Тошкентда иситиш мавсуми 5 ноябрдан бошланади

📍 Тошкент шаҳар ҳокимлиги маълум қилишича, метеорология хизмати прогнозларига асосан пойтахтда марказлашган иссиқлик таъминоти босқичма-босқич йўлга қўйилади.

🔴 Бошланиш саналари:
– 3 ноябрдан — мактаб, боғча ва шифохона каби ижтимоий соҳа объектларида;
– 5 ноябрдан — турар жой биноларида иссиқлик тизими ишга туширилади.

🔴 Мурожаат учун:
Иситиш тизимини ёқиш жараёнида носозлик ёки муаммо юзага келса, фуқаролар:
– 1055 ёки (71) 210-01-87 рақамларига мурожаат қилишлари мумкин;
– Шунингдек, мурожаатлар ҳокимликнинг ижтимоий тармоқлардаги саҳифалари орқали ҳам қабул қилинади.

🔴 Ҳокимлик тавсияси:
Агар иссиқлик етказиб берувчи ташкилотлар ёки ХУЖМШ/БСК мутасаддилари ўз ишини тўлиқ бажармаса, бу ҳақда дарҳол хабар бериш сўралмоқда.

Telegram I Facebook I YouTube I Instagram

Дам олиш кунлари аҳолига хизмат кўрсатадиган банклар маълум қилинди

Марказий банк маълум қилишича, аҳолига қулайлик яратиш мақсадида айрим тижорат банклари дам олиш кунлари ҳам ўз фаолиятини давом эттиради. Ушбу банкларда валюта айирбошлаш ва пул ўтказмалари шохобчалари очиқ ҳолда ишлайди.

Фаолият юритувчи банклар рўйхати:
– Агробанк
– Апехбанк
– БРБ
– Ипотека банк
– Миллий банк
– Orient Finans банк
– Тенге банк
– Трастбанк
– Ҳамкорбанк
– Анор банк
– Асака банк
– Гарант банк
– Ҳаёт банк
– ИнФин банк
– Универсалбанк
– Турон банк
– Пойтахт банк
– СҚБ
– Содерот банк

Шунингдек, 24/7 режимида ишловчи автоматлаштирилган банкоматлар ва мобил иловалар орқали исталган вақтда валюта айирбошлаш ҳамда пул ўтказмаларини амалга ошириш имконияти мавжуд.

Telegram I Facebook I YouTube I Instagram

“Ушбу дастур шунчаки академик дастур эмас, балки Шарқ ва Ғарб, ўтмиш ва келажак, Ўзбекистон ва дунё ўртасида кўприк бўлишига чин дилдан ишонаман” — Саида Мирзиёева

Яқинда Оксфорд университетида илк бор йўлга қўйилган ўзбек тили дастурининг айрим жиҳатлари ҳақида Алишер Навоий номидаги Тошкент давлат ўзбек тили ва адабиёти университети томонидан маълумот берилди.

Махсус репортажда, шунингдек, Президент администрацияси раҳбари Саида Мирзиёева дунёга машҳур ушбу олийгоҳга ташриф буюрган ўша муҳим куннинг энг ёдда қоларли дақиқалари яна бир бор эсга олинди.

Ушбу дастур шунчаки академик дастур эмас, балки Шарқ ва Ғарб, ўтмиш ва келажак, Ўзбекистон ва дунё ўртасида кўприк бўлишига чин дилдан ишонаман,

деб таъкидлайди Мирзиёева.

Telegram I Facebook I YouTube I Instagram

“Сардобадаги уч мушкетёрлар”: йўлни тўсганлар ким ва нега?

31 октябрь куни соат тахминан 23:38 да, Тошкент–Термиз автомобиль йўлининг 939-километрида ноқонуний ҳолат юз берди.

Учта йирик юк автомашинаси ҳайдовчилари йўл ўртасида ҳеч қандай сабабсиз тўхтаб, сунъий тирбандлик — пробка ҳосил қилди.

Бу ҳаракат натижасида:

— йўл ёпилди,
— ўтиш-қайтиш ҳаракати издан чиқди,
— фуқароларнинг вақти ва асабига жиддий зарар етди.

🚫 Бундай хатти-ҳаракат нафақат одоб-ахлоқ ва инсонпарварлик меъёрларига зид, балки жамоат хавфсизлигига таҳдид солувчи ва безорилик белгисига эга ҳолат сифатида баҳоланади.

Йўл ҳаракати қоидаларини қасддан бузиш, атрофдагиларнинг эркин ҳаракатланиш ҳуқуқини чеклаш — бу жамиятдаги тинчлик ва барқарорликка нисбатан ҳурматсизликнинг аниқ кўринишидир.

Замонавий жамиятда йўл — фақат инфратузилма эмас. У инсон ҳаёти, соғлиги, вақти ва хавфсизлигини муҳофаза қилувчи стратегик макондир.

Бу воқеада эса айнан шу қадриятлар қўпол равишда инкор этилди.
Жамоатчилик бу каби ҳолатларга бефарқ бўлмаслиги, мутасадди органлар эса воқеага ҳуқуқий баҳо бериши ва келгусида бундай ҳолатлар такрорланмаслиги учун қатъий чоралар кўриши шарт.

Қонун устуворлиги — мамлакат тараққиёти ва фуқаролар тинчлигининг пойдеворидир.

Ҳуқуқшунос А.Инатов

Пахтаободда “Обод юрт — тоза келажак учун” акцияси ўтказилди

Паxтaобод туман тиббиёт бирлашмаси томонидан “Обод юрт — тоза келажак учун” шиори остида тозалик акцияси ташкил этилди.

Тадбир туман тиббиёт бирлашмаси бошлиғи Рустамжон Фозилов раҳбарлигида ўтказилиб, унда тиббиёт ходимлари фаол иштирок этдилар.

Акция давомида муассаса ҳудуди ва унга туташ жойларда тозалаш, ободонлаштириш ишлари, шунингдек, дарахт ва гулларга парвариш тадбирлари амалга оширилди.

Ушбу ташаббус соғлом ва покиза муҳит яратиш, шунингдек, тиббиёт ходимлари ўртасида экологик маданиятни янада юксалтиришга хизмат қилди.

Telegram I Facebook I YouTube I Instagram

Қашқадарё вилоятида энг кўп ҳоким қарорлари бекор қилинди

Адлия вазирлиги маълумотларига кўра, жорий йилнинг 9 ойида маҳаллий давлат ҳокимияти органлари томонидан жами 117 175 та қарор қабул қилинган. Улардан 449 таси бекор қилинган бўлиб, бу кўрсаткич ўтган йилга нисбатан 1,4 баробар кўп.

Энг кўп бекор қилинган қарорлар сони қуйидаги ҳудудларда қайд этилган:
▪️ Қашқадарё вилояти — 77 та
▪️ Сирдарё вилояти — 63 та
▪️ Бухоро вилояти — 56 та
▪️ Наманган вилояти — 41 та
▪️ Хоразм вилояти — 36 та
▪️ Қорақалпоғистон Республикаси — 34 та.

Шунингдек, судлар томонидан 8 та қарор ҳақиқий эмас деб топилган, ёпиқ ҳолда қабул қилинган қарорлар сони эса 36 910 тани ташкил этган.

Telegram I Facebook I YouTube I Instagram

OpenAI: ChatGPT орқали ҳуқуқий ва тиббий маслаҳат бериш тақиқланди

OpenAI компанияси ўз хизматларидан фойдаланиш сиёсатига ўзгартишлар киритди. Янги қоидаларга мувофиқ, эндиликда ChatGPT орқали ҳуқуқий ёки тиббий маслаҳат олиш тақиқланади.

Шунингдек, миграция ва миллий хавфсизлик масалалари бўйича маслаҳатлар ҳам чекланди. Хизматлардан таҳдид, қўрқитиш, таъқиб ёки туҳмат қилиш, шунингдек, суицид мақсадида фойдаланиш мумкин эмас.

OpenAI маълумотига кўра, жинсий зўравонлик, терроризм, қурол яратиш ёки сотиб олиш, қимор ўйинлари билан боғлиқ маслаҳатлар ҳам қатъий тақиқланади.

Компаниянинг баёнотида шундай дейилади:

“Сиз лицензия талаб қиладиган махсус маслаҳатлар учун бизнинг хизматларимиздан фойдалана олмайсиз".

Шу билан бирга, одамнинг розилигисиз унинг овози ёки реалистик тасвирини яратиш, шахсий маълумотларни тўплаш ёки тарқатиш, шунингдек инсоннинг шахсий хусусиятларига қараб жиноят содир этиш эҳтимолини баҳолаш ман этилди.

OpenAI таъкидлашича, шахсий ҳаёт дахлсизлигига путур етказишга қаратилган ҳар қандай ҳаракатга йўл қўйилмайди.

Бундан ташқари, вояга етмаганларнинг ташқи кўринишини баҳолаш ёки ёш чекловлари мавжуд хизматларга уларнинг киришини таъминлаш ҳам тақиқланади.

“Болалар ва ўсмирлар алоҳида ҳимояга муҳтож. 18 ёшдан кичик шахсларни эксплуатация қилиш ёки хавф остига қўйиш учун хизматларимиздан фойдаланиш мутлақо ман этилган",

— дейилади OpenAI баёнотида.

Telegram I Facebook I YouTube I Instagram

Ўзбекистонда айрим йўл қоидабузарликлари учун дастлаб оғоҳлантириш чораси қўлланади

1 ноябрь куни бўлиб ўтган Сенат ялпи мажлисида ижтимоий хавфлилиги кам бўлган йўл ҳаракати қоидаларини бузиш ҳолатлари учун оғоҳлантириш жазосини қўллашни назарда тутувчи қонун маъқулланди.

Мажлисда таъкидланишича, айрим хорижий давлатларда маъмурий ҳуқуқбузарликлар учун жарима билан бир қаторда «оғзаки оғоҳлантириш» ва «оғоҳлантириш» жазоси мавжуд бўлиб, бу амалиёт фуқароларни қонунбузарликдан сақланишга ундаётгани кузатилган.

Қонун билан Маъмурий жавобгарлик тўғрисидаги кодексга тегишли ўзгартишлар киритилиб, кам аҳамиятли йўл ҳаракати қоидаларини бузган шахсларга маъмурий оғоҳлантириш чораси қўлланади. Шунингдек, фото ва видео қайд этиш воситалари орқали аниқланадиган ҳуқуқбузарликлар рўйхати ҳамда жазо қўлланиш муддатлари белгилаб қўйилмоқда.

Яъни, кодекснинг 241-моддаси тўлдирилиб, маъмурий жазо сифатида оғоҳлантириш чораси, шунингдек янги 171-модда билан техник воситалар орқали қайд этиладиган ҳуқуқбузарликлар тури киритилмоқда.

Шу билан бирга, йўл қоидаларини бузиш ҳолатлари махсус камералар орқали қайд этилганда, жазо ҳуқуқбузарлик содир этилган кундан бошлаб бир ой ичида қўлланилиши аниқ белгиланди.

Қонунга кўра, дастлабки оғоҳлантириш қуйидаги ҳолатларда берилади:
– хавфсизлик камарини тақмаслик;
– транспорт воситасини техник кўрикдан ўтказмаганлик;
– тегишли жиҳозлар билан таъминланмаган ҳолда ҳаракатланиш;
– бошқарув вақтида телефон ёки монитордан фойдаланиш;
– тўхташ ва тўхтаб туриш қоидаларини бузиш;
– мажбурий суғурта талабларини бузиш;
– пиёдалар ёки бошқа ҳаракат иштирокчилари томонидан қоидаларга амал қилмаслик.

Маълумот учун, бундай амалиёт Беларусь, Латвия, Қозоғистон, Россия, Германия ва Италия каби давлатларда ҳам жорий этилган бўлиб, оғоҳлантириш жисмоний ёки юридик шахс соғлиғи, ҳаёти ёки мулкига зарар етказмаган ҳолларда қўлланади.

Ўзбекистонда ушбу институт президент топшириғига асосан ишлаб чиқилган бўлиб, маъмурий жазолар тизимида профилактик таъсирни кучайтиришга хизмат қилади.

Telegram I Facebook I YouTube I Instagram

Ўзбекистонда сув қарздорларининг мол-мулки мусодара қилинмоқда

Ўзбекистоннинг турли ҳудудларида сув учун қарз тўплаган аҳолига нисбатан рейдлар ўтказилмоқда — айрим қарздорларнинг мол-мулки ёзиб олиниб, мусодара қилинмоқда.

Қонунга кўра, ҳар ойнинг 10-санасига қадар сув ҳисоблагич кўрсаткичларини тақдим этиш лозим. Агар бу амал бажарилмаса, система уйда ҳисоблагич ўрнатилмаган деб ҳисоблаб, сув учун тўловни юқори тариф бўйича ҳисоблайди — натижада қарз юзага келади.

Қарздорлар рўйхатига тушмаслик учун кўрсаткичларни ўз вақтида топширинг:
• uzsuv.uz сайтидаги шахсий кабинет орқали
• Telegram-бот орқали — @uzsuvbot
• қисқа рақам орқали — 1255

Сув таъминоти ташкилотлари огоҳлантиради: ҳисоблагич кўрсаткичларини ўз вақтида тақдим этмаслик қарз тўпланишига ва мажбурий ундирув чоралари кўрилишига сабаб бўлиши мумкин.


Telegram I Facebook I YouTube I Instagram

Айбсиз айбдорлар: Хоразмдаги шов-шувли воқеа (қолдирилган суд)

Жиноят ишлари бўйича Хоразм вилоят судида 23 октябр куни жиноят иши доирасида Бобожонов Достон Отажон ўғли, Шокиров Оғабек Ихтиёр ўғли, Хўжаматов Акром Пўлат ўғли ва Дўстжанов Уйғун Улуғбек ўғли айбланувчи сифатида жалб этилиб, суд мажлиси бўлиб ўтиши керак эди. Адвокатлар иштирок этмагани сабабли суд 2025 йил 28 октябрга қолдирилган.

Маълумотларга кўра, уларга нисбатан Жиноят кодексининг 244¹, 244², 244³ ва 248-моддалари бўйича айблов эълон қилинган. Тергов жараёнида айбланувчилар ўзларига қўйилган айбловларни рад этишган, тақиқланган диний материалларни тарқатмаганликларини ва фаолиятлари фақат диний ибодат билан боғлиқ бўлганини билдиришган.

EFFECT.UZ ушбу мурожаатни ўрганишда давом этади.

Мухбир: Асомиддин Нур

👉ТЎЛИҚ ВИДЕО

Telegram I Facebook I YouTube I Instagram

⚡️Яккасаройда фавқулотда ҳолат эълон қилиниши керак: Даҳшат остида жон сақлаётган оила…

Тошкент шаҳри Яккасарой тумани Ҳумо кўчаси 47-а уйда яшовчи Асад Асқаров яшаш уйининг деворига ёриқ тушди. Ушбу ҳудудда Royal Towers қурилиш компаниясига тегишли «VIENNESE WALTZ» турар-жой мажмуаси барпо этилмоқда.

Маълум бўлишича, айнан ушбу қурилиш объектига юк олиб келган катта машиналардан бири – HOWO’нинг эҳтиётсизлиги оқибатида, уйнинг таянч девори ёрилган. Бахтга қарши девор қулаб тушмаган, агар қулаганда оиланинг 8 ёшли қизи жиддий жароҳат олиши мумкин эди.

Ҳолат ортидан ИИО ходимлари воқеага жойига етиб келиб, жараённи расмийлаштиришган, юк машинаси жарима майдонига жойлаштирилган.

👉 https://youtu.be/Pbsr84yQKvs

Ўзбекистон президенти Ижтимоий ривожланиш бўйича иккинчи Жаҳон саммитида иштирок этади

Ўзбекистон президенти Шавкат Мирзиёев Қатар Амири Шайх Тамим бин Ҳамад Ол Сонийнинг таклифига биноан 3–4 ноябрь кунлари Доҳада бўлиб ўтадиган Ижтимоий ривожланиш бўйича иккинчи Жаҳон саммитида иштирок этади.

Саммитда ижтимоий-иқтисодий ривожланишдаги тафовутларни камайтириш, Копенгаген декларацияси тамойилларига содиқлик, 2030 йилгача Барқарор ривожланиш мақсадларига эришишни жадаллаштириш масалалари муҳокама этилади.

Шунингдек, халқаро ҳамкорликни мустаҳкамлаш, миллий стратегияларни такомиллаштириш ва ижтимоий адолатли, инклюзив жамиятни барпо этиш бўйича ташаббуслар кўриб чиқилади.

Форум қашшоқликни қисқартириш, муносиб меҳнат ва тўлиқ бандликни таъминлаш, ижтимоий интеграцияни кенгайтиришга қаратилган глобал мулоқот майдони бўлиб, саммит якунида Доҳа декларацияси қабул қилиниши режалаштирилган.

Telegram I Facebook I YouTube I Instagram

Ёпиқ суд мажлиси маълумотларини ошкор қилиш жиноий жавобгарликка сабаб бўлади!

Telegram I Facebook I YouTube I Instagram

Ўзбекистонда ёш фермерлар учун янги имкониятлар яратилади

“Ёш фермерларнинг инновацион ғоялари ва ташаббуслари” амалий семинарида қишлоқ хўжалигида фаол ёшлар, давлат ташкилотлари ва экспертлар иштирок этди.

🇺🇿 Тадбирда ёшларни қўллаб-қувватлаш, инновацион технологиялар, сув тежамкорлик, бозорга чиқиш ва агробизнесда қўшимча қиймат яратиш каби муҳим мавзулар муҳокама этилди.

💡 Ёш фермерлар ўз ғоялари билан илҳомлантирди, фаол иштирокчилар эса ташаккурнома билан тақдирландилар.

Telegram I Facebook I YouTube I Instagram

Марказий Осиё аҳолиси даромадининг катта қисмини озиқ-овқатга сарфламоқда

Марказий Осиё мамлакатларида аҳоли харажатларининг энг катта қисми озиқ-овқат маҳсулотларига тўғри келмоқда. Маълумотларга кўра, Тожикистонда бу кўрсаткич 37,1 фоизни, Туркманистонда — 35,1 фоизни, Ўзбекистонда — 30 фоизни, Қозоғистонда — 29,6 фоизни ва Қирғизистонда — 28,5 фоизни ташкил этмоқда.

Муттахассислар таъкидлашича, бу ҳолат аҳоли даромадлари даражаси ва истеъмол бозоридаги нархлар ўсиши билан боғлиқ. Озиқ-овқат маҳсулотларига бўлган харажатлар улушининг юқорилиги, айниқса, кам даромадли оилалар учун молиявий босимни кучайтирмоқда.

Telegram I Facebook I YouTube I Instagram

Афғонистондаги зилзила Ўзбекистоннинг бир нечта вилоятларида сезилди

3 ноябрь куни Афғонистоннинг Самангон вилоятида 6,8 магнитудали, 30 километр чуқурликда зилзила содир бўлди. Кучли ер силкиниши натижасида Ўзбекистоннинг қатор ҳудудларида ҳам сезилди.

Зилзиланинг Ўзбекистондаги сезилиш кучи қуйидаги даражада қайд этилди:

Сурхондарё вилоятида – 5 балл (90 км),
Қашқадарё вилоятида – 3–4 балл (302 км),
Самарқанд вилоятида – 3 балл (358 км),
Жиззах вилоятида – 3 балл (410 км),
Навоий вилоятида – 3 балл (444 км),
Бухоро вилоятида – 3 балл (451 км),
Сирдарё вилоятида – 3 балл (464 км),
Тошкент шаҳрида – 2–3 балл (557 км),
Фарғона вилоятида – 2–3 балл (579 км).

Telegram I Facebook I YouTube I Instagram

Туркия ўзбекистонликлар учун электрон меҳнат визаси жорий этиши мумкин

Туркия ҳукумати Ўзбекистон фуқаролари учун электрон меҳнат визаси тизимини жорий этиш масаласини кўриб чиқмоқда.

Анқарада бўлиб ўтган учрашувда Туркия ички ишлар вазири ўринбосари Меҳмет Оқтош ушбу ташаббусни муҳокама қилишга тайёрлигини маълум қилди.

Лойиҳага кўра, ўзбекистонликлар Туркияга бошқа турдаги виза билан кирган тақдирда ҳам мамлакатдан чиқмасдан туриб меҳнат рухсатномаси олиш имконига эга бўлишлари мумкин.

Ташаббус икки давлат ўртасида меҳнат миграцияси соҳасида ҳамкорликни янада ривожлантиришга хизмат қилиши кутилмоқда.

Telegram I Facebook I YouTube I Instagram

Тадбиркорларга асоссиз жарима солган мансабдорлар жазога тортилади

Бизнес-омбудсман аппарати Маъмурий жавобгарлик тўғрисидаги кодексга ўзгартишлар киритиш бўйича қонун лойиҳасини жамоатчилик муҳокамасига чиқарди.

Лойиҳада айтилишича, айрим давлат идоралари тадбиркорларга асоссиз жарималар қўллаётгани ҳолатлари учраб туради. Бу эса тадбиркорларнинг молиявий барқарорлиги ва ҳуқуқларига салбий таъсир кўрсатмоқда.

Шу боис кодексга янги модда — 241¹¹-модда (Тадбиркорлик субъектларига асоссиз жарима солиш)ни киритиш таклиф этилган.

Эндиликда, агар суд тадбиркорга қўйилган жаримани ноқонуний деб топса, жаримани асоссиз қўллаган мансабдорнинг ўзи базавий ҳисоблаш миқдорининг 20–40 баравари (8,24 млн – 16,48 млн сўм) миқдорида жарима тўлайди.

Telegram I Facebook I YouTube I Instagram

Зилзила юз берса нима қилиш керак?

Видеороликда зилзиладан олдин, вақтида ва сўнг қандай ҳаракат қилиш лозимлиги кўрсатилган.

🔹 Зилзиладан олдин: хавфсиз жойни белгилаб олинг, фавқулодда сумка тайёрланг.
🔹 Зилзила вақтида: шошилманг, бошингизни ҳимоя қилинг, мебел остига яширининг ёки очиқ майдонга чиқинг.
🔹 Зилзиладан сўнг: ўзингизни ва яқинларингизни текширинг, газ ва токни ўчиринг, расмий маълумотларга амал қилинг.

Видеода барча ҳаракатлар амалий тарзда намойиш этилган.

Telegram I Facebook I YouTube I Instagram