Тошкентда иссиқлик тизими 3 ноябрдан ишга туширилади

Тошкент шаҳар ҳокимлиги маълумотига кўра, пойтахтда 2025–2026 йилги иссиқлик мавсуми 3 ноябрдан бошланади.

Аввало мактаб, боғча ва шифохоналар каби ижтимоий объектлар иссиқлик билан таъминланади, турар жой биноларида эса тизим 5 ноябрдан фаол ишлай бошлайди.

«Ўзгидромет» маълумотида айтилишича, шу кунларда мамлакат бўйлаб совуқ ва нам ҳаво кириб келиши кутилмоқда. Ҳаво ҳарорати кечалари 0–3 даража, кундуз кунлари эса 8–13 даража илиқ бўлади.

Telegram I Facebook I YouTube I Instagram

Навоий вилоятида ҳам иссиқлик мавсуми 3 ноябрдан бошланади

Навоий вилояти ҳокимлиги маълумотига кўра, 2025 йил 3 ноябрдан иқтисодиёт тармоқлари, уй-жой фонди ва ижтимоий соҳа объектларини қиш мавсумига ўтказиш ишлари бошланади.

Объектларга иссиқлик энергиясини барқарор етказиб беришни таъминлаш мақсадида тизим босқичма-босқич ишга туширилади.

Telegram I Facebook I YouTube I Instagram

Самарқандда ЮНЕСКОнинг 43-Бош конференцияси бўлиб ўтмоқда

Анжуман доирасидаги тадбирларни ёритишда юзлаб хорижий ва маҳаллий ОАВ ходимлари иштирок этмоқда.

Матбуот марказида медиа вакиллари тезкор ва сифатли ахборот тайёрлаши, узатиши ҳамда самарали ишлаши учун барча зарур шарт-шароитлар яратилди.

Telegram I Facebook I YouTube I Instagram

«Сунъий интеллект ўзбекистонлик ёшларни манқурт қилиб қўймоқда» — сенатор

Сенатор Комила Карамова сунъий интеллект ўзбекистонлик ёшлар онгига салбий таъсир кўрсатаётганини таъкидлади. Унга кўра, бу технология инсон ақлининг ютуғи бўлса-да, айрим ҳолларда ёшлар учун тайёр дастурга айланиб қолган.

«СИ шубҳасиз инсон ақли натижаси сифатида ҳаётимизга ва фаолиятимизга кириб келди, бу ҳақиқат, ушбу замонавий технологиянинг афзаллиги, қулай томонлари жуда кўп. Лекин салбий жиҳати ҳам кўзга ташланиб қоляпти. Масалан, ёшлар, талабалар ва ўқувчилар учун у тайёр дастурга айланди. Курс иши ва назорат ишларини СИ тайёрлаб беряпти. Бироқ у ҳамма саволларга ҳам тўғри жавоб беряпти деб айта олмаймиз. СИнинг ёлғон маълумот бериш фоизлари ҳам ошиб боряптими деган ўй ўтди хаёлимдан. Ўқувчилар масалаларни ўйлаб ҳам ўтирмай, СИ ёрдамида ечишга ҳаракат қиляпти, бироқ у ёлғон ечимларни ҳам беряпти баъзида. Натижа шундаки, СИдан манқуртларча фойдаланиш онгни заифлаштирмоқда»,

— деди сенатор.

Telegram I Facebook I YouTube I Instagram

⚡️Star House EFFECT.UZ’ни судга берди

Амалда ҳам ижтимоий тармоқларда ҳам фуқароларни норози қилиш орқали танилган Star-House бренди Effect.uz сайтини ваниҳоят судга берди.

Фуқаролик ишлари бўйича Учтепа туманлараро судида кўрилаётган иш мазмунан жиҳатдан қурилиш компания эмас балки унинг ҳуқуқшуноси билан боғлиқ бўлиб, у суддан мазкур видео эълон қилингани учун раддия бериш ва 50 млн сўм миқдорда маънавий зарар ундиришни сўрамоқда. Навбатдаги суд жараёни 10 ноябрь кунига белгиланган.

👉 https://youtu.be/qh4vxtSWuyU

Кам таъминланганларга Конституциявий судда ҳам давлат ҳисобидан адвокат тайинланади

Сенат янги қонунни маъқуллади: унга кўра кам таъминланган фуқаролар нафақат жиноят ва фуқаролик ишларида, балки Конституциявий судга мурожаатда ҳам давлат ҳисобидан адвокат ёрдами олишлари мумкин.

Telegram I Facebook I YouTube I Instagram

Уйингизни совуқ кунларга тайёрладингизми?

Ҳар бир хонадонда куз-қиш мавсумига тайёргарлик аллақачон бошланиши керак. Ҳар йили совуқ об-ҳаво кириши билан уйларни иситиш, электр ва сув тизимларини текшириш муҳим аҳамият касб этади.

Мутахассислар тавсия қиладилар:

🔶Иситиш ускуналари ва радиаторларни текшириб, керак бўлса таъмирлаш;

🔶Энергия ва сув сарфини тежаш учун уйдаги изоляцияни янада яхшилаш;

🔶Зарарли объектларни, масалан, қуёш нуридан ёки норозиликдан ҳимоя қиладиган маҳсулотларни тайёрлаш;

🔶Ёруғлик ва электр ускуналарининг ишлаш ҳолатини текшириш.

Ҳар бир хонадонда куз-қиш мавсумига барқарор тайёргарлик кўриш — оила аъзоларини совуқ ва муаммолардан ҳимоялайди.

Telegram I Facebook I YouTube I Instagram

Аҳолига яқин жойлашган “заправка”лар хавфсиз ҳудудларга кўчирилади

2026 йил 1 апрелга қадар фуқаролар ҳаёти ва соғлиғига хавф туғдирадиган ёки шаҳарсозлик талабларига жавоб бермайдиган газ ва ёқилғи шохобчалари хавфсиз ҳудудларга кўчирилади.

Кўчириладиган шохобчалар учун инфратузилмали ер майдонлари ажратилади, кўчириш билан боғлиқ харажатлар эса қонунга мувофиқ компенсация қилинади.

Шу билан, аҳолига яқин жойлашган шохобчалар хавфсиз ҳудудларга кўчирилиши натижасида фуқаролар хавфсизлиги таъминланади.

Telegram I Facebook I YouTube I Instagram

Тошкентда иситиш мавсуми 5 ноябрдан бошланади

📍 Тошкент шаҳар ҳокимлиги маълум қилишича, метеорология хизмати прогнозларига асосан пойтахтда марказлашган иссиқлик таъминоти босқичма-босқич йўлга қўйилади.

🔴 Бошланиш саналари:
– 3 ноябрдан — мактаб, боғча ва шифохона каби ижтимоий соҳа объектларида;
– 5 ноябрдан — турар жой биноларида иссиқлик тизими ишга туширилади.

🔴 Мурожаат учун:
Иситиш тизимини ёқиш жараёнида носозлик ёки муаммо юзага келса, фуқаролар:
– 1055 ёки (71) 210-01-87 рақамларига мурожаат қилишлари мумкин;
– Шунингдек, мурожаатлар ҳокимликнинг ижтимоий тармоқлардаги саҳифалари орқали ҳам қабул қилинади.

🔴 Ҳокимлик тавсияси:
Агар иссиқлик етказиб берувчи ташкилотлар ёки ХУЖМШ/БСК мутасаддилари ўз ишини тўлиқ бажармаса, бу ҳақда дарҳол хабар бериш сўралмоқда.

Telegram I Facebook I YouTube I Instagram

Дам олиш кунлари аҳолига хизмат кўрсатадиган банклар маълум қилинди

Марказий банк маълум қилишича, аҳолига қулайлик яратиш мақсадида айрим тижорат банклари дам олиш кунлари ҳам ўз фаолиятини давом эттиради. Ушбу банкларда валюта айирбошлаш ва пул ўтказмалари шохобчалари очиқ ҳолда ишлайди.

Фаолият юритувчи банклар рўйхати:
– Агробанк
– Апехбанк
– БРБ
– Ипотека банк
– Миллий банк
– Orient Finans банк
– Тенге банк
– Трастбанк
– Ҳамкорбанк
– Анор банк
– Асака банк
– Гарант банк
– Ҳаёт банк
– ИнФин банк
– Универсалбанк
– Турон банк
– Пойтахт банк
– СҚБ
– Содерот банк

Шунингдек, 24/7 режимида ишловчи автоматлаштирилган банкоматлар ва мобил иловалар орқали исталган вақтда валюта айирбошлаш ҳамда пул ўтказмаларини амалга ошириш имконияти мавжуд.

Telegram I Facebook I YouTube I Instagram

“Ушбу дастур шунчаки академик дастур эмас, балки Шарқ ва Ғарб, ўтмиш ва келажак, Ўзбекистон ва дунё ўртасида кўприк бўлишига чин дилдан ишонаман” — Саида Мирзиёева

Яқинда Оксфорд университетида илк бор йўлга қўйилган ўзбек тили дастурининг айрим жиҳатлари ҳақида Алишер Навоий номидаги Тошкент давлат ўзбек тили ва адабиёти университети томонидан маълумот берилди.

Махсус репортажда, шунингдек, Президент администрацияси раҳбари Саида Мирзиёева дунёга машҳур ушбу олийгоҳга ташриф буюрган ўша муҳим куннинг энг ёдда қоларли дақиқалари яна бир бор эсга олинди.

Ушбу дастур шунчаки академик дастур эмас, балки Шарқ ва Ғарб, ўтмиш ва келажак, Ўзбекистон ва дунё ўртасида кўприк бўлишига чин дилдан ишонаман,

деб таъкидлайди Мирзиёева.

Telegram I Facebook I YouTube I Instagram

“Сардобадаги уч мушкетёрлар”: йўлни тўсганлар ким ва нега?

31 октябрь куни соат тахминан 23:38 да, Тошкент–Термиз автомобиль йўлининг 939-километрида ноқонуний ҳолат юз берди.

Учта йирик юк автомашинаси ҳайдовчилари йўл ўртасида ҳеч қандай сабабсиз тўхтаб, сунъий тирбандлик — пробка ҳосил қилди.

Бу ҳаракат натижасида:

— йўл ёпилди,
— ўтиш-қайтиш ҳаракати издан чиқди,
— фуқароларнинг вақти ва асабига жиддий зарар етди.

🚫 Бундай хатти-ҳаракат нафақат одоб-ахлоқ ва инсонпарварлик меъёрларига зид, балки жамоат хавфсизлигига таҳдид солувчи ва безорилик белгисига эга ҳолат сифатида баҳоланади.

Йўл ҳаракати қоидаларини қасддан бузиш, атрофдагиларнинг эркин ҳаракатланиш ҳуқуқини чеклаш — бу жамиятдаги тинчлик ва барқарорликка нисбатан ҳурматсизликнинг аниқ кўринишидир.

Замонавий жамиятда йўл — фақат инфратузилма эмас. У инсон ҳаёти, соғлиги, вақти ва хавфсизлигини муҳофаза қилувчи стратегик макондир.

Бу воқеада эса айнан шу қадриятлар қўпол равишда инкор этилди.
Жамоатчилик бу каби ҳолатларга бефарқ бўлмаслиги, мутасадди органлар эса воқеага ҳуқуқий баҳо бериши ва келгусида бундай ҳолатлар такрорланмаслиги учун қатъий чоралар кўриши шарт.

Қонун устуворлиги — мамлакат тараққиёти ва фуқаролар тинчлигининг пойдеворидир.

Ҳуқуқшунос А.Инатов

Пахтаободда “Обод юрт — тоза келажак учун” акцияси ўтказилди

Паxтaобод туман тиббиёт бирлашмаси томонидан “Обод юрт — тоза келажак учун” шиори остида тозалик акцияси ташкил этилди.

Тадбир туман тиббиёт бирлашмаси бошлиғи Рустамжон Фозилов раҳбарлигида ўтказилиб, унда тиббиёт ходимлари фаол иштирок этдилар.

Акция давомида муассаса ҳудуди ва унга туташ жойларда тозалаш, ободонлаштириш ишлари, шунингдек, дарахт ва гулларга парвариш тадбирлари амалга оширилди.

Ушбу ташаббус соғлом ва покиза муҳит яратиш, шунингдек, тиббиёт ходимлари ўртасида экологик маданиятни янада юксалтиришга хизмат қилди.

Telegram I Facebook I YouTube I Instagram

Қашқадарё вилоятида энг кўп ҳоким қарорлари бекор қилинди

Адлия вазирлиги маълумотларига кўра, жорий йилнинг 9 ойида маҳаллий давлат ҳокимияти органлари томонидан жами 117 175 та қарор қабул қилинган. Улардан 449 таси бекор қилинган бўлиб, бу кўрсаткич ўтган йилга нисбатан 1,4 баробар кўп.

Энг кўп бекор қилинган қарорлар сони қуйидаги ҳудудларда қайд этилган:
▪️ Қашқадарё вилояти — 77 та
▪️ Сирдарё вилояти — 63 та
▪️ Бухоро вилояти — 56 та
▪️ Наманган вилояти — 41 та
▪️ Хоразм вилояти — 36 та
▪️ Қорақалпоғистон Республикаси — 34 та.

Шунингдек, судлар томонидан 8 та қарор ҳақиқий эмас деб топилган, ёпиқ ҳолда қабул қилинган қарорлар сони эса 36 910 тани ташкил этган.

Telegram I Facebook I YouTube I Instagram

OpenAI: ChatGPT орқали ҳуқуқий ва тиббий маслаҳат бериш тақиқланди

OpenAI компанияси ўз хизматларидан фойдаланиш сиёсатига ўзгартишлар киритди. Янги қоидаларга мувофиқ, эндиликда ChatGPT орқали ҳуқуқий ёки тиббий маслаҳат олиш тақиқланади.

Шунингдек, миграция ва миллий хавфсизлик масалалари бўйича маслаҳатлар ҳам чекланди. Хизматлардан таҳдид, қўрқитиш, таъқиб ёки туҳмат қилиш, шунингдек, суицид мақсадида фойдаланиш мумкин эмас.

OpenAI маълумотига кўра, жинсий зўравонлик, терроризм, қурол яратиш ёки сотиб олиш, қимор ўйинлари билан боғлиқ маслаҳатлар ҳам қатъий тақиқланади.

Компаниянинг баёнотида шундай дейилади:

“Сиз лицензия талаб қиладиган махсус маслаҳатлар учун бизнинг хизматларимиздан фойдалана олмайсиз".

Шу билан бирга, одамнинг розилигисиз унинг овози ёки реалистик тасвирини яратиш, шахсий маълумотларни тўплаш ёки тарқатиш, шунингдек инсоннинг шахсий хусусиятларига қараб жиноят содир этиш эҳтимолини баҳолаш ман этилди.

OpenAI таъкидлашича, шахсий ҳаёт дахлсизлигига путур етказишга қаратилган ҳар қандай ҳаракатга йўл қўйилмайди.

Бундан ташқари, вояга етмаганларнинг ташқи кўринишини баҳолаш ёки ёш чекловлари мавжуд хизматларга уларнинг киришини таъминлаш ҳам тақиқланади.

“Болалар ва ўсмирлар алоҳида ҳимояга муҳтож. 18 ёшдан кичик шахсларни эксплуатация қилиш ёки хавф остига қўйиш учун хизматларимиздан фойдаланиш мутлақо ман этилган",

— дейилади OpenAI баёнотида.

Telegram I Facebook I YouTube I Instagram

Ўзбекистонда айрим йўл қоидабузарликлари учун дастлаб оғоҳлантириш чораси қўлланади

1 ноябрь куни бўлиб ўтган Сенат ялпи мажлисида ижтимоий хавфлилиги кам бўлган йўл ҳаракати қоидаларини бузиш ҳолатлари учун оғоҳлантириш жазосини қўллашни назарда тутувчи қонун маъқулланди.

Мажлисда таъкидланишича, айрим хорижий давлатларда маъмурий ҳуқуқбузарликлар учун жарима билан бир қаторда «оғзаки оғоҳлантириш» ва «оғоҳлантириш» жазоси мавжуд бўлиб, бу амалиёт фуқароларни қонунбузарликдан сақланишга ундаётгани кузатилган.

Қонун билан Маъмурий жавобгарлик тўғрисидаги кодексга тегишли ўзгартишлар киритилиб, кам аҳамиятли йўл ҳаракати қоидаларини бузган шахсларга маъмурий оғоҳлантириш чораси қўлланади. Шунингдек, фото ва видео қайд этиш воситалари орқали аниқланадиган ҳуқуқбузарликлар рўйхати ҳамда жазо қўлланиш муддатлари белгилаб қўйилмоқда.

Яъни, кодекснинг 241-моддаси тўлдирилиб, маъмурий жазо сифатида оғоҳлантириш чораси, шунингдек янги 171-модда билан техник воситалар орқали қайд этиладиган ҳуқуқбузарликлар тури киритилмоқда.

Шу билан бирга, йўл қоидаларини бузиш ҳолатлари махсус камералар орқали қайд этилганда, жазо ҳуқуқбузарлик содир этилган кундан бошлаб бир ой ичида қўлланилиши аниқ белгиланди.

Қонунга кўра, дастлабки оғоҳлантириш қуйидаги ҳолатларда берилади:
– хавфсизлик камарини тақмаслик;
– транспорт воситасини техник кўрикдан ўтказмаганлик;
– тегишли жиҳозлар билан таъминланмаган ҳолда ҳаракатланиш;
– бошқарув вақтида телефон ёки монитордан фойдаланиш;
– тўхташ ва тўхтаб туриш қоидаларини бузиш;
– мажбурий суғурта талабларини бузиш;
– пиёдалар ёки бошқа ҳаракат иштирокчилари томонидан қоидаларга амал қилмаслик.

Маълумот учун, бундай амалиёт Беларусь, Латвия, Қозоғистон, Россия, Германия ва Италия каби давлатларда ҳам жорий этилган бўлиб, оғоҳлантириш жисмоний ёки юридик шахс соғлиғи, ҳаёти ёки мулкига зарар етказмаган ҳолларда қўлланади.

Ўзбекистонда ушбу институт президент топшириғига асосан ишлаб чиқилган бўлиб, маъмурий жазолар тизимида профилактик таъсирни кучайтиришга хизмат қилади.

Telegram I Facebook I YouTube I Instagram

Ўзбекистонда сув қарздорларининг мол-мулки мусодара қилинмоқда

Ўзбекистоннинг турли ҳудудларида сув учун қарз тўплаган аҳолига нисбатан рейдлар ўтказилмоқда — айрим қарздорларнинг мол-мулки ёзиб олиниб, мусодара қилинмоқда.

Қонунга кўра, ҳар ойнинг 10-санасига қадар сув ҳисоблагич кўрсаткичларини тақдим этиш лозим. Агар бу амал бажарилмаса, система уйда ҳисоблагич ўрнатилмаган деб ҳисоблаб, сув учун тўловни юқори тариф бўйича ҳисоблайди — натижада қарз юзага келади.

Қарздорлар рўйхатига тушмаслик учун кўрсаткичларни ўз вақтида топширинг:
• uzsuv.uz сайтидаги шахсий кабинет орқали
• Telegram-бот орқали — @uzsuvbot
• қисқа рақам орқали — 1255

Сув таъминоти ташкилотлари огоҳлантиради: ҳисоблагич кўрсаткичларини ўз вақтида тақдим этмаслик қарз тўпланишига ва мажбурий ундирув чоралари кўрилишига сабаб бўлиши мумкин.


Telegram I Facebook I YouTube I Instagram

Айбсиз айбдорлар: Хоразмдаги шов-шувли воқеа (қолдирилган суд)

Жиноят ишлари бўйича Хоразм вилоят судида 23 октябр куни жиноят иши доирасида Бобожонов Достон Отажон ўғли, Шокиров Оғабек Ихтиёр ўғли, Хўжаматов Акром Пўлат ўғли ва Дўстжанов Уйғун Улуғбек ўғли айбланувчи сифатида жалб этилиб, суд мажлиси бўлиб ўтиши керак эди. Адвокатлар иштирок этмагани сабабли суд 2025 йил 28 октябрга қолдирилган.

Маълумотларга кўра, уларга нисбатан Жиноят кодексининг 244¹, 244², 244³ ва 248-моддалари бўйича айблов эълон қилинган. Тергов жараёнида айбланувчилар ўзларига қўйилган айбловларни рад этишган, тақиқланган диний материалларни тарқатмаганликларини ва фаолиятлари фақат диний ибодат билан боғлиқ бўлганини билдиришган.

EFFECT.UZ ушбу мурожаатни ўрганишда давом этади.

Мухбир: Асомиддин Нур

👉ТЎЛИҚ ВИДЕО

Telegram I Facebook I YouTube I Instagram

⚡️Яккасаройда фавқулотда ҳолат эълон қилиниши керак: Даҳшат остида жон сақлаётган оила…

Тошкент шаҳри Яккасарой тумани Ҳумо кўчаси 47-а уйда яшовчи Асад Асқаров яшаш уйининг деворига ёриқ тушди. Ушбу ҳудудда Royal Towers қурилиш компаниясига тегишли «VIENNESE WALTZ» турар-жой мажмуаси барпо этилмоқда.

Маълум бўлишича, айнан ушбу қурилиш объектига юк олиб келган катта машиналардан бири – HOWO’нинг эҳтиётсизлиги оқибатида, уйнинг таянч девори ёрилган. Бахтга қарши девор қулаб тушмаган, агар қулаганда оиланинг 8 ёшли қизи жиддий жароҳат олиши мумкин эди.

Ҳолат ортидан ИИО ходимлари воқеага жойига етиб келиб, жараённи расмийлаштиришган, юк машинаси жарима майдонига жойлаштирилган.

👉 https://youtu.be/Pbsr84yQKvs