Учтепа ҳокимлиги ходими пора билан ушланди

Учтепа тумани ҳокимлигининг Уй-жой коммунал хизмат кўрсатиш ва ободонлаштириш бўлими бош мутахассиси ноқонуний равишда тадбиркордан 3 минг АҚШ доллари олган вақтида ашёвий далиллар билан ушланган.

Ҳокимият вакили гўёки жорий йилда Учтепа тумани ҳудудида бузилиши лозим бўлган савдо дўконлари ва бошқа манзиллар рўйхати тузилаётганлигини рўкач қилиб, тадбиркорга тегишли дўконни туман ҳокимлигида юқори лавозимда ишловчи яқин алоқалари орқали мазкур рўйхатга киритмаслик ҳамда буздирмаслик эвазига ушбу пул маблағини талаб қилган.

Ҳозирда бош мутахассисга нисбатан ЖКнинг 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилган, тергов ҳаракатлари олиб борилмоқда.

Telegram I Facebook I YouTube I Instagram

Фарғона аэропорти туман ичида қолди

Бугун соат 19:00 атрофида Фарғона халқаро аэропорти ҳудудида ҳаво шароити кескин ёмонлашди. Кўриниш масофаси ноль метргача тушиб, ўта қалин туман кузатилди.

Шу сабабли Москвадан Фарғонага парвоз қилиб келаётган йўловчи самолёти аэропортга қўна олмади ва хавфсизлик талабларига мувофиқ муқобил аэропортга йўналтирилди.Гувоҳларнинг билдиришича, туман шунчалик зич бўлганки, ҳатто унинг ўзига хос ҳидини ҳам ҳис қилиш мумкин бўлган. Илгари Наманган халқаро аэропортида ҳам кўриниш 5 метргача чекланган шундай ҳолатлар кузатилгани эсга олинмоқда.

Фуқароларга огоҳлантириш: Аэропортга йўл олган йўловчилар рейслар ҳолатини олдиндан текшириши, ҳайдовчилар эса туман шароитида тезликни камайтириб, хавфсиз масофани сақлаши сўралади.
Ҳаво шароити барқарорлашгач, парвозлар жадвали бўйича қўшимча маълумот берилади.

Telegram I Facebook I YouTube I Instagram

Ҳалойиқ, жасадни ҳатто аёллар қидирмоқда...

👉 https://youtu.be/DcpEHoejM_8

“Тошкент йўналишидаги жиноий схема барбод бўлди”

ИИВ Тезкор-қидирув департаменти томонидан Тошкент вилояти ва пойтахт йўналишида ҳаракатланувчи такси ҳайдовчиларини таҳқирлаб, қўрқитиб ва зўрлик ишлатиб, ҳар ой улардан ноқонуний пул ундириб келган “Бычок” лақабли шахс бошчилигидаги уюшган жиноий гуруҳ фаолиятига чек қўйилди.

Маълумотларга кўра, мазкур гуруҳ узоқ вақт давомида ўнлаб ҳайдовчиларни таҳдид ва босим остида ушлаб, мунтазам равишда пул талаб қилиб келган.
Тезкор тадбирлар натижасида гуруҳ аъзолари қўлга олинди, далил-исботлар мусодара қилинди. Ҳозирда иш бўйича тергов ҳаракатлари олиб борилмоқда.

⚖️ Қонун устувор — жиноят жавобсиз қолмайди.
Такси ҳайдовчиларига нисбатан ҳар қандай тазйиқ ва ноқонуний талабларга кескин чоралар кўрилади.

Telegram I Facebook I YouTube I Instagram

Бухорода мансабдор номи билан фирибгарлик

Бухоро вилоятида мансабдор шахс номидан сохта Telegram аккаунти очиб, бошқа бир раҳбарни 8 млн сўмга алдаган шахс қўлга олинди.

Telegram I Facebook I YouTube I Instagram

Prestige МЖК иши: 147 оиланинг норозилиги

Тошкент шаҳри Мирзо Улуғбек туманида жойлашган “System Metal Story” МЧЖга қарашли Prestige МЖК атрофидаги муаммолар 4 йилдан бери ҳал этилмаяпти. Лойиҳага инвестиция киритган 147 оила ҳануз уйларини ола олмаган.

2026 йил 8 январь куни бўлиб ўтган суд жараёнида инвесторлар нафақат компания раҳбарлари, балки лойиҳани молиялаштирган банк фаолиятидан ҳам норозилик билдирди. Улар банк томонидан маблағлар устидан назорат етарли бўлмагани, қурилиш тўхтаганига қарамасдан аниқ ечим таклиф этилмаганини таъкидлади.

Қурилиш 4 йил олдин бошланганига қарамасдан, ҳалигача тугалланмаган. Оилалар ижара уйларда яшаб, кредит тўловлари билан қийналмоқда.

Лойиҳага масъул шахслар айни пайтда судланмоқда. Инвесторлар суддан аниқ қарор ва банк ҳамда компания масъулиятига ойдинлик киритишни талаб қилмоқда.

Янгиликларни EFFECT.UZ орқали кузатиб боринг.

Журналист: Асомиддин Нур

Telegram I Facebook I YouTube I Instagram

Талабалар учун тўлов-контрактни тўлаш муддати узайтирилди.

Давлат комиссиясининг тегишли баёни билан 2025/2026 ўқув йилида олий таьлим ташкилотларининг бакалавриат ҳамда магистратура талабаларига тўловларни амалга ошириш ва талабалар сафига қабул қилишни расмийлаштириш муддати 2026 йил 31 январга қадар узайтирилди.

Telegram I Facebook I YouTube I Instagram

Таксиларга босим қилган жиноий гуруҳ фош этилди

Тошкент вилояти ва пойтахт йўналишида фаолият юритувчи такси ҳайдовчиларига нисбатан ноқонуний ҳаракатлар содир этган уюшган жиноий гуруҳ фаолиятига ИИВ Тезкор-қидирув департаменти томонидан чоралар кўрилди.

Telegram I Facebook I YouTube I Instagram

Сredit House фирибгарлик иши: суд давом этмоқда

Бугун, 9 январь куни Яккасарой туманлараро судида “Credit House” ҳамда “Infin Stroy” МЧЖ билан боғлиқ жиноят иши бўйича навбатдаги суд мажлиси бўлиб ўтмоқда.

Ушбу компаниялар минглаб фуқароларга уй-жой сотишни ваъда қилиб, катта миқдордаги маблағларни фирибгарлик йўли билан ўзлаштирганликда гумонланмоқда.

Маълумотларга кўра:
— 1-суд мажлиси айрим судланувчиларда айблов хулосаси ва адвокатлар йўқлиги сабаб қолдирилган;
— 2-суд мажлисида судья Баҳодир Қаюмов ОАВ иштирок этишига рухсат берди, бироқ аудио ва видео ёзувлар олишни тақиқлади;
— Фақат музокаралар босқичи бошлангач, суратга олишга рухсат этилиши белгиланган.

Бугун суд жараёнининг 3-куни. Effect.uz воқеалар ривожини ёритишда давом этади.

Telegram I Facebook I YouTube I Instagram