1993 йилда Қашқадарё вилояти Ғузор туманида туғилган. 2022 йилдан ички ишлар органларида хизмат қилган.

Telegram I Facebook I YouTube I Instagram

Ўзбекистон ҳаво қатновларини вақтинча тўхтатди

Ўзбекистон Эрон, Исроил, Саудия Арабистони, БАА, Қатар ва Қувайт билан ҳаво қатновини вақтинча тўхтатмоқда. Қарор минтақадаги ҳарбий можаро ва хавфсизлик билан боғлиқ вазият кескинлашгани муносабати билан қабул қилинган. Йўловчиларга авиакомпаниялар орқали парвоз ҳолатини олдиндан текшириш ва расмий хабарларга амал қилиш тавсия этилди.

Telegram I Facebook I YouTube I Instagram

⚡️Хоразмча жумбоқ: 14 ёшли қизни ким зўрлаган?

Хазорасплик Ихтиёр Назаров ўғли Жуманазар Қурбонбоевга нисбатан чиқарилган 5 йиллик суд ҳукмини қайта кўриб чиқишни сўрамоқда.

2024 йилда йигит 3 йилга қамалган,
Апелляцияда айблов қайта квалификация қилиниб, жазо 5 йилга оширилган.

❗️ Эътиборлиси, иш материалларига кўра, 14 ёшли қиз тергов жараёнида Қурбонбоевни «зўрлаган» деб кўрсатма бермаган. Дастлабки баёнотларда бошқа шахслар (Трекерда қизни мажбуран олиб кетган йигитлар) тилга олинган. Кейинги кўрсатмаларда ҳам Қурбонбоев томонидан зўравонлик бўлмагани қайд этилган.

Адвокатнинг таъкидлашича, экспертиза хулосаларида ноаниқ ифодалар бор ва айбни шубҳасиз тасдиқловчи далиллар етарли эмас.

Олий суд раиси ўринбосари Алишер Усмонов ишни Олий судда кўриш учун «асос йўқ», деб жавоб берган. Бироқ жазо апелляцияда оғирлаштирилган ва айблов қайта квалификация қилинган шароитда ишни очиқ муҳокама қилиш орқали ҳуқуқий аниқликка ойдинлик киритиш мумкин эмасмиди? Нега Усмонов йигитга яна бир бор имкон бермади?

Ваҳоланки, зўрлангани айтилаётган қизнинг кўрсатмаси ёки бошқа далиллар Жуманазар Қурбонбоевни қамоқда ноҳақ ўтиришига сабабчи эмас.

Effect.uz мазкур ҳолат юзасидан расмий идораларга сўров юборган. Қўшимча маълумотлар олингани сари жамоатчиликка тақдим этилади.

Ўзбекистонда жинсий жиноятларга қарши жазолар кучайтирилмоқда

Ижтимоий тармоқларда жамоатчилик муҳокамасига сабаб бўлаётган қатор масалалар юзасидан қуйидаги таклифлар билдирилди:

шаҳвоний шилқимлик учун белгиланган 5 суткагача маъмурий қамоқ жазосини қатъийлаштириш;

педофилия ҳолатлари учун умрбод озодликдан маҳрум қилишгача бўлган жазони жорий этиш;

Ўзбекистон Республикаси Жиноят кодексининг 118 ва 119-моддалари бўйича вояга етмаганларга нисбатан жинсий жиноят содир этган маҳкумларни манзил-колонияларга ўтказмаслик;

айрим жинсий жиноятлар бўйича тергов ваколатини ички ишлар органларидан прокуратурага ўтказиш;

шаҳвоний шилқимликка оид маъмурий ишларда жиноят аломатлари мавжуд эмаслиги бўйича прокурор қарори олишни мажбурий тартибга айлантириш;

аёллар ва болаларга нисбатан зўравонлик ишларини махсус тайёргарликдан ўтган терговчи, адвокат ва судьялар кўриб чиқиши;

зўравонликдан жабрланган аёлларни ҳимоя қилиш мақсадида телефон қурилмаларига «SOS» иловасини ўрнатиш, чақирув тугмаси босилганда яқин ҳудуддаги ҳуқуқни муҳофаза қилувчи органлар ходимлари қисқа вақт ичида етиб келишини таъминлаш.

Мазкур таклифлар жамоатчилик хавфсизлигини кучайтириш, айниқса аёллар ва болаларни ҳимоя қилиш механизмларини мустаҳкамлашга қаратилган.

Telegram I Facebook I YouTube I Instagram

«Материаллар текширилмасдан, иш асоссиз қайтарилди» – Адвокат Олий суд раиси Алишер Усмоновга мурожаат йўллади

«Асосли ҳимоя» адвокатлик бюроси адвокати О.Машарипов Хазорасп туманида 14 ёшли қизни зўрлашда айбланиб, 5 йилга озодликдан маҳрум этилган Жуманазар Қурбонбоев ишининг Олий суд томонидан кўриб чиқилмасдан қайтарилганига қатъий эътироз билдирди.

Эслатиб ўтамиз, Олий суд раиси Алишер Усмонов адвокатга йўллаган 16 сентябрдаги жавоб хатида судланувчининг айби унинг кўрсатмаси ва экспертиза хулосаси билан тасдиқланганини билдириб, ишни Олий судда кўриб чиқишга эҳтиёж йўқлигини қайд этган. Шу билан бирга, ҳуқуқшунослар шахснинг кўрсатмаси айбни исботлаш учун етарли эмаслигини таъкидламоқда.

Effect.uz ушбу масала юзасидан Хадича Сулаймонова номидаги Республика суд экспертизаси маркази лаборатория мудири Асилбек Норматовнинг фикрини ҳам олди. Мутахассиснинг сўзларига кўра, экспертиза хулосаси асосий далил эмас, балки иш бўйича далиллардан бири ҳисобланади. Қарор қабул қилиш эса суд ваколатига киради.

Маълумотларга кўра, 2024 йил 1 январь куни Хазорасп туманида 14 ёшли қиз икки нотаниш йигит томонидан «Трекер» русумли автомашинада мажбурлаб олиб кетилган. Кейинчалик унинг йиғлаган ҳолати видеога олинган, Мухомон МФЙ ҳудудидаги темир йўл яқинига ташлаб кетилган. Қизга уйига қайтаётган йигит Ж.Қурбонбоев ёрдам берган, унга инсонийлик нуқтаи-назаридан бошпана тақдим этган.

Орадан бир кун ўтиб, қизнинг онаси унинг йўқолгани ҳақида ички ишлар органларига хабар берган. Дастлабки кўрсатмаларда қиз уни олиб кетган икки йигитга қарши жиддий кўрсатма берган. Кейинчалик эса тергов идорасида қизнинг онаси томонидан кўрсатма берилган ва унда қиз ўзини-ўзи хаммомда жароҳатлагани билдирилган.

Иш доирасида эҳтиёт чораси сифатида қамоққа олинган икки йигит озод этилган, уларнинг ўрнига Ж.Қурбонбоев жавобгарликка жалб қилинган. Суд ҳукми билан у 3 йилга озодликдан маҳрум этилган, прокурор протести асосида апелляция тартибида кўриб чиқилган иш натижасида жазо 5 йилга оширилган.

👉 ТЎЛИҚ ВИДЕО

Telegram I Facebook I YouTube I Instagram

Ҳокимларнинг хабари борми? Фарғонадаги бозорга олиб борувчи йўлда автотураргоҳ пайдо бўлиб қолди

Фарғона шаҳри марказида — деҳқон ва кийим-кечак бозорга олиб борувчи йўл четида янги автотураргоҳ пайдо бўлгани ва айрим жойлар темир тўсиқлар билан ўралгани жамоатчилик саволларини келтириб чиқармоқда.

Асосий масала — ернинг ҳуқуқий мақоми.

Автотураргоҳ сифатида фойдаланилган ҳудуднинг мақсадли йўналиши ўзгартирилганми? Автотураргоҳ учун расмий рухсатнома ва экспертиза хулосалари мавжудми? Йўл ҳали ҳам умумий фойдаланиш ерларими ёки хусусийлаштирилганми?

Қонунчиликка кўра, жамоат ерларининг мақсадини ўзгартириш ваколатли орган қарори асосида ва очиқ муҳокама билан амалга оширилиши шарт.

Яна бир муҳим жиҳат — иқтисодий шаффофлик. Агар бу ерда тадбиркорлик фаолияти йўлга қўйилган бўлса, ижара тушумлари қай тартибда ундирилмоқда ва давлат бюджетига ўтказилмоқдами?

Ҳозирча мазкур ҳолат юзасидан расмий идоралар муносабати очиқланмаган.

Жамоатчилик эса бир нарсани кутмоқда: шаффофлик ва ҳуқуқий аниқлик.

1 мартдан Ўзбекистонда нималар ўзгарди?

Оғир тоифадаги туманларда оилавий тадбиркорликни ривожлантириш дастурлари доирасидаги ажратиладиган кредитлар фоизи йиллик 12 фоизгача пасайтирилди ва шунга ўхшаҳ бир қатор янгиликлар.

👉 https://effect.uz/n/43

АҚШ Эквадорда ҳарбий операция бошлади

АҚШ ва Эквадор Қуролли кучлари террорчи деб тан олинган ташкилотларга қарши қўшма операцияни бошлади.

“Эквадор ва АҚШ Қуролли кучлари террорчи деб эътироф этилган ташкилотларга қарши операцияларни бошлади”, - дейилади Пентагон баёнотида.

Пентагон бу ҳарбий амалиётни АҚШнинг Лотин Америкасидаги ҳамкорлари наркотерроризмга қарши курашга содиқлигининг намунаси сифатида баҳолаган.

Ўтган йили АҚШ ушбу минтақада гиёҳванд моддалар ташишда гумон қилинган тезюрар қайиқларни йўқ қилиш учун Қуролли кучлардан фаол фойдаланишни бошлаган эди.

Америка расмийларига кўра, бундай операциялар трансмиллий жиноятчилик ва хавфли моддалар савдосига қарши курашга қаратилган.

Telegram I Facebook I YouTube I Instagram

Али Ҳоманаийнинг ўғли Эроннинг янги Олий раҳнамоси этиб сайлагани айтилмоқда

Эрон мутахассислар мажлиси ҳамда Ислом инқилоби қўриқчилари корпуси Али Ҳоманаийнинг ўғли Мўжтабо Ҳоманаийни Эроннинг янги олий раҳбари этиб сайлагани айтилмоқда. Бу ҳақда “Iran International” телеканали ўзининг манбаларига таяниб хабар бермоқда.

Эрон расмийлари янги олий раҳбар тайинлангани ҳақида расмий баёнот бермади.

Лекин 1 март куни Эрон Ташқи ишлар вазирлиги янги раҳбар бир неча кун ичида сайланишини ҳақида хабар берган эди.

Кейинчалик The New York Times нашри уч нафар эронлик манбага таяниб, Мўжтабо Ҳоманаий олий раҳбар лавозимига асосий номзодга айланганини хабар қилди.

Газета суҳбатдошларига кўра, унинг тайинлангани ҳақида 4 март куни эълон қилиниши мумкин.

Эслатиб ўтамиз, 28 февраль куни АҚШ ва Исроил Али Ҳоманаийнинг Теҳрондаги қароргоҳига берилган зарба натижасида Олий раҳнамо, унинг қизи, куёви, набираси ва келинларидан бири ҳам ҳалок бўлган.

Telegram I Facebook I YouTube I Instagram

Самарқандда 2,2 млрд сўмлик электр энергенияни ўғирлаган майнинг ферма фаолиятига чек қўйилди

Самарқанд шаҳрида 2,2 миллиард сўмлик электр энергиясидан ноқонуний фойдаланган “Майнинг ферма” фош этилди. Бу ҳақда “Ўзэнергоинспекция” хабар бермоқда.

“Ўзэнергоинспекция” Самарқанд вилоят ҳудудий бошқармаси, ИИБ ва Бош прокуратура ҳузуридаги Департамент ҳамкорлигида ўтказилган назорат тадбирида Самарқанд шаҳрида ноқонуний майнинг ферма фош этилган.

Унга кўра, фуқаро Н. С. га қарашли хонадонда 5 та майнинг қурилмасини электр тармоғига тўғридан-тўғри улаб, ноқонуний фойдаланиб келаётганлиги аниқланган.

Ушбу қоидабузарлик натижасида, электр таъминоти корхонасининг дастлабки ҳисоб-китобларига кўра, 2 миллиард 295 миллион сўмлик зарар етказилган.

Telegram I Facebook I YouTube I Instagram

Ливанда Исроил зарбалари оқибатида 50 киши ҳалок бўлди

Исроил ҳужумлари натижасида Ливанда 50 киши ҳалок бўлган, 335 нафар эса жароҳат олган. Бу ҳақда Ливан соғлиқни сақлаш вазирлиги маълум қилди.

Ҳалок бўлганлар орасида қанча тинч аҳоли вакиллари борлиги аниқ эмас. Бироқ вазирлик аввалроқ қурбонлар орасида етти нафар бола борлигини билдирган.

Қайд этиш керак, аввалроқ “Ҳизбуллоҳ” Ливан ҳудудидан Исроилга қарши ракета учирган эди.

Бу сулҳдан кейин илк бор содир этилган ҳолат сифатида қайд этилган.

Бунга жавобан Исроил армияси “Ҳизбуллоҳ”га қарши операция бошлаган, кейинчалик эса чегараолди аҳоли пунктларини ҳимоя қилиш мақсадида Ливан жанубига кирган ва маҳаллий аҳолини эвакуация қилишга чақирган.

Telegram I Facebook I YouTube I Instagram

Хоразмда 14 ёшли зўрланган қиз иши: Жумбоққа жавоб керак...

2024 йил 1 январь куни Хоразм вилояти Хазорасп туманида 14 ёшли қиз «Tracker» русумли автомашинада икки нотаниш йигит томонидан мажбурлаб олиб кетилган. Кейинчалик унинг йиғлаган ҳолати видеога олингач, Мухомон маҳалласи ҳудудидаги темир йўл яқинига ташлаб кетган. Қизга уйига қайтаётган Жуманазар Қурбонбоев ёрдам бериб, вақтинча бошпана тақдим этган.

Орадан бир кун ўтиб, қизнинг онаси унинг йўқолгани ҳақида ички ишлар органларига мурожаат қилган. Дастлабки кўрсатмаларда қиз уни олиб кетган икки йигитга қарши кўрсатма берган. Кейинчалик эса тергов жараёнида онаси томонидан қизи ўзини-ўзи жароҳатлагани ҳақида баёнот берилган.

Иш доирасида аввал қамоққа олинган икки йигит озод этилган, уларнинг ўрнига Жуманазар Қурбонбоев жавобгарликка жалб қилинган. Суд ҳукми билан у 3 йил озодликдан маҳрум этилган. Прокурор протести асосида иш апелляция тартибида қайта кўриб чиқилиб, жазо 5 йилга оширилган.

Олий суд раиси ўринбосари Алишер Усмонов Хоразмдаги жумбоқли иш бўйича судланувчи йигит Жуманазар Қурбонбоев адвокати киритган илтимосномани рад этган. Адвокат О.Машарипов ишнинг Олий суд томонидан кўриб чиқилмасдан қайтарилганига қатъий эътирозини билдирган.

👉 ТЎЛИҚ ВИДЕО

Telegram I Facebook I YouTube I Instagram

Қатарда 11 ёшли ўзбекистонлик бола ҳалок бўлди

Қатарда юз берган йўл-транспорт ҳодисаси оқибатида 11 ёшли Ўзбекистон фуқароси вафот этди.
Хабарга кўра, Тошкент шаҳрида туғилган М.А. сафари давомида бошидан олган оғир тан жароҳатлари сабаб ҳодиса жойида ҳаётдан кўз юмган.

Ўзбекистоннинг Қатардаги элчихонаси дафн маросимини ташкил этишда амалий ёрдам кўрсатган. Дипломатик ваколатхона маҳаллий идоралар билан ҳамкорликда барча зарур ташкилий ва ҳуқуқий масалаларни тезкор ҳал қилган.

Telegram I Facebook I YouTube I Instagram

Фермерлар кенгашининг судга киритган шикоятидан сўнг Фориш ҳокимининг қарори ҳақиқий эмас деб топилди

Ўзбекистон Республикаси фермерлар кенгаши фермерларнинг ердан фойдаланиш ҳуқуқларига риоя этилиши ҳолати фаол ўрганилмоқда. Жумладан, Фориш туманидаги «Бахмал тоғидаги яйлов» фермер хўжалиги мурожаати асосида ҳолат кўриб чиқилган.

Маълум бўлишича, фермер хўжалигига туман ҳокими қарори билан 49 йил муддатга ижарага берилган яйлов ерлари кейинчалик бошқа қарор билан Пиллачилик ва қоракўлчиликни ривожлантириш қўмитаси доимий эгалигига ўтказиб юборилган.

Фермер манфаатида маъмурий судга киритилган даъво кўриб чиқилиб, суд қарори билан Фориш туман ҳокимининг 1965-сонли қарори фермерга тегишли қисми бўйича ҳақиқий эмас деб топилди. Натижада фермер хўжалигининг ердан фойдаланиш ҳуқуқи тикланди.

Telegram I Facebook I YouTube I Instagram

ТОП-300 таликка кирган университетларда ўқиш истагидаги ёшлар ва педагогларга таълим кредити берилади

Ҳукумат қарори (88-сон, 02.03.2026 й.) билан “Хорижий олий таълим ташкилотларида ўқиш истагидаги ёшлар ва педагог ходимларга таълим кредитини ажратиш тартиби тўғрисида”ги низом тасдиқланди.

Низом таълим кредитини молиялаштириш жамғармаси ҳисобидан имтиёзли таълим кредитини ажратиш ва уларни қайтариш тартибини белгилайди.

Низомга кўра, таълим кредити қуйида талабларга жавоб берадиган ёшлар (30 ёшдан ошмаган, шу жумладан, 30 ёшда бўлган) ва педагогларга ажратилади:

QS (Quacquarelli Symonds) ёки THE (The Times Higher Education) бўйича ТОП-300 таликка киритилган хорижий олий таълим ташкилотларига ўқишга қабул қилинган;

Ўзбекистон фуқаролари бўлган.
Кредит уларнинг бакалавриат ҳамда магистратура дастурларида таълим олишлари учун ажратилади.

Кредит 1 ўқув йили учун 20 минг АҚШ долларигача миқдордаги эквивалентда миллий валютада ажратилади.

Кредитнинг асосий қарзи талабанинг расмий ўқиш муддати тугагандан сўнг 7-ойдан бошлаб 7 йил давомида қайтарилади.

Кредит олувчи банкка мурожаат қилишда қуйидаги ҳужжатларни тақдим этади:

▫️ ариза;

▫️ шахсни тасдиқловчи ҳужжатлар нусхаси;

▫️ таклифнома-хат (1-курслар учун);

▫️ академик ўзлаштириш натижалари (2-курсдан бошлаб);

▫️ тўлов-контракт асосида ўқиш бўйича шартнома ҳамда олий таълим ташкилотининг банк реквизитлари кўрсатилган инвойс;

▫️ биргаликда қарз олувчиларнинг сўнгги 12 ойлик даромадлари юзасидан маълумот;

▫️ меҳнат дафтарчасидан кўчирма (30 ёшдан ошган педагоглар учун).

Таълим кредити ставкаси Марказий банкнинг асосий ставкаси миқдорида белгиланади.

Telegram I Facebook I YouTube I Instagram