Қамчиқ довонида қор ёғмоқда

Ҳозирги вақтда Қамчиқ довонининг юқори қисмида майда қор ёғмоқда.

Фавқулодда вазиятлар вазирлиги, Йўл-патруль хизмати ҳамда «Қамчиқавтойўл» ИЙФУК ходимлари ҳамкорлигида йўлни қордaн тозалаш, музламалар ҳосил бўлишининг олдини олиш ва қум-туз аралашмасини сепиш ишлари амалга оширилмоқда.

Шу билан бирга, ФВВ қутқарувчилари томонидан назорат тадбирлари олиб борилмоқда, йўлда қолиб кетган ҳайдовчилар ва уларнинг автомашиналарига ёрдам кўрсатилаётгани маълум қилинди.

Фавқулодда вазиятлар вазирлиги йўл-транспорт ҳодисалари билан боғлиқ фавқулодда ҳолатларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларига риоя этишларини сўраб қолди.

Telegram I Facebook I YouTube I Instagram

Ўзбекистонда банклар орқали рақамли олтин ва кумуш савдоси йўлга қўйилди

Ўзбекистон тижорат банкларида қимматбаҳо металлар билан операцияларни амалга оширишнинг янги тартиби жорий этилди.

Эндиликда жисмоний ва юридик шахслар олтин қуймаларни, шунингдек рақамли (жисмоний бўлмаган) олтин ва кумушни банкларнинг мобил иловалари орқали реал вақт режимида сотиб олиш ва сотиш имкониятига эга бўладилар.

Янги тартиб фуқаролар ва корхоналар учун янги инвестиция имкониятларини яратади. Энди кичик суммалардан бошлаб жамғариш ва сармоя киритиш имкони мавжуд.

Тижорат банклари олтин қуймаларни Марказий банкдан шартнома асосида харид қилиб, мустақил равишда нарх белгилайдилар. Бу нархлар Лондон қимматбаҳо металлар уйишмаси фиксинги асосида шаффоф тарзда белгиланади ва банкларнинг расмий саҳифаларида мунтазам янгиланиб борилади.

Барча операциялар онлайн тарзда, тез ва хавфсиз амалга оширилади. Мижозлар шахси банк тизимлари орқали идентификация ва аутентификация асосида тасдиқланади.

Ушбу механизм Ўзбекистон фуқароларига қимматбаҳо металлар орқали жамғариш ва инвестиция қилишнинг замонавий, қулай ва рақамли йўлини тақдим этади.

Telegram I Facebook I YouTube I Instagram

Банкларда доллар сотиш курси 12 000 сўмдан пастлади

Бугундан бошлаб бир қатор банклар аҳолига долларни 12 000 сўмдан паст курсда сотмоқда.

Хусусан, Асакабанк, Тенгебанк ва Apexbank долларни 11 980 сўмдан, Алоқабанк, Даврбанк ва МКБанк эса 11 990 сўмдан таклиф қилмоқда.

Сўмни долларга айирбошлашни режалаштирсангиз, энг мақбул курс Пойтахтбанк (11 960 сўм), Асакабанк (11 950 сўм) ва Трастбанк (11 950 сўм) томонидан таклиф қилинмоқда.

Экспертлар эса эртага долларнинг расмий курсининг тахминан 25 сўмга пасайишини кутмоқда.

Telegram I Facebook I YouTube I Instagram

Нашриёт бош муҳаррирининг ҳуқуқий мақоми белгиланди

Қонун билан «Ноширлик фаолияти тўғрисида»ги қонунга қўшимчалар ва ўзгартириш киритилди.

Мазкур қонун билан "Ноширлик фаолияти тўғрисида"ги қонунга қуйидагиларга қаратилган қўшимчалар ва ўзгартириш киритилди:

🔹 нашриёт бош муҳаррирининг ҳуқуқий мақомини белгилаш;

🔹 китобхонлик маданиятини рағбатлантириш.

Қонун билан киритилган қўшимчаларга кўра, бош муҳаррир лавозимига олий маълумотга ва ноширлик фаолиятида камида 3 йил иш стажига эга бўлган шахс тайинланади.

Бош муҳаррир ташкилотнинг муассиси (муассислари) ёки раҳбари томонидан лавозимга тайинланади ва лавозимидан озод қилинади.

Нашриёт нашрларини чиқариш тўғрисидаги қарор бош муҳаррир томонидан қабул қилинади.

Қонун расмий эълон қилинган кундан эътиборан кучга киради.

Telegram I Facebook I YouTube I Instagram

2026 йилдан чиқинди хизмати учун уйма-уй тўлов йиғиш тўхтатилади

2026 йил 1 январдан бошлаб чиқинди хизматлари учун тўловларни уйма-уй юриб ундириш амалиёти тўхтатилади. Бу ҳақда Чиқиндиларни бошқариш ва циркуляр иқтисодиётни ривожлантириш агентлиги маълум қилди.

Маълумот учун, Ўзбекистон Республикасининг 2025 йил 7 мартда қабул қилинган 1044-сон қонунига мувофиқ, қаттиқ маиший чиқиндиларни тўплаш ва олиб чиқиш хизматлари учун мажбурий тўловларни ўз вақтида амалга оширмаган истеъмолчилар қисқа хабарнома (SMS) орқали хабардор қилинади. Агар қарздорлик бартараф этилмаса, улардан электр энергияси учун тўловларни вақтинчалик қабул қилиш чекланади.

Эндиликда тўловларни қабул қилиш ва абонентлар ҳисобини юритиш фақат қуйидаги тартибда амалга оширилади:
🔹 Агентликнинг “Toza makon” биллинг тизими орқали;
🔹 электрон тўлов тизимлари орқали;
🔹 интернет алоқаси мавжуд бўлмаган, ҳудуд марказидан узоқ жойлашган аҳоли пунктларида — тижорат банклари кассалари ва “Ўзбекистон почтаси” АЖ бўлимлари орқали.

Telegram I Facebook I YouTube I Instagram

Саида Мирзиёева 41 ёшга тўлди

Бугун, 4 ноябрь куни Ўзбекистон Республикаси Президенти администрацияси раҳбари Саида Шавкатовна Мирзиёева 41 ёшни қарши олмоқда.

Саида Шавкатовна давлат бошқаруви тизимидаги масъулиятли фаолияти, жамиятнинг маънавий юксалиши, таълим, маданият ва хотин-қизлар соҳасидаги кенг кўламли ташаббуслари билан эл-юртга муносиб хизмат қилиб келмоқда.

Унинг меҳнатсеварлиги, ватанпарварлиги ва фидоийлиги кенг жамоатчилик томонидан юқори қадрланади.

Effect.uz таҳририяти Саида Мирзиёевани туғилган куни билан чин дилдан табриклаб, сиҳат-саломатлик, оилавий бахт, фаолиятида муваффақият ва янги марралар тилайди.

Telegram I Facebook I YouTube I Instagram

Шавкат Мирзиёев АҚШга амалий ташриф билан жўнаб кетди

Қатарга амалий ташриф якунлангач, Ўзбекистон Республикаси президенти Шавкат Мирзиёев АҚШ президенти Дональд Трампнинг таклифига биноан амалий ташриф билан Вашингтон шаҳрига жўнаб кетди.

Давлатимиз раҳбари Марказий Осиё мамлакатлари ва АҚШ етакчиларининг «C5+1» форматидаги саммитида иштирок этади.

Ташриф доирасида президент Шавкат Мирзиёевнинг бир қатор икки томонлама учрашувлари ҳам белгиланган.

Telegram I Facebook I YouTube I Instagram

Битирувчиларни ишга олган тадбиркорларга имтиёзли кредитлар берилади

Президент қарори (328-сон, 03.11.2025 й.) билан “Олий таълим ташкилотлари битирувчиларининг ишга жойлашишига кўмаклашиш бўйича қўшимча чора-тадбирлар тўғрисида”ги ПҚ–61 сон қарорга ўзгартириш ва қўшимчалар киритилди.

Қарорга киритилган қўшимчаларга кўра, олий таълим ташкилотлари битирувчиларини иш билан таъминлаган тадбиркорларга 2 йиллик имтиёзли давр билан 7 йил муддатга 5 млрд сўмгача йиллик Марказий банк асосий ставкасидан 4 фоизлик пункт юқори ставкада кредитлар ажратиш белгиланди.

Бунда имтиёзли кредит тадбиркорларга ҳар бир млрд сўм қийматгача бўлган маблағ учун камида 1 нафар битирувчини ишга қабул қилиш шарти билан ажратилади.

Кредит ишлаб чиқариш ва хизмат кўрсатиш соҳасидаги лойиҳаларга асосий воситалар сотиб олиш ҳамда айланма маблағларни тўлдириш учун ажратилади.

Тадбиркор унинг имтиёзли кредит олишига сабаб бўлган битирувчи ўртасида 2 йил давомида меҳнат шартномаси бекор бўлган тақдирда, кредит фоизи меҳнат шартномаси бекор бўлган санадан тижорат ставкасига ўзгартирилади.

Бироқ, бундан ушбу ходим ўрнига 1 ой муддатда бошқа битирувчи ишга қабул қилинган ҳоллар мустасно.

Шунингдек, битирувчилар ўртасида энг яхши стартап ва инновацион лойиҳалар танлови ташкил этилади.

Танлов ғолибларига камида 2 нафар битирувчини ишга олиш мажбурияти билан 1 млрд сўмгача грант ажратилади.

Telegram I Facebook I YouTube I Instagram

Шавкат Мирзиёев Доҳа шаҳрида бўлиб ўтган Ижтимоий ривожланиш бўйича иккинчи Жаҳон саммитида иштирок этди ва қатор таклифларни илгари сурди:

🔵 Глобал ижтимоий адолат фондини таъсис этиш.
🔵 "Ижтимоий масъулият ва муносиб меҳнат бўйича глобал ташаббус" ни ишлаб чиқиш.
🔵 Очлик ва қашшоқликка қарши курашиш бўйича Глобал альянснинг кейинги саммитини Ўзбекистонда ўтказиш.
🔵 Меҳнат мигрантларини ҳимоя қилиш бўйича Тошкентда халқаро форум ўтказиш ва Глобал дастур қабул қилиш.
🔵 Иқлим ўзгаришига қарши курашишни бандлик дастурлари билан уйғунлаштириш ва бошқалар.

Telegram I Facebook I YouTube I Instagram

Қамчиқ довонида майда қор ёғмоқда, йўллар қордан тозаланмоқда

ФВВ ҳайдовчилардан хавфсизлик қоидаларига қатъий риоя қилишни сўради.

Telegram I Facebook I YouTube I Instagram