Сентобда миллатлараро дўстлик ва ҳамжиҳатликни мустаҳкамлаш тантаналари (фотогалерея)

Навоий вилояти Нурота тумани Каттасой ва Сентоб маҳаллаларида "Дўстлик ва ҳамжиҳатлик улуғланган юрт" шиори остида миллатлараро дўстлик ва ҳамжиҳатликни мустаҳкамлашга қаратилган маънавий-маърифий ва маданий тадбир бўлиб ўтди. Бу ҳақда вилоят ҳокимлиги ахборот хизмати хабар берди.

Тадбирларда вилоят ҳокими Нормат Турсунов иштирок этиб, йиғилганларни қўшалоқ байрам билан муборакбод этди.

Маҳалла ҳудудида турли миллат вакиллари иштирокида “Дўстлик боғлари" ташкил этилди. Сумалак ва ҳалимлар тайёрланиб, ош дамланди.

Амалий санъат ва ҳунармандчилик буюмлари кўргазмалари, шунингдек “Жонли устахона” форматида гиламдўзлик, заргарлик, кулолчилик ва ёғоч ўймакорлиги каби ҳунармандчилик намойиши, миллий ўйинлар (“Оқ теракми – кўк терак”, “Куч синаш”, “Арқон тортиш”, “Чиллак”, “Юртим полвонлари” кабилар) ва дорбозлар намойиши, “Варраклар сайли”, спорт мусобақалари ташкиллаштирилди.

Тадбирдан “Адабий кўприк” композицияси остида ўз ижодкорларимиз ва қўшни давлатларнинг буюк аждодлари адабий меросларини акс эттирувчи китоблар кўргазмаси, мутафаккирлар, ёзувчи ва шоирларининг дўстлик ва ҳамжиҳатлик ҳақидаги асарлари бўйича китобхонлик танлови, ёшлар ўртасида дўстлик ва ҳамжиҳатликни, тинчликни мустаҳкамлашга қаратилган расм чизиш танлови, “Меҳр-оқибат дастурхони” шиори остида турли миллатларнинг миллий таомлари кўргазмалари, “Либосларда жилоланган қадрият” шиори остида турли миллат вакиллари томонидан миллий либослар намойиши ҳам ўрин олди.

Шунингдек, тадбир доирасида “Наврўз учун 10 000 табассум” хайрия акцияси ўтказилиб, етим болалар, ногиронлиги бор инсонлар ва кам таъминланган, ижтимоий ҳимояга муҳтож оилаларга совғалар ва илиқ сўзлар етказилди.

Карнай ва сурнай, доирачилар чорловлари остида бошланган тадбирлар, концерт дастурларига уланиб кетди.Театр вакиллари томонидан Ўзбекистонда ва қўшни давлатларда етишиб чиққан буюк алломаларининг сиймоси гавдалантирилган саҳна кўринишлари йиғилганлар эътиборига намойиш этилди. Турли миллатлар вакилларининг фольклор-этнографик ансамблларининг бадиий чиқишлари, рақс ва ашула, миллий мақом, халқ оғзаки ижодиёти асарлари ва лапарлар, айтишувлар ҳам четда қолмади.

Telegram I Facebook I YouTube I Live

Шавкат Мирзиёевнинг Тожикистонга амалий ташрифи якунланди

Ўзбекистон Республикаси президенти Шавкат Мирзиёев, Тожикистон Республикаси президенти Имомали Раҳмон ва Қирғиз Республикаси президенти Садир Жапаров уч мамлакат маданият ва санъат усталарининг концертида қатнашди.

Давлатимиз раҳбари ўз сўзида биродар халқларни баҳорий янгиланиш байрами Наврўз ва муборак Рамазон ҳайити билан чин дилдан қутлади.

- Бугун халқларимиз учун ҳақиқатан ҳам катта ва узоқ кутилган байрам. Биз уч давлат чегараларининг туташ нуқтаси ҳақидаги тарихий шартномани имзоладик. Бундан буён чегаралар – биродарлик чизиқлари, янги имкониятлар, бунёдкорлик ва ҳамкорлик маконидир, -

деди президент.

Музокараларда ишбилармонлик ва маданий алмашинувлар учун қулай шароитлар яратиш, тўғридан-тўғри парвозлар сонини кўпайтириш, чегараолди ҳудудлардаги шаҳарлар ўртасида янги автобус йўналишларини йўлга қўйиш бўйича келишувларга эришилгани қайд этилди.

Маданий тадбирлар, ижодий фестиваллар, ёшлар форумлари, спорт мусобақаларини мунтазам ўтказиб боришга алоҳида эътибор қаратилди.
-

Санъат чегара билмайди, унинг буюк вазифаси одамларни бирлаштириш. Уч мамлакатнинг истеъдодли санъат усталари ижросидаги бугунги концерт ҳам маданиятларимизнинг бойлиги, ранг-баранглиги ва муштараклигини яна бир бор намойиш этади, -

деди сўзининг якунида Ўзбекистон президенти.

Шу билан Ўзбекистон президентининг Тожикистонга амалий ташрифи якунланди.

Аэропортда Шавкат Мирзиёевни Тожикистон президенти кузатиб қўйди. давлат раҳбари Тошкентга жўнаб кетди.

Telegram I Facebook I YouTube I Live