Абитуриентлар учун ҳужжат топшириш саналари маълум қилинди

2025/2026 ўқув йили учун ҳужжат топшириш қуйидаги тартибда амалга оширилади:

Бакалавриат йўналишлари учун ҳужжатлар 5 июндан 25 июнгача my.uzbmb.uz сайти орқали қабул қилинади.

Магистратура учун ҳужжатлар 1 июлдан 30 июлгача magistr.edu.uz сайтида онлайн топширилади.

Ўқишни кўчириш (трансфер) учун аризалар 15 июлдан 5 августгача transfer.edu.uz орқали қабул қилинади.

Барча жараёнлар фақат онлайн тарзда амалга оширилади. Ҳар бир йўналиш учун ҳужжат топшириш муддати чекланган — абитуриентлардан белгиланган санада ҳужжатларни топшириш тавсия этилади.

Telegram I Facebook I YouTube I Instagram

“Mall of Uzbekistan” — миллий маҳсулотлар учун янги савдо майдони яратилади

Бугунги кунда мамлакатимизда тайёр кийим кечак, чарм-атторлик маҳсулотлари ва пойабзал ишлаб чиқарадиган 4 мингдан зиёд корхона бор.

Лекин уларни аҳолига танитиб, кенг танлов имконини берадиган, миллий маҳсулотлар бир жойда сотиладиган савдо марказлари йўқлиги кўрсатиб ўтилди.

Шу боис, фақат миллий маҳсулотлар сотиладиган “Mall of Uzbekistan” йирик савдо марказлари ишга туширилади. Бу ердаги савдо дўконлари тадбиркорларга минимал нархда ижарага берилади.

Ишчиларининг 15 фоизи эҳтиёжманд оиладан бўлган тўқимачилик ва чарм-пойабзал корхоналарига фойда солиғи 2 фоиз, ижтимоий солиқ 1 фоиз этиб белгиланган.

Эндиликда тўқимачилик ва чарм корхоналарига эҳтиёжманд одамларни ишга олиш бўйича 15 фоизли меъёр 2 баробар камайтирилади. Бундан буён имтиёз олиш учун корхонада эҳтиёжманд одамлар билан бирга ногиронлиги бор ишчилар ҳам ҳисобга олинади.

Telegram I Facebook I YouTube I Instagram

Мажбурий рақамли маркировкалаш тизими самарадорлиги оширилади

“Мажбурий рақамли маркировкалаш тизими самарадорлигини
оширишга қаратилган қўшимча чора-тадбирлар тўғрисида”ги президент қарори қабул қилинди.

Қарорга кўра, рақамли маркировкаланган маҳсулотларнинг ҳаракат занжирини тўлиқ кузатиб бориш орқали яширин ишлаб чиқариш ва контрафакт маҳсулотлар муомаласига чек қўйиш асосий мақсад этиб белгиланди.

Тадбиркорлар томонидан олинган маркировка кодларини маҳсулотларга қўллаш учун белгиланган 90 календарь кунлик муддат бекор қилинади.

Маркировка кодлари маҳсулотга бевосита қўллангандан кейин улар учун тўлов амалга оширилади.

Шунингдек, рақамли маркировкаланган маҳсулотларни агрегациялашда қўлланадиган маркировка кодлари Рақамли маркировкалаш ва кузатиш миллий ахборот тизими оператори (Оператор) томонидан бепул тақдим этилади

Тадбиркорларнинг мурожаатларини тезкор ҳал этиш мақсадида Оператор томонидан туну кун ишлайдиган “Call-марказ” фаолияти йўлга қўйилади.

Қарорга кўра, 2025 йил 1 июлдан:

🔹 импорт қилувчи ташкилот томонидан Ўзбекистон ҳудудига олиб кирилган дори воситаларини уларнинг улгуржи ва чакана савдоси билан шуғулланувчи тадбиркорларга тўғридан-тўғри ёки унинг расмий дилерлари орқали реализация қилиш электрон ҳисобварақ-фактура асосида амалга оширилади;

🔹 рақамли маркировкаланган маҳсулотларни улгуржи сотиш фақат нақд пулсиз шаклда банк ҳисобварақлари орқали амалга оширилади.

Telegram I Facebook I YouTube I Instagram

Мажбурий рақамли маркировкалаш қоидаларини бузиш ҳолатлари бўйича масофавий солиқ текшируви ўтказилади

“Мажбурий рақамли маркировкалаш тизими самарадорлигини
оширишга қаратилган қўшимча чора-тадбирлар тўғрисида”ги президент қарори қабул қилинди.

Қарорга кўра, 2026 йил 1 январдан мажбурий рақамли маркировкалаш қоидаларини бузиш ҳолатларини солиқ органларининг ахборот тизими орқали аниқлаш бўйича масофавий солиқ текширувини ўтказиш тартиби жорий этилади. Бунда:

🔹 текшириш ҳуқуқини берувчи махсус гувоҳнома олиш талаб этилмайди;

🔹 мажбурий рақамли маркировкалаш қоидаларини бузиш ҳолатлари аниқланганда қоидабузарликларни бартараф этиш тўғрисида огоҳлантириш берилади;

🔹 2-марта огоҳлантириш берилгандан сўнг қоидабузарлик ҳолатлари аниқланганда белгиланган миқдорларда жарима қўлланади;

🔹 жарима қўлланилган тадбиркорларга 1 йил давомида ҚҚС суммасининг ўрни қопланмайди.

2025 йил 1 сентябрдан фармацевтика фаолияти ҳамда дори воситалари ва тиббий буюмларни чакана реализация қилиш фаолияти бўйича янгидан ташкил этилган субъектларга лицензия беришда қуйидаги қўшимча шартлар киритилади:

🔸 фаолиятини амалга ошириш учун кўчмас мулк бўйича ижара ёки текин фойдаланиш шартномаси солиқ органларида ҳисобга қўйилганлиги;

🔸 дори воситаларини реализация қилишда харидорлардан тўловларни қабул қилиш бўйича электрон тўлов воситаларидан фойдаланиш имконияти яратилганлиги.

Telegram I Facebook I YouTube I Instagram

“O‘zbekiston qayta sug‘urta kompaniyasi” миллий қайта суғурта ташкилоти ташкил этилади

“Мамлакатимизда қайта суғурта тизимини янада такомиллаштириш чора-тадбирлари тўғрисида”ги президент қарори (ПҚ-191-сон, 23.05.2025 й.) қабул қилинди.

Қарорга кўра, қайта суғурта тизимини 2025 йилда янада такомиллаштиришнинг асосий мақсадлари этиб қуйидагилар белгиланди:

🔹 миллий қайта суғурта бозори ҳажмини 4 трлн сўмга етказиш;

🔹 қайта суғурта хизматлари экспортини камида 30 фоизга ошириш;

🔹 халқаро ҳамкорликни кенгайтириш ва қайта суғурта соҳасига жалб қилинадиган инвестициялар ҳажмини 150,0 млрд сўмгача ошириш.

Қарорга кўра, “O‘zbekiston qayta sug‘urta kompaniyasi” миллий қайта суғурта ташкилоти (Компания) ташкил этилади ва унинг фаолияти асосий йўналишлари этиб қуйидагилар белгиланди, жумладан:

🔸 суғурта фаолияти тўғрисидаги қонунчиликка мувофиқ барча қайта суғурта қилиш турларини амалга ошириш;

🔸 хорижий ва маҳаллий инвесторларнинг республика иқтисодиётига киритадиган тўғридан-тўғри ва портфель инвестицияларининг ҳамда инвестиция лойиҳалари бўйича таваккалчиликларнинг комплекс қайта суғурта ҳимоясини таъминлаш.

Telegram I Facebook I YouTube I Instagram

Мадинада вафот этган Ракат масжиди имоми ҳақида расмий маълумот берилди

Ўзбекистон мусулмонлари идораси Тошкент шаҳридаги Ракат жоме масжиди имом-хатиби Раббимқул Муҳаммадиевнинг вафоти юзасидан баёнот берди.

Маълумотга кўра, 2025 йил 23 май куни Раббимқул домла Тошкент–Мадина авиақатнови орқали зиёратчилар гуруҳи раҳбари сифатида сафарга чиққан. Парвоз вақтида у ухлаб қолган ва уйғонмаган. Самолёт Мадина халқаро аэропортига етиб келганида, шифокорлар томонидан беморнинг аҳволи жуда оғир экани маълум бўлган: у ҳушсиз ҳолда бўлиб, саволларга жавоб бермаган.

Шундан сўнг у Мадинадаги Муовасат клиникасига жойлаштирилиб, шифокорлар томонидан “бош мия қон айланиши ўткир бузилиши, мия ўзаги структураларида ўзгариш ва мия шишиши” каби ташхислар қўйилган. Бир кун ўтиб, 24 май куни шифокорлар мия шишини камайтириш мақсадида жарроҳлик амалиётини ўтказган.

Афсуски, кўрилган чораларга қарамай, Раббимқул домланинг аҳволи яхшиланмаган ва у 26 май куни эрта тонгда вафот этган.

Ҳозирги маълумотларга кўра, шу куннинг ўзида Мадинадаги Масжидун Набавийда жаноза намози ўқилиши ва Бақи қабристонида дафн маросими ўтказилиши режалаштирилган.

Ўзбекистон мусулмонлари идораси марҳумнинг оиласи ва яқинларига таъзия изҳор этди.


Telegram I Facebook I YouTube I Instagram

Зафар Ҳакимов оламдан ўтди

Давлат ва жамоат арбоби, археолог олим Зафар Ҳакимов 82 ёшида вафот этди. У фаолияти давомида Ўзбекистон Бадиий фонди директори, маданият вазири, Президент аппарати етакчи консультанти, Ўзтелерадиокомпания раиси каби лавозимларда ишлаган.

Макрон ва рафиқаси ўртасидаги "эркалик" ижтимоий тармоқларда муҳокамага сабаб бўлди

25 май куни Вьетнамга амалга оширилган расмий ташриф пайтида Франция президенти Эммануэль Макрон ва унинг рафиқаси Брижит Макрон ўртасидаги бир вазият ижтимоий тармоқларда катта муҳокамага сабаб бўлди.

Видеода Брижит Макрон эрининг оғзини қўли билан беркитиб, юзига енгилгина қўли билан уриб қўйгани кўринади. Бу ҳолат аввал бошда жамоатчилик томонидан жиддий ва салбий ҳолат сифатида талқин қилинди.

Бироқ орадан кўп ўтмай, Елизей саройи ҳамда Макроннинг ўзи бу вазиятга изоҳ берди. Улар буни оддий ва беозор "эр-хотин орасидаги ҳазиломуз эркалик" сифатида баҳолашди. Президент Макроннинг сўзларига кўра, бу воқеа сафар олдидан содир бўлган шунчаки кулгили бир лаҳза бўлган, холос. Унинг таъкидлашича, бу ҳолат жамоатчилик томонидан ортиқча ва асоссиз тарзда шиширилган.

Telegram I Facebook I YouTube I Instagram

Саудия Арабистонида алкогол тақиқига қисман барҳам берилади

Саудия Арабистони 73 йил давомида амал қилиб келган алкоголли ичимликларга оид тақиқни қисман бекор қилишга тайёрланмоқда. Мамлакат матбуоти тарқатган хабарларга кўра, 2026 йилдан бошлаб спиртли маҳсулотларни фақат танлаб олинган туристик ҳудудларда ва лицензияга эга муассасаларда сотиш ва истеъмол қилишга рухсат берилиши режалаштирилмоқда.

Бу янгилик Саудия Арабистонидаги беш юлдузли меҳмонхоналар, нуфузли дам олиш масканлари, дипломатик ҳудудлар, Синдала ороли ҳамда Неом лойиҳаси каби туристик объектларда амалга оширилиши кутилаяпти. Бироқ алкогол миқдори 20 фоиздан ортиқ бўлган ичимликлар учун тақиқ сақланиб қолади.

Ҳукуматнинг бу қадами мамлакатда бўлиб ўтиши режалаштирилган халқаро тадбирлар — жумладан, 2030 йилги Expo кўргазмаси ва 2034 йилги футбол бўйича Жаҳон чемпионатига тайёргарлик доирасидаги чоралардан бири саналади. Шунингдек, у "Vision-2030" деб номланган иқтисодий диверсификация дастурининг бир қисми сифатида ҳам кўрилмоқда.

Маълумот учун, Саудия Арабистонида спиртли ичимликлар 1952 йилдан буён қатъий тақиқланган ва бу тақиқ ҳам маҳаллий аҳолига, ҳам хорижликларга тааллуқли эди.

Telegram I Facebook I YouTube I Instagram

Ташаббус — жойида, назорат — қатъий, натижа — аниқ!

Навоий шаҳар ҳокими Дилмурод Эргашев бошчилигида ҳар куни эрталабдан маҳаллаларда амалга оширилаётган ишлар жойига чиқиб ўрганилмоқда. Мавжуд муаммолар аниқланиб, уларни бартараф этиш учун аниқ топшириқлар белгиланмоқда.

Маҳаллаларда қуйидаги йўналишлар бўйича ишлар танқидий ўрганилмоқда:

Ободонлаштириш ва санитария ҳолати;

Кўкаламзорлаштириш жараёни;

Болалар майдончалари ва ижтимоий объектлар ҳолати;

Чиқиндиларни йиғиш ва ташиш тизими;

Маҳаллий йўллар ва пиёдалар йўлаклари;

Ноқонуний қурилмаларни аниқлаш ва олиб ташлаш;

Сугориш ва кўча ёритиш тизимлари.

Ҳар бир ўрганиш жараёнида маҳалла фаоллари, фуқаролар йиғини раислари ва тегишли соҳа вакиллари билан биргаликда аҳоли эҳтиёжлари асосида муаммоларга тезкор ечимлар ишлаб чиқилмоқда.

Асосий мақсад — навоийликларга янада қулай, тоза ва фаровон ҳаёт тарзини таъминлаш, фуқаролар ишончини оқлашдир!

Telegram I Facebook I YouTube I Instagram

"Ўзбекистон – истеъдодлар замини" ёшлар ҳаракати старт олмоқда: футбол ва мотивация бир майдонда

Ҳукумат ва Тошкент шаҳар ҳокимлиги ташаббуси билан Жорий йил июнь ойидан бошлаб Ўзбекистонда "Ўзбекистон – истеъдодлар замини" номли янги ёшлар ҳаракати фаолиятини бошлайди. Ҳаракатнинг илк йирик лойиҳаси сифатида, 5-10 июнь кунлари Миллий кутубхонаси олд майдонида кенг кўламли оммавий тадбирлар ташкил этилади.

Ушбу тадбирларнинг марказий нуқтаси 5 июнь куни Абу-Дабида бўладиган БАА-Ўзбекистон ҳамда 10 июнь кунги Ўзбекистон-Қатар ўйинлари ҳисобланади. Ўзбекистон миллий терма жамоасининг ЖЧ-2026 саралаш босқичидаги муваффақияти учун ҳал қилувчи аҳамиятга эга бўлган бу учрашувларга миллионлаб ватандошларимизнинг эътибори қаратилган.

Лойиҳа Ўзбекистон футбол ассоциацияси билан ҳамкорликда амалга оширилмоқда. Барча ташкилий харажатлар Капиталбанк, Uzum ва Ucell компаниялари томонидан тўлиқ молиялаштирилаётгани эътиборга лойиқ.

Тадбирлар дастурига нафақат футбол ўйинларининг катта экранда намойиши, балки концертлар ва шоулар ҳам киритилган. Тадбирларда 100 мингдан ортиқ ёшлар иштирок этиши кутилмоқда. Иштирок этиш истагида бўлганлар Телеграмдаги @land_uzbot орқали рўйхатдан ўтишлари мумкин.

Ҳаракатнинг асосий мақсади – футбол бўйича Ўзбекистон миллий терма жамоасини қўллаб-қувватлаш орқали ёшларни умумий ғоя остида бирлаштириш ва уларни катта мақсадлар сари интилишга руҳлантиришдан иборат.

Telegram I Facebook I YouTube I Instagram

Навоий шаҳрига янги прокурор тайинланди

Ўзбекистон Республикаси бош прокурорининг тегишли буйруғига асосан, адлия катта маслаҳатчиси Облақулов Бобурмирзо Саломович Навоий шаҳар прокурори лавозимига тайинланди.

Ушбу тайинловга қадар Бобурмирзо Саломович Самарқанд шаҳар прокурори сифатида фаолият юритган.

Маълумот учун, Бобурмирзо Облақулов 1972 йилда Каттақўрғон туманида туғилган. 1989 йил Самарқанд шаҳар 31-умумтаълим мактабини тамомлаган, 1991−1995 йилларда Самарқанд давлат университетида ўқиган, мутахассислиги ҳуқуқшунос.

Самарқанд шаҳри прокурорлигидан олдин у Бош прокуратура, Самарқанд вилоят прокуратурасида фаолият кўрсатган. Паст Дарғом, Оқдарё туманларида прокурор лавозимида ишлаган. 2019—2022 йиллар давомида Самарқанд шаҳри ҳокими лавозимида ҳам фаолият юритган.

Telegram I Facebook I YouTube I Instagram

МИБ ходимларига ундирилган қарз учун бонус белгиланди

Ўзбекистон Бош прокурорининг 2024 йил 14 майдаги буйруғига кўра, давлат ижро органлари ва Мажбурий ижро бюроси ходимларини моддий рағбатлантириш тартиби тасдиқланди. Эндиликда қарз ундирган ходимлар ижро йиғимлари ҳисобига ой якунида бонус олади.

Жисмоний шахслардан ундирилган сумма учун — 1%, юридик шахслардан — 2% миқдорида йиғим белгиланади. Шунингдек, номулкий ҳужжатлар бўйича белгиланган миқдорда йиғим ундирилади.

Бюро марказий аппарати ва ҳудудий бўлимларидаги тўғридан-тўғри ундирувчи ходимлар ундирилган маблағнинг 80% қисмигача, лекин энг кўпи билан 4,62 миллион сўмгача бонус олиши мумкин.

Соддалаштирилган ёки ижроси тўхтатилган ишлар, шунингдек нотўғри маълумот киритилган ҳолатлар учун тўловлар амалга оширилмайди.

Telegram I Facebook I YouTube I Instagram