Хоразмда солиқ инспекторига, Қашқадарёда эса суд-экспертиза маркази ходимига нисбатан жиноят иши қўзғатилди

Хоразм вилояти Янгиариқ тумани давлат солиқ инспекциясининг маҳаллаларга бириктирилган солиқ инспекторлари шоъбаси давлат солиқ инспектори трикотаж маҳсулотлари ишлаб чиқариш ва улгуржи савдоси билан шуғулланувчи МЧЖнинг солиқ қарздорлигини ундирмасдан, уни банкротлик асосида тугатиб бериш эвазига ўзининг яқин алоқаси орқали 900 АҚШ доллари олган вақтида ашёвий далиллар билан ушланди.

Ҳозирда солиқ инспекторига нисбатан Жиноят кодексининг 168-моддаси 3-қисми "в" банди билан жиноят иши қўзғатилиб, тергов ҳаракатлари олиб борилмоқда.

Қашқадарё вилоятида кузатилган ҳолатда эса Яккабоғ туманида яшовчи, 1985 й.т., муқаддам судланган шахс чорвачиликка ихтисослашган фермер хўжалик томонидан сув таъминотига ноқонуний уланиб, фойдаланганлиги ҳолати бўйича аниқланган 99 млн. сўмлик зарарни тегишли ташкилот экспертлари орқали йўқ қилиб бериш эвазига, фермер хўжаликнинг иш бошқарувчисидан 1500 АҚШ доллари олган вақтида ушланди.

Шунингдек, тезкор тадбир давом эттирилиб, Х.Сулаймонова номидаги Республика суд-экспертиза марказининг Қашқадарё вилоят бўлинмаси эксперти ушбу 1500 АҚШ долларини олган вақтида ашёвий далиллар билан ушланди.

Ҳозирда фуқаро ва экспертга нисбатан Жиноят еодексининг
168-моддаси 3-қисми "в" банди ва 28, 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

722 миллион сўмлик авторақам — 2025 йилнинг рекорди

Ўзбекистон товар-хомашё биржасининг электрон савдо платформасида ўтказилган навбатдаги онлайн аукционлар натижасида жами 697 та авторақам сотилди.

Улардан 644 тасини жисмоний шахслар, қолганларини эса юридик шахслар харид қилган.

Энг арзон авторақам 1 миллион 900 минг сўмга сотилган бўлса, 2025 йил 20 май куни энг қиммат — “чиройли” рақам 722,3 миллион сўмга баҳоланган ва бу йил бошидан буёнги энг юқори нарх сифатида қайд этилди.

Telegram I Facebook I YouTube I Instagram

10 нафар ижрочи муаллифлик ҳуқуқини бузгани учун лицензиясидан маҳрум бўлиши мумкин

Муаллифлик ҳуқуқи бузилган ҳолатлар бўйича айрим ижрочилар лицензиясидан айрилиши мумкин. Бу ҳақда Адлия вазирлигининг ахборот хизмати маълум қилди.

Маълум қилинишича, шоир ва бастакорлардан келиб тушган мурожаатлар асосида 2024 ва 2025 йилларда муаллифлик ҳуқуқини бузган ҳамда суд қарорларига асосан маъмурий жавобгарликка тортилган 10 нафар ижрочига оид маълумотлар “Ўзбекконцерт” давлат муассасасига тақдим этилган. Вазирлик ушбу ижрочиларнинг лицензияларини бекор қилиш юзасидан зарур чоралар кўришни сўраган.

Қайд этилишича, концерт-томоша фаолияти билан шуғулланувчи ижрочилар томонидан муаллифлик ва турдош ҳуқуқларнинг бузилиши лицензия талабларини жиддий равишда бузиш ҳисобланади. Бундай ҳолларда лицензия суд орқали бекор қилиниши мумкин.

Адлия вазирлиги барча ижодкорларни ўз ҳуқуқларини ҳимоя қилишга чақирар экан, муаллифлик ҳуқуқи бузилганда “1008” ишонч телефони ёки [email protected] электрон почта манзили орқали хабар беришни тавсия этган.

Telegram I Facebook I YouTube I Instagram

Ўзбекистон ва Словения парламентлараро ҳамкорликни мустаҳкамлашга келишиб олди

Президент Шавкат Мирзиёев Словения Миллий ассамблеяси раиси Уршка Клакочар-Зупанчич билан учрашув ўтказди. Суҳбат чоғида икки мамлакат ўртасидаги кўп қиррали алоқалар, жумладан, парламентлараро ҳамкорликни янада кенгайтириш масалалари муҳокама қилинди.

Самарқанд шаҳрида депутатлар ва экспертлар иштирокида биринчи Ўзбекистон–Словения парламент форумини ўтказиш таклифи илгари сурилди.

Шунингдек, парламентлар ўртасидаги муносабатларни ривожлантиришга қаратилган қўшма “йўл харитаси”ни қабул қилиш бўйича келишувга эришилди.

Telegram I Facebook I YouTube I Instagram

Сурхондарёда тадбиркор билан “музокара”: ҳоким таҳдиди ва расмий баёнот ўртасидаги зиддият

Яқинда ижтимоий тармоқларда Денов тумани ҳокими Илҳом Аброровнинг тадбиркор мулкини бузиш билан таҳдид қилган видеоси кенг тарқалди ва жамоатчиликда катта муҳокамаларга сабаб бўлди.

Кўпчилик мазкур ҳолатдан сўнг ҳокимлик томонидан “нотўғри тушунилдик, биз тадбиркор билан мулоқот олиб боряпмиз, кўрилган зарарлар тўлиқ қопланади, у рози бўлгандагина бузиш амалга оширилади” деган мазмунда изоҳ беришини кутган эди.

Бироқ туман ҳокимлиги тарқатган расмий муносабат кўпчиликда умидлар пучга чиққани ҳақидаги таассуротни қолдирди. Муносабатдан шундай хулосага келиш мумкинки, ҳокимлик бу биноларнинг мавжудлигини маъқул кўрмаяпти ва улар қурилиши жараёнидан камчилик изламоқда ва, эҳтимол, албатта, уни топади ҳам. Шу орқали мулкни бузишга асос яратилади.

Расмий муносабат неча бор ўқилмасин, ундан бошқа маъно чиқариш қийин. Қизиқиш билдирганлар мазкур муносабат билан танишиб чиқишлари мумкин.

Айтиш жоизки, агар тадбиркор ушбу мулкни бир неча йил аввал нотариал шартнома асосида сотиб олган ва уни давлат рўйхатидан ўтказган бўлса, ҳокимлик қандай камчилик топмоқчи?

Президент томонидан тадбиркорлар манфаатларини ҳимоя қилиш, уларга тўсиқлар яратмаслик доим таъкидлаб келинаётган бир пайтда, маҳаллий раҳбарларнинг бундай ёндашуви кенг жамоатчилик ўртасида жиддий саволлар туғдираётгани табиий.

Telegram I Facebook I YouTube I Instagram

Словения ва Ўзбекистон ўртасида Қўшма баёнот имзоланди

Любляна шаҳрида бўлиб ўтган музокаралар якунида Президент Шавкат Мирзиёев ва Словения Республикаси Бош вазири Роберт Голоб Қўшма баёнот имзоладилар.

Булар:

- дипломатик паспорт эгаларини виза талабларидан озод қилиш тўғрисида;

- таълим, фан ва маданият соҳаларидаги ҳамкорлик тўғрисида;

- транспорт ва логистика соҳасидаги ҳамкорлик тўғрисида;

- “ақлли” шаҳарларни бошқариш соҳасидаги ҳамкорлик тўғрисида;

- стандартлаштириш соҳасидаги ҳамкорлик тўғрисида;

- сув ресурсларини бошқариш соҳасидаги ҳамкорлик тўғрисида;

- туризм соҳасидаги ҳамкорлик тўғрисида битимлар.

Telegram I Facebook I YouTube I Instagram

Бефарқ бўлманг – Ўзбекистонда «Болаларни зўравонликнинг барча шаклларидан ҳимоя қилиш тўғрисида»ги Қонун кучга кирди: Ўзбекистонда кенг қамровли ахборот кампанияси бошланмоқда

15 майдан бошлаб Ўзбекистонда «Болаларни зўравонликнинг барча шаклларидан ҳимоя қилиш тўғрисида»ги Қонуни кучга кирди. Бу — мамлакат тарихида илк бор болаларга нисбатан зўравонлик турларини тизимли тарзда белгилаб берган ва аниқ жавоб чоралари ҳамда жавобгарлик механизмларини жорий этган ҳужжатдир.

Ахборот кампаниясини бошлаш ташаббускори — Ижтимоий ҳимоя миллий агентлиги директорининг биринчи ўринбосари Шаҳноза Мирзиёева бўлди.

Жимлик — энди норма эмас.

Бепарволик — энди танлов эмас.

Бу қонун — болалар ўзини хавфсиз ҳис қиладиган жамият сари муҳим қадам.

Telegram I Facebook I YouTube I Instagram

Қашқадарёда экстремистик гуруҳ фаолиятига чек қўйилди – 8 киши қамалди

Қашқадарё вилоятида давлат хавфсизлик хизмати ва ички ишлар органлари ҳамкорлигида ўтказилган тезкор тадбирлар давомида “Жиҳодчилар” номли диний-экстремистик оқимга тегишли яширин жамоа фаолияти аниқланди.

Маълум бўлишича, Қарши туманида яшовчи, 1977 йилда туғилган, аввал ҳам бир неча бор жиноят содир этган ва ўта хавфли рецидивист ҳисобланган фуқаро томонидан ташкил этилган бу жамоа таркибига Қарши шаҳри ва туманида истиқомат қилувчи 1964–1986 йилларда туғилган яна 7 нафар шахс жалб этилган. Улар ноқонуний диний жамоа тузиб, ўз уйларида йиғилишлар ўтказишган ҳамда “ҳалифалик” давлатини тузиш масалаларини муҳокама қилишган.

Шунингдек, улар ижтимоий тармоқлар орқали турли халқаро террористик ташкилотларнинг ғоявий даъватларини акс эттирувчи аудио ва видео материалларни тарқатиб, бошқа шахсларни ҳам ўз сафларига жалб қилишга уринишган.

Таъкидланишича, гуруҳ аъзоларининг тўрт нафари аввалги жиноятлари учун қамоқда бўлган, бироқ шундан тўғри хулоса чиқармаган. Жиноят ишлари бўйича Қарши туман суди томонидан улар Ўзбекистон Республикаси Жиноят кодексининг 159, 244¹ ва 244²-моддаларига асосан айбли деб топилиб, 6 йилдан 10 йил 6 ойгача бўлган озодликдан маҳрум қилиш жазосига ҳукм қилинди.

Telegram I Facebook I YouTube I Instagram

Байрам қонунбузарликка айланмаслиги керак: ИИББ битирувчилар ва ота-оналарни оғир оқибатлардан огоҳлантирди

25 май – “Сўнги қўнғироқ” куни. Бу сана ҳар йили битирувчилар учун унутилмас хотира ва байрам сифатида ўтиши керак. Бироқ, Ички ишлар бош бошқармаси маълумотларига кўра, бу кун барча учун ҳам шундай ёқимли хотира сифатида ёдда қолмаслиги мумкин.

ИИББ қайд этишича, баъзи битирувчи ўқувчилар “битирув кечаси” учун керакли маблағни топиш мақсадида жиноятга, хусусан, ўғриликка қўл ураётган ҳолатлар аниқланган.

Ҳуқуқни муҳофаза қилувчи органлар барча ота-оналар ва ўқувчиларни ҳушёр бўлишга, байрамни хавфсиз ва маънавий руҳда ўтказишга чақирди.

Telegram I Facebook I YouTube I Instagram

"Россия хаёлпараст ва иғвогар шахслардан тезроқ халос бўлиши лозим" – Қодиров

Олий Мажлис Қонунчилик палатаси депутати, “Миллий тикланиш” демократик партияси фракцияси раҳбари Алишер Қодиров Россия расмийларидан бири томонидан айтилган баҳсли баёнотга муносабат билдирди. Унинг таъкидлашича, Россиядаги айрим шахслар тарихий ҳақиқатни бурманглайдиган, хаёлпараст фикрлар билан чиқиш қилмоқда.

Қодиров ўзининг Telegram-каналида Владимир Путиннинг маслаҳатчиси Антон Кобяков томонидан айтилган “СССР ҳали расман тарқатилмаган” деган фикрини кескин танқид қилди. У ўз постида 1990 йилда қабул қилинган 1409-I сонли СССР қонунининг 2-моддасини илова қилган ҳолда шундай ёзди:

“Ўзбек халқи 1990 йилда қабул қилинган 1409-I сонли СССР қонунининг 2-моддасига мувофиқ, СССРдан ажралиб чиқишга қарор қилган ва ким истаса, истаганича муҳокама қилиши мумкин, бу қарор тўғри ва ўзгармас!”

Депутат шу билан бирга, Кобяков сингари шахслар Россияда турли ғавғолар келтириб чиқараётганини қайд этиб, қуйидаги сўзларни ёзди:

“Россия шамоллаганлар ва хаёлпарастларидан тезроқ қутулиши керак. Бу дард газак олиб, тобора оғир оқибатлардан дарак бермоқда”.

Қодиров, шунингдек, Украинанинг ғарб давлатларига суянганини танқид қилиб, бу йўлни хато деб баҳолади:

“Украина эгоист, тарқоқ ва заиф ғарбга таяниб хато қилди, лекин бир-бирига таянаётган Марказий Осиё, қолаверса, бутун туркий дунёни ҳисобга олмаганлар хато қилади”.

Якунда депутат Путиннинг фикрига ҳам ишора қилиб, қалбан рус дунёсига тегишли бўлганлар Россияда тинч ва бахтли ҳаёт кечириши лозимлигини таъкидлаган.

Telegram I Facebook I YouTube I Instagram

Туман (шаҳар) тиббиёт бирлашмалари негизида туман (шаҳар) соғлиқни сақлаш бўлимлари ташкил этилади

“Соғлиқни сақлаш тизимидаги ислоҳотларни амалга оширишнинг қўшимча чора-тадбирлари тўғрисида”ги президент қарори қабул қилинди.

Қарорга кўра, 2025 йил 1 июлдан 15 та туман (шаҳар)ларда, 2026 йил 1 январдан Самарқанд вилоятида тажриба-синов тариқасида соғлиқни сақлаш тизимини ташкил этишнинг янги моделини (Тажриба-синов лойиҳаси) жорий этиш доирасида соғлиқни сақлаш тизимини такомиллаштиришнинг асосий мақсадлари этиб қуйидагилар белгиланди, жумладан:

🔹 бирламчи тиббий-санитария ёрдами муассасалари фаолиятини тубдан қайта кўриб чиқиш орқали оилавий поликлиникаларда кўрсатиладиган тиббий хизматлар сифатини ошириш;

🔹 тиббиёт ходимларининг билим ва малакасини ошириш, улар меҳнатига муносиб ҳақ тўлаш тизимини жорий қилиш.

Тажриба-синов лойиҳасини амалга ошириш мақсадида туман (шаҳар) тиббиёт бирлашмалари негизида туман (шаҳар) соғлиқни сақлаш бўлимлари ташкил этилади.

Қуйидагилар туман (шаҳар) соғлиқни сақлаш бўлимларининг асосий вазифалари этиб белгиланди, жумладан:

🔸 кўп тармоқли марказий поликлиникаларни марказий шифохоналарнинг маслаҳат-диагностика бўлинмаларига айлантириш;

🔸 тиббиёт ходимлари фаолиятини тасдиқланган меҳнат самарадорлиги кўрсаткичлари бўйича назорат қилиш ҳамда натижалар асосида уларни рағбатлантириш.

Telegram I Facebook I YouTube I Instagram

Махсус кўникмаларни талаб қиладиган даволаш чораларини кўрган шифокорларга қўшимча устамалар тўланади

Қарорга кўра, 2025 йил 1 июлдан республиканинг барча давлат тиббиёт муассасаларида махсус кўникмаларни талаб қиладиган даволаш чораларини кўрган ҳамда юқори хавф даражасига эга бўлган амалиётларни самарали амалга оширган шифокорларнинг ойлик маошларига 25 фоиздан 100 фоизгача устама тўланади.

2025 йил 15 июнгача Тажриба-синов лойиҳаси амалга ошириладиган ҳудудларда, 2025 йил якунигача қолган ҳудудларда аҳоли “Электрон соғлиқни сақлаш” ахборот тизимида рўйхатдан ўтказилади ҳамда тиббиёт бригадаларига бириктирилади.

Шунингдек, “Тиббиётда 90 кунлик ўзгаришлар” дастури ишлаб чиқилган бўлиб, 2025 йил 1 июндан Дастур доирасида қисқа муддатда тиббиёт муассасаларида аҳоли учун қулай шароитлар мақсадида қуйидагилар йўлга қўйилади, жумладан:

🔹 тиббиёт муассасаларида кутиш заллари ташкил қилиниб, ўриндиқлар билан таъминланади;

🔹 аҳоли, беморлар, ногиронлар ҳаракатланиши учун қулайликлар яратилади;

🔹 “Она ва бола” хоналари ташкил қилинади, хоналар ва йўлаклар тежамкор замонавий ёритиш қурилмалари билан жиҳозланади.

Telegram I Facebook I YouTube I Instagram

Музработ туманига янги ҳоким тайинланди

Халқ депутатлари Музработ тумани кенгашининг навбатдан ташқари сессияси бўлиб ўтди. Бу ҳақда Сурхондарё вилояти ҳокимлиги матбуот хизмати маълум қилди.

Сессияда шу кунга қадар ҳоким вазифасини бажариб келган Алишер Қурбонов лавозимидан озод этилгани эълон қилинди. Вилоят раҳбари Улуғбек Қосимовнинг туман ҳокимлиги лавозимига Абдулла Абдимўминович Маматқулов номзодини сайлаш ҳақидаги таклифи депутатлар томонидан маъқулланди.

Маълумот учун, Абдулла Маматқулов 1985 йили Олтинсой туманида туғилган. У 2011 йили Тошкент тўқимачилик ва енгил саноат институтини механик-технолог мутахассислиги бўйича якунлаган.

У турли масъулиятли лавозимларда — “Сурхондарё сув таъминоти” МЧЖ директорининг ўринбосари, Бандихон тумани ҳокимининг ўринбосари, “Сурхондарёсувқурилишинвест” ДУК директори каби лавозимларда ишлаган. Ҳокимликка тайинлангунча “Сурхондарё сув таъминоти” АЖ директори вазифасида фаолият юритган.

Алишер Қурбонов 2024 йил сентябридан буён туман ҳокими вазифасини бажариб келаётган эди. Унинг лавозимидан озод этилиши сабаблари аниқ маълум қилинмаган.

Telegram I Facebook I YouTube I Instagram

Ўзбекистонда илк бор: Самарқанд 2025 йилда БМТнинг Давлат хизмати форумига мезбонлик қилади

2025 йил 23-25 июнь кунлари Ўзбекистон илк маротаба БМТнинг нуфузли Давлат хизмати форумига мезбонлик қилади.

Глобал тадбир вазирлар, юқори мартабали давлат амалдорлари, фуқаролик жамияти етакчилари ва инноваторларни давлат хизматининг истиқболи ҳақида фикр алмашиш учун бир жойга тўплайди.

Форум мавзуси: 2030 йилгача беш йил: Барқарор келажак учун давлат хизматларини кўрсатишни жадаллаштириш.

Ташкилотчилар:
▫️БМТ Иқтисодий ва ижтимоий масалалар департаменти (UN DESA)
▫️Рақамли технологиялар вазирлиги
▫️Стратегик ислоҳотлар агентлиги
▫️Давлат хизматини ривожлантириш агентлиги

Telegram I Facebook I YouTube I Instagram