Аттестация тест синовлари санаси маълум бўлди

Жорий йил январь-июнь ойларида мактабгача, умумтаълим ва мактабдан ташқари таълим муассасалари педагоглари учун малака тоифа синовлари ўтказилади.

Синовлар фанлар бўйича турли кунларга белгиланган:
➖ 15–16 апрель — Рус тили, География;
➖ 17 апрель — Тарбия, Ҳуқуқ асослари, Психологлар;
➖ 18–21 апрель — Чет тиллари (инглиз, француз, немис ва бошқалар);
➖ 22–24 апрель — Ўзбек тили ва адабиёти;
➖ 25–26 апрель — Жисмоний тарбия, Мусиқа, Санъат, Технология;
➖ 28–29 апрель — Математика;
➖ 30 апрель – 1 май — Биология, Кимё, Физика;
➖ 2–7 май — Бошланғич таълим;
➖ 8 май — Тарих;
➖ 10 май — Қўшимча фанлар ва махсус педагоглар;
➖ 12 май — Информатика;
➖ 13–14 май — Мактабгача таълим ходимлари;
➖ 15–16 май — Қорақалпоқ тили;
➖ 15 май куни — Касбий сертификат синови ҳам ўтказилади.

Telegram I Facebook I YouTube I Live

Эндиликда 11,25 млн сўмдан юқори пул ўтказмалари қатъий назоратда бўлади

2025 йил 2 июлдан бошлаб тўлов тизимлари, электрон пуллар ва тўлов ташкилотлари фаолияти устидан назорат кучайтирилади.

Бу ҳақда Марказий банк ва Бош прокуратура ҳузуридаги Иқтисодий жиноятларга қарши курашиш департаменти қарор қабул қилди.

Янги тартибларга кўра:
▪️Агар жисмоний шахс тўлов ташкилоти иловасида аккаунт очмоқчи бўлса;
▪️Электрон терминал (E-POS) орқали фаолият бошламоқчи бўлса;
▪️187,5 миллион сўмдан кўп операцияни аккаунтсиз амалга оширмоқчи бўлса;
▪️Ёки мижоз ҳақидаги маълумотлар шубҳали бўлса — ташкилот мижозни текшириши шарт бўлади.

Шу билан бирга, 11,25 млн сўмдан юқори электрон пул ўтказмаларида жўнатувчи ва қабул қилувчи ҳақида тўлиқ маълумотлар кўрсатилиши мажбурий бўлади. Бунда:
▪️Жисмоний шахслар учун паспорт/ID-карта рақами, туғилган сана ва жойи;
▪️Юридик шахслар учун ташкилот номи ва СТИР илова қилинади.

Telegram I Facebook I YouTube I Live

Бош прокурор, вазир ва ҳокимга депутатлик сўрови юборилди

Тошкент вилояти, Бекобод туманида айрим фермер хўжаликлари фаолиятига оид муаммолар акс этган видеолар тарқалди.

Ҳолат юзасидан Қонунчилик палатаси депутати Муқаддас Ахмедова соҳага алоқадор бир қатор мутасаддиларга депутатлик сўровини юборди.

Улар орасида қишлоқ хўжалиги вазири И.Абдурахмонов, Тошкент вилояти ҳокими З.Мирзаев ва Бош прокурор Н.Йўлдошев ҳам бор.

Энди мутасаддилар 10 кун ичида жавоб қайтариши керак.

Telegram I Facebook I YouTube I Live

Боғчада тарбиячи болаларга нисбатан қўпол муносабатда бўлди

Жорий йилнинг 3 апрель куни ижтимоий тармоқларда Тошкент вилоятида жойлашган мактабгача таълим муассасасида тарбиячи тарбияланувчи болаларга нисбатан қўпол муносабатда бўлган видеолавҳа тарқалди. Бу ҳақда Тошкент вилояти мактабгача ва мактаб таълими бошқармаси матбуот хизмати хабар берди.

"Ҳолат Нурафшон шаҳридаги оилавий нодавлат мактабгача таълим ташкилотида 2 апрель куни содир бўлгани аниқланган. Шундан сўнг, Мактабгача ва мактаб таълими бўлими томонидан масъуллардан иборат ишчи гуруҳ тузилиб, муассасада ўрганиш ишлари олиб борилган.

Насиба Исаева 3 апрель куни тарбиячи М.М билан тузган шартномани бекор қилиб, уни ишдан четлатган.
Айни пайтда ҳолат бўйича шаҳар ИИБ томонидан суриштирув ишлари ҳам олиб борилмоқда", дейилади бошқарма хабарида.

Telegram I Facebook I YouTube I Live

Шавкат Мирзиёевнинг “Марказий Осиё – Европа Иттифоқи” биринчи саммитида нутқ сўзлади

Самарқандда «Марказий Осиё — Европа Иттифоқи» биринчи саммити бўлиб ўтди.

👉 https://effect.uz/6322

Telegram I Facebook I YouTube I Live

Пойтахтнинг марказий кўчаларида 4 апрель кунидан 9 апрель кунига қадар юк транспорт воситаларининг ҳаракати тўлиқ чекланади

"Евроиттифоқ ва Марказий Осиё давлатлари, жумладан, Ўзбекистон билан “янги стратегик шериклик даври” бошланди" — Еврокомиссия раҳбари

"Биз, европаликлар, сизнинг минг йиллик тарихингиздаги янги даврда сизлар билан бирга бўлишни истаймиз" —дея таъкидлади Урсула фон дер Ляйен Самарқанд саммитидаги нутқида.

Бундан ташқари, Урсула фон дер Ляйен Европа Иттифоқининг Марказий Осиё мамлакатлари билан ҳамкорлиги учун тўрт устувор йўналишни қайд этди:

— Транспорт йўлаклари — ЕИ Транскаспий транспорт йўлакларини, хусусан, Ўзбекистон орқали ўтувчи йўлларни қўллаб-қувватлайди;

— Муҳим хом ашё — ЕИ Марказий Осиёдан фойдали қазилмаларни сотиб олиш, қайта ишлаш, мутахассислар тайёрлаш лойиҳаларига сармоя киритади;

— Яшил энергетика — ЕИ тоза энергия, шу жумладан шамол, қуёш ва гидроенергетика соҳасидаги лойиҳаларни молиялаштиради;

— Глобал рақамли инфратузилма — Евроиттифоқ Марказий Осиёда мустақил интернет тармоқларини яратиш, хусусан, сунъий йўлдош интернетини жорий этиш орқали рақамли суверенитетни қўллаб-қувватлашни истайди.

Telegram I Facebook I YouTube I Live

Европага хомашё, нефть-газ маҳсулотларини етказиб беришни таклиф қиламиз — Сердар Бердимуҳаммедов

Самарқандда бошланган Европа иттифоқи — Марказий Осиё саммитида Туркманистон президенти Сердар Бердимуҳаммедов нутқ сўзлади.

«Туркманистон ўзининг нейтрал статусидан келиб чиқиб ишлашга тайёр. Туркманистон янги хавфларга қарши биргаликда курашишга ўтишни таклиф қилади. Булар — ахборот ва киберҳужумлар, биологик хавфсизлик масалалари.

Европага хомашё, нефть-газ маҳсулотларини етказиб беришни таклиф қиламиз. Қайта тикланувчи энергетика ва унинг имкониятлари бўйича диалог бошлаш тарафдоримиз. Туркманистон электр ишлаб чиқаришни ошириш ва уни Европага етказиб беришга тайёр.

Марказий Осиёда Европага таклиф қилса бўладиган кўп нарсалар бор. Савдо-иқтисодий ҳамкорлик ҳозир унинг эффективлиги нуқтаи-назаридан жиддий кўриб чиқилиши керак бўлган соҳа», деди Сердар Бердимуҳаммедов

Telegram I Facebook I YouTube I Live

Мирзиёев ҳар йили “Марказий Осиёнинг яшил белбоғи” минтақавий акциясини ўтказиш таклифини илгари сурди

Халқаро форумда Марказий Осиё давлатлари раҳбарлари ва Европа Иттифоқи етакчилари иштирок этмоқда.

– Иқлим ўзгариши муаммолари озиқ-овқат ва энергия хавфсизлиги билан чамбарчас боғлиқдир. Минтақа аҳолиси 25 йилдан сўнг 100 миллион кишидан ортиши кутилаётган бир вақтда унумли ерлар тез суръатлар билан қисқариб бормоқда.

Бугунги кунда минтақадаги умумий ер майдонининг 20 фоиздан ортиғи деградацияга учраган. Чорак асрдан кейин ҳосилдорлик учдан бир қисмга камайиб кетиши мумкин.

Шу муносабат билан, ўрмон хўжалиги ва аграр соҳанинг мослашувчанлигини ошириш, шунингдек, “Уфқ – Европа” дастури доирасида озиқ-овқат хавфсизлигини мустаҳкамлаш учун илмий салоҳиятимизни бирлаштириш ҳаётий муҳим масала, деб ҳисоблайман, – деди Шавкат Мирзиёев.

Ўзбекистон етакчиси ўз чиқишида ҳар йили Наврўз байрами арафасида дарахт экиш бўйича “Марказий Осиёнинг яшил белбоғи” минтақавий акциясини ўтказишни таклиф этди.

– Аминманки, унинг ташкил этилиши бизнинг эзгу анъанамизга ва табиий офатларга қарши курашдаги бирлигимиз тимсолига айланади, – деди давлат раҳбари.

Telegram I Facebook I YouTube I Live