Трамп Путин билан иложи борича тезроқ учрашишни истайди — АҚШ давлат котиби

Марко Рубионинг сўзларига кўра, ҳозирда учрашув жойи ва санаси масаласи ҳал қилинмоқда.

Рубионинг бошқа баёнотлари:

◾️ Россия Украинада ўт очишни тўхтатишга оид талабларлари акс этувчи ҳужжатни тайёрламоқда;

◾️ Агар Украина бўйича музокараларда олдинга силжиш бўлмаса, АҚШ Конгресси Россияга қарши санкциялар тўғрисида қонун қабул қилиши ҳақида россияликларни огоҳлантирдик;

◾️ Конгресснинг Россияга қарши санкциялар тўғрисидаги қонун лойиҳасини қабул қилиши бу биз тўхтата олмайдиган ва назорат қила олмайдиган жараён;

◾️ АҚШ Украина бўйича охири йўқ музокараларда иштирок этишни истамайди, балки яқин кунларда аниқ натижаларни кўришни хоҳлайди.

Telegram I Facebook I YouTube I Instagram

Тойлоқда йўл-транспорт ҳалокати оқибатида тўрт киши ҳалок бўлди

Самарқанд вилоятининг Тойлоқ туманида содир бўлган йўл-транспорт ҳалокати оқибатида ҳайдовчи ва уч нафар йўловчи воқеа жойида вафот этди.

Ҳолат бўйича терговга қадар текширув ҳаракатлари олиб борилмоқда. Жиноят кодексининг 269-моддаси 3-қисми “а” банди (икки ва ундан ортиқ шахснинг ўлимига сабаб бўлган йўл ҳаракати қоидаларини бузиш) билан жиноят иши қўзғатилди.

Telegram I Facebook I YouTube I Instagram

ДХХ Call-марказига қилинган мурожаат ортидан икки нафар ички ишлар ходими катта миқдорда пора билан ушланди

ДХХ Call-марказига Тошкент вилояти ички ишлар ходими ўз хизмат ваколатини суиистеъмол қилган ҳолда коррупцион жиноятларни содир этиб келаётгани ҳақида маълумот келиб тушган.

Мурожаатга кўра, ИИБ ходими Ўзбекистон Республикаси Жиноят кодексининг 210, 131, 135, 206, 207, 165-моддалари билан жиноят иши қўзғатилиб, ҳозирда терговда бўлган собиқ ички ишлар ходимига суд идораларидаги танишлари орқали енгилроқ жазо тайинланишида ёрдам бериш эвазига унинг яқин қариндошларидан 20 минг АҚШ доллари талаб қилган.

Маълумотга асосан, 16 май куни ДХХ ва ИИВ тезкор бошқармалари ҳамкорлигида ўтказилган фаол тадбир давомида ИИБ ходими 1995 йилда туғилган фуқародан 20 минг АҚШ долларини олган вақтида жиноят устида қўлга олинди.

Бошқа бир ҳолатда эса 17 май куни ДХХ томонидан Бош прокуратура хузуридаги Иқтисодий жиноятларга қарши кураш Департаменти ҳамда ИИВ тезкор бошқармаси билан ҳамкорликда ўтказилган фаол тадбирда Тошкент вилояти Янгийўл тумани ички ишлар ходими Ўзбекистон Республикаси Жиноят Кодексининг 103- ва 112-моддалари билан айбланиб, 8 йил 5 ой муддатга озодликдан маҳрум қилинган маҳкумга жазо муддатини Тошкент шаҳар суди мансабдор шахслари имконияти орқали тафтиш инстанциясида камайтириб беришни ваъда қилиб, маҳкумнинг танишидан 24 минг АҚШ доллари миқдорида пора олаётган вақтида жиноят устида ушланди.

Тадбир жараёнида унинг ёнидан адвокатлик ва ҳакамлик суди судьяси гувоҳномалари ҳамда ИИВнинг лавозимга тайинлаш тўғрисидаги буйруғи нусхаси топилди.

Ҳар икки ҳолат юзасидан тақдим этилган материаллар асосида Тошкент шаҳар прокуратураси томонидан Ўзбекистон Республикаси Жиноят Кодексининг 168-моддаси 4-қисми ва 28, 211-моддаси 3-қисми билан жиноят ишлари қўзғатилиб, тергов ҳаракатлари олиб борилмоқда.

Маълумот учун ДХХ Call-маркази: 1520

Telegram I Facebook I YouTube I Instagram

Мактабларда Сўнгги қўнғироқ тадбирлари 24 май куни ўтказилади

Мактабгача ва мактаб таълими вазирлигига кўра ўқув йилининг охирги куни якшанбага тўғри келгани сабабли Сўнгги қўнғироқ тадбирлари шанба куни ўтказилади.

"Вазирлик шуни маълум қиладики, мактабларимизда сўнгги қўнғироқ тадбирларини кўтаринки кайфиятда, тантаналар билан ўтказиш анъанаси бу йил ҳам давом этади",

дейилади хабарда.

Олдинроқ вазирлик мактабларда Сўнгги қўнғироқни ўтказиш бўйича тавсияларини эълон қилиб, унда ресторан, хонадонларда "Битирув оқшоми"ни ўтказиш, совғага пул йиғиш, байрамга қиммат кийим сотиб олиш, енгил машиналарда сайр, гуруҳ бўлиб боғ ва сузиш жойларига бориш тақиқланиши маълум қилинган эди.

Telegram I Facebook I YouTube I Instagram

“18 май — Халқаро музейлар куни”: Ўзбекистон амалий санъат музейида очиқ эшиклар куни

18 май — Халқаро музейлар куни муносабати билан Ўзбекистон амалий санъат ва ҳунармандчилик тарихи давлат музейида Республика фуқаролари учун “Очиқ эшиклар куни” ташкил этилди.

Мазкур сана муносабати билан музейда икки муҳим кўргазма — “Етти гўзал” ва “Йиллар ошса сақланган қадрият” номли кўргазмалар меҳмонлар эътиборига ҳавола этилди.

Ушбу кўргазмалар орқали ташриф буюрувчилар Ўзбекистон амалий санъати тарихи бўйлаб саёҳат қилиб, миллий мероснинг бетакрор намуналарига янгича нигоҳ билан баҳo беришди.

Муаллиф: Камола Қурбонова

Telegram I Facebook I YouTube I Instagram

"Талабалар учун форма жорий этилиши ҳақидаги хабарлар асоссиз" — Олий таълим вазирлиги

Ижтимоий тармоқларда университет ва институт талабалари учун ягона талаба формаси жорий этилиши мумкинлиги ҳақида хабарлар сиздирилди. Ушбу хабарлар юзасидан Олий таълим вазирлиги маълумот берди.

Маълум қилинишича, ижтимоий тармоқларда тарқалган ушбу хабарлар ҳақиқатга тўғри келмайди ва нотўғри талқин этилмоқда.

Вазирликнинг таъкидлашича, низом лойиҳасида талабалар учун ягона форма жорий этилиши ёки мажбурий тартибда талаб этилишига доир ҳеч қандай норма мавжуд эмас.

Аксинча, олий таълим муассасалари ўзининг тарихи, вазифаси, маданий қадриятлари ва ҳудудий хусусиятларидан келиб чиққан ҳолда, ўзига хос корпоратив услуб ва рамзларини ишлаб чиқиш ҳуқуқига эга. Бунга таълим ташкилотларининг индивидуал имижини шакллантиришга қаратилган ташаббус сифатида қаралиши лозим. Шу билан бирга, эстетик, гигиеник ёки ташқи кўринишга оид тавсиялар фақат ихтиёрий характерга эга бўлиб, уларни жорий этиш ёки қўллашнинг амалий жиҳатлари ҳар бир таълим муассасасининг ички қарорларига боғлиқ. Яъни, мазкур Низом лойиҳаси доирасида махсус форма жорий этиш ёки уни мажбурий тартибда талаб қилиш умуман назарда тутилмаган.

Шу билан бирга, корпоратив услуб ва бренд элементлари (логотип, ранг схемаси ва ҳ.лар) шакллантириш ташаббуси университетларни нафақат маҳаллий, балки халқаро майдонда ҳам самарали тарғиб этиш, уларнинг рақобатбардошлигини ошириш ҳамда нуфузини мустаҳкамлашга хизмат қилади. Бундай ёндашув дунё тажрибасида ҳам таълим муассасаларининг маркетинг стратегиясининг муҳим қисми сифатида қаралади.

Олий таълим ташкилотларида ҳар бир талабанинг шахс сифатидаги эркинлиги ва ҳуқуқлари Конституция ва амалдаги қонунчиликка мувофиқ ҳимоя қилинади,

— дейилади хабарда.

Telegram I Facebook I YouTube I Instagram

Сиртқи таълимга қабул бутунлай ёпилди. Ҳозирги сиртқи талабалар ўқишини давом эттираверади

Президент фармонига кўра, 2025/2026-ўқув йилидан бошлаб таълимнинг сиртқи шаклига қабул тугатилди. Яъни жорий йилда сиртқига ҳеч ким олинмайди. Бошқача айтганда, бир ярим ойдан кейин бошланадиган қабул жараёнларида сиртқига квота берилмайди;

➖ мазкур талаб давлат олийгоҳлари учун ҳам, нодавлат (хусусий) олийгоҳлар учун ҳам бирдек амал қилади;

➖ бунда сиртқи таълимга қабул барча йўналишларда тугатилади. Яъни фалон йўналишда сиртқи бор, пистон йўналишда сиртқи ёпилди, деган гап йўқ. Энди ҳеч қайси йўналишга сиртқи учун талаба қабул қилиб бўлмайди;

➖ ҳозир ўқиётган юқори босқич талабалари ўқишини сиртқида давом эттираверади. Яъни сиртқи учун қабул тўхтатилди, сиртқига бошқа янги талаба олинмайди, аммо сиртқиларнинг ўзи ёпилгани йўқ;

➖ сиртқининг ўрнига кундузги таълимдан бошқа муқобил таълим шакллари бўйича қабул квоталари босқичма-босқич ошириб борилади. Бу кўпроқ масофавий таълим шакли бўлиши мумкин. Шунингдек, мақбуллаштирилган кундузги таълим шакли бўйича ўқитишга рухсат берилади;

➖ олийгоҳларда муқобил таълим шакллари бўйича умумий қабул квотасини кундузги таълим шакли қабул натижасининг 50 фоизидан оширишга йўл қўйилмайди. Яъни кундузгига 100 киши қабул қилса, унда муқобил таълим шаклига 50 кишидан кўп қабул қила олмайди. Бу аввалгидек, фақат квота эълон қилиш билан ўлчанмайди, балки аввал кундузгининг қабулини тугатиб, олган талабалари сонидан келиб чиқиб, кейин 50% муқобилга олиши мумкин бўлади;

➖ магистратура босқичида муқобил таълим шаклида ўқитишга рухсат берилади. Бунгача фақат кундузгига рухсат эди. Эндиликда, масалан, магистратурада масофавий ҳам ўқитса бўлади.

Telegram I Facebook I YouTube I Instagram

Сирдарёда шубҳали ўлим: она қайта тергов ва адолат талаб қилмоқда

Effect.uz'га мурожаат қилган Сирдарё вилояти Сирдарё тумани Ширин маҳалласида яшовчи аёл ўз ўғлининг шубҳали ҳолатдаги ўлими юзасидан тергов ишларидан норозилик билдирди. Унинг сўзларига кўра, ўғли 2025 йилнинг 2 февраль куни эрталаб ўз уйида ҳалок бўлгани ҳақида келини Рашидова телефон орқали маълум қилган.

Ўша пайтда Россия Федерациясида меҳнат қилиб юрган она дарҳол Ўзбекистонга қайтган ва ўша куниёқ ўғлининг жасади экспертиза учун олиб кетилган. Аммо у шундай дейди: «Мурдани олиб кетишган, аммо ўша куни уйдан бармоқ излари олинмаган». Бир кун ўтиб, 3 февраль куни дафн маросими ўтказилган ва экспертиза хулосаси олинган.

Экспертизада марҳум аввал газ билан ўзини заҳарлагани, сўнг ўзини осиб жонига қасд қилгани қайд этилган. Бироқ қўшнилар марҳумнинг ўлиши арафасида уйида жанжал бўлганини таъкидламоқда. Шунга қарамай, келини терговга аниқ маълумот бермагани айтилади.

Она терговда йўл қўйилган камчиликлар, экспертиза хулосаларининг хилма-хиллиги ва гувоҳликларнинг бир-бирига мос келмаслигидан норози. Унинг айтишича, бармоқ излари фақат шикоят аризаси ёзилгандан кейин олинган, гумондорлардан айримлари эсa Қозоғистон Республикасига қочиб кетган.

«Мен ҳақиқатни билишни хоҳлайман. Агар керак бўлса, ўғлимнинг қабрини очиб, қайта экспертиза қилдиришга ҳам тайёрман»,

— дейди аёл.

Ҳозирда у барча масъул органлардан холис тергов ва адолат қарор топишини сўрамоқда.

Динара Баҳромзода тайёрлади.

👉БАТАФСИЛ ВИДЕОДА

Telegram I Facebook I YouTube I Instagram

Зеленский ва Вэнс Рим папасининг инаугурация маросимида Оқ уйдаги жанжалдан кейин биринчи марта ўзаро қўл бериб кўришди

Рим папаси Лев ХIV нинг тахтга ўтириши маросимида Украина президенти ва АҚШ вице-президенти учрашиб, илк қўл бериб кўришишди. Бу уларнинг феврал ойи охирида Оқ уйдаги жанжалдан кейинги биринчи учрашуви бўлиб, ўша пайтда Венс Зеленскийни ҳурмацизликда айблаган эди.

Ватикан маълумотларига кўра, инаугурация маросимидан сўнг Рим папаси Володимир Зеленский билан шахсан учрашади, эртага эрталаб эса Жей Ди Вэнс билан учрашув ўтказилади.

Telegram I Facebook I YouTube I Instagram

Ахсикент ўз тарихий шаън-шарафини тикламоқда

Ахсикент ўзининг аввалги довруғини тикламоқда. Рамзий дарвоза қурдик, экспонатлар ва янги очиқ осмон остидаги музейни барпо этдик. 64-Халқаро гуллар фестивали доирасида янги объектларни фойдаланишга топширамиз. 1–2 июнь кунлари Ахсикент бўйича халқаро конференцияни ташкил этамиз,

— деди Наманган вилояти ҳокими Шавкатжон Абдураззоқов.

Telegram I Facebook I YouTube I Instagram

Йўл тор, маршрут қатнови кам, аҳоли эса норози

Тошкент вилояти Тошкент туманидаги Тошми ва Олтинтепа кўчалари торлиги ҳамда 476, 160, 104-йўналишдаги маршрут қатновларининг камлигидан аҳолининг бир қисми транспорт воситасига сиғмай қолмоқда. Бу ҳақда Effect.uz’га фуқаролардан мурожаат келиб тушди.

👉 https://effect.uz/6430

Telegram I Facebook I YouTube I Instagram